Bìoball air-loidhne

Duilleag-dhachaigh
Bìoball air-loidhne
帖撒羅尼迦前書 2:12

帖撒羅尼迦前書 2:12 - 現代台語譯本羅馬字版

¹² Goán khó͘-khǹg lín, kó͘-lē lín, khoàn-bián lín, ài lín ê giân-hêng-kú-chí ōe-tàng hû-ha̍p Siōng-tè ê chí-ì; I ū tiàu lín chìn-ji̍p I ka-kī ê Kok-tō͘ kap êng-iāu.

Faic an caibideil Dèan lethbhreac

現代台語譯本漢字版

¹² 阮苦勸恁，鼓勵恁，勸勉恁，愛恁的言行舉止會當符合上帝的旨意；伊有召恁進入伊家己的國度及榮耀。

Faic an caibideil Dèan lethbhreac

dol air ais ⬆

帖撒羅尼迦前書 2:12
29 Iomraidhean Croise

Chhòng-sè-kì 5:22

Í-lo̍k siⁿ Má-thó͘-sat-la liáu-āu, kap Siōng-tè tâng-kiâⁿ saⁿ-pah nî; hit tiong-kan ū koh siⁿ hāu-siⁿ cha-bó͘-kiáⁿ.

Faic an caibideil

歷代志下卷 17:4

chí-ū ho̍k-sāi i ê lāu-pē ê Siōng-tè, chun-hêng I ê kài-bēng, bô chiàu Í-sek-lia̍t chu-ông ê só͘-chòe khì chòe.

Faic an caibideil

Lô-má-su 8:28

Lán chai, bān-hāng-sū hō͘-siōng ūn-chok, hō͘ hiah-ê thiàⁿ Siōng-tè ê lâng, chiū-sī chiàu I ka-kī ê chí-ì soán-tiàu--ê, lóng ū lī-ek.

Faic an caibideil

Lô-má-su 8:30

Koh I ū-sian koat-tēng ê lâng, I mā kā in kéng-tiàu; I kéng-tiàu ê lâng, I mā kā in soan-phòaⁿ chòe gī-lâng; I soan-phòaⁿ chòe gī-lâng--ê, I mā hō͘ in tit-tio̍h êng-kng.

Faic an caibideil

哥林多前書 1:9

Siōng-tè sī sìn-si̍t, I ho͘-tiàu lín, beh hō͘ lín kap I ê Kiáⁿ lán ê Chú Iâ-so͘ Ki-tok kiat-liân.

Faic an caibideil

哥林多後書 4:6

Hit-ūi bēng-lēng kng tùi o͘-àm chiò--chhut-lâi ê Siōng-tè, chiū-sī ēng kng chiò lán lāi-sim ê Siōng-tè, hō͘ lán jīn-bat I chiò tī Iâ-so͘ Ki-tok ê bīn hit-ê êng-kng.

Faic an caibideil

加拉太書 5:16

Góa ê ì-sù sī: Lín tio̍h chiàu Sèng Sîn ê ín-chhōa seng-oa̍h, choa̍t-tùi m̄-thang kiû boán-chiok pún-sèng ê io̍k-bōng.

Faic an caibideil

Í-hut-só͘-su 4:1

Só͘-í, chòe chi̍t ê ūi-tio̍h Chú choh siû-hoān ê lâng, góa khó͘-khǹg lín. Kì-jiân lín siū Siōng-tè ho͘-tiàu, hêng-ûi tio̍h hû-ha̍p I ê ho͘-tiàu.

Faic an caibideil

Í-hut-só͘-su 5:2

Giân-hêng-kú-chí tio̍h ū thiàⁿ-sim, chhin-chhiūⁿ Ki-tok thiàⁿ lán, ūi-tio̍h lán hi-seng ka-kī ê sìⁿ-miā chòe phang-phang ê chè-mi̍h hiàn hō͘ Siōng-tè.

Faic an caibideil

Í-hut-só͘-su 5:8

Lín í-chêng tī o͘-àm tiong, m̄-kú hiān-chāi í-keng chiâⁿ-chòe sio̍k Chú ê lâng tī kng-bêng tiong, kiâⁿ-chòe tio̍h ū kng-bêng kiáⁿ-jî ê khoán-sit;

Faic an caibideil

Hui-li̍p-pí-su 1:27

Bô-lūn án-chóaⁿ, lín ê giân-hêng-kú-chí tio̍h hû-ha̍p Ki-tok ê hok-im. Án-ni, bô-lūn góa ōe-tàng koh khì kap lín saⁿ-kìⁿ á bōe, lóng ōe-tàng thiaⁿ-tio̍h lín ê tāi-chì, chai lín lóng ēng siâng chi̍t ê sim-chì khiā-chāi, tâng-sim chòe-hé ūi-tio̍h só͘ sìn ê hok-im phah-piàⁿ.

Faic an caibideil

Ko-lô-se-su 1:10

giân-hêng-kú-chí chiàu Chú só͘ ài, hoān-sū hō͘ I hoaⁿ-hí, koh hō͘ lín chòe ta̍k-hāng hó-sū, kiat hó ké-chí, tùi Siōng-tè ê jīm-sek mā jú ke-thiⁿ.

Faic an caibideil

Ko-lô-se-su 2:6

Kì-jiân lín ū chiap-siū Ki-tok Iâ-so͘ chòe Chú, chiū tio̍h kap I kiat-liân lâi seng-oa̍h,

Faic an caibideil

帖撒羅尼迦前書 4:1

Chòe-āu, hiaⁿ-tī chí-bē, goán iáu ū ōe beh kā lín kóng, lín ū chiap-siū goán ê kà-sī, chai-iáⁿ tio̍h án-chóaⁿ seng-oa̍h chiah ōe hō͘ Siōng-tè hoaⁿ-hí, kî-si̍t lín ū chiàu án-ni teh seng-oa̍h. Put-kò goán hōng Chú Iâ-so͘ ê miâ khún-kiû koh khó͘-khǹg lín tio̍h ka-pē lô-le̍k.

Faic an caibideil

帖撒羅尼迦前書 4:12

Án-ni lín chiū ōe-tàng tit-tio̍h hōe-gōa ê lâng ê chun-kèng, bô su-iàu khò pa̍t-lâng pang-chān.

Faic an caibideil

帖撒羅尼迦前書 5:24

Ho͘-tiàu lín ê Siōng-tè sī sìn-si̍t, I it-tēng ōe oân-sêng chit-ê sū.

Faic an caibideil

帖撒羅尼迦後書 1:10

I lâi-lîm ê sî ōe tùi I ê sìn-tô͘ tit-tio̍h êng-kng, koh tùi só͘-ū sìn I ê lâng tit-tio̍h chun-chông. Tī hit-ji̍t lín mā ōe tī in tiong-kan, in-ūi lín ū sìn goán tùi lín só͘ chòe ê kiàn-chèng.

Faic an caibideil

提摩太後書 1:9

Siōng-tè kiù lán, kéng-tiàu lán chòe I ka-kī ê chú-bîn, m̄-sī kun-kù lán ê hêng-ûi, sī chiàu I ka-kī ê chí-ì kap un-tián. Chit-ê un-tián tī bān-sè í-chêng thong-kè Ki-tok Iâ-so͘ sù hō͘ lán;

Faic an caibideil

彼得前書 2:9

M̄-kú lín leh, lín sī siū kéng-soán ê chióng-cho̍k, ông-ka ê chè-si, sèng-kiat ê kok-tō͘, Siōng-tè ê chú-bîn, beh hō͘ lín thang soan-iông Siōng-tè úi-tāi ê chok-ûi; chit-ūi Siōng-tè ū tiàu lín chhut o͘-àm lâi ji̍p tī I chhàn-lān ê kng-bêng.

Faic an caibideil

彼得前書 3:9

bô ēng pháiⁿ pò pháiⁿ, á-sī ēng bú-jio̍k tùi-hù bú-jio̍k; tian-tò tio̍h ēng chiok-hok hôe-pò, in-ūi lín sī ūi-tio̍h chit-ê siū ho͘-tiàu, hō͘ lín thang sêng-siū hok-khì.

Faic an caibideil

彼得前書 5:10

Sù it-chhè un-tián ê Siōng-tè, chiū-sī thong-kè Ki-tok lâi ho͘-tiàu lín chìn-ji̍p éng-oán ê êng-kng Hit-ūi, tī lín chiām-sî siū-khó͘ í-āu, it-tēng ōe chhin-sin kā lín têng-sin kiàn-li̍p, sù lín khùi-la̍t, hō͘ lín kian-kò͘, khiā-chāi.

Faic an caibideil

Pí-tek Hō͘-su 1:3

Siōng-tè ū ēng I ê lêng-le̍k chiong kèng-khiân ê seng-oa̍h só͘ su-iàu ê it-chhè sù hō͘ lán; che sī thong-kè lán jīn-bat tiàu lán lâi hun-hióng I ê êng-kng kap liông-siān hit-ūi Siōng-tè lâi--ê.

Faic an caibideil

Iok-hān Sam-su 1:6

In bat tī hōe-chiòng bīn-chêng chèng-si̍t lí ê thiàⁿ-sim. Chhiáⁿ lí chiàu Siōng-tè só͘ hoaⁿ-hí--ê, pang-chān in kè-sio̍k in ê lú-thêng.

Faic an caibideil

Lean sinn:

Ceanglaichean taic

Sanasan

Sanasan