Bìoball air-loidhne

撒母耳記下卷 5:2 - 現代台語譯本羅馬字版

² Khah-chá Sò-lô chòe goán ê ông ê sî, chhōa Í-sek-lia̍t khì kau-chiàn--ê sī lí; Siōng Chú mā bat kā lí kóng, ‘Lí ōe bo̍k-ióng góa ê chú-bîn Í-sek-lia̍t, mā ōe chòe Í-sek-lia̍t ê thóng-tī-chiá.’”

Faic an caibideil Dèan lethbhreac

現代台語譯本漢字版

² 較早掃羅做阮的王的時，導以色列去交戰的是你；上主嘛曾給你講：『你會牧養我的子民以色列，嘛會做以色列的統治者。』」

Faic an caibideil Dèan lethbhreac

dol air ais ⬆

撒母耳記下卷 5:2
27 Iomraidhean Croise

Chhòng-sè-kì 49:24

m̄-kú i óa-khò Ngá-kok ê Tāi-lêng-chiá, i ê keng iû-goân ân; i óa-khò Í-sek-lia̍t ê Bo̍k-chiá kap Chio̍h-pôaⁿ, i ê chhiú iáu ū-la̍t.

Faic an caibideil

撒母耳記下卷 6:21

Tāi-pi̍t kā Bí-kah kóng, “Góa sī tī Siōng Chú ê bīn-chêng án-ni chòe. I ū kéng góa, bô kéng lí ê lāu-pē á-sī i ke-lāi ê lâng, soán-li̍p góa chòe Siōng Chú ê chú-bîn Í-sek-lia̍t ê thóng-tī-chiá. Só͘-í góa ōe tī Siōng Chú bīn-chêng kè-sio̍k thiàu-bú.

Faic an caibideil

撒母耳記下卷 7:7

Góa kap Í-sek-lia̍t-lâng tâng-kiâⁿ ê sî, kiám bat tùi tó chi̍t ê Í-sek-lia̍t chi-cho̍k ê léng-siù, chiū sī bo̍k-ióng góa ê chú-bîn--ê kóng: Lín ná bô kā góa khí pek-hiuⁿ-chhâ ê tiān?’

Faic an caibideil

撒母耳記下卷 7:8

“Taⁿ lí tio̍h kā góa ê po̍k-jîn Tāi-pi̍t kóng, ‘Siōng Chú — Bān-kun ê Thóng-sòe án-ni kóng: Góa tùi bo̍k-tiûⁿ kéng-tiàu lí, hō͘ lí bô koh chhī iûⁿ, sī beh hō͘ lí chòe góa ê chú-bîn Í-sek-lia̍t ê thóng-tī-chiá.

Faic an caibideil

列王紀下卷 20:5

“Lí oa̍t tò-tńg, tùi góa chú-bîn ê ông Hi-se-ka kóng, ‘Siōng Chú — lí ê chó͘-sian Tāi-pi̍t ê Siōng-tè án-ni kóng: Góa ū thiaⁿ-tio̍h lí ê kî-tó, ū khòaⁿ-tio̍h lí ê ba̍k-sái. Khòaⁿ ah, góa beh kā lí i-hó; tē-saⁿ ji̍t, lí ōe chiūⁿ-khì Siōng Chú ê tiān.

Faic an caibideil

歷代志上卷 11:2

Khah-chá Sò-lô chòe goán ê ông ê sî, chhōa Í-sek-lia̍t khì kau-chiàn--ê sī lí; Siōng Chú — lí ê Siōng-tè mā bat kā lí kóng, ‘Lí ōe bo̍k-ióng góa ê chú-bîn Í-sek-lia̍t, mā ōe chòe góa ê chú-bîn Í-sek-lia̍t ê thóng-tī-chiá.’”

Faic an caibideil

歷代志下卷 1:10

Taⁿ kiû lí sù góa tì-hūi chhong-bêng, hō͘ góa thang léng-tō chit-ê kok-ka, tī-lí chiah-ê jîn-bîn; nā m̄-sī án-ni, siáⁿ-lâng ōe-tàng tī-lí lí chiah chōe ê jîn-bîn?”

Faic an caibideil

Í-sài-a-su 40:11

I beh chhin-chhiūⁿ bo̍k-chiá kò͘ I ê iûⁿ-kûn, beh ēng chhiú âⁿ-óa iûⁿ-á-kiáⁿ, kā in phō tī heng-chêng; I beh chhōa hiah-ê hō͘ iûⁿ-á suh-lin ê iûⁿ-bú ûn-ûn-á kiâⁿ.

Faic an caibideil

Í-sài-a-su 55:4

Góa ū chí-phài i chòe bān-kok ê kiàn-chèng-jîn, chòe bān-bîn ê léng-siù thóng-tī in.

Faic an caibideil

Í-se-kiat-su 34:23

Góa beh siat-li̍p chi̍t ê bo̍k-chiá, chiū-sī góa ê po̍k-jîn Tāi-pi̍t, lâi kā in tī-lí, kā in bo̍k-ióng.

Faic an caibideil

Bí-ka-su 5:4

I beh khò Siōng Chú ê khùi-la̍t khiā--chhut-lâi, hōng Siōng Chú — i ê Siōng-tè ê miâ ê ui-giâm, bo̍k-ióng i ê iûⁿ-kûn, hō͘ in an-jiân khiā-khí; i ōe tī choân-tōe siū chun chòe tōa.

Faic an caibideil

Bîn-sò͘-kì 27:17

tī in tiong-kan chhut-ji̍p, chhōa in kau-chiàn, hō͘ Siōng Chú ê hōe-chiòng bōe chhin-chhiūⁿ bô bo̍k-chiá ê iûⁿ-kûn.”

Faic an caibideil

馬太福音 2:6

Iû-tāi tōe-khu ê Pek-lī-hêng ah, lí tī Iû-tāi siâⁿ-chhī tiong m̄-sī siōng bî-sòe--ê; in-ūi ū chi̍t ê léng-siù ōe tùi lí hia chhut--lâi, I beh bo̍k-ióng góa ê chú-bîn Í-sek-lia̍t.”

Faic an caibideil

Iok-hān Hok-im 10:11

“Góa sī hó ê bo̍k-chiá. Hó ê bo̍k-chiá ūi-tio̍h iûⁿ pàng-sak sìⁿ-miā.

Faic an caibideil

Hi-pek-lâi-su 2:10

Hit-ūi chhòng-chō koh î-chhî bān-iú ê Siōng-tè ūi-tio̍h beh chhōa chin chōe kiáⁿ-jî chìn-ji̍p êng-kng, chiah tio̍h hō͘ chín-kiù ê khai-thok-chiá Iâ-so͘ keng-kè khó͘-lān chiâⁿ-chòe oân-choân.

Faic an caibideil

撒母耳記上卷 13:14

Taⁿ lí ê ông-ūi bōe kú-tn̂g; Siōng Chú í-keng chhē-tio̍h chi̍t ê ha̍p I sim-ì ê lâng, koat-tēng beh hō͘ i chòe I chú-bîn ê léng-siù, in-ūi lí bô chun-siú Siōng Chú ê bēng-lēng.”

Faic an caibideil

撒母耳記上卷 16:1

Siōng Chú kā Sat-bó-ní kóng, “Góa í-keng khì-sak Sò-lô, bô ài i koh choh Í-sek-lia̍t-ông, lí beh ūi-tio̍h i iu-siong jōa kú? Lí ēng iû kā kak tóe hō͘ móa, chún-pī chhut-hoat, góa beh chhe lí khì Pek-lī-hêng-lâng Iâ-se hia; góa tī i ê kiáⁿ tiong-kan í-keng kéng chi̍t ê beh choh-ông.”

Faic an caibideil

撒母耳記上卷 18:13

In-ūi án-ni, Sò-lô hō͘ Tāi-pi̍t lī-khui, phài i chí-hui chi̍t-chheng ê peng. Tāi-pi̍t chiū chòe thâu léng-tō kun-tūi.

Faic an caibideil

撒母耳記上卷 18:16

M̄-kú Í-sek-lia̍t kap Iû-tāi ê jîn-bîn lóng ióng-hō͘ Tāi-pi̍t, in-ūi i lóng chòe thâu léng-tō.

Faic an caibideil

撒母耳記上卷 18:5

Sò-lô bô-lūn phài Tāi-pi̍t khì tó-ūi, Tāi-pi̍t só͘ chòe--ê lóng sūn-lī, só͘-í Sò-lô phài i chòe pō͘-tūi ê chí-hui-koaⁿ; chèng-lâng kap Sò-lô ê koaⁿ-tiúⁿ lóng chin boán-ì.

Faic an caibideil

撒母耳記上卷 25:28

Kiû lí khoan-sià lí lú-pī ê chōe-kò. Siōng Chú it-tēng ōe kā góa ê chú kiàn-li̍p ún-kò͘ ê ông-tiâu, in-ūi góa ê chú ūi-tio̍h Siōng Chú kau-chiàn, koh lí it-seng chhē bōe chhut ū sím-mi̍h kè-sit.

Faic an caibideil

撒母耳記上卷 25:30

Chiong-lâi Siōng Chú chiàu I tùi góa ê chú ê èng-ún sêng-chiū it-chhè hó-sū, soán-li̍p lí chòe Í-sek-lia̍t ê léng-siù ê sî,

Faic an caibideil

撒母耳記上卷 9:16

“Bîn-á-chài chit-ê sî-chūn, góa beh chhe chi̍t ê lâng tùi Piān-ngá-bín tōe-khu lâi lí chia; lí tio̍h kā i boah-iû, siat-li̍p i chòe góa ê chú-bîn Í-sek-lia̍t ê thóng-tī-chiá; i ōe kiù góa ê chú-bîn thoat-lī Hui-lī-sū-lâng ê chhiú. Góa ū khòaⁿ-tio̍h góa ê chú-bîn ê khùn-khó͘, thiaⁿ-tio̍h in ai-kiû ê siaⁿ.”

Faic an caibideil

Lean sinn:

Ceanglaichean taic

Sanasan

Sanasan