Bìoball air-loidhne

哥林多後書 4:4 - 現代台語譯本羅馬字版

⁴ In m̄ sìn sī in-ūi chit sè-kan ê sîn-bêng hō͘ in ê sim-ba̍k sit-bêng, bōe-tàng khòaⁿ-kìⁿ hok-im ê kng, chit-ê hok-im teh kiàn-chèng êng-kng ê Ki-tok; Ki-tok sī Siōng-tè ê hêng-siōng.

Faic an caibideil Dèan lethbhreac

現代台語譯本漢字版

⁴ 𪜶毋信是因為此世間的神明互𪜶的心目失明，𣍐當看見福音的光，此個福音啲見證榮光的基督；基督是上帝的形像。

Faic an caibideil Dèan lethbhreac

dol air ais ⬆

哥林多後書 4:4
42 Iomraidhean Croise

列王紀上卷 22:22

Siōng Chú mn̄g i kóng, ‘Lí beh án-chóaⁿ kā ín-iú?’ I ìn kóng, ‘Góa beh chhut-khì chòe pe̍h-chha̍t ê sîn, hō͘ hiah-ê sian-ti kóng pe̍h-chha̍t.’ Siōng Chú kóng, ‘Lí kā i ín-iú, it-tēng ōe sêng-kong. Lí khì, chiàu án-ni chòe.’

Faic an caibideil

Si-phian 50:2

Tùi súi bô-pí ê Sek-an, Siōng-tè hoat-chhut kng.

Faic an caibideil

Í-sài-a-su 6:10

Lí tio̍h hō͘ chit-ê chú-bîn ê sim tūn, hī-khang tāng, ba̍k-chiu hoe; chiah bián in ba̍k-chiu khòaⁿ--kìⁿ, hī-á thiaⁿ--kìⁿ, sim bêng-pe̍k, oa̍t tò-tńg lâi tit-tio̍h i-tī.”

Faic an caibideil

馬太福音 13:22

Iā tī chhì-phè lāi--ê, sī chí lâng thiaⁿ-tio̍h sìn-sit liáu-āu, seng-oa̍h ê khòa-lū kap chîⁿ-châi ê bê-he̍k kā só͘ thiaⁿ--tio̍h ê sìn-sit hip--sí, soah bōe kiat-si̍t.

Faic an caibideil

Iok-hān Hok-im 1:14

Tō chiâⁿ-chòe lâng, tiàm tī lán tiong-kan, chhiong-móa un-tián kap chin-lí; goán ū khòaⁿ-kìⁿ I ê êng-iāu, sī Thiⁿ-pē to̍k-it ê Kiáⁿ chiah ū ê êng-iāu.

Faic an caibideil

Iok-hān Hok-im 1:18

Bô lâng bat khòaⁿ-kìⁿ Siōng-tè, chí-ū Pē sim-hoâi tiong to̍k-it ê Kiáⁿ ū kā I hián-sī--chhut-lâi.

Faic an caibideil

Iok-hān Hok-im 12:31

Hiān-chāi sī chit-ê sè-kan siū sím-phòaⁿ ê sî; hiān-chāi chit sè-kan ê thóng-tī-chiá teh-beh siū thui-hoan.

Faic an caibideil

Iok-hān Hok-im 12:35

Iâ-so͘ tùi in kóng, “Kng iáu ōe tī lín tiong-kan chi̍t-sî-á kú. Lín tio̍h thàn ū kng ê sî kè-sio̍k kiâⁿ, chiah bōe hō͘ o͘-àm jia-khàm. Tī o͘-àm tiong teh kiâⁿ ê lâng m̄ chai ōe kiâⁿ-khì tó-ūi.

Faic an caibideil

Iok-hān Hok-im 12:40

Siōng-tè hō͘ in ê ba̍k-chiu bōe khòaⁿ--kìⁿ, hō͘ in ê sim ngī, chiah bián in ê ba̍k-chiu khòaⁿ--kìⁿ, in ê sim bêng-pe̍k, lâi kui-ǹg góa, góa chiū kā in i-hó.

Faic an caibideil

Iok-hān Hok-im 12:45

Khòaⁿ-kìⁿ góa chiū-sī khòaⁿ-kìⁿ chhe góa lâi Hit-ūi.

Faic an caibideil

Iok-hān Hok-im 14:30

Góa bōe koh kap lín kóng chin chōe ōe, in-ūi chit sè-kài ê thóng-tī-chiá teh lâi lah. I choa̍t-tùi bōe-tàng tùi góa chòe sím-mi̍h,

Faic an caibideil

Iok-hān Hok-im 15:24

Góa tī in tiong-kan nā bô chòe pa̍t-lâng m̄-bat chòe ê tāi-chì, in chiū bô chōe; hiān-chāi in ū khòaⁿ-tio̍h góa ê só͘-chòe, iáu-kú oàn-hūn góa kap góa ê Pē.

Faic an caibideil

Iok-hān Hok-im 16:11

tùi sím-phòaⁿ, in-ūi chit sè-kan ê thóng-tī-chiá í-keng siū sím-phòaⁿ.

Faic an caibideil

Iok-hān Hok-im 8:12

Iâ-so͘ koh kā chèng-lâng kóng, “Góa sī sè-kan ê kng; tè góa ê lâng bōe tī o͘-àm tiong seng-oa̍h, hoán-tńg ū oa̍h-miā ê kng.”

Faic an caibideil

使徒行傳 26:18

khui in ê ba̍k-chiu, hō͘ in lī-khui o͘-àm chìn-ji̍p kng-bêng, lī-khui Sat-tàn ê koân-sè kui-ǹg Siōng-tè, hō͘ in tùi sìn góa tit-tio̍h sià-chōe, koh sêng-siū choh Siōng-tè soán-bîn ê tōe-ūi.’”

Faic an caibideil

使徒行傳 26:23

chiū-sī Ki-tok it-tēng tio̍h siū-khó͘, chiâⁿ-chòe thâu chi̍t ê tùi sí-lâng tiong koh-oa̍h--ê, thang chiong chín-kiù ê kng thoân hō͘ Iû-thài-lâng kap Gōa-pang-lâng.”

Faic an caibideil

哥林多前書 10:20

M̄-sī, góa sī teh kóng, hiàn tī īⁿ-kàu chè-tôaⁿ téng ê chè-mi̍h sī hiàn hō͘ kúi, m̄-sī hiàn hō͘ Siōng-tè. Góa bô ài lín kap kúi kau-chhap.

Faic an caibideil

哥林多後書 2:11

Án-ni chiah bián hō͘ Sat-tàn kā lán phiⁿ--khì, in-ūi lán chin chheng-chhó Sat-tàn ê khúi-kè.

Faic an caibideil

哥林多後書 2:12

Góa khì Te̍k-lô-a thoân Ki-tok ê Hok-im ê sî, Chú í-keng kā góa khui kang-chok ê mn̂g;

Faic an caibideil

哥林多後書 3:11

Hit-ê ōe siau-sit--ê nā ōe hoat-chhut êng-kng, chit-ê éng-chûn--ê it-tēng ōe hián-chhut koh-khah tōa ê êng-kng.

Faic an caibideil

哥林多後書 3:14

M̄-kú in ê sim tūn, it-ti̍t kàu kin-á-ji̍t in tha̍k kū ê iok ê sî, in ê sim iáu hō͘ hit-tè phè tà--teh. In-ūi chí-ū kap Ki-tok kiat-liân, hit-tè phè chiah the̍h--khí-lâi.

Faic an caibideil

哥林多後書 3:18

Lán tāi-ke lóng ēng bô tà-phè ê bīn teh hoán-chiò Chú ê êng-kng; chit-ê êng-kng sī tùi Chú, chiū-sī tùi Sèng Sîn hoat--chhut-lâi ê êng-kng, teh kā lán kái-chō chiâⁿ-chòe I ê hêng-siōng, hō͘ lán ū koh-khah tōa ê êng-kng.

Faic an caibideil

哥林多後書 4:6

Hit-ūi bēng-lēng kng tùi o͘-àm chiò--chhut-lâi ê Siōng-tè, chiū-sī ēng kng chiò lán lāi-sim ê Siōng-tè, hō͘ lán jīn-bat I chiò tī Iâ-so͘ Ki-tok ê bīn hit-ê êng-kng.

Faic an caibideil

加拉太書 1:4

Ūi-tio̍h beh kiù lán thoat-lī hiān-kim chit-ê siâ-ok ê sè-tāi, Ki-tok ū chiàu lán ê Pē Siōng-tè ê chí-ì ūi-tio̍h lán ê chōe hiàn I pún-sin.

Faic an caibideil

Í-hut-só͘-su 2:2

Hit-sî, lín thàn sè-kan ê tiâu-liû, sūn-ho̍k khong-tiong ê chiáng-koân-chiá, chiū-sī hiān-chāi teh koán-hat pōe-ge̍k Siōng-tè ê lâng hit-ê siâ-sîn.

Faic an caibideil

Í-hut-só͘-su 6:12

In-ūi lán m̄-sī kap ū-huih-ū-bah ê lâng teh kau-chiàn, sī kap thian-kài ê siâ-lêng, chiū-sī chit-ê o͘-àm sè-tāi ê ú-tiū thóng-léng-chiá, koân-le̍k-chiá, chiáng-koân-chiá teh kau-chiàn.

Faic an caibideil

Hui-li̍p-pí-su 2:6

I goân-pún ū Siōng-tè ê sin-hūn, khiok bô lām-iōng kap Siōng-tè pêng-téng ê tōe-ūi.

Faic an caibideil

Ko-lô-se-su 1:15

Ki-tok sī khòaⁿ bōe tio̍h ê Siōng-tè ê hêng-siōng: I sī Tōa-kiáⁿ, pí it-chhè siū-chō--ê khah chá ū.

Faic an caibideil

Ko-lô-se-su 1:27

Siōng-tè beh hō͘ in chai-iáⁿ, I ūi-tio̍h Gōa-pang-lâng só͘ chún-pī ê ò-pì sī jōa-ni̍h hong-hù koh êng-iāu. Chit-ê ò-pì sī Ki-tok tī lín lāi-bīn, I sī lín hun-hióng Siōng-tè êng-iāu ê ǹg-bāng.

Faic an caibideil

提摩太前書 1:11

Chit-ê kiān-choân ê kàu-gī hû-ha̍p eng-kai tit-tio̍h chheng-chàn ê Siōng-tè só͘ kau-thok góa hit-ê êng-kng ê hok-im.

Faic an caibideil

Thê-to-su 2:13

thèng-hāu hit-ê chhiong-móa hok-khì ê ǹg-bāng, chiū-sī chì-chun ê Siōng-tè í-ki̍p lán ê Kiù-chú Iâ-so͘ Ki-tok êng-iāu ê hián-hiān.

Faic an caibideil

Hi-pek-lâi-su 1:3

I hoán-siā Siōng-tè ê êng-iāu, sī Siōng-tè pún-chit ê chin-siōng. I ēng I koân-lêng ê ōe hû-chhî bān-iú, sóe-tû lâng ê chōe liáu-āu, chē tī Chì-chun Chì-koân Siōng-tè ê chiàⁿ-pêng.

Faic an caibideil

Hi-pek-lâi-su 6:4

Hiah-ê lâng bat hō͘ Siōng-tè ê kng chiò, bat tam-tio̍h sio̍k-thiⁿ ê un-sù, bat hun-hióng Sèng Sîn, bat thé-giām Siōng-tè ê ōe ê hó-chhù, mā bat kám-siū teh-beh lâi ê sè-tāi ê koân-pèng. Án-ni, in iáu-kú pōe-sìn! Chit-khoán lâng bô hoat-tō͘ hō͘ in têng-sin hóe-kái kiâⁿ tò-tńg; in-ūi in koh chiong Siōng-tè ê Kiáⁿ tèng tī si̍p-jī-kè téng, kong-jiân kā I bú-jio̍k.

Faic an caibideil

Pí-tek Hō͘-su 1:19

Só͘-í goán tùi sian-ti só͘ soan-pò͘ ê sìn-sit koh-khah ū khak-sìn. Lín tio̍h chù-ì thiaⁿ, in-ūi chit-ê sìn-sit chhin-chhiūⁿ chi̍t pha teng tī o͘-àm ê só͘-chāi teh chiò, chiò kàu thiⁿ-kng, kàu khé-bêng-chhiⁿ chhut-hiān tī lín sim-lāi ê sî.

Faic an caibideil

Iok-hān It-su 2:11

M̄-kú oàn-hūn hiaⁿ-tī á-sī chí-bē ê lâng sī tī o͘-àm tiong, tī o͘-àm tiong teh seng-oa̍h, m̄ chai beh khì tó-ūi, in-ūi o͘-àm hō͘ i ê ba̍k-chiu bô khòaⁿ--kìⁿ.

Faic an caibideil

Iok-hān It-su 2:8

Chóng-sī góa siá hō͘ lín ê kài-bēng mā thang kóng sī sin--ê, che tùi Ki-tok kap tùi lín lóng sī chin--ê; in-ūi o͘-àm teh kè--khì, chin kng í-keng teh chiò.

Faic an caibideil

Iok-hān It-su 5:19

Lán chai, lán sī sio̍k Siōng-tè, m̄-kú choân sè-kài siū Siâ-ok-chiá koán-hat.

Faic an caibideil

Lean sinn:

Ceanglaichean taic

Sanasan

Sanasan