Bìoball air-loidhne

哥林多後書 11:23 - 現代台語譯本羅馬字版

²³ In sī Ki-tok ê chhe-ēng sī--bô? Góa chún-chòe siáu-lâng lâi kóng, góa koh-khah sī. Góa siū koh-khah chōe lô-khó͘, chē koh-khah chōe kaⁿ, siū sǹg bōe liáu ê piⁿ-phah, chin chōe piàn hiám-hiám-á sí.

Faic an caibideil Dèan lethbhreac

現代台語譯本漢字版

²³ 𪜶是基督的差用是無？我準做𤞚人來講，我閣較是。我受閣較多勞苦，坐閣較多監，受算𣍐了的鞭拍，真多遍險險仔死。

Faic an caibideil Dèan lethbhreac

dol air ais ⬆

哥林多後書 11:23
43 Iomraidhean Croise

Iâ-lī-bí-su 36:5

Iâ-lī-bí hoan-hù Pa-lio̍k, kóng, “Góa hō͘ lâng kìm-chí, bōe-ēng-tit ji̍p-khì Siōng Chú ê sèng-tiān,

Faic an caibideil

使徒行傳 14:19

Ū chi̍t-kóa tùi Pí-se-tí ê An-thê-o kap Í-ko-liām lâi ê Iû-thài-lâng siàn-tōng kûn-chiòng ēng chio̍h-thâu tìm Pó-lô, siūⁿ-kóng i í-keng sí, chiū kā i thoa chhut-khì siâⁿ-gōa.

Faic an caibideil

使徒行傳 20:23

put-kò góa chai, Sèng Sîn kā góa kéng-kò, kóng tī ta̍k-ê siâⁿ-chhī ū kaⁿ-ga̍k kap hoān-lān teh thèng-hāu góa.

Faic an caibideil

使徒行傳 21:11

I lâi chhē goán, the̍h Pó-lô ê io-tòa pa̍k ka-kī ê kha kap chhiú, kóng, “Sèng Sîn án-ni kóng, ‘Chit-tiâu io-tòa ê chú-lâng ōe tī Iâ-lō͘-sat-léng chhin-chhiūⁿ án-ni hō͘ Iû-thài-lâng pa̍k--khí-lâi, jiân-āu kau hō͘ Gōa-pang-lâng.’”

Faic an caibideil

使徒行傳 25:14

In tī hia tòa kúi-nā ji̍t liáu-āu, Hui-su-to͘ chiong Pó-lô ê àn-kiāⁿ kóng hō͘ A-ki-phà-ông thiaⁿ. I kóng, “Tī chia ū chi̍t ê Hui-le̍k-su lâu--lo̍h-lâi ê hoān-lâng.

Faic an caibideil

使徒行傳 27:1

Hui-su-to͘ í-keng koat-tēng goán tio̍h chē-chûn khì Ì-tāi-lī, in chiū chiong Pó-lô kap kî-tha ê hoān-lâng kau hō͘ hông-ka kìm-ōe-kun chi̍t ê miâ kiò Iû-liû ê kun-koaⁿ.

Faic an caibideil

使徒行傳 28:16

Goán kàu Lô-má liáu-āu, Pó-lô tit-tio̍h ún-chún kap kò͘-siú i ê peng lēng-gōa tòa.

Faic an caibideil

使徒行傳 28:30

Pó-lô tòa tī ka-kī cho͘ ê chhù chiok-chiok nn̄g nî kú. Lâi hóng-būn ê lâng, i lóng kā in chiap-thāi.

Faic an caibideil

使徒行傳 9:16

Góa mā beh hō͘ i chai, ūi-tio̍h góa ê miâ i it-tēng tio̍h siū chin chōe khó͘-lān.”

Faic an caibideil

Lô-má-su 8:36

Chiàu Sèng-keng só͘ kì-chài: In-ūi lí ê iân-kò͘, goán kui-ji̍t biān-tùi sí ê ui-hia̍p; lâng khòaⁿ goán chhin-chhiūⁿ beh hō͘ lâng thâi ê iûⁿ.

Faic an caibideil

哥林多前書 15:10

M̄-kú ū Siōng-tè ê un-tián chiah ū kin-á-ji̍t ê góa, I sù hō͘ góa ê un-tián bô lo̍k-khong. Góa tian-tò pí kî-tha ê sù-tô͘ koh-khah phah-piàⁿ kang-chok, kî-si̍t m̄-sī góa ka-kī, sī Siōng-tè ê un-tián kap góa tông-chāi.

Faic an caibideil

哥林多前書 3:5

A-pho-lô sǹg siáⁿ? Pó-lô sǹg siáⁿ? Goán put-kò sī Siōng-tè ê chhe-ēng, ín-chhōa lín siong-sìn; ta̍k-ê lâng chiàu Chú só͘ hō͘ goán ê chit-hūn teh chòe.

Faic an caibideil

哥林多前書 4:1

Án-ni, lâng tio̍h khòaⁿ goán choh Ki-tok ê po̍k-jîn, sī Siōng-tè ò-pì ê koán-ke.

Faic an caibideil

哥林多前書 4:11

Kàu hiān-chāi, goán iáu koh teh chhùi-ta, chhēng phòa-saⁿ, siông-siông hō͘ lâng phah, ta̍k só͘-chāi liû-lōng;

Faic an caibideil

哥林多前書 4:9

Góa siūⁿ, Siōng-tè chiong goán chiah-ê sù-tô͘ pâi tī bé-liu, chhin-chhiūⁿ sí-hêng-hoān hō͘ lâng thoa chhut-lâi sī-chiòng, hō͘ sè-kài, thiⁿ-sài, kap lâng khòaⁿ.

Faic an caibideil

哥林多後書 10:7

Lín kan-ta teh khòaⁿ gōa-piáu. Nā ū lâng káⁿ kóng i sio̍k Ki-tok, i ka-kī tio̍h koh siūⁿ khòaⁿ-bāi, i sio̍k Ki-tok, góa mā kâng-khoán sio̍k Ki-tok.

Faic an caibideil

哥林多後書 11:5

Kap hiah-ê “chhiau-kip sù-tô͘” pí, góa siūⁿ góa chi̍t-sut-á to bô khah su.

Faic an caibideil

哥林多後書 3:6

I sù goán ū châi-tiāu thang chòe sin ê iok ê chhe-ēng; m̄-sī ēng bûn-jī siá--ê, sī Sèng Sîn ê iok. Bûn-jī hō͘ lâng sí, m̄-kú Sèng Sîn hō͘ lâng oa̍h.

Faic an caibideil

哥林多後書 4:11

Goán oa̍h tī sè-kan, ūi-tio̍h Iâ-so͘ ê iân-kò͘ sî-siông tú-tio̍h sí ê gûi-hiám, thang hō͘ I ê oa̍h-miā tī goán chit-ê ōe-sí ê seng-khu hián-bêng--chhut-lâi.

Faic an caibideil

哥林多後書 6:9

ná-chún bô lâng bat, kî-si̍t lâng-lâng lóng bat; ná-chún sí--khì, kî-si̍t iáu-teh oa̍h. Goán sui-jiân siū hêng-hoa̍t, m̄-kú bô hō͘ lâng thâi-sí;

Faic an caibideil

加拉太書 6:17

Tùi taⁿ í-āu, bô-lūn sím-mi̍h-lâng to lóng m̄-thang kā góa kiáu-jiáu; in-ūi Iâ-so͘ ū tī góa ê seng-khu khàm-ìn chòe kì-hō, chèng-bêng góa sio̍k I.

Faic an caibideil

Í-hut-só͘-su 3:1

In-ūi án-ni, góa Pó-lô, ūi-tio̍h lín Gōa-pang-lâng choh Ki-tok Iâ-so͘ ê siû-hoān, thòe lín tùi Siōng-tè kî-kiû.

Faic an caibideil

Í-hut-só͘-su 4:1

Só͘-í, chòe chi̍t ê ūi-tio̍h Chú choh siû-hoān ê lâng, góa khó͘-khǹg lín. Kì-jiân lín siū Siōng-tè ho͘-tiàu, hêng-ûi tio̍h hû-ha̍p I ê ho͘-tiàu.

Faic an caibideil

Í-hut-só͘-su 6:20

Ūi-tio̍h chit-ê hok-im, góa hiān-chāi chòe chi̍t ê kòa thih-liān ê tāi-sài. Tio̍h ūi-tio̍h góa kî-tó, hō͘ góa thang hó-táⁿ soan-iông eng-kai kóng--ê.

Faic an caibideil

Hui-li̍p-pí-su 1:13

tì-kàu ông-kiong ê choân-thé kéng-ōe í-ki̍p kî-tha só͘-ū ê lâng lóng chai-iáⁿ góa koaiⁿ-kaⁿ sī ūi-tio̍h Ki-tok ê iân-kò͘.

Faic an caibideil

Hui-li̍p-pí-su 2:17

Góa nā tio̍h ēng ka-kī ê huih chòe tiān-chiú-chè lâm tī lín ê sìn-sim só͘ hiàn ê chè-mi̍h, góa mā hoaⁿ-hí, mā beh kap lín chòe-hé hoaⁿ-hí.

Faic an caibideil

Ko-lô-se-su 1:24

Taⁿ góa ūi-tio̍h lín siū-khó͘ kám-kak chin hoaⁿ-hí; in-ūi góa jio̍k-thé ê siū-khó͘ sī teh oân-sêng Ki-tok ūi-tio̍h I ê seng-khu, chiū-sī kàu-hōe, siū iáu-bē liáu ê khó͘-lān.

Faic an caibideil

Ko-lô-se-su 1:29

Ūi-tio̍h chit-ê bo̍k-te̍k, góa khò Ki-tok tī góa lāi-bīn ūn-chok ê tōa lêng-le̍k chīn-la̍t teh phah-piàⁿ.

Faic an caibideil

帖撒羅尼迦前書 3:2

chiū chhe goán ê hiaⁿ-tī, mā-sī ūi-tio̍h Siōng-tè thoân Ki-tok hok-im ê tâng-kang Thê-mô͘-thài, khì lín hia, lâi kó͘-lē lín, kian-kò͘ lín ê sìn-sim,

Faic an caibideil

提摩太前書 4:6

Lí nā chiong ē-bīn ê sū kà-sī hiaⁿ-tī chí-bē, chiū ōe tùi só͘ sìn ê sìn-sit kap só͘ sūn-thàn kiān-choân ê kà-sī tit-tio̍h pôe-iúⁿ, chiâⁿ-chòe Ki-tok Iâ-so͘ ê hó chhe-ēng.

Faic an caibideil

提摩太後書 1:16

Goān Chú lîn-bín O-nî-sek-hut chi̍t ke ê lâng, in-ūi i siông-siông kā góa kó͘-lē, bô in-ūi góa kòa thih-liān kám-kak kiàn-siàu,

Faic an caibideil

提摩太後書 1:8

Só͘-í, ūi-tio̍h lán ê Chú chòe kiàn-chèng m̄-thang kám-kak kiàn-siàu, mā m̄-thang in-ūi góa ūi-tio̍h Chú chòe siû-hoān lâi kám-kak kiàn-siàu; tio̍h chiàu Siōng-tè só͘ sù ê khùi-la̍t ūi-tio̍h hok-im kap góa chòe-hé siū-khó͘.

Faic an caibideil

提摩太後書 2:9

Góa ūi-tio̍h chit-ê hok-im siū-khó͘, sīm-chì chhin-chhiūⁿ hoān-lâng hō͘ lâng liān--teh; m̄-kú Siōng-tè ê ōe bô siū khún-pa̍k.

Faic an caibideil

提摩太後書 3:11

í-ki̍p só͘ siū ê pek-hāi kap khó͘-lān, chiah-ê lí lóng chai, chiū-sī góa tī An-thê-o, Í-ko-liām, Lō͘-su-tek só͘ tú--tio̍h ê pek-hāi, góa án-chóaⁿ teh jím-siū; m̄-kú Chú ū kiù góa thoat-lī chiah-ê.

Faic an caibideil

Hui-lī-bûn-su 1:9

m̄-kú, in-ūi thiàⁿ ê iân-kò͘ góa lêng-khó kā lí kiû. Góa Pó-lô í-keng nî-lāu, hiān-chāi iáu-sī Ki-tok Iâ-so͘ ê siû-hoān.

Faic an caibideil

Hi-pek-lâi-su 10:34

Lín kap siû-hoān tâng siū-khó͘; lín ê châi-bu̍t siū chhiúⁿ-toa̍t mā kam-goān jím-siū, in-ūi chai lín ka-kī ū koh-khah hó koh éng-oán chûn-chāi ê sán-gia̍p.

Faic an caibideil

Lean sinn:

Ceanglaichean taic

Sanasan

Sanasan