Bìoball air-loidhne

馬太福音 2:11 - 現代台語譯本羅馬字版

¹¹ In ji̍p-khì chhù-lāi, khòaⁿ-tio̍h sòe-hàn gín-á kap I ê lāu-bú Má-lī-a, chiū phak lo̍h-khì pài I, jiân-āu khui in ê pó-a̍h, chiong n̂g-kim, jú-hiuⁿ, kap bu̍t-io̍h chòe lé-mi̍h hiàn hō͘ I.

Faic an caibideil Dèan lethbhreac

現代台語譯本漢字版

¹¹ 𪜶入去厝內，看著細漢囝仔及伊的老母馬利亞，就仆落去拜伊，然後開𪜶的寶盒，將黃金、乳香，及沒藥做禮物獻互伊。

Faic an caibideil Dèan lethbhreac

dol air ais ⬆

馬太福音 2:11
33 Iomraidhean Croise

Chhòng-sè-kì 43:11

In lāu-pē Ngá-kok kā in kóng, “Nā sī án-ni, lín tio̍h tòa lán chia siōng-hó ê thó͘-sán: Chi̍t-kóa jú-hiuⁿ kap phang-bi̍t, í-ki̍p hiuⁿ-liāu, bu̍t-io̍h, khai-sim-kó, hēng-jîn, chòe lé-mi̍h, sàng hō͘ hit-ê lâng.

Faic an caibideil

列王紀上卷 10:10

Sī-pa lú-ông chiong tāi-iok sì-chheng kong-kun ê kim, chin chōe hiuⁿ-liāu, kap pó-chio̍h sàng hō͘ ông; chêng-kàu-taⁿ m̄-bat ū lâng chhin-chhiūⁿ Sī-pa lú-ông sàng hiah chōe hiuⁿ-liāu hō͘ Só͘-lô-bûn-ông.

Faic an caibideil

列王紀上卷 10:2

I chhōa chin chōe jîn-sîn lâi kàu Iâ-lō͘-sat-léng, koh ū lo̍k-tô chài hiuⁿ-liāu, chin chōe n̂g-kim kap pó-chio̍h. I kìⁿ Só͘-lô-bûn ê sî, chiū chiong sim-lāi só͘-ū ê lân-tôe kā i mn̄g.

Faic an caibideil

Si-phian 2:12

chiah bián I khí sèng-tē, hō͘ lín tī lō͘-tiong bia̍t-bông, in-ūi I ōe sûi-sî hoat siū-khì. Chhē Siōng Chú chòe pī-lān-só͘ ê lâng chin ū hok-khì!

Faic an caibideil

Si-phian 45:8

Lí ê i-ho̍k ū bu̍t-io̍h, tîm-hiuⁿ, jio̍k-kùi ê phang-bī; tùi chhiūⁿ-gê ê ông-kiong ū hiân-ga̍k hō͘ lí hoaⁿ-hí.

Faic an caibideil

Si-phian 72:10

Tha-si kap hái-tó ê lia̍t-ông lâi chìn-kòng; Sī-pa kap Se-pa ê ông lâi hiàn lé-mi̍h.

Faic an caibideil

Si-phian 72:15

Goān ông bān-sòe! Goān i chiap-siū Sī-pa chìn-kòng ê kim. Goān peh-sìⁿ sî-siông ūi i kî-tó, kui-ji̍t chiok-hok i bô-thêng.

Faic an caibideil

Si-phian 95:6

Lâi ah, lán lâi kiok-kiong kèng-pài I! Lán lâi kūi-pài chhòng-chō lán ê Siōng Chú!

Faic an caibideil

出埃及記 30:23

“Lí tio̍h chhú siōng-téng ê hiuⁿ-liāu, chiū-sī liû-chit ê bu̍t-io̍h la̍k kong-kun, phang ê jio̍k-kùi saⁿ kong-kun, phang ê chhiong-pô͘ saⁿ kong-kun,

Faic an caibideil

出埃及記 30:34

Siōng Chú tùi Mô͘-se kóng, “Lí tio̍h the̍h so͘-ha̍p-hiuⁿ, hiuⁿ-lê, pe̍k-siông-hiuⁿ chiah-ê hiuⁿ-liāu, kap sûn ê jú-hiuⁿ, ta̍k-hāng pîⁿ tāng,

Faic an caibideil

Ngá-ko 3:6

Hit-ê tùi khòng-iá lâi, hêng-chōng chhin-chhiūⁿ hé-hun ê thiāu, ēng bu̍t-io̍h, jú-hiuⁿ, kap seng-lí-lâng teh bōe ê phang-hún hō͘ i hoat-chhut phang-bī--ê sī siáⁿ-lâng?

Faic an caibideil

Í-sài-a-su 60:6

Kui tōa-tīn ê lo̍k-tô, Bí-tiân kap Í-hoat ê tan-hong lo̍k-tô lóng ōe lâi, tùi Sī-pa lâi--ê mā ōe tòa n̂g-kim kap jú-hiuⁿ; in lóng ōe siōng-chàn soan-iông Siōng Chú.

Faic an caibideil

Lī-bī-kì 6:15

I tio̍h tùi sò͘-chè mi chi̍t tōa-pé iù mī-hún, the̍h chi̍t-kóa iû kap só͘-ū ê jú-hiuⁿ, hē tī chè-tôaⁿ téng sio, tāi-piáu só͘ hiàn ê sò͘-chè, chòe phang-phang ê chè-mi̍h hiàn hō͘ Siōng Chú.

Faic an caibideil

Má-la-ki-su 1:11

Siōng Chú — Bān-kun ê Thóng-sòe koh kóng, “Choân sè-kài, tùi ji̍t chhut ê só͘-chāi kàu ji̍t lo̍h ê só͘-chāi, góa ê miâ tī bān-kok tiong siū kèng-tiōng, tī ta̍k só͘-chāi ū lâng tùi góa sio-hiuⁿ, hiàn kiat-chēng ê chè-mi̍h, in-ūi góa ê miâ tī bān-kok tiong siū kèng-tiōng.

Faic an caibideil

Bîn-sò͘-kì 7:86

cha̍p-jī ê kim-phiat-á tóe-móa hiuⁿ, chiàu sèng-só͘ ê kong-chhìn, ta̍k-ê phiat-á tāng chi̍t-pah cha̍p-sì kong-khek; kim chóng-kiōng iok chi̍t kong-kun sì-pah kong-khek;

Faic an caibideil

馬太福音 1:18

Iâ-so͘ Ki-tok chhut-sì ê keng-kè sī án-ni: I ê lāu-bú Má-lī-a í-keng kap Iok-sek tēng-hun, iáu-bē kiat-hun chiū tùi Sèng Sîn hoâi-īn.

Faic an caibideil

馬太福音 12:46

Iâ-so͘ iáu-teh tùi chèng-lâng kóng-ōe ê sî, I ê lāu-bú kap hiaⁿ-tī lâi khiā tī gōa-bīn, ài-beh kap I kóng-ōe.

Faic an caibideil

馬太福音 14:33

Chûn-téng ê lâng kūi lo̍h-khì pài I, kóng, “Lí chin-chiàⁿ sī Siōng-tè ê Kiáⁿ!”

Faic an caibideil

馬太福音 2:10

In khòaⁿ-tio̍h hit-lia̍p chhiⁿ, hui-siông hoaⁿ-hí.

Faic an caibideil

馬太福音 2:2

In mn̄g kóng, “Hit-ê chhut-sì chòe Iû-thài-lâng ê Ông--ê tī sím-mi̍h só͘-chāi? Goán ū khòaⁿ-tio̍h I ê chhiⁿ chhut-hiān, choan-kang lâi beh pài I.”

Faic an caibideil

Lō͘-ka Hok-im 2:16

In chiū kóaⁿ-kín khì, chhē-tio̍h Má-lī-a kap Iok-sek, í-ki̍p tó tī chô--ni̍h ê eⁿ-á.

Faic an caibideil

Lō͘-ka Hok-im 2:38

Tú hit-sî, i mā lâi kám-siā Siōng-tè, tùi só͘-ū teh kî-thāi Siōng-tè kiù-sio̍k Iâ-lō͘-sat-léng ê lâng kóng-khí chit-ê eⁿ-á ê sū.

Faic an caibideil

Iok-hān Hok-im 19:39

Koh í-chêng bat tī àm-sî khì kìⁿ Iâ-so͘ hit-ê Nî-ko-tek-bō͘ mā tòa iok saⁿ-cha̍p kong-kun ê bu̍t-io̍h chhiau tîm-hiuⁿ ê phang-liāu lâi.

Faic an caibideil

Khé-sī-lio̍k 19:10

Góa chiū phak tī thiⁿ-sài ê kha-chêng beh kā i pài. M̄-kú i kā góa kóng, “Choa̍t-tùi m̄-thang! Góa kap lí, í-ki̍p hiah-ê chhî-siú Iâ-so͘ kiàn-chèng ê lâng lóng pîⁿ-pîⁿ chòe po̍k-jîn; lí tio̍h pài Siōng-tè!” In-ūi Iâ-so͘ ê kiàn-chèng sī sian-ti siū kám-tōng só͘ kóng sìn-sit ê tiong-sim.

Faic an caibideil

Khé-sī-lio̍k 5:8

I the̍h--tio̍h ê sî, hit sì ê oa̍h-mi̍h kap jī-cha̍p-sì ê tiúⁿ-ló lóng phak tī Iûⁿ-ko ê bīn-chêng, ta̍k-ê ū the̍h khîm kap tóe-móa hiuⁿ ê kim-lô͘; hiuⁿ chiū-sī sìn-tô͘ ê kî-tó.

Faic an caibideil

撒母耳記上卷 10:27

M̄-kú ū chi̍t-kóa húi-lūi kóng, “Chit-ê lâng ná ōe kiù lán?” In biáu-sī Sò-lô, mā bô sàng i lé-mi̍h; Sò-lô lóng bô kóng sím-mi̍h.

Faic an caibideil

Lean sinn:

Ceanglaichean taic

Sanasan

Sanasan