Bìoball air-loidhne

哥林多後書 2:17 - 現代台語譯本羅馬字版

¹⁷ Goán bô chhin-chhiūⁿ chin chōe lâng chiong Siōng-tè ê ōe chòe sio̍k-hè phah-bōe, tian-tò sī chòe chi̍t ê sûn-chin ê lâng, siū Siōng-tè chhe-phài, tī I ê bīn-chêng khò Ki-tok soan-káng.

Faic an caibideil Dèan lethbhreac

現代台語譯本漢字版

¹⁷ 阮無親像真多人將上帝的話做俗貨拍賣，顛倒是做一個純真的人，受上帝差派，佇伊的面前靠基督宣講。

Faic an caibideil Dèan lethbhreac

dol air ais ⬆

哥林多後書 2:17
30 Iomraidhean Croise

Iâ-lī-bí-su 5:31

Sian-ti kóng ké sìn-sit, chè-si la̍k-koân, góa ê chú-bîn mā ì-ài án-ni. Sím-phòaⁿ kàu ê sî, khòaⁿ lín beh án-chóaⁿ?”

Faic an caibideil

馬太福音 24:24

In-ūi ū chi̍t-kóa ké Ki-tok kap ké sian-ti ōe chhut-hiān, kiâⁿ tōa sîn-jiah kap kî-sū lâi bê-he̍k lâng, nā ōe-tàng, liân soán-bîn to beh kā in bê-he̍k.

Faic an caibideil

使徒行傳 20:20

Bô-lūn tī kong-kiōng ê tiûⁿ-ha̍p á-sī kò-pia̍t ê ka-têng, nā tùi lín ū lī-ek--ê, góa m̄-bat bô tùi lín thoân, bô kā lín kà;

Faic an caibideil

使徒行傳 20:27

in-ūi góa í-keng chiong Siōng-tè ê chí-ì lóng-chóng thoân hō͘ lín lah.

Faic an caibideil

哥林多前書 5:8

Só͘-í, lán m̄-thang ēng ok-to̍k siâ-ok ê kū kàⁿ-bú, tio̍h ēng sûn-choân chin-si̍t ê bô-kàⁿ-piáⁿ chòe chè-mi̍h lâi siú-choeh.

Faic an caibideil

哥林多後書 1:12

Goán só͘ khoa-kháu--ê sī án-ni: Goán ê liông-sim chèng-bêng, goán tī chit sè-kan ê seng-oa̍h lóng sī chiàu Siōng-tè só͘ sù ê sûn-kiat kap sêng-si̍t, m̄-sī khò sio̍k-sè ê tì-hūi, sī khò Siōng-tè ê un-tián; goán tùi-thāi lín koh-khah sī án-ni.

Faic an caibideil

哥林多後書 1:18

Siōng-tè sī sìn-si̍t, góa tùi lín tah-èng ê ōe chiū m̄-sī liâm-piⁿ “sī” liâm-piⁿ “m̄-sī”.

Faic an caibideil

哥林多後書 11:11

Sī-án-chóaⁿ? Kiám kóng góa bô thiàⁿ lín? Góa ū, Siōng-tè chai!

Faic an caibideil

哥林多後書 12:19

Lín it-ti̍t siūⁿ-kóng goán tùi lín teh ūi-tio̍h ka-kī piān-hō͘ sī--bô? M̄-sī! Goán tī Siōng-tè bīn-chêng kóng Ki-tok ài goán kóng ê ōe. Chhin-ài ê pêng-iú, goán só͘ chòe--ê lóng sī beh hō͘ lín tit-tio̍h chō-chiū.

Faic an caibideil

哥林多後書 4:2

Goán pàng-sak it-chhè bô ài lâng chai ê kiàn-siàu-tāi, bô chòe khi-phiàn lâng ê tāi-chì, bô oai-khiok Siōng-tè ê ōe, chí-ū tī Siōng-tè ê bīn-chêng kong-khai hián-bêng chin-lí, lâi kiò-chhíⁿ chèng-lâng ê liông-sim.

Faic an caibideil

哥林多後書 6:7

thoân chin-lí ê sìn-sit kap Siōng-tè ê tōa lêng-le̍k, ēng kong-gī chòe bú-khì kong-kek tùi-te̍k, pó-hō͘ ka-kī.

Faic an caibideil

加拉太書 1:6

Lín hō͘ góa chin tio̍h-kiaⁿ! Lín kèng-jiân hiah-ni̍h kín chiū pàng-sak hit-ūi thong-kè Ki-tok ê un-tián ho͘-tiàu lín ê Siōng-tè, khì tè pa̍t-ê hok-im.

Faic an caibideil

帖撒羅尼迦前書 2:4

Kì-jiân Siōng-tè khòaⁿ goán ōe-kham--tit, chiong hok-im kau-thok goán, goán chiū chiàu án-ni kóng, m̄-sī beh hō͘ lâng hoaⁿ-hí, sī beh hō͘ kàm-chhat goán lāi-sim ê Siōng-tè hoaⁿ-hí.

Faic an caibideil

Thê-to-su 1:11

Chit-khoán lâng it-tēng tio̍h kìm-chí in kóng-ōe, in-ūi in ūi-tio̍h beh tham put-gī ê chîⁿ-châi, ēng bô eng-kai kà-sī ê ōe phò-hoāi chi̍t-kóa ka-têng.

Faic an caibideil

Hi-pek-lâi-su 11:27

Tùi sìn, Mô͘-se m̄ kiaⁿ ông ê siū-khì lī-khui Ai-ki̍p; i kian-chhî kàu-tóe, in-ūi i ū khòaⁿ-kìⁿ lâng khòaⁿ bōe tio̍h ê Siōng-tè.

Faic an caibideil

彼得前書 4:11

Kóng tō-lí--ê, tio̍h kóng Siōng-tè ê sìn-sit; sū-hōng--ê, tio̍h chiàu Siōng-tè só͘ sù un-sù ê le̍k-liōng lâi sū-hōng, hō͘ Siōng-tè thong-kè Iâ-so͘ Ki-tok tī bān-sū tit-tio̍h êng-iāu. Goān êng-kng koân-pèng lóng kui I, ti̍t-kàu éng-éng-oán-oán. Amen!

Faic an caibideil

Iok-hān It-su 4:1

Chhin-ài ê pêng-iú, m̄-thang siong-sìn ta̍k-ê sîn; tio̍h chhat-giām chiah-ê sîn sī tùi Siōng-tè lâi á m̄-sī, in-ūi ū chin chōe ké sian-ti í-keng chhut-hiān tī chit sè-kan.

Faic an caibideil

Iû-tāi-su 1:4

In-ūi ū chi̍t-kóa bô kèng-ùi Siōng-tè ê lâng thau-thau-á chǹg ji̍p-lâi lán tiong-kan, lī-iōng lán ê Siōng-tè ê un-tián chòe hòng-chhiòng ê chià-kháu, koh m̄ jīn î-it ê Chú-cháiⁿ lán ê Chú Iâ-so͘ Ki-tok. Chin chá í-chêng Sèng-keng chiū ū-giân chiah-ê lâng it-tēng tio̍h siū hêng-hoa̍t.

Faic an caibideil

Khé-sī-lio̍k 12:9

Hit-chiah tōa chiah ok-lêng chiū siū hiat--lo̍h-khì; i chiū-sī hit-bé lāu-chôa, kiò-chòe Mô͘-kúi, Sat-tàn, choân jîn-lūi ê bê-he̍k-chiá; i siū hiat-lo̍h tōe, i ê sù-chiá mā lóng kap i chòe-hé siū hiat-lo̍h tōe.

Faic an caibideil

Khé-sī-lio̍k 19:20

Hit-chiah siù siū lia̍h, hit-ê ké sian-ti, chiū-sī chêng bat tī siù ê bīn-chêng kiâⁿ kî-chek--ê, mā kap siù chòe-hé siū lia̍h. Chit-ê ké sian-ti bat ēng kî-chek bê-he̍k hiah-ê ū siù ê kì-hō kap bat pài siù ê siōng ê lâng. Hit-chiah siù kap hit-ê ké sian-ti nn̄g ê lóng hō͘ lâng oa̍h-oa̍h hiat-lo̍h liû-hông teh to̍h ê hé-ô͘.

Faic an caibideil

Khé-sī-lio̍k 2:20

M̄-kú, ū chi̍t hāng tāi-chì góa beh kā lí chek-pī, chiū-sī lí iông-ún chū-chheng choh sian-ti ê hū-jîn-lâng Iâ-sé-phek; i kà-sī koh bê-he̍k góa ê po̍k-jîn khì hoān kan-îm koh chia̍h chè ngó͘-siōng ê mi̍h.

Faic an caibideil

Lean sinn:

Ceanglaichean taic

Sanasan

Sanasan