Biblia Todo Logo
Bìoball air-loidhne

- Sanasan -




帖撒羅尼迦後書 1:9 - 現代台語譯本羅馬字版

9 In ōe siū éng-oán húi-bia̍t ê hêng-hoa̍t, lī-khui Chú ê bīn-chêng, kap I êng-kng ê khùi-la̍t keh-tn̄g.

Faic an caibideil Dèan lethbhreac

現代台語譯本漢字版

9 𪜶會受永遠毀滅的刑罰,離開主的面前,及伊榮光的氣力隔斷。

Faic an caibideil Dèan lethbhreac




帖撒羅尼迦後書 1:9
38 Iomraidhean Croise  

Hông-hun liâng-léng ê sî, hit-ê lâng kap i ê hū-jîn-lâng thiaⁿ-tio̍h Chú Siōng-tè tī hn̂g-lāi teh kiâⁿ ê siaⁿ, chiū bih tī hn̂g--ni̍h ê chhiū-á lāi, siám-pī Chú Siōng-tè ê bīn.


Kai-ún chiū lī-khui Siōng Chú, khì tòa tī I-tiân ê tang-pêng Lô-tek ê tōe-khu.


In tùi Siōng-tè kóng: Mài chhap--goán! Goán bô ài chai lí ê tō-lō͘.


In tùi Siōng-tè kóng, “Mài chhap--goán! Choân-lêng-chiá ōe kā goán án-chóaⁿ?”


Lí ōe chí-sī góa oa̍h-miā ê tō-lō͘. Tī lí bīn-chêng, góa ū móa-móa ê hoaⁿ-hí; tī lí chiàⁿ-pêng, góa ū éng-oán ê khoài-lo̍k.


M̄-thang kóaⁿ góa lī-khui lí ê bīn-chêng; m̄-thang tùi góa siu-hôe lí sèng ê sîn.


M̄-kú pōe-ge̍k--ê kap chōe-jîn ōe chòe-chi̍t-ē siū phah-chhùi; khì-choa̍t Siōng Chú ê lâng ōe bia̍t-bông.


Tio̍h bih ji̍p-khì chio̍h-tōng! Tio̍h chhàng ji̍p-khì thô͘-tóe! Siám-pī tùi Siōng Chú lâi ê khióng-pò͘, cháu-siám I ui-giâm ê kong-hui.


Tī Siōng Chú khí-lâi hō͘ tōe tōa iô-tāng ê sî, lâng ōe bih ji̍p-khì chio̍h-tōng, chhàng ji̍p-khì thô͘-khang, beh siám-pī tùi Siōng Chú lâi ê khióng-pò͘, cháu-siám I ui-giâm ê kong-hui.


Tī Siōng Chú khí-lâi hō͘ tōe tōa iô-tāng ê sî, lâng ōe cháu ji̍p-khì chio̍h-tōng lāi, á-sī bih tī soaⁿ-piah phāng, beh siám-pī tùi Siōng Chú lâi ê khióng-pò͘, cháu-siám I ui-giâm ê kong-hui.


Sek-an ê chōe-jîn lóng kiaⁿ-hiâⁿ; bô kèng-khiân ê lâng phi̍h-phi̍h-chhoah; in kóng, “Lán kiám ū lâng ōe-tàng kap thun-bia̍t ê hé khiā-khí? Kiám ū lâng ōe-tàng kap éng-oán bōe hoa ê hé chòe-hé tòa?”


Kèng-pài góa ê lâng chhut--khì, ōe khòaⁿ-kìⁿ pōe-poān góa ê lâng ê si-thé; chia̍h hiah-ê si-thé ê chiù-thâng bōe sí, sio in ê hé bōe hoa; só͘-ū ê lâng lóng ōe iàm-ò͘ⁿ in.


Chin chōe í-keng sí--khì ê lâng ōe koh-oa̍h; ū-ê tit-tio̍h éng-oán ê sìⁿ-miā, ū-ê éng-oán siū thí-chhiò iàm-chiān.


Jîn-chú teh-beh tī I ê Pē ê êng-iāu tiong kap I ê thiⁿ-sài lâi-lîm, hit-sî I ōe chiàu ta̍k-ê lâng ê hêng-ûi kā in pò-siúⁿ á-sī hêng-hoa̍t.


Kok-ông chiū tùi chhe-ēng--ê kóng, ‘Kha-chhiú kā pa̍k--khí-lâi, kā i hiat chhut-khì gōa-bīn o͘-àm ê só͘-chāi. Tī hia, i ōe thî-khàu, kā-gê-chhiat-chhí.’


Hit-sî, Jîn-chú ê tiāu-thâu ōe tī thiⁿ-téng chhut-hiān. Tōe-chiūⁿ bān-cho̍k bān-bîn lóng ōe thî-khàu; in ōe khòaⁿ-kìⁿ Jîn-chú chhiong-móa koân-lêng kap tōa êng-kng chē thiⁿ-téng ê hûn lâi-lîm.


“Āu-lâi, Ông ōe kā tò-pêng ê lâng kóng, ‘Lín chiah-ê siū chiù-chó͘ ê lâng, lī-khui góa, ji̍p-khì ūi-tio̍h Mô͘-kúi kap i ê sù-chiá só͘ chún-pī éng-oán ê hé--ni̍h.


Chiah-ê lâng ōe siū éng-oán ê hêng-hoa̍t, chóng-sī gī-lâng ōe tit-tio̍h éng-oán ê oa̍h-miā.”


Chiàu Sèng-keng só͘ kì-chài, Jîn-chú ōe siū hāi, put-kò chhut-bōe Jîn-chú hit-ê lâng chhám ah! Hit-ê lâng lêng-khó bô chhut-sì khah hó.”


Hit-sî góa ōe bêng-bêng tùi in kóng, ‘Góa lóng m̄ bat lín. Lín chiah-ê chòe pháiⁿ ê lâng, lóng lī-khui góa!’”


M̄-kú I ōe kóng, ‘Góa kā lín kóng, góa m̄ chai lín sī tó-ūi lâi ê lâng. Lín chiah-ê choh-pháiⁿ ê lâng lóng lī-khui góa!’


Āu-lâi, Iâ-so͘ tī Sèng-tiān tú-tio̍h i, kā i kóng, “Lí í-keng hó lah, m̄-thang koh hoān-chōe, chiah bōe tú-tio̍h koh-khah chhám ê tāi-chì.”


Siōng Chú tùi Se-nāi-soaⁿ lâi, chhin-chhiūⁿ ji̍t-thâu tùi Í-tong khí--lâi, tùi Pa-lân-soaⁿ chiò-kng; I chhōa chheng-chheng-bān-bān thiⁿ-sài lâi, chiàⁿ-chhiú the̍h hoat-kng ê lu̍t-hoat hō͘ in.


In ê kiat-kio̍k sī bia̍t-bông; in ēng pak-tó͘ chòe sîn-bêng; in chiong kiàn-siàu khòaⁿ-chòe kong-êng; in chí-ū koan-sim tōe-chiūⁿ ê sū.


Lâng teh kóng “pêng-an bô-sū” ê sî, chai-lān chhin-chhiūⁿ sán-hū chhui-chūn ê thàng-thiàⁿ hut-jiân lîm-kàu in, bô hoat-tō͘ thang tô-pī.


Hit-sî Put-hoat-chiá ōe chhut-hiān; Chú Iâ-so͘ ōe ēng tùi I ê chhùi thò͘--chhut-lâi ê khùi kā i thâi-sí, ēng I lâi-lîm ê sî hián-hiān ê êng-kng kā i siau-bia̍t.


thèng-hāu hit-ê chhiong-móa hok-khì ê ǹg-bāng, chiū-sī chì-chun ê Siōng-tè í-ki̍p lán ê Kiù-chú Iâ-so͘ Ki-tok êng-iāu ê hián-hiān.


Án-ni, thún-ta̍h Siōng-tè ê Kiáⁿ, biáu-sī hō͘ in sèng-hòa kui Chú ê iok ê huih, koh bú-bān si-un ê Sèng Sîn ê lâng, lín siūⁿ in eng-kai siū ê hêng-hoa̍t ōe ke jōa tāng?


Chiah-ê lâng chhin-chhiūⁿ ta--khì ê chúi-chôaⁿ, chhin-chhiūⁿ hō͘ tōa-hong chhe-sòaⁿ ê hûn-bū; Siōng-tè í-keng ū kā in tī o͘-àm ê chhim-ian lâu chi̍t ê só͘-chāi.


M̄-kú hiān-chāi ê thiⁿ kap tōe mā kâng-khoán tùi Siōng-tè ê ōe tit-tio̍h pó-liû kàu sím-phòaⁿ kap put-khiân ê lâng hō͘ hé húi-bia̍t ê ji̍t.


In mā chhin-chhiūⁿ pho-lōng phùn-chhut chúi-phe̍h, lō͘-chhut ka-kī ê kiàn-siàu; chhin-chhiūⁿ lī-khui khúi-tō ê chhiⁿ lak ji̍p-khì Siōng-tè ūi-tio̍h in éng-oán pó-liû hit-ê o͘-àm ê chhim-ian.


Āu-lâi, góa ū khòaⁿ-kìⁿ chi̍t ê pe̍h-sek ê tōa pó-chō, kap chē tī hit téng-bīn Hit-ūi; thiⁿ kap tōe tùi I ê bīn-chêng tô-cháu, chiū bô koh khòaⁿ--kìⁿ.


Āu-lâi, Sí-bông kap Im-hú siū hiat-lo̍h hé-ô͘. Chit-ê hé-ô͘ chiū-sī tē-jī piàn ê sí.


M̄-kú, hiah-ê bô-táⁿ--ê, pōe-sìn--ê, hú-pāi--ê, thâi-lâng--ê, îm-loān--ê, kiâⁿ siâ-su̍t--ê, pài ngó͘-siōng--ê, í-ki̍p só͘-ū kóng pe̍h-chha̍t--ê, in tio̍h khì ê só͘-chāi sī hit-ê ēng hé kap liû-hông teh sio ê ô͘, chit-ê chiū-sī tē-jī piàn ê sí.”


Hiah-ê káu-lūi, kiâⁿ siâ-su̍t--ê, îm-loān--ê, thâi-sí-lâng--ê, pài ngó͘-siōng--ê, kap it-chhè ài kóng pe̍h-chha̍t koh chòe sū kan-chà--ê, lóng tio̍h lâu tī siâⁿ-gōa.


Lean sinn:

Sanasan


Sanasan