Bìoball air-loidhne

Duilleag-dhachaigh
Bìoball air-loidhne
帖撒羅尼迦前書 1:5

帖撒羅尼迦前書 1:5 - 現代台語譯本羅馬字版

⁵ in-ūi goán thoân hok-im khì kàu lín hia, m̄-sī chí-ū ēng giân-gú, mā khò tōa lêng-le̍k kap Sèng Sîn, í-ki̍p tùi hok-im ū oân-choân ê khak-sìn. Chiàu lín só͘ chai, goán tī lín tiong-kan ê sî choh-lâng sím-mi̍h khoán, lóng sī ūi-tio̍h beh hō͘ lín tit-tio̍h lī-ek.

Faic an caibideil Dèan lethbhreac

現代台語譯本漢字版

⁵ 因為阮傳福音去到恁遐，毋是只有用言語，嘛靠大能力及聖神，以及對福音有完全的確信。照恁所知，阮佇恁中間的時作人什麼款，攏是為著欲互恁得著利益。

Faic an caibideil Dèan lethbhreac

dol air ais ⬆

帖撒羅尼迦前書 1:5
60 Iomraidhean Croise

Í-sài-a-su 55:11

tùi góa ê chhùi kóng-chhut ê ōe mā ōe án-ni; góa ê ōe choa̍t-tùi ōe si̍t-hiān, bōe lo̍k-khong. Góa ê ōe beh oân-sêng góa ê kè-ōe; góa ê ōe beh sêng-chiū góa ài chòe ê tāi-chì.

Faic an caibideil

Má-khó Hok-im 16:20

Bûn-tô͘ chhut-khì ta̍k só͘-chāi thoân hok-im. Chú kap in tâng-kang, ēng in só͘ kiâⁿ ê sîn-jiah chèng-si̍t in só͘ thoân ê tō-lí.

Faic an caibideil

Lō͘-ka Hok-im 1:1

Só͘ chun-kèng ê Thê-o-hui-lô sian-siⁿ: Tī goán tiong-kan só͘ hoat-seng ê tāi-chì, í-keng ū chin chōe lâng chéng-lí koh phian-siá;

Faic an caibideil

使徒行傳 11:21

Chú ê khùi-la̍t kap in tông-chāi, sìn lâi kui Chú ê lâng-gia̍h chin chōe.

Faic an caibideil

使徒行傳 16:14

Ū chi̍t ê bōe chí-sek-pò͘ ê Chhui-ngá-chhui-lat ê hū-lú, miâ kiò-chòe Lū-tí-a, sī kèng-ùi Siōng-tè ê lâng, i mā lâi thiaⁿ. Chú khui i ê sim, hō͘ i choan-sim thiaⁿ Pó-lô só͘ kóng ê ōe.

Faic an caibideil

使徒行傳 2:33

I í-keng siū ko-seng kàu Siōng-tè ê chiàⁿ-pêng, koh tùi Pē niá-siū só͘ èng-ún ê Sèng Sîn, I hiān-chāi chiong chit-ūi Sèng Sîn piàⁿ lo̍h-lâi hō͘ goán, chiū-sī lín hiān-chāi só͘ khòaⁿ--kìⁿ koh thiaⁿ--kìⁿ-ê.

Faic an caibideil

Lô-má-su 1:16

Góa bô khòaⁿ hok-im chòe kiàn-siàu, in-ūi chit-ê hok-im sī Siōng-tè ê tōa lêng-le̍k, beh chín-kiù só͘-ū sìn ê lâng, tāi-seng Iû-thài-lâng, āu-lâi Gōa-pang-lâng.

Faic an caibideil

Lô-má-su 15:13

Goān sù ǹg-bāng ê Siōng-tè, in-ūi lín tùi I ê sìn-sim, hō͘ lín chhiong-móa ta̍k-khoán ê hoaⁿ-hí kap pêng-an, koh hō͘ lín tùi Sèng Sîn ê lêng-le̍k chhiong-móa ǹg-bāng!

Faic an caibideil

Lô-má-su 2:16

Án-ni, tī hit-ji̍t, chiàu góa só͘ thoân ê hok-im, Siōng-tè ōe thong-kè Ki-tok Iâ-so͘ lâi sím-phòaⁿ lâng ún-ba̍t ê sū.

Faic an caibideil

哥林多前書 1:24

m̄-kú tùi Siōng-tè só͘ kéng-tiàu ê lâng, bô-lūn sī Iû-thài-lâng á-sī Hi-la̍h-lâng, chit-ê sìn-sit sī Ki-tok; I sī Siōng-tè ê tōa lêng-le̍k, sī Siōng-tè ê tì-hūi.

Faic an caibideil

哥林多前書 10:33

Lín tio̍h chiàu góa só͘ chòe--ê khì chòe. Góa ūi-tio̍h hō͘ tāi-ke hoaⁿ-hí, m̄-bat kiû ka-kī ê lī-ek, sī kiû tāi-ke ê lī-ek, thang hō͘ in tit-tio̍h kiù.

Faic an caibideil

哥林多前書 3:16

Kiám m̄ chai, lín sī Siōng-tè ê tiān, Siōng-tè ê Sîn tiàm tī lín lāi-bīn?

Faic an caibideil

哥林多前書 3:6

Góa iā-chéng, A-pho-lô ak-chúi, m̄-kú Siōng-tè hō͘ i tōa-châng.

Faic an caibideil

哥林多前書 4:20

In-ūi Siōng-tè-kok ê si̍t-hiān m̄-sī khò giân-sû, sī khò koân-lêng.

Faic an caibideil

哥林多前書 9:14

Chhin-chhiūⁿ án-ni, Chú ū hoan-hù: Thoân hok-im ê lâng eng-kai khò hok-im seng-oa̍h.

Faic an caibideil

哥林多後書 3:6

I sù goán ū châi-tiāu thang chòe sin ê iok ê chhe-ēng; m̄-sī ēng bûn-jī siá--ê, sī Sèng Sîn ê iok. Bûn-jī hō͘ lâng sí, m̄-kú Sèng Sîn hō͘ lâng oa̍h.

Faic an caibideil

加拉太書 2:2

Góa chiūⁿ Iâ-lō͘-sat-léng sī chun-thàn Chú ê khé-sī. Góa ū su-hā tùi hiah-ê léng-siù soat-bêng góa tùi Gōa-pang-lâng só͘ thoân ê hok-im, chiah bián hō͘ góa kè-khì á-sī hiān-chāi só͘ phun-pho phah-piàⁿ--ê lóng lo̍k-khong.

Faic an caibideil

加拉太書 5:5

Goán pek-chhiat teh thèng-hāu, ǹg-bāng Siōng-tè hō͘ lán kap I ū ha̍p-gî ê koan-hē; chit-ê ǹg-bāng khò Siōng-tè ê Sîn, tùi sìn chiah ōe-tàng si̍t-hiān.

Faic an caibideil

Í-hut-só͘-su 2:10

In-ūi lán sī Siōng-tè chhòng-chō--ê; I thong-kè Ki-tok Iâ-so͘ chhòng-chō lán, hō͘ lán thang chòe I chá chiū chún-pī ài lán chòe ê hó-sū.

Faic an caibideil

Í-hut-só͘-su 3:20

Siōng-tè ōe-tàng ēng I tī lán tiong-kan teh ūn-hêng ê tōa lêng-le̍k, tōa-tōa chhiau-kè lán só͘ kiû só͘ siūⁿ--ê, lâi sêng-chiū it-chhè.

Faic an caibideil

Hui-li̍p-pí-su 2:13

in-ūi Siōng-tè sî-siông tī lín tiong-kan teh chòe kang, hō͘ lín ū ì-goān koh ōe si̍t-chián I ê hó chí-ì.

Faic an caibideil

Hui-li̍p-pí-su 4:9

Lín tùi góa só͘ ha̍k-si̍p koh chiap-siū--ê, thiaⁿ--tio̍h koh khòaⁿ--tio̍h-ê, chiah-ê lóng tio̍h kè-sio̍k si̍t-hêng. Án-ni, sù pêng-an ê Siōng-tè chiū ōe kap lín tông-chāi.

Faic an caibideil

Ko-lô-se-su 2:2

Góa ê bo̍k-te̍k sī ài in ê sim siū kó͘-lē, ēng thiàⁿ saⁿ kiat-liân, thang tit-tio̍h hong-hù ê lí-kái-le̍k, ū chhiong-hun ê khak-sìn lâi hiáu-ngō͘ Siōng-tè ê ò-pì, chiū-sī Ki-tok;

Faic an caibideil

帖撒羅尼迦前書 2:13

Goán mā ūi-tio̍h chit-ê iân-kò͘ siông-siông kám-siā Siōng-tè, in-ūi lín tùi goán thiaⁿ-tio̍h Siōng-tè ê ōe ê sî, bô kā i khòaⁿ-chòe sī lâng ê ōe, tian-tò khòaⁿ-chòe khak-khak-si̍t-si̍t sī Siōng-tè ê ōe; chit-ê ōe tī lín sìn-tô͘ tiong-kan teh ūn-chok.

Faic an caibideil

帖撒羅尼迦後書 2:14

Ūi-tio̍h chit-ê, Siōng-tè thong-kè goán só͘ thoân ê hok-im ho͘-tiàu lín lâi niá-siū lán ê Chú Iâ-so͘ Ki-tok ê êng-kng.

Faic an caibideil

提摩太後書 2:10

Só͘-í, góa ūi-tio̍h Siōng-tè só͘ kéng-soán ê lâng jím-siū it-chhè, hō͘ in mā ōe tit-tio̍h Ki-tok Iâ-so͘ ê chín-kiù kap éng-oán ê êng-kng.

Faic an caibideil

提摩太後書 2:8

Tio̍h ōe-kì-tit Iâ-so͘ Ki-tok, I sī Tāi-pi̍t ê hō͘-tāi, Siōng-tè hō͘ I tùi sí-lâng tiong koh-oa̍h; che sī góa só͘ thoân ê hok-im.

Faic an caibideil

Hi-pek-lâi-su 10:22

lán tio̍h ēng chin-sêng ê sim, kian-koat ê sìn, chheng-khì bô khui-khiàm ê liông-sim kap chheng-chúi sóe--kè ê seng-khu lâi chhin-kūn Siōng-tè.

Faic an caibideil

Hi-pek-lâi-su 6:11

Goán chin ài lín ta̍k-ê lâng tùi thâu kàu bé pó-chhî jia̍t-sim, hō͘ lín só͘ ǹg-bāng--ê ōe oân-choân si̍t-hiān.

Faic an caibideil

彼得前書 1:12

Siōng-tè ū kā in khé-sī, hō͘ in chai in ê sū-hōng m̄-sī ūi-tio̍h ka-kī, sī ūi-tio̍h lín. Chiah-ê sū hiān-chāi í-keng ū khò tùi thiⁿ lâi ê Sèng Sîn, thong-kè hok-im ê sù-chiá thoân hō͘ lín; chiah-ê sū liân thiⁿ-sài mā pek-chhiat teh thèng-hāu ài chai.

Faic an caibideil

彼得前書 1:3

Tio̍h chheng-chàn lán ê Chú Iâ-so͘ Ki-tok ê Pē Siōng-tè! Kun-kù I bô-hān ê jîn-chû, thong-kè Iâ-so͘ Ki-tok tùi sí-lâng tiong koh-oa̍h, Siōng-tè ū hō͘ lán têng-chhut-sì thang tit-tio̍h oa̍h-oa̍h ê ǹg-bāng,

Faic an caibideil

彼得前書 5:3

Kau-tài hō͘ lín ê iûⁿ-kûn, m̄-thang ēng koân-ui koán-hat, tio̍h chòe in ê bô͘-iūⁿ.

Faic an caibideil

Pí-tek Hō͘-su 1:10

Só͘-í, góa ê hiaⁿ-tī chí-bē, lín tio̍h koh-khah lô-le̍k lâi chèng-bêng Siōng-tè tùi lín ê ho͘-tiàu kap kéng-soán sī khak-si̍t--ê; lín nā án-ni chòe chiū bōe tūi-lo̍h.

Faic an caibideil

Pí-tek Hō͘-su 1:19

Só͘-í goán tùi sian-ti só͘ soan-pò͘ ê sìn-sit koh-khah ū khak-sìn. Lín tio̍h chù-ì thiaⁿ, in-ūi chit-ê sìn-sit chhin-chhiūⁿ chi̍t pha teng tī o͘-àm ê só͘-chāi teh chiò, chiò kàu thiⁿ-kng, kàu khé-bêng-chhiⁿ chhut-hiān tī lín sim-lāi ê sî.

Faic an caibideil

Lean sinn:

Ceanglaichean taic

Sanasan

Sanasan