Bìoball air-loidhne

彼得前書 2:6 - 現代台語譯本羅馬字版

⁶ In-ūi Sèng-keng ū kì-chài: Khòaⁿ leh, góa beh tī Sek-an hē chi̍t tè chio̍h, sī siū-kéng pó-kùi ê chhù-kak-chio̍h; sìn I ê lâng choa̍t-tùi bōe sit-bāng.

Faic an caibideil Dèan lethbhreac

現代台語譯本漢字版

⁶ 因為聖經有記載：看咧，我欲佇錫安下一塊石，是受揀寶貴的厝角石；信伊的人絕對𣍐失望。

Faic an caibideil Dèan lethbhreac

dol air ais ⬆

彼得前書 2:6
27 Iomraidhean Croise

Chhòng-sè-kì 49:24

m̄-kú i óa-khò Ngá-kok ê Tāi-lêng-chiá, i ê keng iû-goân ân; i óa-khò Í-sek-lia̍t ê Bo̍k-chiá kap Chio̍h-pôaⁿ, i ê chhiú iáu ū-la̍t.

Faic an caibideil

Si-phian 40:14

Goān siàu-siūⁿ beh hāi góa sìⁿ-miā ê lâng lóng làu-khùi kiàn-siàu; goān ài góa siū hām-hāi ê lâng pāi-thè siū lêng-jio̍k.

Faic an caibideil

Si-phian 89:19

Lí chá bat tī īⁿ-siōng tiong tùi lí tiong-si̍t ê chú-bîn kóng, “Góa ū ēng hoa-koan tì tī ióng-sū ê thâu-khak; góa tùi chú-bîn tiong kéng-soán i, ko-seng i.

Faic an caibideil

Í-sài-a-su 28:16

Só͘-í, Chì-koân ê Siōng Chú án-ni kóng, “Lí khòaⁿ, góa beh tī Sek-an hē chi̍t tè chio̍h, sī chhì-giām--kè ê chio̍h, pó-kùi ê ki-chio̍h, thang chòe kian-kò͘ ê kun-ki; óa-khò I ê lâng choa̍t-tùi bōe kiaⁿ-hiâⁿ tio̍h-kip.

Faic an caibideil

Í-sài-a-su 41:11

Khòaⁿ leh, só͘-ū tùi lí hoat tōa siū-khì ê lâng ōe làu-khùi, kiàn-siàu; kap lí saⁿ-chiⁿ ê lâng lóng ōe bô--khì, bia̍t-bông.

Faic an caibideil

Í-sài-a-su 42:1

Siōng Chú kóng: “Khòaⁿ leh, góa só͘ hû-chhî ê po̍k-jîn, i sī góa só͘ kéng-soán, sim só͘ ì-ài--ê! Góa ū chiong góa ê sîn sù hō͘ i; i ōe tī bān-pang si-hêng kong-gī.

Faic an caibideil

Í-sài-a-su 46:13

Góa beh hō͘ sèng-lī pek-kūn, liâm-piⁿ kàu; góa ê chín-kiù bōe iân-tî. Góa beh kái-kiù Iâ-lō͘-sat-léng, beh hō͘ Í-sek-lia̍t tit-tio̍h êng-kng.

Faic an caibideil

Í-sài-a-su 50:7

Chì-koân ê Siōng Chú ū pang-chān góa, góa bōe siū lêng-jio̍k; só͘-í, góa chhin-chhiūⁿ chio̍h-thâu kian-tēng biān-tùi it-chhè, góa chai, góa it-tēng bōe tú-tio̍h kiàn-siàu.

Faic an caibideil

Í-sài-a-su 54:4

M̄-bián kiaⁿ! Lí bōe koh-chài kiàn-siàu; lí bián koh jím-siū bú-jio̍k. Tio̍h bōe-kì-tit lí siàu-liân ê sî ê kiàn-siàu; m̄-thang koh kì-tiâu lí chòe kóaⁿ-hū ê thí-jio̍k.

Faic an caibideil

Tān-í-lí-su 10:21

M̄-kú góa beh chiong chin-lí ê chheh kì-lio̍k ê sū kā lí kóng. Í-sek-lia̍t ê siú-hō͘ thiⁿ-sài Bí-ka-le̍k í-gōa, bô chi̍t ê ōe-tàng pang-chān góa tí-khòng in.”

Faic an caibideil

Sat-ka-lī-a-su 10:4

Só͘-ū ê léng-siù lóng ōe tùi Iû-tāi-ke chhut; in ióng-chòng khó-khò chhin-chhiūⁿ chhù-kak-chio̍h, chhin-chhiūⁿ pò͘-phâng ê khi̍t-á, chhin-chhiūⁿ kau-chiàn ê keng.

Faic an caibideil

馬太福音 12:18

Lín khòaⁿ, góa só͘ kéng-soán ê po̍k-jîn, góa só͘ thiàⁿ, só͘ ì-ài--ê. Góa beh sù góa ê Sîn hō͘ I; I beh tùi bān-bîn soan-kò góa ê kong-gī.

Faic an caibideil

Má-khó Hok-im 12:10

Lín kiám m̄-bat tha̍k-tio̍h chit-tōaⁿ Sèng-keng ê kì-chài: Khí-chhù sai-hū só͘ khì-sak ê chio̍h í-keng chiâⁿ-chòe siōng tiōng-iàu ê ki-chio̍h.

Faic an caibideil

Lō͘-ka Hok-im 20:17

Iâ-so͘ chù-ì kā in khòaⁿ, kóng, “Sèng-keng só͘ kì-chài--ê sī sím-mi̍h ì-sù: Khí-chhù sai-hū só͘ khì-sak ê chio̍h í-keng chiâⁿ-chòe siōng tiōng-iàu ê ki-chio̍h.

Faic an caibideil

Lō͘-ka Hok-im 23:35

Bîn-chiòng khiā tī hia teh khòaⁿ. Hiah-ê Iû-thài-lâng ê léng-siù kā I thí-chhiò, kóng, “I kiù pa̍t-lâng; I nā-sī Siōng-tè só͘ kéng-soán ê Ki-tok, tio̍h kiù ka-kī!”

Faic an caibideil

Iok-hān Hok-im 7:38

Sìn góa ê lâng, chiàu Sèng-keng só͘ kóng, ‘Ū oa̍h-chúi ê khoe ōe tùi i ê pak-lāi chhèng--chhut-lâi.’”

Faic an caibideil

使徒行傳 1:16

“Kok-ūi hiaⁿ-tī, Sèng Sîn thong-kè Tāi-pi̍t ê chhùi tī Sèng-keng só͘ ū-giân, koan-hē Iû-tāi chhōa lâng lia̍h Iâ-so͘ ê tāi-chì it-tēng tio̍h èng-giām.

Faic an caibideil

Lô-má-su 10:11

Sèng-keng ū án-ni kì-chài, “Sìn I ê lâng bōe tì-kàu sit-bāng.”

Faic an caibideil

Í-hut-só͘-su 1:4

Chhòng-sè í-chêng, Siōng-tè í-keng thong-kè Ki-tok kéng-soán lán, hō͘ lán tī I bīn-chêng chiâⁿ-chòe sèng-kiat bô khoat-tiám ê lâng. In-ūi Siōng-tè thiàⁿ lán,

Faic an caibideil

Í-hut-só͘-su 2:20

kiàn-li̍p tī sian-ti kap sù-tô͘ só͘ hē ê tōe-ki téng, ēng Ki-tok Iâ-so͘ pún-sin chòe siōng tiōng-iàu ê ki-chio̍h,

Faic an caibideil

提摩太後書 3:16

Choân-pō͘ Sèng-keng sī Siōng-tè ê Sîn kám-tōng siá--ê, tùi kàu-tō, tùi tok-chek, tùi kiù-chèng, tùi hùn-liān lâng kiâⁿ chiàⁿ-lō͘, lóng ū lī-ek,

Faic an caibideil

彼得前書 2:4

Tio̍h chhin-kūn Chú, I sī oa̍h-chio̍h, sui-jiân hō͘ lâng khì-sak, m̄-kú siū Siōng-tè kéng-soán khòaⁿ-chòe pó-kùi.

Faic an caibideil

彼得前書 2:8

Tī pa̍t-ūi ū kì-chài: Chit-tè sī poàn-kha-chio̍h, sī hō͘ lâng poa̍h-tó ê chio̍h. In m̄ sūn-thàn tō-lí lâi poa̍h-tó sī Siōng-tè ê an-pâi.

Faic an caibideil

Pí-tek Hō͘-su 1:20

Siōng iàu-kín--ê tio̍h chai, Sèng-keng só͘-ū ê ū-giân m̄-thang chiàu ka-kī ê ì-sù kóe-seh.

Faic an caibideil

Pí-tek Hō͘-su 3:16

I só͘-ū ê phoe lóng ū kóng-khí chiah-ê sū. I ê phoe ū chi̍t-kóa oh lí-kái ê ōe, hiah-ê gû-gōng bô tēng-sèng ê lâng ōe kā i khiok-kái, tú kap in teh khiok-kái kî-tha ê keng-bûn kâng-khoán; kiat-kó, in ka-kī thó bia̍t-bông.

Faic an caibideil

Lean sinn:

Ceanglaichean taic

Sanasan

Sanasan