Bìoball air-loidhne

撒母耳記下卷 2:1 - 現代台語譯本羅馬字版

¹ Āu-lâi, Tāi-pi̍t mn̄g Siōng Chú kóng, “Góa chiūⁿ-khì Iû-tāi ê chi̍t ê siâⁿ hó--bô?” Siōng Chú kā i kóng, “Hó, thang khì.” Tāi-pi̍t kóng, “Góa tio̍h chiūⁿ-khì tó chi̍t ê siâⁿ?” Siōng Chú kóng, “Khì Hi-pek-lûn.”

Faic an caibideil Dèan lethbhreac

現代台語譯本漢字版

¹ 後來，大闢問上主講：「我上去猶大的一個城好無？」上主給伊講：「好，通去。」大闢講：「我著上去叨一個城？」上主講：「去希伯崙。」

Faic an caibideil Dèan lethbhreac

dol air ais ⬆

撒母耳記下卷 2:1
26 Iomraidhean Croise

Chhòng-sè-kì 13:18

A-pek-lân chiū chhian-sóa khì Hi-pek-lûn, kàu óa-kūn Bān-lī hiah-ê siōng-chhiū ê só͘-chāi khiā-khí; tī hia i ūi-tio̍h Siōng Chú khí chi̍t chō chè-tôaⁿ.

Faic an caibideil

Chhòng-sè-kì 32:2

Ngá-kok khòaⁿ-tio̍h in, chiū kóng, “Chia sī Siōng-tè ê iâⁿ-tōe.” I chiū kā hit-ê só͘-chāi kiò-chòe Má-hap-liām.

Faic an caibideil

撒母耳記下卷 15:7

Sì nî āu, Ap-sa-liông tùi ông kóng, “Kiû lí chún góa khì Hi-pek-lûn, hō͘ góa thang tùi Siōng Chú siā-goān.

Faic an caibideil

撒母耳記下卷 2:11

Tāi-pi̍t tī Hi-pek-lûn chòe Iû-tāi-ke ê ông, chóng-kiōng chhit nî la̍k kò-ge̍h.

Faic an caibideil

撒母耳記下卷 5:19

Tāi-pi̍t mn̄g Siōng Chú kóng, “Góa kiám thang chìn-kong Hui-lī-sū-lâng? Lí kiám beh chiong in kau tī góa ê chhiú?” Siōng Chú kā Tāi-pi̍t kóng, “Lí khì, góa it-tēng ōe chiong Hui-lī-sū-lâng kau tī lí ê chhiú.”

Faic an caibideil

撒母耳記下卷 5:23

Tāi-pi̍t mn̄g Siōng Chú. Siōng Chú kóng, “M̄-thang chiàⁿ-bīn chìn-kong, tio̍h se̍h-khì in ê āu-bīn, tī sng-châi-chhiū-nâ ê thâu-chêng kā in kong-kek.

Faic an caibideil

列王紀上卷 2:11

Tāi-pi̍t choh-ông thóng-tī Í-sek-lia̍t kiōng sì-cha̍p nî: tī Hi-pek-lûn chhit nî, tī Iâ-lō͘-sat-léng saⁿ-cha̍p-saⁿ nî.

Faic an caibideil

歷代志上卷 29:7

In ūi-tio̍h Siōng-tè sèng-tiān ê kang-thêng, hōng-hiàn kim chi̍t-pah chhit-cha̍p gōa kong-tùn, gûn saⁿ-pah sì-cha̍p gōa kong-tùn, tâng iok la̍k-pah jī-cha̍p kong-tùn, kap thih saⁿ-chheng sì-pah kong-tùn.

Faic an caibideil

歷代志下卷 11:10

Só-la, A-ngá-lûn, kap Hi-pek-lûn; chiah-ê lóng sī Iû-tāi kap Piān-ngá-bín kian-kò͘ ê siâⁿ.

Faic an caibideil

Si-phian 143:8

Kiû lí hō͘ góa chá-khí-sî thiaⁿ-kìⁿ lí chû-ài ê siaⁿ, in-ūi góa óa-khò lí. Kiû lí hō͘ góa chai eng-kai kiâⁿ ê lō͘, in-ūi góa ê sim gióng-bōng lí.

Faic an caibideil

Si-phian 27:4

Góa tùi Siōng Chú kiû chi̍t hāng tāi-chì, chí-ū tùi I kiû chit-hāng: Hō͘ góa chi̍t-sì-lâng tiàm tī Siōng Chú ê chhù, tī sèng-tiān gióng-bōng I ê êng-kng, chhē-kiû I ê chí-sī.

Faic an caibideil

Í-se-kiat-su 36:37

“Chì-koân ê Siōng Chú án-ni kóng, ‘Góa beh koh hôe-èng Í-sek-lia̍t-lâng tùi góa ê khún-kiû, hō͘ in ê jîn-kháu chhin-chhiūⁿ iûⁿ-kûn hiah-ni̍h chōe.

Faic an caibideil

Bîn-sò͘-kì 13:22

In koh tùi Nî-kek-hu chiūⁿ-khì Hi-pek-lûn; chit-ê siâⁿ pí Ai-ki̍p ê Só-an-siâⁿ khah chá chhit nî khí-chō, ū A-la̍p-cho̍k ê A-hi-bān-lâng, Sī-su-lâng, Ta̍t-mái-lâng tòa tī hia.

Faic an caibideil

Bîn-sò͘-kì 27:21

I tio̍h khiā tī chè-si Í-lī-a-sat ê bīn-chêng, chhiáⁿ Í-lī-a-sat ēng O͘-lêng ǹg Siōng Chú chhéng-sī; i kap Í-sek-lia̍t choân-thé hōe-chiòng tio̍h chiàu Í-lī-a-sat ê chí-sī chhut-ji̍p kau-chiàn.”

Faic an caibideil

Iok-su-a-kì 15:13

Iok-su-a chiàu Siōng Chú ê bēng-lēng, chiong Iû-tāi chi-cho̍k tiong chi̍t hūn ê thó͘-tōe, chiū-sī Ki-lia̍t A-pa, hō͘ Iâ-hu-nî ê kiáⁿ Ka-le̍k chòe ke-gia̍p; Ki-lia̍t A-pa chiū-sī Hi-pek-lûn. (A-pa sī A-la̍p-cho̍k ê chó͘-sian.)

Faic an caibideil

Sū-su-kì 1:1

Iok-su-a sí liáu-āu, Í-sek-lia̍t-lâng chhéng-būn Siōng Chú, kóng, “Goán tó chi̍t ê chi-cho̍k tio̍h tāi-seng khì kong-táⁿ Ka-lâm-lâng?”

Faic an caibideil

撒母耳記上卷 10:22

In chiū koh mn̄g Siōng Chú, “Hit-ê lâng ū lâi chia--bô?” Siōng Chú kóng, “I bih tī hit-tui hêng-lí lāi-bīn.”

Faic an caibideil

撒母耳記上卷 23:2

Tāi-pi̍t mn̄g Siōng Chú, “Góa lâi-khì kong-kek hiah-ê Hui-lī-sū-lâng hó--bô?” Siōng Chú kā Tāi-pi̍t kóng, “Lí khì phah Hui-lī-sū-lâng, kái-kiù Ki-i-la.”

Faic an caibideil

撒母耳記上卷 23:4

Tāi-pi̍t koh mn̄g Siōng Chú; Siōng Chú ìn kóng, “Lí khì, lo̍h-khì Ki-i-la, in-ūi góa beh chiong Hui-lī-sū-lâng kau tī lí ê chhiú.”

Faic an caibideil

撒母耳記上卷 30:31

Hi-pek-lûn, í-ki̍p Tāi-pi̍t kap i ê pō͘-hā pêng-siông ū teh óng-lâi ê só͘-chāi ê tiúⁿ-ló.

Faic an caibideil

Lean sinn:

Ceanglaichean taic

Sanasan

Sanasan