Bìoball air-loidhne

Duilleag-dhachaigh
Bìoball air-loidhne
帖撒羅尼迦前書 2:13

帖撒羅尼迦前書 2:13 - 現代台語譯本羅馬字版

¹³ Goán mā ūi-tio̍h chit-ê iân-kò͘ siông-siông kám-siā Siōng-tè, in-ūi lín tùi goán thiaⁿ-tio̍h Siōng-tè ê ōe ê sî, bô kā i khòaⁿ-chòe sī lâng ê ōe, tian-tò khòaⁿ-chòe khak-khak-si̍t-si̍t sī Siōng-tè ê ōe; chit-ê ōe tī lín sìn-tô͘ tiong-kan teh ūn-chok.

Faic an caibideil Dèan lethbhreac

現代台語譯本漢字版

¹³ 阮嘛為著此個緣故常常感謝上帝，因為恁對阮聽著上帝的話的時，無給伊看做是人的話，顛倒看做確確實實是上帝的話；此個話佇恁信徒中間啲運作。

Faic an caibideil Dèan lethbhreac

dol air ais ⬆

帖撒羅尼迦前書 2:13
41 Iomraidhean Croise

Iâ-lī-bí-su 44:16

“Goán bô beh thiaⁿ lí hōng Siōng Chú ê miâ tùi goán kóng ê ōe.

Faic an caibideil

Hap-kai-su 1:12

Hit-sî, Sat-la-thiat ê kiáⁿ Só͘-lô-pa-pek kap Iok-sat-ta̍t ê kiáⁿ tōa-chè-si Iâ-su-a, í-ki̍p só͘ chhun ê chú-bîn, lóng ho̍k-chiông Siōng Chú — in ê Siōng-tè ê ōe, chiū-sī Siōng Chú chhe-phài--lâi ê sian-ti Hap-kai ê sìn-sit. Chèng-lâng mā lóng kèng-ùi Siōng Chú.

Faic an caibideil

馬太福音 10:20

in-ūi teh kóng--ê m̄-sī lín ka-kī, sī lín Thiⁿ-pē ê Sîn thong-kè lín teh kóng.

Faic an caibideil

馬太福音 10:40

“Chiap-la̍p lín--ê chiū-sī chiap-la̍p góa; chiap-la̍p góa--ê chiū-sī chiap-la̍p chhe góa lâi Hit-ūi.

Faic an caibideil

Lō͘-ka Hok-im 11:28

Put-kò Iâ-so͘ ìn kóng, “Thiaⁿ Siōng-tè ê ōe koh chun-siú ê lâng koh-khah ū hok-khì!”

Faic an caibideil

Lō͘-ka Hok-im 5:1

Ū chi̍t piàn, Iâ-so͘ khiā tī Kek-nî-sat-le̍k ô͘-piⁿ, ū chi̍t tīn lâng khoeh óa-khì beh thiaⁿ Siōng-tè ê ōe.

Faic an caibideil

Lō͘-ka Hok-im 8:11

“Chit-ê phì-jū ê ì-sù sī án-ni: Chéng-chí sī Siōng-tè ê sìn-sit.

Faic an caibideil

Lō͘-ka Hok-im 8:21

Iâ-so͘ tùi in kóng, “Thiaⁿ Siōng-tè ê ōe ū khì si̍t-hêng ê lâng chiū-sī góa ê lāu-bú, góa ê hiaⁿ-tī.”

Faic an caibideil

Iok-hān Hok-im 15:3

Góa tùi lín kóng ê ōe í-keng hō͘ lín chheng-khì lah.

Faic an caibideil

Iok-hān Hok-im 17:17

Kiû lí ēng chin-lí kā in sèng-hòa. Lí ê ōe chiū-sī chin-lí.

Faic an caibideil

Iok-hān Hok-im 17:19

Ūi-tio̍h in ê iân-kò͘, góa ka-kī hun-pia̍t-choh-sèng hō͘ lí ēng, hō͘ in mā thang thong-kè chin-lí hun-pia̍t-choh-sèng hō͘ lí ēng.

Faic an caibideil

使徒行傳 10:33

Góa chiū sûi-sî chhe lâng khì chhiáⁿ lí lâi; taⁿ lí lâi lah, si̍t-chāi chin hó. Hiān-chāi goán lóng chū-chi̍p tī Siōng-tè bīn-chêng, beh thiaⁿ Chú bēng-lēng lí só͘ beh kóng lóng-chóng ê ōe.”

Faic an caibideil

使徒行傳 13:48

Gōa-pang-lâng thiaⁿ-tio̍h chiah-ê ōe lóng chin hoaⁿ-hí, kui êng-kng hō͘ Chú ê sìn-sit. Hiah-ê í-keng siū Siōng-tè kéng-soán thang tit-tio̍h éng-oán ê oa̍h-miā ê lâng lóng chiâⁿ-chòe sìn-tô͘.

Faic an caibideil

使徒行傳 16:14

Ū chi̍t ê bōe chí-sek-pò͘ ê Chhui-ngá-chhui-lat ê hū-lú, miâ kiò-chòe Lū-tí-a, sī kèng-ùi Siōng-tè ê lâng, i mā lâi thiaⁿ. Chú khui i ê sim, hō͘ i choan-sim thiaⁿ Pó-lô só͘ kóng ê ōe.

Faic an caibideil

使徒行傳 17:11

Chiah-ê Iû-thài-lâng pí Thiap-sat-lô-nî-ka ê Iû-thài-lâng khah khai-bêng, hui-siông jia̍t-sim niá-siū tō-lí, ta̍k-ji̍t chhâ-khó Sèng-keng, khòaⁿ Pó-lô só͘ kóng--ê ū khak-si̍t--bô.

Faic an caibideil

使徒行傳 17:32

In chi̍t-ē thiaⁿ-tio̍h sí-lâng koh-oa̍h ê sū, ū lâng kā i thí-chhiò, mā ū lâng kóng, “Koan-hē chit-ê sū goán ài koh thiaⁿ lí kóng.”

Faic an caibideil

使徒行傳 2:41

Tùi án-ni, niá-siū i ê sìn-sit ê lâng lóng siū sóe-lé; hit-ji̍t sìn-tô͘ tāi-iok ke-thiⁿ saⁿ-chheng lâng.

Faic an caibideil

使徒行傳 8:14

Iâ-lō͘-sat-léng ê sù-tô͘ thiaⁿ-tio̍h Sat-má-lī-a-lâng í-keng chiap-siū Siōng-tè ê sìn-sit, chiū phài Pí-tek kap Iok-hān khì in hia.

Faic an caibideil

Lô-má-su 10:17

Só͘-í, sìn sī tùi thiaⁿ, thiaⁿ sī tùi thiaⁿ Ki-tok ê ōe.

Faic an caibideil

哥林多後書 3:18

Lán tāi-ke lóng ēng bô tà-phè ê bīn teh hoán-chiò Chú ê êng-kng; chit-ê êng-kng sī tùi Chú, chiū-sī tùi Sèng Sîn hoat--chhut-lâi ê êng-kng, teh kā lán kái-chō chiâⁿ-chòe I ê hêng-siōng, hō͘ lán ū koh-khah tōa ê êng-kng.

Faic an caibideil

加拉太書 4:14

Sui-jiân góa kiān-khong ê būn-tôe chiâⁿ-chòe lín ê tāng-tàⁿ, lín to bô khòaⁿ-khin góa, bô kū-choa̍t góa. Lín tian-tò chiap-thāi góa chhin-chhiūⁿ teh chiap-thāi Siōng-tè ê thiⁿ-sài, chhin-chhiūⁿ teh chiap-thāi Ki-tok Iâ-so͘.

Faic an caibideil

Ko-lô-se-su 1:6

Chit-ê hok-im m̄-nā thoân kàu lín hia, mā thoân kàu choân sè-kài, kè-sio̍k sêng-tióng kiat ké-chí, tú kap lín í-chêng thiaⁿ--kìⁿ koh chin-chiàⁿ jīn-bat Siōng-tè ê un-tián hit-sî ê chêng-hêng kâng-khoán.

Faic an caibideil

Hi-pek-lâi-su 4:12

Siōng-tè ê ōe sī oa̍h--ê, sī ū kong-hāu--ê, pí it-chhè siang-bīn-lāi ê kiàm khah lāi, ōe-tàng chhah-ji̍p, sīm-chì phòa-khui lâng ê lêng kap hûn, koan-chat kap kut-chhé, koh ōe-tàng phòaⁿ-toàn lâng sim-lāi ê io̍k-bōng kap ì-liām.

Faic an caibideil

Hi-pek-lâi-su 4:2

Hok-im pîⁿ-pîⁿ ū thoân hō͘ in, mā ū thoân hō͘ lán; m̄-kú in só͘ thiaⁿ--kìⁿ ê sìn-sit tùi in bô lī-ek, in-ūi in hiah-ê thiaⁿ ê lâng bô ēng sìn-sim niá-siū.

Faic an caibideil

Ngá-kok-su 1:18

I chiàu ka-kī ê chí-ì ēng chin-lí ê tō lâi chō lán, hō͘ lán tī siū-chō ê bān-mi̍h tiong ū siōng tiōng-iàu ê tōe-ūi.

Faic an caibideil

彼得前書 1:23

Lín têng-chhut-sì, m̄-sī tùi ōe pāi-hoāi, sī tùi bōe pāi-hoāi ê chéng-chí, chiū-sī thong-kè Siōng-tè oa̍h-oa̍h, éng-oán bōe bô--khì ê ōe.

Faic an caibideil

彼得前書 1:25

chóng-sī Chú ê ōe éng-oán chûn-chāi. Che chiū-sī thoân hō͘ lín ê hok-im ê sìn-sit.

Faic an caibideil

彼得前書 2:2

Tio̍h chhin-chhiūⁿ tú chhut-sì ê eⁿ-á chin ài sûn ê sio̍k-lêng ê lin, hō͘ lín thang sêng-tióng kàu tit-tio̍h kiù;

Faic an caibideil

Pí-tek Hō͘-su 3:2

Góa ài lín ōe-kì-tit kó͘-chá ê sèng sian-ti só͘ kóng ê ōe, kap lín ê sù-tô͘ só͘ thoân Chú — Kiù-chú hō͘ lín ê bēng-lēng.

Faic an caibideil

Iok-hān It-su 3:3

Ki-tok sī sûn-kiat, só͘-í tùi Ki-tok ū chit-khoán ǹg-bāng ê lâng ōe ka-kī pó-chhî sûn-kiat.

Faic an caibideil

Lean sinn:

Ceanglaichean taic

Sanasan

Sanasan