Bìoball air-loidhne

哥林多後書 6:16 - 現代台語譯本羅馬字版

¹⁶ Siōng-tè ê tiān kap ngó͘-siōng ná ōe-tàng pâi chòe-hé? In-ūi lán sī éng-oa̍h Siōng-tè ê tiān! Chiàu Siōng-tè só͘ kóng: Góa beh kap góa ê chú-bîn chòe-hé khiā-khí, tī in tiong-kan óng-lâi. Góa beh chòe in ê Siōng-tè, in beh chòe góa ê chú-bîn.

Faic an caibideil Dèan lethbhreac

現代台語譯本漢字版

¹⁶ 上帝的殿及偶像哪會當排做夥？因為咱是永活上帝的殿！照上帝所講：我欲及我的子民做夥徛起，佇𪜶中間往來。我欲做𪜶的上帝，𪜶欲做我的子民。

Faic an caibideil Dèan lethbhreac

dol air ais ⬆

哥林多後書 6:16
60 Iomraidhean Croise

列王紀上卷 18:21

Í-lī-a kiâⁿ-óa chèng-lâng, tùi in kóng, “Lín sim chûn lióng-ì bô beh koat-toàn, beh kàu sím-mi̍h sî? Nā Siōng Chú sī Siōng-tè, chiū tio̍h sūn-thàn Siōng Chú; nā Pa-le̍k sī Siōng-tè, chiū tio̍h sūn-thàn Pa-le̍k.” Chèng-lâng chi̍t kù ōe to bô ìn.

Faic an caibideil

Si-phian 90:1

Chú ah, lí sè-sè-tāi-tāi sī goán ê pī-lān-só͘.

Faic an caibideil

出埃及記 20:3

“Góa í-gōa lí m̄-thang ū pa̍t-ê Siōng-tè.

Faic an caibideil

出埃及記 23:13

“Góa bēng-lēng lín--ê, lín tio̍h chun-siú; pa̍t-ê sîn-bêng ê miâ, m̄-thang thê-khí, mā m̄-thang kóng hō͘ lâng thiaⁿ.”

Faic an caibideil

出埃及記 25:8

In tio̍h ūi góa khí chi̍t ê sèng ê só͘-chāi, hō͘ góa thang tiàm tī in tiong-kan.

Faic an caibideil

出埃及記 29:45

Góa beh tiàm tī Í-sek-lia̍t-lâng ê tiong-kan, chòe in ê Siōng-tè.

Faic an caibideil

出埃及記 34:14

“M̄-thang kèng-pài pa̍t-ê sîn-bêng, in-ūi Siōng Chú sī iau-kiû lâng choân-chêng ho̍k-sāi I ê Siōng-tè, bô iông-ún ū pa̍t-ê sîn-bêng kap I pí-phēng.

Faic an caibideil

Iâ-lī-bí-su 24:7

Góa beh sù in chi̍t lia̍p jīn-bat góa ê sim, sêng-jīn góa sī Siōng Chú. In beh chòe góa ê chú-bîn, góa beh chòe in ê Siōng-tè, in-ūi in beh it-sim-it-ì kui-ǹg góa.”

Faic an caibideil

Iâ-lī-bí-su 31:1

“Kàu hit-sî, góa beh chòe Í-sek-lia̍t ta̍k chong-cho̍k ê Siōng-tè, in beh chòe góa ê chú-bîn.” Siōng Chú án-ni soan-pò͘.

Faic an caibideil

Iâ-lī-bí-su 31:33

Hiah-ê ji̍t-chí í-āu, góa kap choân-thé Í-sek-lia̍t-lâng só͘ beh li̍p ê iok sī án-ni: Góa beh chiong góa ê lu̍t-hoat hē tī in ê sim-lāi, khek tī in ê sim-pán. Góa beh chòe in ê Siōng-tè, in beh chòe góa ê chú-bîn. Siōng Chú án-ni soan-pò͘.

Faic an caibideil

Iâ-lī-bí-su 32:38

In beh chòe góa ê chú-bîn, góa beh chòe in ê Siōng-tè.

Faic an caibideil

Í-se-kiat-su 11:20

Án-ni, in chiū ōe chun-siú góa ê kui-lē, sūn-thàn góa ê bēng-lēng. In beh chòe góa ê chú-bîn, góa beh chòe in ê Siōng-tè.

Faic an caibideil

Í-se-kiat-su 36:25

Góa beh ēng chheng-chúi kā lín hiù, lín chiū chheng-khì. Góa beh kā lín sóe chheng-khì, tû-khì lín it-chhè ê ù-òe kap só͘-ū ê ngó͘-siōng.

Faic an caibideil

Í-se-kiat-su 36:28

Lín beh tòa tī góa sù hō͘ lín chó͘-sian ê hit-tè thó͘-tōe. Lín beh chòe góa ê chú-bîn, góa chòe lín ê Siōng-tè.

Faic an caibideil

Í-se-kiat-su 43:7

“Jîn-chú ah, chia sī góa ê pó-chō, sī góa ê kha-tiam; góa beh éng-oán tòa tī Í-sek-lia̍t-lâng ê tiong-kan. Í-sek-lia̍t-lâng kap in ê kun-ông bōe-ēng-tit koh in-ūi pài ngó͘-siōng kiâⁿ îm-loān, á-sī in-ūi kun-ông ê si-thé siat-to̍k góa ê sèng-miâ.

Faic an caibideil

Í-se-kiat-su 43:9

Taⁿ, in bōe-ēng-tit koh pài ngó͘-siōng, koh tio̍h chiong kun-ông ê si-thé sóa lī-khui góa sèng ê só͘-chāi, góa chiū beh éng-oán tòa tī in tiong-kan.

Faic an caibideil

Hô-se-a-su 14:8

Í-sek-lia̍t ah, góa kap ngó͘-siōng ū sím-mi̍h koan-hē? Góa beh ìn-tap lín, khòaⁿ-kò͘ lín, beh chhin-chhiūⁿ chhiⁿ-chhùi ê siông-chhiū tì-ìm lín. Góa sī it-chhè hok-khì ê goân-thâu.

Faic an caibideil

Hô-se-a-su 2:23

Góa beh ūi-tio̍h góa ka-kī kā i chai-chèng tī chit-tè thó͘-tōe; góa beh thiàⁿ-sioh Lô Lō͘-hap-má, beh tùi Lô A-bí kóng “Lí sī góa ê chú-bîn”; in ōe ìn kóng “Lí sī goán ê Siōng-tè”.

Faic an caibideil

Lī-bī-kì 26:12

Góa beh put-sî kap lín tông-chāi. Góa beh chòe lín ê Siōng-tè, lín beh chòe góa ê chú-bîn.

Faic an caibideil

Se-hoan-ngá-su 1:5

Só͘-ū tī chhù-téng pài thiⁿ-téng bān-siōng--ê, kap hiah-ê kèng-pài Siōng Chú kí góa chiù-chōa, siâng-sî koh kí sîn-bêng Bí-le̍k-kong chiù-chōa--ê,

Faic an caibideil

Sat-ka-lī-a-su 13:9

Góa beh hō͘ chit saⁿ-hūn-chi̍t ê lâng siū hé thoàn-liān, chhin-chhiūⁿ teh liān kim, liān gûn. In ōe kiû-kiò góa ê miâ, góa beh ìn in. Góa beh kóng ‘Lín sī góa ê chú-bîn’; in ōe ìn, ‘Siōng Chú, lí sī goán ê Siōng-tè!’”

Faic an caibideil

Sat-ka-lī-a-su 8:8

Góa beh chhōa in tò-tńg-lâi tòa tī Iâ-lō͘-sat-léng; in beh chòe góa ê chú-bîn, góa beh chòe in ê Siōng-tè, ēng sìn-si̍t kap kong-gī tùi-thāi in.”

Faic an caibideil

馬太福音 16:16

Se-bûn Pí-tek ìn kóng, “Lí sī Ki-tok, éng-oa̍h Siōng-tè ê Kiáⁿ.”

Faic an caibideil

馬太福音 6:24

“Bô lâng ōe-tàng ho̍k-sāi nn̄g ê chú-lâng; i nā m̄-sī oàn-hūn chit-ê, thiàⁿ hit-ê, chiū-sī khòaⁿ-tāng chit-ê, khòaⁿ-khin hit-ê. Lín bōe-tàng siâng-sî ho̍k-sāi Siōng-tè koh ho̍k-sāi chîⁿ-châi.

Faic an caibideil

Lō͘-ka Hok-im 5:36

Iâ-so͘ koh ēng chi̍t ê phì-jū kā in kóng, “Bô lâng thiah sin-saⁿ lâi pó͘ kū-saⁿ, nā án-ni chòe, m̄-nā sin-saⁿ thiah-phòa, thiah--khí-lâi hit-tè sin-pò͘ kap kū-saⁿ mā bōe ha̍h.

Faic an caibideil

Iok-hān Hok-im 14:23

Iâ-so͘ ìn kóng, “Thiàⁿ góa ê lâng ōe chun-siú góa ê ōe. Góa ê Pē ōe thiàⁿ i; góa ê Pē kap góa ōe lâi i hia, kap i chòe-hé tòa.

Faic an caibideil

Iok-hān Hok-im 6:56

Chia̍h góa ê bah, lim góa ê huih ê lâng, tiàm tī góa lāi-bīn, góa mā tiàm tī i lāi-bīn.

Faic an caibideil

Lô-má-su 8:11

Siōng-tè ê Sîn ū hō͘ Iâ-so͘ tùi sí-lâng tiong koh-oa̍h; chit-ê Sîn nā tiàm tī lín lāi-bīn, chit-ūi hō͘ Ki-tok tùi sí-lâng tiong koh-oa̍h ê Siōng-tè, ōe thong-kè tiàm tī lín lāi-bīn ê Sèng Sîn, hō͘ lín ōe sí ê seng-khu tit-tio̍h oa̍h-miā.

Faic an caibideil

Lô-má-su 8:9

Kì-jiân Siōng-tè ê Sîn ū tiàm tī lín lāi-bīn, lín chiū m̄-sī sio̍k pún-sèng, sī sio̍k Sèng Sîn. Lâng nā bô Ki-tok ê Sîn chiū bô sio̍k Ki-tok.

Faic an caibideil

Lô-má-su 9:26

Tī hit-ê só͘-chāi, góa bat tùi in kóng “Lín m̄-sī góa ê chú-bîn”; siâng-khoán tī hia, in ōe kiò-chòe “éng-oa̍h Siōng-tè ê kiáⁿ-jî”.

Faic an caibideil

哥林多前書 10:21

Lín lim Chú ê poe, bōe-ēng-tit koh lim kúi ê poe; lín chham-ka Chú ê iàn-se̍k, bōe-ēng-tit koh chham-ka kúi ê iàn-se̍k.

Faic an caibideil

哥林多前書 6:19

Kiám m̄ chai lín ê seng-khu sī Sèng Sîn ê tiān? Chit-ūi Sèng Sîn tiàm tī lín lāi-bīn, sī lín tùi Siōng-tè niá-siū--ê. Lín m̄-sī sio̍k ka-kī, sī sio̍k Siōng-tè,

Faic an caibideil

Í-hut-só͘-su 2:20

kiàn-li̍p tī sian-ti kap sù-tô͘ só͘ hē ê tōe-ki téng, ēng Ki-tok Iâ-so͘ pún-sin chòe siōng tiōng-iàu ê ki-chio̍h,

Faic an caibideil

Í-hut-só͘-su 2:22

Lín kap I kiat-liân, khò Sèng Sîn ê pang-chān, mā chòe-hé siū khí-chō chòe Siōng-tè khiā-khí ê só͘-chāi.

Faic an caibideil

Í-hut-só͘-su 3:17

Góa mā kî-kiû Ki-tok ōe in-ūi lín ê sìn lâi tiàm tī lín sim-lāi, hō͘ lín tèng-kun hē tōe-ki tī thiàⁿ,

Faic an caibideil

Sin-bēng-kì 5:7

“Góa í-gōa lí m̄-thang ū pa̍t-ê Siōng-tè.

Faic an caibideil

提摩太後書 1:14

Tio̍h kò͘-siú thong-kè tiàm tī lán lāi-bīn ê Sèng Sîn kau-thok hō͘ lí ê bí-hó ê sìn-sit.

Faic an caibideil

Hi-pek-lâi-su 3:6

m̄-kú, Ki-tok choh Kiáⁿ tī-lí Siōng-tè ê ke. Tùi só͘ ǹg-bāng--ê, lán nā ēng khak-sìn kap ióng-khì lâi chhî-siú, lán chiū-sī Siōng-tè ke-lāi ê lâng.

Faic an caibideil

Hi-pek-lâi-su 8:10

Chú koh kóng: Hiah-ê ji̍t í-āu, góa kap Í-sek-lia̍t-lâng só͘ beh li̍p ê iok sī án-ni: Góa beh chiong góa ê Lu̍t-hoat khǹg tī in ê náu-lāi, siá tī in ê sim-lāi. Góa beh chòe in ê Siōng-tè; in beh chòe góa ê chú-bîn.

Faic an caibideil

Ngá-kok-su 4:5

Sèng-keng kóng, “Siōng-tè chhim-chhim ì-ài I khǹg tī lán lāi-bīn ê Sîn”, lín siūⁿ Sèng-keng só͘ siá chit-kù ōe bô ì-sù sī--bô?

Faic an caibideil

彼得前書 2:5

Lín mā tio̍h choh oa̍h-chio̍h, hō͘ Siōng-tè ēng lâi khí-chō sio̍k-lêng ê tiān, koh choh sèng-kiat ê chè-si, thong-kè Iâ-so͘ Ki-tok hiàn Siōng-tè só͘ hoaⁿ-hí sio̍k-lêng ê chè-mi̍h.

Faic an caibideil

Iok-hān It-su 4:12

Bô lâng bat khòaⁿ-kìⁿ Siōng-tè, lán nā saⁿ-thiàⁿ, Siōng-tè chiū tiàm tī lán lāi-bīn, I ê thiàⁿ thong-kè lán oân-choân si̍t-hiān chhut--lâi.

Faic an caibideil

Iok-hān It-su 4:15

Soan-jīn Iâ-so͘ sī Siōng-tè ê Kiáⁿ ê lâng, Siōng-tè tiàm tī i lāi-bīn, i mā tī Siōng-tè lāi-bīn.

Faic an caibideil

Khé-sī-lio̍k 2:1

“Lí tio̍h siá-phoe hō͘ Í-hut-só͘ ê kàu-hōe ê thiⁿ-sài, kóng, “‘Chiàⁿ-chhiú tháⁿ chhit lia̍p chhiⁿ, tī chhit ki kim teng-tâi ê tiong-kan teh kiâⁿ Hit-ūi án-ni kóng:

Faic an caibideil

Khé-sī-lio̍k 21:3

Góa koh thiaⁿ-tio̍h ū tōa ê siaⁿ tùi pó-chō hoat-chhut, kóng, “Khòaⁿ ah, Siōng-tè ê hōe-bō͘ tī lâng ê tiong-kan! Siōng-tè beh kap in chòe-hé khiā-khí; in beh chòe I ê chú-bîn; Siōng-tè beh chhin-sin kap in tông-chāi, chòe in ê Siōng-tè.

Faic an caibideil

Khé-sī-lio̍k 21:7

Tek-sèng ê lâng ōe sêng-chiap chiah-ê; góa beh chòe in ê Siōng-tè, in beh chòe góa ê kiáⁿ-jî.

Faic an caibideil

Lean sinn:

Ceanglaichean taic

Sanasan

Sanasan