Bìoball air-loidhne

哥林多後書 7:15 - 現代台語譯本羅馬字版

¹⁵ Só͘-í, i siūⁿ-khí lín tāi-ke án-chóaⁿ sūn-ho̍k i, kiong-kiong-kèng-kèng kā i chiap-thāi, i tùi lín ê thiàⁿ-sim chiū ná chhim.

Faic an caibideil Dèan lethbhreac

現代台語譯本漢字版

¹⁵ 所以，伊想起恁大家按怎順服伊，恭恭敬敬給伊接待，伊對恁的疼心就愈深。

Faic an caibideil Dèan lethbhreac

dol air ais ⬆

哥林多後書 7:15
23 Iomraidhean Croise

Chhòng-sè-kì 43:30

Iok-sek thiàⁿ sió-tī ê chêng tōa kek-tōng, kóaⁿ-kín beh chhē chi̍t ê só͘-chāi háu, chiū ji̍p-khì i ê pâng-keng thî-khàu.

Faic an caibideil

列王紀上卷 3:26

Oa̍h ê gín-á ê lāu-bú ūi-tio̍h thiàⁿ ka-kī ê kiáⁿ, sim chhin-chhiūⁿ hé teh to̍h, chiū tùi ông kóng, “Góa ê chú ah, chiong oa̍h ê gín-á hō͘ hit-ê hū-jîn-lâng, chhian-bān m̄-thang kā i thâi-sí.” Lēng-gōa hit-ê hū-jîn-lâng kóng, “Kā i phòa-khui! Chit-ê gín-á m̄-bián hō͘ i, mā m̄-bián hō͘ góa.”

Faic an caibideil

Í-su-la-kì 10:9

Iû-tāi kap Piān-ngá-bín chit nn̄g chi-cho̍k ê lâng chiū tī saⁿ ji̍t lāi lóng lâi Iâ-lō͘-sat-léng chū-chi̍p; hit-ji̍t sī káu-ge̍h jī-cha̍p, chèng-lâng lóng chē tī Siōng-tè sèng-tiān thâu-chêng ê kóng-tiûⁿ, ūi-tio̍h chit-ê sū, koh in-ūi lo̍h tōa-hō͘, lóng gi̍h-gi̍h-chhoah.

Faic an caibideil

Í-su-la-kì 9:4

In-ūi liû-hòng--tò-lâi ê lâng só͘ hoān ê chōe, só͘-ū ūi-tio̍h Í-sek-lia̍t Siōng-tè ê ōe ngia̍uh-ngia̍uh-chhoah ê lâng lóng chū-chi̍p lâi góa chia; góa tio̍h-kiaⁿ thòng-sim chē--teh, kàu hiàn ē-hng-chè ê sî.

Faic an caibideil

Iok-pek-kì 21:6

Góa nā siūⁿ--tio̍h chiū kiaⁿ-hiâⁿ, kui seng-khu phi̍h-phi̍h-chhoah.

Faic an caibideil

Si-phian 119:120

Góa in-ūi kiaⁿ-ùi lí, kui seng-khu phi̍h-phi̍h-chhoah; lí ê sím-phòaⁿ hō͘ góa kiaⁿ-hiâⁿ.

Faic an caibideil

Si-phian 2:11

Tio̍h ēng kèng-ùi ho̍k-sāi Siōng Chú, ēng kiaⁿ-hiâⁿ khut-ho̍k tī I kha-ē,

Faic an caibideil

Ngá-ko 5:4

Góa chhin-ài--ê tùi mn̂g-phāng chhun-chhiú ji̍p--lâi; góa ê sim ūi-tio̍h i kek-tōng.

Faic an caibideil

Í-sài-a-su 66:2

Chiah-ê it-chhè sī góa ê chhiú só͘ chō, só͘-í, chiah-ê lóng sī góa--ê. Siōng Chú án-ni soan-pò͘. Góa beh khòaⁿ-kò͘--ê sī khùn-khó͘, sim-lêng thòng-hóe, thiaⁿ-tio̍h góa ê ōe chiū kiaⁿ-ùi ê lâng.

Faic an caibideil

Hô-se-a-su 13:1

Chá-chêng Í-hoat-liân chi-cho̍k chi̍t-ē kóng-ōe, lâng lóng phi̍h-phi̍h-chhoah; i tī Í-sek-lia̍t tiong siū chun-tiōng. M̄-kú i pài Pa-le̍k, hoān-chōe tì-kàu sí.

Faic an caibideil

Iok-hān Hok-im 16:21

Sán-hū siⁿ-kiáⁿ ê sî ū iu-chhiû, in-ūi sán-kî í-keng kàu; eⁿ-á chi̍t-ē chhut-sì chiū bô koh kì-tit seng-sán ê thòng-khó͘, i ōe in-ūi eⁿ-á í-keng chhut-sì tī sè-kan lâi hoaⁿ-hí.

Faic an caibideil

使徒行傳 16:29

Kò͘-kaⁿ ê lâng kiò lâng gia̍h-teng lâi, chông--ji̍p-khì, phi̍h-phi̍h-chhoah phak tī Pó-lô kap Se-la ê kha-chêng,

Faic an caibideil

哥林多前書 2:3

Góa tī lín hia ê sî, loán-jio̍k koh kiaⁿ kah phi̍h-phi̍h-chhoah.

Faic an caibideil

哥林多後書 2:9

Góa chêng siá hit-tiuⁿ phoe sī ài-beh chai lín jōa gâu jím-siū khó-giām, sī m̄-sī hoān-sū goān-ì sūn-ho̍k.

Faic an caibideil

哥林多後書 6:12

M̄-sī goán tùi lín bô tō͘-liōng, sī lín tùi goán tō͘-tn̂g oe̍h.

Faic an caibideil

Í-hut-só͘-su 6:5

Choh lô͘-lē--ê, kap sūn-ho̍k Ki-tok kâng-khoán, tio̍h ēng kèng-ùi kap kiaⁿ-hiâⁿ choan-sim sūn-ho̍k lín tī sè-chiūⁿ ê chú-lâng.

Faic an caibideil

Hui-li̍p-pí-su 1:8

Góa ēng Ki-tok Iâ-so͘ ê thiàⁿ-sim jōa-ni̍h siàu-liām lín tāi-ke, Siōng-tè thang kā góa choh-chèng.

Faic an caibideil

Hui-li̍p-pí-su 2:12

Só͘-í, chhin-ài ê hiaⁿ-tī chí-bē, góa tī lín hia ê sî, lín lóng ū sūn-thàn góa; hiān-chāi góa bô tī lín hia, lín koh-khah tio̍h án-ni. Tio̍h kè-sio̍k kiaⁿ-hiâⁿ ngia̍uh-ngia̍uh-chhoah lâi oân-sêng lín ê tit-kiù;

Faic an caibideil

Ko-lô-se-su 3:12

Lín sī Siōng-tè só͘ kéng-soán ê chú-bîn, sī I só͘ thiàⁿ--ê, só͘-í tio̍h ēng lîn-bín, chû-ài, khiam-pi, un-jiû, kap nāi-sim chòe saⁿ chhēng--lo̍h-khì.

Faic an caibideil

帖撒羅尼迦後書 3:14

Nā ū lâng m̄-khéng ho̍k-chiông goán tī chit-tiuⁿ phoe só͘ hoan-hù ê ōe, tio̍h kā i kì--teh, m̄-thang kap i lâi-óng, hō͘ i kám-kak kiàn-siàu;

Faic an caibideil

Iok-hān It-su 3:17

Nā ū hó-gia̍h-lâng khòaⁿ-tio̍h hiaⁿ-tī á-sī chí-bē ū khiàm-kheh ia̍h bô tông-chêng lîn-bín, ná ōe-tàng kóng i ū thiàⁿ Siōng-tè?

Faic an caibideil

Lean sinn:

Ceanglaichean taic

Sanasan

Sanasan