Bìoball air-loidhne

哥林多後書 7:11 - 現代台語譯本羅馬字版

¹¹ Lín khòaⁿ, Siōng-tè hiah-ni̍h gâu siān-iōng lín ê kan-khó͘-sim, chiah hō͘ lín hiah-ni̍h pek-chhiat piān-bêng ka-kī ê chheng-pe̍k, hiah-ni̍h hùn-khài, hiah-ni̍h ū kéng-kài-sim, hiah-ni̍h ū kî-thāi, hiah-ni̍h jia̍t-chêng, hiah-ni̍h ke̍k-lia̍t khiàn-chek put-hoat; tī ta̍k-hāng tāi-chì, lín í-keng ū chèng-bêng ka-kī ê chheng-pe̍k.

Faic an caibideil Dèan lethbhreac

現代台語譯本漢字版

¹¹ 恁看，上帝赫呢𠢕善用恁的艱苦心，才互恁赫呢迫切辯明家己的清白，赫呢憤慨，赫呢有警戒心，赫呢有期待，赫呢熱情，赫呢劇烈譴責不法；佇逐項代誌，恁已經有證明家己的清白。

Faic an caibideil Dèan lethbhreac

dol air ais ⬆

哥林多後書 7:11
54 Iomraidhean Croise

Nî-hi-bí-kì 13:25

Góa chiū chek-pī in, kā in chiù-chó͘, phah kúi-nā ê lâng, chhoah in ê thâu-mn̂g, kah in kí Siōng-tè chiù-chōa, bô beh koh chiong in ê cha-bó͘-kiáⁿ kè hō͘ gōa-cho̍k-lâng ê kiáⁿ, in kap in ê kiáⁿ mā bô beh chhōa gōa-cho̍k-lâng ê cha-bó͘-kiáⁿ.

Faic an caibideil

Iok-pek-kì 42:6

Só͘-í, góa iàm-ò͘ⁿ ka-kī, chē tī tîn-ai kap hé-hu téng chhàm-hóe.

Faic an caibideil

Si-phian 119:139

Góa hui-siông siū-khì chhin-chhiūⁿ hé beh kā góa thun-bia̍t, in-ūi góa ê tùi-te̍k bōe-kì-tit lí ê ōe.

Faic an caibideil

Si-phian 130:6

Góa ê sim-sîn thèng-hāu Chú, pí siú-bōng ê lâng thèng-hāu thiⁿ-kng koh-khah pek-chhiat, pí siú-bōng ê lâng thèng-hāu thiⁿ-kng koh-khah pek-chhiat.

Faic an caibideil

Si-phian 145:19

Kèng-ùi I ê lâng, I ōe hō͘ in ê sim-goān si̍t-hiān, koh ōe thiaⁿ in ê kiû-kiò, lâi chín-kiù in.

Faic an caibideil

Si-phian 2:11

Tio̍h ēng kèng-ùi ho̍k-sāi Siōng Chú, ēng kiaⁿ-hiâⁿ khut-ho̍k tī I kha-ē,

Faic an caibideil

Si-phian 35:13

M̄-kú, in phòa-pīⁿ ê sî, góa chhēng môa-saⁿ pi-siong, khek-khó͘ kìm-chia̍h, ūi-tio̍h in àⁿ-thâu kî-tó.

Faic an caibideil

Si-phian 38:9

Chú ah, góa ê sim-goān lí lóng chai; góa ê thó͘-khùi mā bô tùi lí am-khàm.

Faic an caibideil

Si-phian 42:1

Siōng-tè ah, góa ê sim pek-chhiat him-bō͘ lí, chhin-chhiūⁿ lo̍k pek-chhiat him-bō͘ khoe-chúi.

Faic an caibideil

Si-phian 69:9

Góa ūi-tio̍h lí ê tiān sim hé-jia̍t, kui-ê lâng lóng hō͘ thun--lo̍h-khì; lóe-mē lí ê lâng ê lóe-mē lóng lo̍h tī góa sin-chiūⁿ.

Faic an caibideil

Chim-giân 14:16

Tì-hūi ê lâng sū-sū kín-sīn, oán-lī pháiⁿ-tāi; gōng-lâng kiau-ngō͘ hòng-sù.

Faic an caibideil

Chim-giân 28:14

Put-sî kèng-ùi Siōng-tè ê lâng chin ū hok-khì! Ngī-sim ê lâng ōe tú-tio̍h chai-hō.

Faic an caibideil

Ngá-ko 8:6

Hō͘ góa chhin-chhiūⁿ ìn, khàm tī lí ê sim-lāi; chhin-chhiūⁿ ìn, tǹg tī lí ê chhiú-kut. In-ūi ài-chêng chhin-chhiūⁿ sí hiah-ni̍h ū-la̍t, chêng-jia̍t chhin-chhiūⁿ Im-hú hiah-ni̍h kiông-lia̍t, só͘ hoat-chhut ê iām-jia̍t chhin-chhiūⁿ hé-iām, chhin-chhiūⁿ ke̍k béng-lia̍t ê hé-iām.

Faic an caibideil

Í-sài-a-su 26:8

Siōng Chú ah, tī lí sím-phòaⁿ ê lō͘, goán teh thèng-hāu lí; goán ê sim khat-bō͘ lí siū chun-chông ê miâ.

Faic an caibideil

Í-sài-a-su 66:2

Chiah-ê it-chhè sī góa ê chhiú só͘ chō, só͘-í, chiah-ê lóng sī góa--ê. Siōng Chú án-ni soan-pò͘. Góa beh khòaⁿ-kò͘--ê sī khùn-khó͘, sim-lêng thòng-hóe, thiaⁿ-tio̍h góa ê ōe chiū kiaⁿ-ùi ê lâng.

Faic an caibideil

Tān-í-lí-su 6:14

Ông thiaⁿ-liáu hui-siông hoân-ló, siūⁿ-beh kiù Tān-í-lí, kui-ji̍t teh siūⁿ pān-hoat.

Faic an caibideil

Má-khó Hok-im 3:5

Iâ-so͘ siū-khì, chi̍t-ê chi̍t-ê kā in khòaⁿ, ūi-tio̍h in ê ngī-sim iu-siong, chiū tùi hit-ê lâng kóng, “Chhiú chhun--chhut-lâi!” I chhiú chhun--chhut-lâi, chiū ho̍k-goân.

Faic an caibideil

Iok-hān Hok-im 2:17

I ê bûn-tô͘ ōe-kì-tit Sèng-keng ū kì-chài, “Siōng-tè ah, góa ūi-tio̍h lí ê tiān sim hé-jia̍t, kui-ê lâng lóng hō͘ thun--lo̍h-khì.”

Faic an caibideil

使徒行傳 17:16

Pó-lô tī Ngá-tián teh thèng-hāu Se-la kap Thê-mô͘-thài ê tiong-kan, khòaⁿ-tio̍h móa-siâⁿ lóng sī ngó͘-siōng, sim chin kan-khó͘.

Faic an caibideil

Lô-má-su 11:20

Tio̍h! In m̄ sìn chiah siū chián--khí-lâi, lí tùi sìn chiah khiā ōe tiâu. Lí m̄-thang kiau-ngō͘, tio̍h kiaⁿ-hiâⁿ.

Faic an caibideil

Lô-má-su 14:18

Ēng án-ni lâi ho̍k-sāi Ki-tok ê lâng ōe hō͘ Siōng-tè hoaⁿ-hí, mā ōe tit-tio̍h lâng ê chheng-chàn.

Faic an caibideil

Lô-má-su 3:5

Put-kò, lán ê put-gī nā ōe-tàng hián-bêng Siōng-tè ê gī, lán ōe-tàng kóng sím-mi̍h? Góa chiàu lâng ê siūⁿ-hoat kóng, Siōng-tè tùi lán siū-khì sī put-gī sī--bô?

Faic an caibideil

哥林多前書 12:25

thang hō͘ seng-khu bián tì-kàu hun-lia̍t, tian-tò hō͘ ta̍k-ê chi-thé hō͘-siōng chiàu-kò͘.

Faic an caibideil

哥林多前書 5:2

Án-ni, lín iáu ū sím-mi̍h thang phòng-hong! Lín kiám m̄ eng-kai kám-kak siong-sim, kā chòe chit-khoán tāi-chì ê lâng tùi lín tiong-kan khai-tû?

Faic an caibideil

哥林多後書 13:7

Goán kî-kiû Siōng-tè hō͘ lín bōe chòe m̄-tio̍h; che m̄-sī beh piáu-sī goán khó-giām ū thong-kè, sī beh hō͘ lín chòe tio̍h ê tāi-chì, sui-jiân goán hō͘ lâng khòaⁿ-chòe khó-giām bô thong-kè mā bô iàu-kín.

Faic an caibideil

哥林多後書 2:6

Hit-khoán lâng siū lín tāi-to-sò͘ ê lâng khiàn-chek í-keng kàu-gia̍h.

Faic an caibideil

哥林多後書 6:4

hoán-tńg ēng siōng-tōa ê nāi-sim, hoān-sū thong-kè hoān-lān, kan-lân, kap khùn-khó͘, piáu-sī goán sī Siōng-tè ê chhe-ēng.

Faic an caibideil

哥林多後書 7:1

Chhin-ài ê pêng-iú, kì-jiân lán tit-tio̍h chiah-ê èng-ún, lán tio̍h kiat-chēng ka-kī, tû-khì it-chhè hō͘ seng-khu kap sim-lêng phah lâ-sâm ê sū, kèng-ùi Siōng-tè hō͘ seng-oa̍h oân-choân sèng-hòa.

Faic an caibideil

哥林多後書 7:7

m̄-nā in-ūi i ū lâi, koh in-ūi i ū kóng-khí lín án-chóaⁿ kā i kó͘-lē ê tāi-chì. I ū kā goán kóng-khí lín ài kìⁿ góa, lín ê sim kan-khó͘, kap lín tùi góa ê jia̍t-chêng, hō͘ góa koh-khah hoaⁿ-hí.

Faic an caibideil

哥林多後書 7:9

chóng-sī hiān-chāi góa chin hoaⁿ-hí, m̄-sī in-ūi lín sim kan-khó͘, sī in-ūi lín ê kan-khó͘-sim ū tì-kàu lín hóe-kái. Siōng-tè ū siān-iōng lín ê kan-khó͘-sim, só͘-í goán só͘ chòe--ê tùi lín bô siong-hāi.

Faic an caibideil

哥林多後書 9:2

Góa chai lín kam-sim pang-chān, góa bat ūi-tio̍h chit-hāng tāi-chì tùi Má-kî-tùn-lâng khoa-kháu kóng, “A-kai-a ê sìn-tô͘ tī kū-nî chiū chún-pī hó-sè.” Lín ê jia̍t-sim ū kám-tōng in tōa-pō͘-hūn ê lâng.

Faic an caibideil

Í-hut-só͘-su 4:26

Lín nā siū-khì m̄-thang tì-kàu hoān-chōe. M̄-thang kàu ji̍t lo̍h iáu-teh siū-khì;

Faic an caibideil

Í-hut-só͘-su 5:11

M̄-thang chham-ú tī o͘-àm tiong teh chòe bô lō͘-ēng ê tāi-chì, tian-tò tio̍h kā in po̍k-lō͘--chhut-lâi.

Faic an caibideil

Hui-li̍p-pí-su 2:12

Só͘-í, chhin-ài ê hiaⁿ-tī chí-bē, góa tī lín hia ê sî, lín lóng ū sūn-thàn góa; hiān-chāi góa bô tī lín hia, lín koh-khah tio̍h án-ni. Tio̍h kè-sio̍k kiaⁿ-hiâⁿ ngia̍uh-ngia̍uh-chhoah lâi oân-sêng lín ê tit-kiù;

Faic an caibideil

帖撒羅尼迦前書 4:6

M̄-thang chhim-hāi, mā m̄-thang khi-hū tâng-sìn ê hiaⁿ-tī chí-bē. Goán í-keng ū kā lín kóng, mā ū giâm-giâm seng kā lín kéng-kò, “Chòe chit-khoán tāi-chì ê lâng, Chú ōe pò-èng.”

Faic an caibideil

提摩太前書 5:20

Kè-sio̍k hoān-chōe ê lâng tio̍h tī chèng-lâng ê bīn-chêng kā in khiàn-chek, hō͘ kî-tha ê lâng tit-tio̍h kéng-kài.

Faic an caibideil

提摩太後書 2:15

Tio̍h chīn-la̍t chòe, thang hō͘ Siōng-tè khòaⁿ-chòe khó-chhú bô kiàn-siàu ê kang-lâng, chèng-khak kóe-seh chin-lí ê tō.

Faic an caibideil

Thê-to-su 3:8

Chit-kù ōe thang siong-sìn. Góa ài lí te̍k-pia̍t kiông-tiau chiah-ê sū, thang hō͘ sìn Siōng-tè ê lâng choân-sim chòe hó-sū; chiah-ê sū lóng chin hó, koh tùi lâng ū lī-ek.

Faic an caibideil

Hi-pek-lâi-su 4:1

Kì-jiân Siōng-tè hō͘ lâng chìn-ji̍p an-hioh ê èng-ún iáu lâu--teh, lán tio̍h sió-sim, chiah bián lín tiong-kan ū lâng siūⁿ-kóng in tit bōe tio̍h chit-ê èng-ún.

Faic an caibideil

Ngá-kok-su 3:17

Tùi téng-bīn lâi ê tì-hūi, thâu chi̍t hāng sī sûn-kiat, koh-lâi sī hô-pêng, un-hô, ū tō͘-liōng, chhiong-móa chû-pi, koh gâu kiat hó ké-chí, bô phian-su, bô hu-ké.

Faic an caibideil

彼得前書 1:17

Lín kì-jiân kiû-kiò ēng kâng chi̍t ê phiau-chún, chiàu ta̍k-lâng ê hêng-ûi sím-phòaⁿ lâng Hit-ūi chòe Pē, chiū tio̍h ēng kèng-ùi ê sim tī sè-kan ê ji̍t-chí choh kiâu-bîn seng-oa̍h.

Faic an caibideil

彼得前書 2:2

Tio̍h chhin-chhiūⁿ tú chhut-sì ê eⁿ-á chin ài sûn ê sio̍k-lêng ê lin, hō͘ lín thang sêng-tióng kàu tit-tio̍h kiù;

Faic an caibideil

Iû-tāi-su 1:23

ū chi̍t-kóa lâng, tio̍h tùi hé-tiong kā in kiù--chhut-lâi; koh ū chi̍t-kóa lâng, tio̍h lîn-bín in, m̄-kú tio̍h ka-kī kéng-kài, liân in hō͘ chêng-io̍k bak--tio̍h ê saⁿ to tio̍h iàm-ò͘ⁿ.

Faic an caibideil

Khé-sī-lio̍k 3:19

Góa só͘ thiàⁿ ê lâng, góa lóng kā in chek-pī kap koán-kàu. Só͘-í, tio̍h jia̍t-sim, tio̍h hoán-hóe.

Faic an caibideil

Lean sinn:

Ceanglaichean taic

Sanasan

Sanasan