Bìoball air-loidhne

撒母耳記上卷 7:3 - 現代台語譯本羅馬字版

³ Sat-bó-ní tùi Í-sek-lia̍t choân-ke kóng, “Lín nā beh choan-sim kui-sūn Siōng Chú, tio̍h tùi lín tiong-kan tû-khì gōa-cho̍k ê sîn-bêng kap A-su-tha-lio̍k lú-sîn, kian-koat kui-ǹg Siōng Chú, chí-ū ho̍k-sāi I, I ōe kiù lín thoat-lī Hui-lī-sū-lâng ê chhiú.”

Faic an caibideil Dèan lethbhreac

現代台語譯本漢字版

³ 撒母耳對以色列全家講：「恁若欲專心歸順上主，著對恁中間除去外族的神明及亞斯她錄女神，堅決歸向上主，只有服事伊，伊會救恁脫離非利士人的手。」

Faic an caibideil Dèan lethbhreac

dol air ais ⬆

撒母耳記上卷 7:3
40 Iomraidhean Croise

Chhòng-sè-kì 35:2

Ngá-kok chiū kā ke-lāi ê lâng í-ki̍p só͘-ū kun-tè i ê lâng kóng, “Lín tio̍h chiong lín tiong-kan gōa-pang ê sîn-bêng tû-tiāu, mā tio̍h kiat-chēng ka-kī, ōaⁿ-saⁿ.

Faic an caibideil

列王紀上卷 11:33

In-ūi in khì-sak góa, khì pài Se-tùn-lâng ê sîn-bêng A-su-tha-lio̍k, Mô͘-ap ê sîn-bêng Ki-boat, kap A-bûn-lâng ê sîn-bêng Mô͘-lo̍k, bô chhin-chhiūⁿ i ê lāu-pē Tāi-pi̍t kiâⁿ góa ê tō-lō͘, chòe góa khòaⁿ-chòe chèng-ti̍t ê sū, siú góa ê kui-lē kap bēng-lēng.

Faic an caibideil

列王紀上卷 8:48

In nā tī tùi-te̍k lia̍h in khì ê tōe, choân-sim choân-ì kui-sūn lí, koh ǹg lí siúⁿ-sù in lia̍t-chó͘ ê tōe, kap lí só͘ kéng-soán ê siâⁿ, í-ki̍p góa hōng lí ê miâ khí ê tiān, tùi lí kî-tó,

Faic an caibideil

列王紀下卷 17:39

Chí-ū tio̍h kèng-ùi Siōng Chú — lín ê Siōng-tè, I chiū ōe kiù lín thoat-lī lín it-chhè tùi-te̍k ê chhiú.”

Faic an caibideil

列王紀下卷 23:15

Iok-se-a húi-hoāi Pek-te̍k-lī ê chè-tôaⁿ, chiū-sī Nî-pat ê kiáⁿ Iâ-lô-pho-an só͘ khí, hō͘ Í-sek-lia̍t hoān-chōe ê soaⁿ-thâu-tôaⁿ, kā chè-tôaⁿ kap soaⁿ-thâu-tôaⁿ kòng kah chhùi-chhùi, koh sio A-sià-la thiāu-siōng.

Faic an caibideil

歷代志上卷 22:19

Taⁿ lín tio̍h choân-sim choân-chêng chhē-kiû Siōng Chú — lín ê Siōng-tè, koh tio̍h khí-lâi khí-chō Chú Siōng-tè ê sèng-só͘, thang chiong Siōng Chú ê iok-kūi kap Siōng-tè sèng ê khì-khū, poaⁿ-ji̍p hōng Siōng Chú ê miâ beh khí-chō ê sèng-tiān.”

Faic an caibideil

歷代志上卷 28:9

Tāi-pi̍t tùi Só͘-lô-bûn kóng, “Góa ê kiáⁿ Só͘-lô-bûn, lí tio̍h jīn-bat lí ê lāu-pē ê Siōng-tè, choân-sim hoaⁿ-hí ho̍k-sāi I; in-ūi Siōng Chú kàm-chhat ta̍k-ê lâng ê sim, chai in ê sim-su ì-liām. Lí nā chhē-kiû I, I ōe hō͘ lí chhē--tio̍h; lí nā pàng-sak I, I ōe éng-oán khì-sak lí.

Faic an caibideil

歷代志下卷 19:3

M̄-kú lí iáu ū hó ê piáu-hiān; lí ū tùi chit-ê kok-ka hòe-tû A-sià-la lú-sîn ê thiāu-siōng, koh kian-sim koat-ì chhē-kiû Siōng-tè.”

Faic an caibideil

歷代志下卷 20:33

M̄-kú soaⁿ-thâu-tôaⁿ iáu-bē hòe-tû, jîn-bîn mā iáu-bē kian-sim koat-ì kui-ǹg in lia̍t-chó͘ ê Siōng-tè.

Faic an caibideil

歷代志下卷 30:19

só͘-ū bô chiàu kui-tēng kiat-chēng ka-kī ê lâng, in-ūi in choan-sim chhē-kiû Siōng-tè, chiū-sī Siōng Chú — in lia̍t-chó͘ ê Siōng-tè.”

Faic an caibideil

Chim-giân 16:1

Lâng teh kè-ōe, Siōng Chú teh koat-tēng.

Faic an caibideil

Í-sài-a-su 55:7

Siâ-ok ê lâng tio̍h khì-sak in ê tō-lō͘; put-gī ê lâng tio̍h kái-piàn in ê siūⁿ-hoat. In tio̍h kui-ǹg Siōng Chú, I ōe lîn-bín in; tio̍h kui-ǹg lán ê Siōng-tè, I ōe khoan-hông sià-bián in.

Faic an caibideil

Iâ-lī-bí-su 24:7

Góa beh sù in chi̍t lia̍p jīn-bat góa ê sim, sêng-jīn góa sī Siōng Chú. In beh chòe góa ê chú-bîn, góa beh chòe in ê Siōng-tè, in-ūi in beh it-sim-it-ì kui-ǹg góa.”

Faic an caibideil

Iâ-lī-bí-su 36:3

Iû-tāi-ke thiaⁿ-tio̍h góa beh kàng chai-hō hō͘ in, in ta̍k-ê lâng ū khó-lêng ōe hóe-kái, bô koh kiâⁿ siâ-ok ê lō͘, án-ni góa chiū ōe sià-bián in ê chōe-gia̍t kap chōe-ok.”

Faic an caibideil

Iâ-lī-bí-su 4:1

Siōng Chú kóng, “Í-sek-lia̍t ah, lí nā oa̍t tò-tńg, tò-tńg-lâi góa chia, chiong chiah-ê thang iàm-ò͘ⁿ ê ngó͘-siōng tû-tiāu, bô koh sam-sim-lióng-ì,

Faic an caibideil

Í-se-kiat-su 14:6

“Só͘-í, lí tio̍h kā Í-sek-lia̍t-lâng kóng, ‘Chì-koân ê Siōng Chú án-ni kóng: Tio̍h hôe-thâu, khì-sak lín ê ngó͘-siōng, sim lī-khui só͘-ū thang iàm-ò͘ⁿ ê sū.’

Faic an caibideil

Í-se-kiat-su 18:31

Tio̍h pàng-sak lín só͘ chòe it-chhè ê pháiⁿ-sū, ōaⁿ chi̍t lia̍p sin ê sim, sin ê sîn! Í-sek-lia̍t-lâng, lín sī-án-chóaⁿ ài-beh sí?

Faic an caibideil

Hô-se-a-su 14:1

Í-sek-lia̍t ah, lí ê chōe ū hō͘ lí poa̍h-tó, tio̍h oa̍t-thâu kui-ǹg Siōng Chú — lí ê Siōng-tè;

Faic an caibideil

馬太福音 15:8

Chit-ê chú-bîn ēng chhùi-tûn chun-kèng góa, in ê sim khiok lī-khui góa hn̄g-hn̄g.

Faic an caibideil

馬太福音 4:10

Iâ-so͘ ìn kóng, “Sat-tàn, cháu! Sèng-keng ū kì-chài: Tio̍h pài Chú — lí ê Siōng-tè, chí-ū ho̍k-sāi I.”

Faic an caibideil

馬太福音 6:24

“Bô lâng ōe-tàng ho̍k-sāi nn̄g ê chú-lâng; i nā m̄-sī oàn-hūn chit-ê, thiàⁿ hit-ê, chiū-sī khòaⁿ-tāng chit-ê, khòaⁿ-khin hit-ê. Lín bōe-tàng siâng-sî ho̍k-sāi Siōng-tè koh ho̍k-sāi chîⁿ-châi.

Faic an caibideil

Lō͘-ka Hok-im 4:8

Iâ-so͘ ìn kóng, “Sèng-keng ū kì-chài: Tio̍h pài Chú — lí ê Siōng-tè, chí-ū ho̍k-sāi I.”

Faic an caibideil

Iok-hān Hok-im 4:24

Siōng-tè sī Sîn, kèng-pài I ê lâng tio̍h ēng sim-lêng kap chin-sêng kèng-pài.”

Faic an caibideil

Sin-bēng-kì 10:20

Lín tio̍h kèng-ùi Siōng Chú — lín ê Siōng-tè, ho̍k-sāi I, tiong-sêng kun-tè I, hōng I ê miâ chiù-chōa.

Faic an caibideil

Sin-bēng-kì 13:4

Lín tio̍h sūn-thàn Siōng Chú — lín ê Siōng-tè, kèng-ùi I, chun-siú I ê kài-bēng, thiaⁿ-thàn I ê ōe, ho̍k-sāi I, tiong-sêng kun-tè I.

Faic an caibideil

Sin-bēng-kì 4:29

M̄-kú lín tī hia beh chhē Siōng Chú — lín ê Siōng-tè, nā choân-sim choân-chêng chhē I, chiū ōe chhē--tio̍h.

Faic an caibideil

Sin-bēng-kì 6:13

Lín kan-ta tio̍h kèng-ùi Siōng Chú — lín ê Siōng-tè, ho̍k-sāi I, hōng I ê miâ chiù-chōa;

Faic an caibideil

Iok-su-a-kì 13:31

koh chiong Ki-lia̍t ê chi̍t-pòaⁿ, í-ki̍p Pa-san-ông Go̍k thóng-tī ê A-su-tha-lio̍k kap Í-tek-lâi nn̄g ê siâⁿ, pun hō͘ Má-ná-se ê kiáⁿ Má-kiat chi̍t-pòaⁿ ê kiáⁿ-sun chòe ke-gia̍p.

Faic an caibideil

Iok-su-a-kì 24:14

“Taⁿ, lín tio̍h kèng-ùi Siōng Chú, sêng-sim-si̍t-ì ho̍k-sāi I, chiong lín ê lia̍t-chó͘ tī Iù-hoat-la-tí-hô hit-pêng kap tī Ai-ki̍p ho̍k-sāi ê sîn-bêng tû--khì, lâi ho̍k-sāi Siōng Chú.

Faic an caibideil

Iok-su-a-kì 24:23

Iok-su-a kóng, “Taⁿ lín tio̍h chiong lín tiong-kan gōa-pang ê sîn-bêng tû--khì, hō͘ lín choan-sim kui-ǹg Siōng Chú — Í-sek-lia̍t ê Siōng-tè.”

Faic an caibideil

Sū-su-kì 10:16

In chiū chiong in tiong-kan ê gōa-pang sîn-bêng tû--khì, chí-ū ho̍k-sāi Siōng Chú; Siōng Chú tùi Í-sek-lia̍t-lâng ê khùn-khó͘ chin put-jím-sim.

Faic an caibideil

Sū-su-kì 10:6

Í-sek-lia̍t-lâng koh chòe Siōng Chú khòaⁿ-chòe pháiⁿ ê sū, khì ho̍k-sāi Pa-le̍k kap A-su-tha-lio̍k, í-ki̍p Sū-lī-a, Se-tùn, Mô͘-ap, A-bûn-lâng, kap Hui-lī-sū-lâng ê sîn-bêng; in khì-sak Siōng Chú, bô ho̍k-sāi I.

Faic an caibideil

Sū-su-kì 2:11

Í-sek-lia̍t-lâng chòe Siōng Chú khòaⁿ-chòe pháiⁿ ê sū, khì ho̍k-sāi Pa-le̍k.

Faic an caibideil

Sū-su-kì 2:13

Í-sek-lia̍t-lâng khì-sak Siōng Chú, khì ho̍k-sāi Pa-le̍k kap A-su-tha-lio̍k.

Faic an caibideil

撒母耳記上卷 31:10

In chiong Sò-lô ê chiàn-kah hē tī A-su-tha-lio̍k ê biō-lāi, chiong i ê sin-si tèng tī Pek Siān ê siâⁿ-chhiûⁿ téng.

Faic an caibideil

Lean sinn:

Ceanglaichean taic

Sanasan

Sanasan