Hibru 1:8 - Maaron Saveeŋ Tooni Patabuyaaŋ Tuam

⁸ Eemon i isavia Naatu ighe: “Maaron, pooz tsio irau isov ne mako. Uleep ila niam to ghamuuŋ pooz irau saawe. Ve ilaal to pooz tsio, ene ŋgar duduuŋa.

Mutu (Oov)

⁸ Eemoghon ye isavia Natu ighaze: “Maaron, pooz tiom irau isob ne maau. Uneep ila inam to ghamuuŋ pooz itaghoni taghoni gha ila. Ŋgar deŋia to inim ghilalooŋ pa pooz tiom.

Hibru 1:8 Iomraidhean Croise

Matayu 1:23

“Aghita. Livaa mbiu ee pale aapo, ve ipoop naatu tamoot. Pale tiwaat eeza Imanuel.” Is 7:14

Lukas 1:75

ve tataghon ŋgar tau patabuyaaŋ ve iduduuŋ mon ila i maata, le irau saawe toit to taan isov.” Ep 4:24; Tit 2:12; 1Pe 1:15

Yoan 10:30

Yau ve Tamaŋ, yeiru eemon.” Yo 1:1, 17:11,21+

Yoan 10:33

Yes tiyol aliiŋa tighe: “Yei nighe nirav ghom umaat pa uraat popoia tau ughamgham zi na mako. Nighe nirav ghom umaat pasaa, yo tamtamon sorok to taan. Eemon upakur taum ughe yamru Maaron raratemim. Tauvene yo uvelegh Maaron ve uvaghamunia eeza.” Wkp 24:16; Mt 26:65; Yo 5:18

Yoan 20:28

Tomas iyol aliiŋa ighe: “Yo Tiina tsiau, ve Maaron tsiau!”

Rau Tau Paulus Iboode Pa Yes Roma Rom--Romans 9:5

Yes tivot ila to timbuzŋa Abaram, Isak, ve Yakop. Ve siŋ toozi tawe iseeŋga ilam ilam le aazne Krisi ivot ila toozi. Krisi, i Maaron, ve gabua naol isov tileep ila i saamba. Tauvene iit aat tapait eeza irau saawe. Onoon. Mt 1:1+; Yo 1:1; Ro 1:3+, 11:28

1 Korin 15:25

Pasaa, Krisi aat igham pooz itaghon Maaron ŋgar tooni le irau itatan koiŋa ve tapirizi isov kat, ve ivaghaaz zi ila aaghe saamba. Mbo 110:1; Mt 22:44; Hib 1:13

1 Timoti 3:16

Ŋgar to Maaron tau iit tataghoni, muuŋ iyooŋ. Ve aazne, ivot ighazooŋ wa. Ŋgar tana, eval tiina tiyok tighe ene puughu tiina kat. Pasaa, isavia Krisi tauvene: I ivot izi taan, ve imin tamtamon raraate imin iit. Saawe tau Maaron Avuvu ipaburigini pa mateegh, ene itotoia ighe i ŋeer duduuŋa. Yes aŋela tighita. Tamtamon tivotia vaaru irau nugh nugh tau Yuda mako na. Ve tamtamon tau tileep irau taan ne, tighur ila tooni. Taama Maaron ighamu imuul izala pa sambam, ve ipaghazoŋaini ighe i eeza tiina. Yo 1:14; Mbaŋ 1:9; Ro 1:4; Ep 1:20, 3:6

2 Petrus 1:11

Ve murei, saawe tau aloŋ ala nugh sambam, ene pale tiyaŋin payam, ve tigham gham toman lolozi poia kat. Nugh tawe, Tiina toit Yesu Krisi tau Uleeŋa toit na, pale igham pooz pani le alok.

1 Yoan 5:20

Ve iit tawatagh: Maaron Naatu izilam taan, ve ipaghazoŋai ŋgar toit, leso tawatagh katin Maaron tauu. Tauta aazne, iit taleep ila to Maaron tauu ve Naatu Yesu Krisi, ve itiŋa tavalupu ghiit tamin eemon. Yesu Krisi, i Maaron tauu. Ve i ta imin puughu pa lepoogh maata yaryaare. Yo 17:3