1 Timoti 4:4 - Maaron Saveeŋ Tooni Patabuyaaŋ Tuam

⁴ Gabua naol isov tau Maaron ighur zi na, popoiazi mon. Tauvene tazor eta sov. Tagham zi ve taghan zi toman loloon poia pa Maaron. Ro 14:14; 1Kor 10:25

Mutu (Oov)

⁴ Mbeb tisob to Maaron ighur di, popoiadi moghon. Tovenen tazurun eta malep. Tagham di ve taghan di toman lolood poia pa Maaron. Ro 14:14; 1Kor 10:25

1 Timoti 4:4 Iomraidhean Croise

Uraat To Yes Mbaŋooŋa 10:15

Ra saveeŋ ilam pani muul ighe: “Gabua tau Maaron ighamu iŋgalaaŋ wa, yo ughe saghati sov.” Mk 7:14+; Ro 14:14+,20; 1Tim 4:3+

Uraat To Yes Mbaŋooŋa 15:29

Aniiŋ tau tipakur maaron karomŋa pani na, aghani sov. Ve aghun gabua siŋizi sov. Ve aghur boog sov. Ve aghan gabua mizazi tau siŋ ighengheen ila na sov. Isaav ighe aleep soghan pa ŋgar tauvene, ene aat ataghon ŋgar poia. Saveeŋ tsiei ilam imuul ta sene. Yam aleep toman lolomim poia.” Syg 2:14,20

Uraat To Yes Mbaŋooŋa 21:25

“Ve nugh nugh tau Yuda mako ve tighur ila to Tiina toit na, yei niyambaar rau ila pazi wa. Rau tawe, nipaesia saveeŋ tau lupuuŋ toit imbua na. Nighe: Aniiŋ tau tipakur maaron karomŋa pani na, tighani sov. Ve tighun ŋgai siiŋi sov. Ve gabua tau ighe tipuleel luua gha imaat, ene paam tighani sov. Ve tighur boog sov.” Mbaŋ 15:29

Rau Tau Paulus Iboode Pa Yes Roma Rom--Romans 14:14

Pasaa, Tiina toit Yesu ipaghazoŋai ŋgar tsiau le nawatagh kat tauvene: Gabua naol isov tau taghanghan zi na, tisov tiŋgalaaŋ ila Maaron maata. Eta saghati mako. Eemon isaav ighe tamtamon eta igham ŋgar ighe gabua eta iŋgalaaŋ ila Maaron maata mako, na iyamaan ghi. Pa ighe ighan gabua tana, ene i igham sosor. Mk 7:14+; Mbaŋ 10:15; Tit 1:15

Rau Tau Paulus Iboode Pa Yes Roma Rom--Romans 14:20

Tauvene yam avazorai gham pa gabua to ghaniiŋ sov. Pa aat avaghamunia uraat to Maaron. Onoon, gabua naol isov tiŋgalaaŋ ila Maaron maata, ve poia to taghan zi. Eemon isaav ighe tamtamon eta ighan gabua eta, ve igham iitete itap pa ghuruuŋ ila tooni, ene i igham ŋgar saghati. Ro 14:14+; 1Kor 8:9,13

Rau Tau Paulus Iboode Pa Yes Roma Rom--Romans 14:6

Yes tau tipatab pa saawe eta na, tighamgham tauvene to tipakur Ŋeer Tiina. Ve yes tau tighanghan gabua naol isov na, yes paam tipakur Ŋeer Tiina. Pasaa, saawe tau tighan, yes lolozi poia pani, ve tipaiti pa gabua tau i igham pazi na. Ve yes tau tighanghan gabua siriv mako na, yes paam matazi iŋgal Maaron. Tauta tighamgham tauvene, ve tipapaiti pa poia tooni toman lolozi poia. 1Kor 10:30+; 1Tim 4:3+

1 Korin 10:23

Tsiam siriv tisaav tighe: “Yei irau nigham ŋgar naol isov. Gabua eta le ŋgalsekiiŋa mako.” Ene onoon. Eemon ŋgar isov irau iuul ghiit mako. Ve ŋgar isov irau ipalot ghiit mako. 1Kor 6:12

1 Korin 10:25

Tauvene yam aat ataghon ŋgar tane: Isaav ighe aghita gabua eta miiza igheen ila nugh to gholgholiiŋ, na aghason sov. Agholi ve aghani mon. Agham ŋgar naol sov. 1Tim 4:4

1 Korin 10:26

Pasaa, Maaron aliiŋa isaav ighe: “Taan tomania gabua tisov tau tileep ve tigheen ila, ene to Ŋeer Tiina.” Mbo 24:1

1 Korin 10:30

Isaav ighe yau naghan gabua tana toman lolog poia pa Maaron, puughu mindai ta tamtamon ite iyau aavo payau? Ro 14:6; 1Tim 4:3+

1 Timoti 4:3

Yes tiŋgalsekin tamtamon pa vaiŋ, ve ghaniiŋ aniiŋ siriv. Eemon aniiŋ ta naol ne, Maaron ighur zi. Leso iit tau taghur ila tooni ve tawatagh saveeŋ onoon na, tagham zi ve taghan zi toman loloon poia pani. Gnp 9:3; Mk 7:19; 1Kor 10:30+; Hib 13:4