Bìoball air-loidhne

哥林多後書 1:12 - 現代台語譯本羅馬字版

¹² Goán só͘ khoa-kháu--ê sī án-ni: Goán ê liông-sim chèng-bêng, goán tī chit sè-kan ê seng-oa̍h lóng sī chiàu Siōng-tè só͘ sù ê sûn-kiat kap sêng-si̍t, m̄-sī khò sio̍k-sè ê tì-hūi, sī khò Siōng-tè ê un-tián; goán tùi-thāi lín koh-khah sī án-ni.

Faic an caibideil Dèan lethbhreac

現代台語譯本漢字版

¹² 阮所誇口的是按呢：阮的良心證明，阮佇此世間的生活攏是照上帝所賜的純潔及誠實，毋是靠屬世的智慧，是靠上帝的恩典；阮對待恁閣較是按呢。

Faic an caibideil Dèan lethbhreac

dol air ais ⬆

哥林多後書 1:12
40 Iomraidhean Croise

撒母耳記下卷 22:22

Góa chun-siú Siōng Chú ê tō-lō͘, m̄-bat choh-pháiⁿ lī-khui góa ê Siōng-tè.

Faic an caibideil

Iok-pek-kì 13:15

Góa í-keng bô ǹg-bāng, Siōng-tè beh thâi góa, góa mā m̄ kiaⁿ; góa beh tī I bīn-chêng ūi-tio̍h ka-kī ê só͘-chòe piān-hō͘.

Faic an caibideil

Í-sài-a-su 38:3

“Siōng Chú ah, kiû lí tài-liām góa án-chóaⁿ tiong-sêng chīn-sim ho̍k-sāi lí, chòe lí khòaⁿ-chòe hó ê sū.” Hi-se-ka chiū tōa-siaⁿ thî-khàu.

Faic an caibideil

使徒行傳 23:1

Pó-lô chù-ba̍k khòaⁿ gī-oân, kóng, “Kok-ūi hiaⁿ-tī, góa tī Siōng-tè ê bīn-chêng chiàu oân-choân chheng-pe̍k ê liông-sim seng-oa̍h, ti̍t-kàu kin-á-ji̍t.”

Faic an caibideil

使徒行傳 24:16

In-ūi án-ni, góa tùi Siōng-tè kap lâng lóng chīn-la̍t pó-chhî chheng-pe̍k ê liông-sim.

Faic an caibideil

Lô-má-su 9:1

Góa choh chi̍t ê sio̍k Ki-tok ê lâng kóng si̍t-ōe, bô pe̍h-chha̍t; góa ê liông-sim siū Sèng Sîn kám-tōng kā góa choh-chèng:

Faic an caibideil

哥林多前書 1:17

Ki-tok bô chhe góa kā lâng sóe-lé, sī beh thoân hok-im, m̄-sī ēng tì-hūi ê giân-sû thoân, chiah bián hō͘ Ki-tok ê si̍p-jī-kè sit-khì hāu-le̍k.

Faic an caibideil

哥林多前書 12:8

Ū lâng thong-kè Sèng Sîn tit-tio̍h thoân sìn-sit ê tì-hūi; ū lâng kun-kù kâng chi̍t ūi Sèng Sîn tit-tio̍h thoân sìn-sit ê tì-sek;

Faic an caibideil

哥林多前書 15:10

M̄-kú ū Siōng-tè ê un-tián chiah ū kin-á-ji̍t ê góa, I sù hō͘ góa ê un-tián bô lo̍k-khong. Góa tian-tò pí kî-tha ê sù-tô͘ koh-khah phah-piàⁿ kang-chok, kî-si̍t m̄-sī góa ka-kī, sī Siōng-tè ê un-tián kap góa tông-chāi.

Faic an caibideil

哥林多前書 2:13

Só͘-í, goán tùi sio̍k-lêng ê lâng kóe-seh sio̍k Sèng Sîn ê sū, m̄-sī ēng lâng só͘ kà ê tì-hūi, sī ēng Sèng Sîn só͘ kà ê ōe.

Faic an caibideil

哥林多前書 4:4

Góa kám-kak ka-kī ê liông-sim chheng-pe̍k, put-kò m̄-sī án-ni chiū chèng-bêng góa bô chōe. Sím-phòaⁿ góa--ê sī Chú.

Faic an caibideil

哥林多前書 5:8

Só͘-í, lán m̄-thang ēng ok-to̍k siâ-ok ê kū kàⁿ-bú, tio̍h ēng sûn-choân chin-si̍t ê bô-kàⁿ-piáⁿ chòe chè-mi̍h lâi siú-choeh.

Faic an caibideil

哥林多後書 1:17

Chit-ê kè-ōe kiám sī chhìn-chhái chòe--ê? Góa chòe chit-khoán kè-ōe kiám chhut tī chū-su ê tōng-ki, liâm-piⁿ kóng “sī” liâm-piⁿ kóng “m̄-sī”?

Faic an caibideil

哥林多後書 11:3

Chhin-chhiūⁿ Hā-oa hō͘ chôa ê khúi-chà phiàn--khì, góa mā kiaⁿ-liáu lín ê sim-su ōe siū bê-he̍k, soah khì-sak tùi Ki-tok ê sûn-kiat kap chin-sêng.

Faic an caibideil

哥林多後書 2:17

Goán bô chhin-chhiūⁿ chin chōe lâng chiong Siōng-tè ê ōe chòe sio̍k-hè phah-bōe, tian-tò sī chòe chi̍t ê sûn-chin ê lâng, siū Siōng-tè chhe-phài, tī I ê bīn-chêng khò Ki-tok soan-káng.

Faic an caibideil

哥林多後書 4:2

Goán pàng-sak it-chhè bô ài lâng chai ê kiàn-siàu-tāi, bô chòe khi-phiàn lâng ê tāi-chì, bô oai-khiok Siōng-tè ê ōe, chí-ū tī Siōng-tè ê bīn-chêng kong-khai hián-bêng chin-lí, lâi kiò-chhíⁿ chèng-lâng ê liông-sim.

Faic an caibideil

哥林多後書 8:8

Góa án-ni kóng m̄-sī teh bēng-lēng, sī ài lín chai pa̍t-lâng jia̍t-sim teh pang-chān lâng, lâi khó-giām lín ê thiàⁿ-sim sī m̄-sī chin--ê.

Faic an caibideil

加拉太書 6:4

Ta̍k-ê lâng tio̍h séng-chhat ka-kī ê hêng-ûi; nā ū hó hêng-ûi, i kan-ta thang tùi ka-kī khoa-kháu, m̄-bián kap pa̍t-lâng pí-kàu.

Faic an caibideil

Í-hut-só͘-su 6:14

Só͘-í, tio̍h khiā-chāi, ēng chin-lí chòe tòa hâ, ēng chèng-gī chòe hō͘-heng-kah chhēng,

Faic an caibideil

Hui-li̍p-pí-su 1:10

hō͘ lín ōe-hiáu hun-pia̍t sím-mi̍h chiah sī siōng hó, án-ni tī Ki-tok ê Ji̍t lín chiah ōe chiâⁿ-chòe sûn-kiat bô thang hiâm ê lâng,

Faic an caibideil

帖撒羅尼迦前書 2:10

Lín kap Siōng-tè ōe-tàng kā goán choh-chèng, tùi lín chiah-ê sìn-tô͘, goán ê choh-lâng jōa-ni̍h sûn-kiat, chèng-ti̍t, bô thang hiâm.

Faic an caibideil

提摩太前書 1:5

Chit-ê bēng-lēng ê bo̍k-te̍k sī beh tit-tio̍h jîn-ài; chit-ê jîn-ài sī tùi chheng-khì ê sim, chheng-pe̍k ê liông-sim, kap sûn-chin ê sìn sán-seng--ê.

Faic an caibideil

Thê-to-su 2:7

Lí ka-kī hoān-sū tio̍h ū hó hêng-ûi choh hó bô͘-hoān, sêng-khún ún-tiōng kà-sī lâng,

Faic an caibideil

Hi-pek-lâi-su 13:18

Tio̍h kè-sio̍k ūi-tio̍h goán kî-tó; goán khak-sìn ka-kī ū chheng-pe̍k ê liông-sim, ì-ài hoān-sū chiàu-khí-kang seng-oa̍h.

Faic an caibideil

Ngá-kok-su 4:6

Put-kò Siōng-tè sù lán ê un-tián koh-khah tōa. In-ūi án-ni, Sèng-keng ū kóng: Siōng-tè te̍k-tùi kiau-ngō͘ ê lâng, si-un hō͘ khiam-pi ê lâng.

Faic an caibideil

Iok-su-a-kì 24:14

“Taⁿ, lín tio̍h kèng-ùi Siōng Chú, sêng-sim-si̍t-ì ho̍k-sāi I, chiong lín ê lia̍t-chó͘ tī Iù-hoat-la-tí-hô hit-pêng kap tī Ai-ki̍p ho̍k-sāi ê sîn-bêng tû--khì, lâi ho̍k-sāi Siōng Chú.

Faic an caibideil

彼得前書 3:16

Put-kò tio̍h ēng un-hô kap chun-tiōng ê thài-tō͘ lâi hôe-tap. Tio̍h ū chheng-pe̍k ê liông-sim, thang tī lín siū bú-jio̍k ê sî hō͘ hiah-ê bú-jio̍k lín ê lâng khòaⁿ-kìⁿ lín khò Ki-tok só͘ piáu-hiān ê hó phín-hēng kám-kak kiàn-siàu.

Faic an caibideil

彼得前書 3:21

Chit-ê chúi ū-piáu sóe-lé, m̄-sī beh sóe-tû lín seng-khu ê lah-sap, sī beh hō͘ lín ū chheng-pe̍k ê liông-sim thang tùi Siōng-tè koat-chì; chit-ê sóe-lé thong-kè Iâ-so͘ Ki-tok ê koh-oa̍h hō͘ lín tit-tio̍h chín-kiù.

Faic an caibideil

Lean sinn:

Ceanglaichean taic

Sanasan

Sanasan