Bìoball air-loidhne

Duilleag-dhachaigh
Bìoball air-loidhne
帖撒羅尼迦前書 2:16

帖撒羅尼迦前書 2:16 - 現代台語譯本羅馬字版

¹⁶ sīm-chì chó͘-tòng goán thoân hok-im hō͘ Gōa-pang-lâng, hō͘ in thang tit-tio̍h kiù. Hiah-ê Iû-thài-lâng kè-sio̍k hoān-chōe, ti̍t-kàu chōe-ok koàn-boán. Chòe-āu Siōng-tè ê siū-khì lîm-kàu in sin-chiūⁿ.

Faic an caibideil Dèan lethbhreac

現代台語譯本漢字版

¹⁶ 甚至阻擋阮傳福音互外邦人，互𪜶通得著救。許個猶太人繼續犯罪，直到罪惡貫滿。最後上帝的受氣臨到𪜶身上。

Faic an caibideil Dèan lethbhreac

dol air ais ⬆

帖撒羅尼迦前書 2:16
52 Iomraidhean Croise

Chhòng-sè-kì 15:16

Kàu tē-sì tāi, in ōe tò-lâi chia, in-ūi A-mô͘-lī-cho̍k ê chōe iáu-bē koàn-boán.”

Faic an caibideil

Í-sài-a-su 45:22

Thiⁿ-piⁿ-hái-kak ê lâng ah, tio̍h kui-ǹg góa thang tit-tio̍h kiù! Góa chiū-sī Siōng-tè, kî-tha bô pa̍t-ê.

Faic an caibideil

Tān-í-lí-su 8:23

“Chit sì ê kok kàu boa̍t-kî chōe-ok koàn-boán ê sî, it-tēng ōe ū chi̍t ê ông heng-khí; i bīn-māu hiong-ok, khúi-kè-to-toan.

Faic an caibideil

Má-la-ki-su 4:1

Siōng Chú — Bān-kun ê Thóng-sòe án-ni kóng, “Lín khòaⁿ, ji̍t-chí teh-beh kàu, hit-ji̍t ōe chhin-chhiūⁿ teh to̍h ê hé-lô͘; sî kàu, só͘-ū chū-ko kap choh-ok ê lâng lóng ōe chhin-chhiūⁿ be̍h-kó, hō͘ hé sio kah liân kun kap ki to lóng bô--khì.

Faic an caibideil

Má-la-ki-su 4:5

“Lí khòaⁿ, tī Siōng Chú hit-ê tōa koh thang-kiaⁿ ê ji̍t-chí lâi-lîm í-chêng, góa beh chhe-khián sian-ti Í-lī-a khì lín hia.

Faic an caibideil

馬太福音 12:45

Āu-lâi, i khì chhōa chhit ê pí i khah pháiⁿ ê siâ-sîn kap i chòe-hé lâi, ji̍p-khì hia tòa. Án-ni, hit-ê lâng ê kiat-kio̍k pí khí-thâu koh-khah chhám. Chit-ê siâ-ok ê sè-tāi mā ōe chhin-chhiūⁿ án-ni.”

Faic an caibideil

馬太福音 23:32

Lín chó͘-sian chòe ê pháiⁿ-tāi, chòe lín khì oân-sêng hó lah!

Faic an caibideil

馬太福音 24:14

Chit-ê Thian-kok ê hok-im ōe thoân kàu phó͘-thiⁿ-ē, tùi bān-bîn chòe kiàn-chèng, chòe-āu chiong-kio̍k chiah ōe kàu.”

Faic an caibideil

馬太福音 24:6

Lín ōe thiaⁿ-tio̍h chiàn-cheng í-ki̍p chiàn-cheng ê hong-siaⁿ. Tio̍h kín-sīn, m̄-bián kiaⁿ. Chiah-ê tāi-chì it-tēng ōe hoat-seng, m̄-kú chiong-kio̍k iáu-bē kàu.

Faic an caibideil

馬太福音 3:12

I ê chhiú the̍h pòa-ki, beh chiong be̍h-tiâⁿ ê be̍h pòa chheng-khì, be̍h-á siu-ji̍p chhng-khò͘, be̍h-hiūⁿ chiū ēng bōe hoa ê hé kā i sio-tiāu.”

Faic an caibideil

Má-khó Hok-im 16:16

Sìn lâi niá-siū sóe-lé ê lâng ōe tit-tio̍h kiù; m̄-sìn ê lâng ōe siū tēng-chōe.

Faic an caibideil

使徒行傳 13:45

Iû-thài-lâng khòaⁿ-tio̍h lâng hiah chōe, sim-lāi chhiong-móa oàn-tò͘, hoán-pok Pó-lô só͘ kóng ê ōe, koh kā i bú-jio̍k.

Faic an caibideil

使徒行傳 13:50

M̄-kú Iû-thài-lâng siàn-tōng khiân-sêng chun-kùi ê hū-lú kap siâⁿ-lāi ū tōe-ūi ê jîn-sū lâi pek-hāi Pó-lô kap Pa-ná-pa, chiong in kóaⁿ chhut-kéng.

Faic an caibideil

使徒行傳 14:19

Ū chi̍t-kóa tùi Pí-se-tí ê An-thê-o kap Í-ko-liām lâi ê Iû-thài-lâng siàn-tōng kûn-chiòng ēng chio̍h-thâu tìm Pó-lô, siūⁿ-kóng i í-keng sí, chiū kā i thoa chhut-khì siâⁿ-gōa.

Faic an caibideil

使徒行傳 14:2

M̄-kú hiah-ê m̄-sìn ê Iû-thài-lâng siàn-tōng Gōa-pang-lâng, hō͘ in iàm-ò͘ⁿ sìn-tô͘, tùi in khí hoán-kám.

Faic an caibideil

使徒行傳 14:5

Hit-sî, Gōa-pang-lâng kap Iû-thài-lâng í-ki̍p in ê koaⁿ-tiúⁿ kè-bô͘ siong-hāi sù-tô͘, beh ēng chio̍h-thâu kā in tìm.

Faic an caibideil

使徒行傳 17:13

M̄-kú Thiap-sat-lô-nî-ka ê Iû-thài-lâng chi̍t-ē chai-iáⁿ Pó-lô mā tī Pì-lí-a teh thoân Siōng-tè ê tō, chiū khì hia siàn-tōng kûn-chiòng, ín-khí jiáu-loān.

Faic an caibideil

使徒行傳 19:9

Put-kò ū chi̍t-kóa lâng kò͘-chip m̄ sìn, tī hōe-chiòng bīn-chêng húi-pòng Chú ê Tō-lō͘. Pó-lô chiū chhōa bûn-tô͘ lī-khui in, ta̍k-ji̍t tī Chhui-lat-lô͘ ê káng-tn̂g kap lâng tâm-lūn.

Faic an caibideil

使徒行傳 21:21

In ū thiaⁿ-tio̍h lí kà-sī tòa tī Gōa-pang ê Iû-thài-lâng, kiò in hòng-khì Mô͘-se ê Lu̍t-hoat, m̄-bián kā in ê gín-á kiâⁿ kat-lé, mā m̄-bián siú Iû-thài-lâng ê hong-sio̍k si̍p-koàn.

Faic an caibideil

使徒行傳 23:12

Keh-chá-khí, Iû-thài-lâng tàu-tīn kè-bô͘, chiù-chōa nā bô thâi-sí Pó-lô m̄-chia̍h-m̄-lim.

Faic an caibideil

使徒行傳 24:9

Chāi-tiûⁿ ê Iû-thài-lâng mā lóng chi-chhî chit-ê khòng-kò, kóng sū-chêng khak-si̍t sī án-ni.

Faic an caibideil

使徒行傳 25:2

Chè-si-tiúⁿ kap Iû-thài-lâng ê léng-siù tùi i khòng-kò Pó-lô. In chhéng-kiû Hui-su-to͘,

Faic an caibideil

使徒行傳 25:7

Pó-lô chi̍t-ē chhut-têng, tùi Iâ-lō͘-sat-léng lo̍h--lâi hiah-ê Iû-thài-lâng óa-lâi khiā tī i ê chiu-ûi, ēng chin chōe giâm-tiōng ê chōe-miâ kā i khòng-kò, m̄-kú the̍h bōe chhut chèng-kù.

Faic an caibideil

使徒行傳 4:12

Iâ-so͘ í-gōa lóng bô chín-kiù, in-ūi tī thiⁿ-ē jîn-kan, Siōng-tè bô sù pa̍t-ê miâ hō͘ lán thang óa-khò lâi tit-kiù.”

Faic an caibideil

使徒行傳 9:23

Chin chōe ji̍t āu, Iû-thài-lâng tàu-tīn kè-bô͘ beh thâi Sò-lô,

Faic an caibideil

哥林多前書 10:33

Lín tio̍h chiàu góa só͘ chòe--ê khì chòe. Góa ūi-tio̍h hō͘ tāi-ke hoaⁿ-hí, m̄-bat kiû ka-kī ê lī-ek, sī kiû tāi-ke ê lī-ek, thang hō͘ in tit-tio̍h kiù.

Faic an caibideil

加拉太書 5:11

Hiaⁿ-tī chí-bē, góa nā kè-sio̍k thoân tio̍h siū kat-lé, sī-án-chóaⁿ góa iáu-teh siū pek-hāi? Góa nā án-ni chòe, Ki-tok ê si̍p-jī-kè chiū bōe chiâⁿ-chòe chó͘-gāi.

Faic an caibideil

Í-hut-só͘-su 3:13

Só͘-í, chhiáⁿ lín m̄-bián in-ūi góa ūi-tio̍h lín siū-khó͘ lâi sim kan-khó͘; kî-si̍t che sī lín ê kong-êng.

Faic an caibideil

Í-hut-só͘-su 3:8

Góa tī Siōng-tè só͘-ū ê chú-bîn tiong sī tē-it bî-sòe--ê, I kèng-jiân sù góa un-tián thang chiong Ki-tok sǹg bōe liáu hong-hù ê hok-im thoân hō͘ Gōa-pang-lâng,

Faic an caibideil

帖撒羅尼迦前書 1:10

thèng-hāu I ê Kiáⁿ tùi thiⁿ lâi; I hō͘ Iâ-so͘ tùi sí-lâng tiong koh-oa̍h, lâi chín-kiù lán thoat-lī beh lâi ê sím-phòaⁿ.

Faic an caibideil

帖撒羅尼迦後書 2:10

koh tùi bia̍t-bông ê lâng kiâⁿ ta̍k-khoán siâ-ok ê phiàn-su̍t, in-ūi in kū-choa̍t khì ài ōe hō͘ in tit-kiù ê chin-lí.

Faic an caibideil

提摩太前書 2:4

I ài chèng-lâng tit-kiù, ta̍t-kàu jīn-bat chin-lí.

Faic an caibideil

Hi-pek-lâi-su 6:8

M̄-kú thó͘-tōe nā hoat chháu-chhì kap cha̍p-chháu chiū bô lō͘-ēng, liâm-piⁿ ōe siū chiù-chó͘, chòe-āu hō͘ hé sio.

Faic an caibideil

Khé-sī-lio̍k 22:11

Hō͘ put-gī ê lâng kè-sio̍k chòe put-gī; hō͘ ù-òe ê lâng kè-sio̍k ù-òe; hō͘ gī ê lâng kè-sio̍k si̍t-hêng kong-gī; hō͘ sèng-kiat ê lâng kè-sio̍k sèng-kiat.”

Faic an caibideil

Lean sinn:

Ceanglaichean taic

Sanasan

Sanasan