Bìoball air-loidhne

提摩太前書 1:17 - 現代台語譯本羅馬字版

¹⁷ Goān chun-kùi, êng-kng kui tī bān-sè ê Kun-ông, éng-oán chûn-chāi, khòaⁿ bōe tio̍h, to̍k-it-bû-jī ê Siōng-tè, ti̍t-kàu éng-éng-oán-oán. Amen!

Faic an caibideil Dèan lethbhreac

現代台語譯本漢字版

¹⁷ 願尊貴、榮光歸佇萬世的君王，永遠存在、看𣍐著、獨一無二的上帝，直到永永遠遠。阿們！

Faic an caibideil Dèan lethbhreac

dol air ais ⬆

提摩太前書 1:17
48 Iomraidhean Croise

歷代志上卷 29:11

Siōng Chú, lí chì-tōa, ū koân-lêng, êng-kng, sèng-lī, ui-giâm; thiⁿ-téng tōe-ē só͘-ū--ê lóng sī lí ê. Siōng Chú, kok sī lí ê, lí chì-koân, sī bān-iú ê chú-cháiⁿ.

Faic an caibideil

Nî-hi-bí-kì 9:5

Lī-bī-lâng Iâ-su-a, Kah-bia̍t, Pa-nî, Hap-sa-nî, Sī-lī-pí, Hô-tē-ngá, Sī-pa-nî, Pí-tha-hi-ngá kóng, “Tio̍h khí--lâi, chheng-chàn Siōng Chú — lín ê Siōng-tè, ti̍t-kàu éng-éng-oán-oán! Siōng Chú ah, goān lí êng-kng ê miâ tit-tio̍h o-ló, chhiau-kè it-chhè ê siōng-chàn kap o-ló.

Faic an caibideil

Si-phian 10:16

Siōng Chú choh-ông, tùi éng-oán kàu éng-oán; lia̍t-pang lóng tùi I ê tōe siau-bia̍t.

Faic an caibideil

Si-phian 106:48

Goān chheng-chàn kui hō͘ Siōng Chú — Í-sek-lia̍t ê Siōng-tè, tùi éng-oán kàu éng-oán. Goān choân-thé jîn-bîn lóng kóng: Amen! Ha-lé-lú-iah, chheng-chàn Siōng Chú!

Faic an caibideil

Si-phian 145:13

Lí ê kok-tō͘ éng-oán chûn-chāi; lí chip-chiáng ê koân-pèng sòa kàu bān-tāi. Siōng Chú it-chhè ê èng-ún sìn-si̍t khó-khò; I thiàⁿ-sioh I só͘ chō ê it-chhè.

Faic an caibideil

Si-phian 41:13

Goān chheng-chàn kui hō͘ Siōng Chú — Í-sek-lia̍t ê Siōng-tè, tùi éng-oán kàu éng-oán! Amen! Amen!

Faic an caibideil

Si-phian 45:1

Góa ê sim chhèng-chhut bí-hó ê ōe; góa beh chhiùⁿ ūi-tio̍h ông chòe ê si, góa ê chi̍h chhin-chhiūⁿ chok-ka láu-liān ê pit.

Faic an caibideil

Si-phian 45:6

Lí ê pó-chō sī Siōng-tè só͘ sù, sòa kàu éng-éng-oán-oán; lí ê kok ê koân-pèng sī chèng-ti̍t ê koân-pèng.

Faic an caibideil

Si-phian 57:11

Siōng-tè ah, goān lí ê úi-tāi pôaⁿ-kè thiⁿ; goān lí ê êng-kng piàn-chiò choân-tōe.

Faic an caibideil

Si-phian 90:2

Chèng-soaⁿ iáu-bē siū-chō, tāi-tōe kap sè-kài iáu-bē chō-chiâⁿ, lí éng-éng-oán-oán sī Siōng-tè!

Faic an caibideil

Iâ-lī-bí-su 10:10

Chí-ū Siōng Chú sī chin Sîn, sī oa̍h ê Siōng-tè, sī éng-oán chûn-chāi ê Kun-ông. I chi̍t-ē siū-khì, tāi-tōe iô-tāng; I hoat tōa siū-khì, lia̍t-kok lóng tòng bōe tiâu.

Faic an caibideil

Tān-í-lí-su 2:44

Hiah-ê ông chāi-ūi ê sî, thiⁿ-téng ê Siōng-tè ōe kiàn-li̍p chi̍t ê éng-oán bōe bia̍t-bông ê kok. Chit-ê kok ê chú-koân bōe hō͘ lia̍t-kok chhiúⁿ--khì, tian-tò ōe phah-tó húi-bia̍t só͘-ū ê kok-ka; i beh éng-oán khiā-chāi.

Faic an caibideil

Tān-í-lí-su 4:34

“Chhit nî kàu lah, góa Nî-pò͘-kah-nî-sat gia̍h-thâu ǹg thiⁿ, góa ê cheng-sîn hôe-ho̍k chèng-siông, chiū chheng-chàn Chì-koân-chiá, o-ló chit-ūi chun-êng, éng-oán chûn-chāi ê Siōng-tè: I ê thóng-tī éng-oán chûn-chāi! I ê kok sòa kàu bān-tāi!

Faic an caibideil

Tān-í-lí-su 4:37

“Taⁿ, góa Nî-pò͘-kah-nî-sat beh chheng-chàn, chun-chông, chiong êng-kng kui hō͘ thiⁿ-téng ê Ông, in-ūi I ê só͘-chòe lóng sī sìn-si̍t, I ê tō-lō͘ chèng-ti̍t; hêng-ûi kiau-ngō͘--ê, I kā in kàng-chòe pi-bî.”

Faic an caibideil

Tān-í-lí-su 7:14

niá-siū koân-pèng, êng-iāu, kap ông-koân; ta̍k-cho̍k, ta̍k pang-kok, kap kóng ta̍k-chióng gú-giân ê jîn-bîn lóng ho̍k-sāi i. I ê koân-pèng éng-chûn, bōe siau-sit; i ê ông-koân it-tēng bōe siū húi-hoāi.

Faic an caibideil

Bí-ka-su 5:2

Í-hoat-tha tōe-khu ê Pek-lī-hêng ah, lí tī Iû-tāi chong-cho̍k tiong sui-jiân bî-sòe, m̄-kú ū chi̍t ūi ōe tùi lí hia chhut--lâi, ūi góa tī-lí Í-sek-lia̍t; i ê kun-goân tùi kó͘-chá, tùi siōng khí-thâu chiū ū.

Faic an caibideil

Má-la-ki-su 1:14

Nā ū lâng hē-goān beh chiong iûⁿ-kûn tiong ê iûⁿ-káng hiàn hō͘ góa, tian-tò ēng ū khoat-hām--ê lâi hiàn, khi-phiàn góa, i eng-kai siū chiù-chó͘! In-ūi góa sī tōa Kun-ông; góa ê miâ tī bān-kok tiong siū kèng-ùi.” Siōng Chú — Bān-kun ê Thóng-sòe án-ni soan-pò͘.

Faic an caibideil

馬太福音 25:34

Āu-lâi, Ông ōe kā chiàⁿ-pêng ê lâng kóng, ‘Lâi, lín chiah-ê siū góa ê Pē chiok-hok--ê, lâi sêng-siū tùi chhòng-chō ú-tiū í-lâi chiū ūi-tio̍h lín chún-pī ê kok-tō͘.

Faic an caibideil

馬太福音 28:20

kà-sī in chun-siú góa só͘ hō͘ lín it-chhè ê bēng-lēng. Tio̍h ōe-kì--tit, góa ta̍k-ji̍t kap lín tông-chāi, ti̍t-kàu kim-sè ê kiat-sok.”

Faic an caibideil

馬太福音 6:13

Kiû lí m̄-thang hō͘ goán hām-lo̍h tam-tng bōe khí ê chhì-thàm, kiù goán thoat-lī hit-ê Siâ-ok-chiá.

Faic an caibideil

Iok-hān Hok-im 1:18

Bô lâng bat khòaⁿ-kìⁿ Siōng-tè, chí-ū Pē sim-hoâi tiong to̍k-it ê Kiáⁿ ū kā I hián-sī--chhut-lâi.

Faic an caibideil

Iok-hān Hok-im 5:44

Lín hō͘-siōng chheng-chàn, chóng-sī bô tui-kiû tùi î-it ê Siōng-tè lâi ê chheng-chàn, án-ni lín ná ōe-tàng sìn góa?

Faic an caibideil

Lô-má-su 1:20

Tùi chhòng-sè í-lâi, Siōng-tè éng-oán ê tōa lêng-le̍k kap sîn-sèng, sui-jiân jio̍k-gán khòaⁿ bōe tio̍h, m̄-kú thong-kè siū-chō ê mi̍h ōe-tàng chheng-chhó khòaⁿ--kìⁿ, só͘-í in lóng bōe-tàng the chek-jīm.

Faic an caibideil

Lô-má-su 1:23

In bô chiong êng-kng kui hō͘ bōe-sí-bia̍t ê Siōng-tè, hoán-tńg khì pài ōe-sí-bia̍t ê lâng, pe-chiáu, khîm-siù, thâng-thōa téng ê siōng.

Faic an caibideil

Lô-má-su 11:36

In-ūi bān-mi̍h lóng chhut tī I, óa-khò I, kui tī I; goān I tit-tio̍h êng-kng ti̍t-kàu éng-oán. Amen!

Faic an caibideil

Lô-má-su 16:27

Goān êng-kng thong-kè Iâ-so͘ Ki-tok kui tī to̍k-it choân-tì ê Siōng-tè, ti̍t-kàu éng-oán. Amen!

Faic an caibideil

Lô-má-su 2:10

Put-kò só͘-ū chòe hó ê lâng ōe tit-tio̍h êng-kng, chun-kùi, kap pêng-an, tāi-seng sī Iû-thài-lâng, āu-lâi chiah Gōa-pang-lâng;

Faic an caibideil

Lô-má-su 2:7

Hiah-ê kian-chhî chòe hó-sū, tui-kiû êng-kng, chun-kùi, kap bōe-pāi-hoāi ê sìⁿ-miā ê lâng, Siōng-tè ōe sù in éng-oán ê oa̍h-miā.

Faic an caibideil

Ko-lô-se-su 1:15

Ki-tok sī khòaⁿ bōe tio̍h ê Siōng-tè ê hêng-siōng: I sī Tōa-kiáⁿ, pí it-chhè siū-chō--ê khah chá ū.

Faic an caibideil

Hi-pek-lâi-su 11:27

Tùi sìn, Mô͘-se m̄ kiaⁿ ông ê siū-khì lī-khui Ai-ki̍p; i kian-chhî kàu-tóe, in-ūi i ū khòaⁿ-kìⁿ lâng khòaⁿ bōe tio̍h ê Siōng-tè.

Faic an caibideil

Hi-pek-lâi-su 2:7

Lí hō͘ i pí thiⁿ-sài sió-khóa khah kē; lí sù êng-kng chun-kùi chòe hoa-koan kā i tì,

Faic an caibideil

彼得前書 5:11

Goān koân-lêng kui hō͘ I, ti̍t-kàu éng-oán. Amen!

Faic an caibideil

Pí-tek Hō͘-su 3:18

Tio̍h tī lán ê Chú — Kiù-chú Iâ-so͘ Ki-tok ê un-tián-ē kap tùi I ê jīm-sek kè-sio̍k chìn-pō͘. Goān êng-kng kui hō͘ I, tùi hiān-chāi ti̍t-kàu éng-oán. Amen!

Faic an caibideil

Iok-hān It-su 4:12

Bô lâng bat khòaⁿ-kìⁿ Siōng-tè, lán nā saⁿ-thiàⁿ, Siōng-tè chiū tiàm tī lán lāi-bīn, I ê thiàⁿ thong-kè lán oân-choân si̍t-hiān chhut--lâi.

Faic an caibideil

Iû-tāi-su 1:25

Goān to̍k-it ê Siōng-tè — lán ê Kiù-chú, thong-kè lán ê Chú Iâ-so͘ Ki-tok tit-tio̍h êng-kng, chun-giâm, lêng-le̍k, kap koân-pèng, tùi bān-kó͘ kàu hiān-chāi, ti̍t-kàu éng-oán. Amen!

Faic an caibideil

Khé-sī-lio̍k 15:3

In chhiùⁿ Siōng-tè ê po̍k-jîn Mô͘-se ê koa kap Iûⁿ-ko ê koa, kóng: Choân-lêng ê Chú Siōng-tè, lí ê chok-ûi tōa koh kî-īⁿ; bān-ông ê Ông, lí ê tō-lō͘ kong-gī chin-si̍t.

Faic an caibideil

Khé-sī-lio̍k 17:14

In beh kap Iûⁿ-ko kau-chiàn, m̄-kú Iûⁿ-ko ōe thâi-iâⁿ chiah-ê ông, in-ūi I sī bān-chú ê Chú, bān-ông ê Ông; kap I chòe-hé hiah-ê siū ho͘-tiàu, siū kéng-soán, tiong-si̍t ê lâng mā ōe tek-sèng.”

Faic an caibideil

Khé-sī-lio̍k 19:1

Āu-lâi, góa ū thiaⁿ-kìⁿ tī thiⁿ-téng chhin-chhiūⁿ ū chi̍t tōa-kûn lâng tōa-siaⁿ teh hoah: Ha-lé-lú-iah, chheng-chàn Siōng Chú! Chín-kiù, êng-kng, koân-lêng lóng tùi lán ê Siōng-tè lâi!

Faic an caibideil

Khé-sī-lio̍k 19:16

Tī I ê tn̂g-phàu kap tōa-thúi ū siá chi̍t ê miâ “Bān-ông ê Ông, bān-chú ê Chú”.

Faic an caibideil

Khé-sī-lio̍k 19:6

Góa koh thiaⁿ-kìⁿ chhin-chhiūⁿ chi̍t tōa-kûn lâng ê siaⁿ, chhin-chhiūⁿ chin chōe tiâu hô-liû ê siaⁿ, chhin-chhiūⁿ lûi tōa-tân ê siaⁿ, kóng: Ha-lé-lú-iah, chheng-chàn Siōng Chú! In-ūi lán ê Chú, Choân-lêng ê Siōng-tè choh-ông lah!

Faic an caibideil

Khé-sī-lio̍k 7:12

kóng: Amen! Goān siōng-chàn, êng-kng, tì-hūi, kám-siā, chun-kùi, koân-lêng, khùi-la̍t, kui tī lán ê Siōng-tè, kàu éng-éng-oán-oán. Amen!

Faic an caibideil

Lean sinn:

Ceanglaichean taic

Sanasan

Sanasan