Hibru 13:3 - Maaron Saveeŋ Tooni Patabuyaaŋ Tuam

³ Ve matamim iŋgal Maaron tamtamon tooni tau tileep ila ruum to yavyavuuŋ loolo. Agham ŋgar imin ta yam alepleep tomani zi ta sewe. Ve matamim iŋgal yes tau tamtamon tigham saghatin zi. Agham ŋgar pa pataŋani toozi tawe imin yavyavuuŋ igham gham paam, ve auul zi. Mt 25:36; Ro 12:15; 1Kor 12:26; Hib 10:34

Mutu (Oov)

³ Ve matamim iŋgal Maaron tamtoghon toni to tineep ila ruum to yabyabuuŋ lolo. Agham ŋgar inimale yam anepneep toman di tonowe. Ve matamim iŋgal yes to tamtoghon tigham samin di. Agham ŋgar pa pataŋani todi tonowen inimale yabyabuuŋ igham gham paam, ve auul di. Mt 25:36; Ro 12:15; 1Kor 12:26; Hib 10:34

Hibru 13:3 Iomraidhean Croise

Matayu 25:36

Ve nambool pa nonoghiiŋa, yam agham leg nonoghiiŋa to nanonogh ghau pani. Ve namorooŋ, yam alam aŋgin ghau. Ve saawe tau tighur ghau naloŋ nala ruum to yavyavuuŋ, yam alam agig ghau.’ Hib 10:34, 13:3

Matayu 25:43

Ve naleep namin loom, yam agham ghau nalat ruum tsiam mako. Ve nambool pa nonoghiiŋa, yam agham leg nonoghiiŋa mako. Ve saawe tau namorooŋ, ma naleep ila ruum to yavyavuuŋ loolo, yam alam aŋgin ghau mako.’

Uraat To Yes Mbaŋooŋa 24:23

Ra isaav pa daaba to yes zaaba ighe ighur Paulus iloŋ ila ruum to yavyavuuŋ, ve iŋgin poghania. Eemon ighur pataŋani pani sov, ve ipuli ilaagh ve ileep sorok ila ruum to yavyavuuŋ loolo. Ve isaav ighe Paulus zeetŋa tilam to tiuule pa le aniiŋ ma gabua siriv, na iŋgalsekin zi sov. Mt 25:36; Mbaŋ 27:3; Hib 10:24

Uraat To Yes Mbaŋooŋa 27:3

Mboŋ le nughizau, ve nighau nila nilooŋ nugh Sidon. Yulius igham poghania Paulus, ve ipuli ila igig zeetŋa siriv tau tileep izi ta sewe. Leso tiuule pa le aniiŋ ve gabua siriv. Mt 25:36; Mbaŋ 24:23, 28:16; Hib 10:24

Rau Tau Paulus Iboode Pa Yes Roma Rom--Romans 12:15

Yes tau tintinizi na, yam ala tintinmim tomani zi. Ve yes tau lezi pataŋani ve titaŋ na, yam ala ataŋ tomani zi.

1 Korin 12:26

Iit tawatagh: Isaav ighe anoŋaan gabuaaŋa eta iyamaan yavyavuuŋ, ene pale anoŋaan isov iyamaan yavyavuuŋ. Ve ighe tipait anoŋaan gabuaaŋa eta, ene pale anoŋaan gabuaaŋa tisov lolozi poia ve tintinizi.

Epesus 4:1

Yau naleep ila ruum to yavyavuuŋ loolo pasaa, namin Tiina toit Yesu le, ve naghamgham uraat tooni. Yau naghe napalot gham tauvene: Maaron igham poghani gham, ve ipoi gham gha amin i le wa. Tauvene laghooŋ tsiam, yam aat ataghon ŋgar poia tau iduduuŋ pa poiŋ tooni tawe. Yam aat ataghon ŋgar tauvene: Ep 3:1; Pil 1:27; 1Tes 2:12

Kolosi 4:18

Yau Paulus, taug nabood aaz poia tsiau tane. Lolomim iveegh payau sov. Pa aazne naleep ila ruum to yavyavuuŋ loolo ve tikau ghau pa sen. 1Kor 16:21; 2Tes 3:17 Poia to Maaron igheen tomani gham. Onoon.

Hibru 10:34

Ve saawe tau tikis zeetmimŋa siriv ve tighur zi tiloŋ tila ruum to yavyavuuŋ, ene paam, lolomim isaghatin zi ve auul zi. Ve saawe tau tamtamon tilat gha tiyauur gabua tsiam imin lezi na, lolomim poia mon. Pasaa, awatagh aghe: Yam lemim gabua poia tau iliiv kat pa gabua tsiam tau tiyau zi na. Gabua tawe, ene gabua tauu, ve igheen le alok. Mt 6:20, 25:36; Hib 13:3; 1Pe 1:4+

Hibru 11:37

Ve siriv, tirav zi pa maet. Siriv, tighorot zi pa so timin sirivu ru. Ve siriv, tirav zi pa mbuzaagh gha timaat. Tamtamon siriv tileep saghat. Mbolaaŋ igham zi, ve lezi nonoghiiŋa poia eta mako. Tinonogh zi pa sipsip ma mekmek uuli mon. Ve tamtamon tigham saghatin zi, ve tighur pataŋani naol pazi. 1King 21:13; 2Sto 24:21; Mbaŋ 7:58, 14:19

1 Petrus 3:8

Aiyo, nasavia saveeŋ tane, ve isov. Yam asov alup lolomim ve ŋgar tsiam imin eemon. Isaav ighe tamtamon eta loolo ipataŋan, na lolomim ipataŋan tomania. Ve ighe loolo poia, na lolomim poia tomania. Lolomim pa toŋvetaz tsiam to Krisi ve agham poghani zi. Ve lolomim isaghatin tamtamon ve auul zi. Ve agham pa ezamim sov. Yam aat atatan taumim. Lu 6:36; Ro 12:10,16; Pil 2:2+