Bìoball air-loidhne

哥林多後書 2:14 - 現代台語譯本羅馬字版

¹⁴ Kám-siā Siōng-tè! In-ūi kap Ki-tok kiat-liân, goán sî-siông hō͘ Siōng-tè chhōa-khì chham-ka Ki-tok khái-soân ê hâng-lia̍t. Siōng-tè koh ēng goán khì ta̍k só͘-chāi sàn-pò͘ jīn-bat Ki-tok chiah ū ê phang-bī.

Faic an caibideil Dèan lethbhreac

現代台語譯本漢字版

¹⁴ 感謝上帝！因為及基督結連，阮時常互上帝導去參加基督凱旋的行列。上帝閣用阮去逐所在散布認識基督才有的芳味。

Faic an caibideil Dèan lethbhreac

dol air ais ⬆

哥林多後書 2:14
27 Iomraidhean Croise

Si-phian 106:47

Siōng Chú — goán ê Siōng-tè ah, kiû lí chín-kiù goán, chū-chi̍p goán, chhōa goán tùi lia̍t-kok tńg--lâi, hō͘ goán thang kám-siā lí ê sèng-miâ, ēng chheng-chàn lí chòe goán siōng-tōa ê hoaⁿ-hí.

Faic an caibideil

Si-phian 148:14

I hō͘ I ê chú-bîn kiông-sēng, hō͘ I sèng ê chú-bîn lóng chheng-chàn I, chiū-sī hiah-ê chhin-kūn Chú ê Í-sek-lia̍t chú-bîn. Ha-lé-lú-iah, chheng-chàn Siōng Chú!

Faic an caibideil

Ngá-ko 1:3

Lí ê phang-iû si̍t-chāi chin phang; lí ê miâ chhin-chhiūⁿ tò--chhut-lâi ê phang-iû; só͘-í, bô chi̍t ê cha-bó͘ gín-á bô ài lí.

Faic an caibideil

Í-se-kiat-su 20:41

Góa beh tùi bān-cho̍k ê tiong-kan kā lín chhōa--chhut-lâi, kā lín tùi sì-sòaⁿ--khì ê lia̍t-kok chū-chi̍p óa--lâi; hit-sî, góa beh chiap-la̍p lín chhin-chhiūⁿ chiap-siū phang-phang ê chè-mi̍h; lia̍t-kok beh in-ūi lín chai, góa sī sîn-sèng--ê.

Faic an caibideil

Iok-hān Hok-im 16:33

Góa ū chiong chiah-ê tāi-chì kā lín kóng, sī beh hō͘ lín tī góa lāi-bīn ū pêng-an. Tī sè-kan lín ū khó͘-lān, m̄-kú tio̍h ióng-kám, góa í-keng khah iâⁿ sè-kan.”

Faic an caibideil

Lô-má-su 1:8

Tāi-seng, góa thong-kè Iâ-so͘ Ki-tok ūi-tio̍h lín chèng-lâng kám-siā góa ê Siōng-tè, in-ūi lín ê sìn-tek í-keng thoân-piàn choân sè-kài.

Faic an caibideil

Lô-má-su 6:17

Kám-siā Siōng-tè, sui-jiân lín bat choh chōe ê lô͘-lē, hiān-chāi í-keng tùi sim-tóe sūn-thàn hit-ê thoân-siū hō͘ lín chòe tián-hoān ê kà-sī.

Faic an caibideil

Lô-má-su 8:37

Lóng m̄-sī! Tī chiah-ê it-chhè ê tāi-chì, lán khò thiàⁿ lán ê Siōng-tè tek-sèng kàu ū-chhun!

Faic an caibideil

哥林多前書 12:8

Ū lâng thong-kè Sèng Sîn tit-tio̍h thoân sìn-sit ê tì-hūi; ū lâng kun-kù kâng chi̍t ūi Sèng Sîn tit-tio̍h thoân sìn-sit ê tì-sek;

Faic an caibideil

哥林多前書 15:37

Lín só͘ iā--ê, bô-lūn sī be̍h-á á-sī pa̍t-khoán ngó͘-kok, put-kò sī chéng-chí, m̄-sī āu-lâi tōa-châng ê hêng-thé.

Faic an caibideil

哥林多前書 15:57

Kám-siā Siōng-tè, I thong-kè lán ê Chú Iâ-so͘ Ki-tok hō͘ lán tit-tio̍h sèng-lī.

Faic an caibideil

哥林多後書 1:11

Lín mā tio̍h ēng kî-tó pang-chān goán, án-ni chiū ū chin chōe lâng ōe in-ūi goán tùi lín chin chōe ê kî-tó tit-tio̍h chiok-hok lâi kám-siā Siōng-tè.

Faic an caibideil

哥林多後書 8:16

Kám-siā Siōng-tè hō͘ Thê-to chhin-chhiūⁿ góa chiah-ni̍h jia̍t-sim pang-chān lín.

Faic an caibideil

哥林多後書 9:15

Kám-siā Siōng-tè, I ū hō͘ lán bōe-tàng hêng-iông ê un-sù!

Faic an caibideil

Í-hut-só͘-su 5:2

Giân-hêng-kú-chí tio̍h ū thiàⁿ-sim, chhin-chhiūⁿ Ki-tok thiàⁿ lán, ūi-tio̍h lán hi-seng ka-kī ê sìⁿ-miā chòe phang-phang ê chè-mi̍h hiàn hō͘ Siōng-tè.

Faic an caibideil

Í-hut-só͘-su 5:20

Tio̍h khò lán ê Chú Iâ-so͘ Ki-tok ê miâ, ūi-tio̍h ta̍k-hāng tāi-chì sî-siông kám-siā Thiⁿ Pē Siōng-tè.

Faic an caibideil

Hui-li̍p-pí-su 4:18

Che sī lín hō͘ góa só͘-ū mi̍h-kiāⁿ ê siu-kù. Lín hō͘ góa--ê í-keng kàu-gia̍h koh ū-chhun. Góa ū tùi Í-pa-hut-thê siu-tio̍h lín sàng hō͘ góa ê lé-mi̍h, chhin-chhiūⁿ hoat-chhut phang-bī, Siōng-tè só͘ chiap-la̍p hoaⁿ-hí ê chè-mi̍h.

Faic an caibideil

Ko-lô-se-su 1:23

Lín tio̍h kian-chhî sìn-gióng, kian-kò͘ khiā-chāi, hō͘ lín thiaⁿ-tio̍h hok-im ê sî só͘ tit--tio̍h ê ǹg-bāng bô tōng-iâu. Chit-ê hok-im í-keng thoân hō͘ thiⁿ-ē só͘-ū ê pī-chō-bu̍t; góa — Pó-lô chiū-sī chit-ê hok-im ê chhe-ēng.

Faic an caibideil

Ko-lô-se-su 1:6

Chit-ê hok-im m̄-nā thoân kàu lín hia, mā thoân kàu choân sè-kài, kè-sio̍k sêng-tióng kiat ké-chí, tú kap lín í-chêng thiaⁿ--kìⁿ koh chin-chiàⁿ jīn-bat Siōng-tè ê un-tián hit-sî ê chêng-hêng kâng-khoán.

Faic an caibideil

Ko-lô-se-su 2:15

Siōng-tè ū kái-tû lêng-kài ê thóng-léng-chiá kap chiáng-koân-chiá ê koân-sè, hō͘ in tī Ki-tok khái-soân ê hâng-lia̍t tiong chòe chiàn-hoān sī-chiòng.

Faic an caibideil

帖撒羅尼迦前書 1:8

In-ūi Chú ê sìn-sit sī tùi lín thoân-chhut, m̄-nā tī Má-kî-tùn kap A-kai-a, lín tùi Siōng-tè ê sìn mā thoân kàu ta̍k só͘-chāi, só͘-í m̄-bián goán koh kóng sím-mi̍h.

Faic an caibideil

帖撒羅尼迦前書 3:9

Goán tī Siōng-tè ê bīn-chêng in-ūi lín lâi hoaⁿ-hí; tùi che it-chhè ê hoaⁿ-hí, goán tio̍h án-chóaⁿ kám-siā chiah ū kàu-gia̍h?

Faic an caibideil

提摩太前書 2:8

Góa ài ta-po͘-lâng bô siū-khì, bô cheng-lūn, tī ta̍k só͘-chāi gia̍h-khí sèng-kiat ê chhiú kî-tó.

Faic an caibideil

提摩太後書 2:2

Lí tī chin chōe kiàn-chèng-jîn bīn-chêng tùi góa thiaⁿ-tio̍h chiah-ê kà-sī, tio̍h kau-thok hō͘ hiah-ê tiong-si̍t, mā ōe-kham-tit kà-sī pa̍t-lâng ê lâng.

Faic an caibideil

Khé-sī-lio̍k 7:12

kóng: Amen! Goān siōng-chàn, êng-kng, tì-hūi, kám-siā, chun-kùi, koân-lêng, khùi-la̍t, kui tī lán ê Siōng-tè, kàu éng-éng-oán-oán. Amen!

Faic an caibideil

Lean sinn:

Ceanglaichean taic

Sanasan

Sanasan