1 Timoti 3:11 - Maaron Saveeŋ Tooni Patabuyaaŋ Tuam

¹¹ Yes uraata azuwazŋa tauvene paam. Irau atezi imaat ve tiŋgin tauzi poi imin yes tau lezi ŋgar pa Maaron. Leso tamtamon titandagh pazi. Ve irau lolozi ipazaagh zi rekrekia mako, ve tiŋgalŋgal saveeŋ pa zetazŋa mako. Yes irau tisasavia saveeŋ onoon mon, ve tinizi ibees pa uraat naol isov tau tighuru ila nimazi na. Tit 2:3

Mutu (Oov)

¹¹ Yes uraata ndizwadi tovene paam. Irau atedi imaat ve tiŋgin taudi pooi tinimale yes to ledi ŋgar pa Maaron. Leso tamtoghon titandag padi. Ve irau lolodi ipazaagh di rikia maau, ve tiŋgal saveeŋ pa nditadi maau. Yes irau tisavia saveeŋ onoon moghon, ve tinidi imbees pa uraat tisob to tighur di tila nimadi. Tit 2:3

1 Timoti 3:11 Iomraidhean Croise

Matayu 4:1

Murei ra, Maaron Avuvu ipaburigin Yesu gha ila ivot nugh ŋginaaŋa. Leso Ŋeer Saghati itoova. Hib 2:18, 4:15

Yoan 6:70

Tauvene Yesu iyol aliŋazi ighe: “Yam saŋavul ve ru tane, yau taug nisiigh gham amin leg. Eemon tamtamon tsiam ee, i imin Ŋeer Saghati le wa.”

Rau Tau Paulus Iboode Pa Yes Roma Rom--Romans 1:29

Lolozi ivon kat pa ŋgar sasaghati maata maata tau iduduuŋ mako. Matazi gabua, tighurghur koi pa tamtamon, lolozi ighaar kat pa gabua to zetazŋa, ve tiliŋliŋ siŋ pa tamtamon. Ve tivavazorai zi, tighamgham karom, lolozi tighe le tivaghamunia tamtamon, ve tisisinai zetazŋa. Ga 5:19+

1 Timoti 1:12

Yau lolog poia kat, ve napait Tiina toit Yesu Krisi. Pasaa, i inumeer ghau ighe yau irau naŋgin poghania uraat tooni. Tauta ighur ghau namin uraata tooni, ve ighur tapiri izaa tsiau. Mbaŋ 9:15

1 Timoti 3:2

Tamtamon tau ighe imuuŋ pa uraat to ŋginiiŋ lupuuŋ to Krisi na, laghooŋ tooni isov irau iduduuŋ mon, leso tamtamon tiyau avozi pani sov. Tauvene maata ila pa livaa ite paam sov. I aat maata kisin tauu azaawa mon. Ve irau loolo ipazaagha rekrekia mako. Isaav ighe loolo ighur pa ghamuuŋ gabua eta, i aat aate imaat ve igabiiz poi. Le isov, o ighamu. Ve vaaru isaghat sov. I aat iŋgin tauu poi, ve ighamgham yes loomba. Ve i aat le ŋgar pa uraat to paduduŋaaŋ tamtamon pa Maaron aliiŋa. Tit 1:6+

1 Timoti 6:2

Onoon, besooŋa tau ighe daaba tooni ighur ila to Krisi, ene yesuru toŋvetaz to Krisi. Eemon besooŋa tana maata izi pa daaba tooni sov. I aat itandagh pani, ve tiini ibees kat pa uraat tooni. Pasaa, i loolo igheen to daaba tooni, ve igham ŋgar ighe uraat tooni, ene iuluul ŋeer tau ighur ila to Krisi. Kol 4:1; Plm 16 Saveeŋ tsiau tane, upaduduuŋ tamtamon pani, ve avom iyaryaaŋ pazi leso titaghoni.

2 Timoti 3:3

Ve yes pale lolozi pa toŋvetaz toozi mako paam. Isaav ighe atezi yavyav, ene irau atezi izi rekia mako. Pale tikis aatyavyav toozi ariaaŋ. Ve yes pale tiŋgal saveeŋ naol pa zetazŋa. Ve irau tiŋgin tauzi poi mako. Ŋgar toozi, ene imin gabua sagsagŋa. Pasaa, lolozi isaghatin tamtamon rigta mako, ve tivaghamun zi sorok. Yes pale tighur koi pa ŋgar popoia ta naol ne,

2 Timoti 4:5

Eemon yo aat atem imaat ve ugham ŋgar poi irau saawe, uyooz ariaaŋ pa badooŋ pataŋani, ve uvotia vaaru poia pa yes tau tighur ila soone na. Tinim ibees pa uraat tau Maaron ighuru ila nimam na, ve ugham uratoini le anooŋa ivot. 2Tim 1:8, 2:3; 1Pe 1:13

Titus 2:3

Ve zolman tinazi tauvene paam. Usaav pazi leso tiroron pa Maaron, ve tibees pani poi. Ve tiŋgal saveeŋ pa zetazŋa sov, ve timin besooŋa pa yaa ariaaŋa sov. Yes aat tipaghazoŋai tamtamon pa ŋgar poia. 1Tim 2:9, 3:11; 1Pe 3:3+

Titus 3:2

Ve uŋgalsekin zi ughe tisinai tamtamon eta sov, ve tivazorai zi sov. Saawe isov, yes irau titatan tauzi, ve tigham ŋgar pa zetazŋa, ve titotoi ŋgar marowa ve ŋgar poia pa tamtamon tisov. Ep 4:2; Pil 4:5; 2Tim 2:24+

1 Petrus 5:8

Agham ŋgar poi, ve matamim izaa. Pa koiamim Ŋeer Saghati, i ilaghlaagh imin laion tau iyuryuur ve iliil tamtamon pa ghaniiŋ.