Bìoball air-loidhne

哥林多前書 8:1 - 現代台語譯本羅馬字版

¹ Koan-hē chè ngó͘-siōng ê mi̍h, lán chai “lán lóng ū tì-sek”. Kî-si̍t tì-sek ōe hō͘ lâng kiau-ngō͘; m̄-kú thiàⁿ-sim ōe chō-chiū lâng.

Faic an caibideil Dèan lethbhreac

現代台語譯本漢字版

¹ 關係祭偶像的物，咱知「咱攏有智識」。其實智識會互人驕傲；毋拘疼心會造就人。

Faic an caibideil Dèan lethbhreac

dol air ais ⬆

哥林多前書 8:1
35 Iomraidhean Croise

Í-sài-a-su 47:10

Lí chū-sìn chòe pháiⁿ bô tāi-chì, kóng: Bô lâng ōe khòaⁿ--tio̍h. Lí hō͘ ka-kī ê tì-hūi chhong-bêng chhōa-ji̍p phian-lō͘, ka-kī sim-lāi siūⁿ-kóng: Góa kap Siōng-tè pîⁿ tōa, bô lâng ōe-tàng kap góa pí.

Faic an caibideil

Í-sài-a-su 5:21

Chhám ah, hiah-ê siūⁿ-kóng ka-kī ū tì-hūi, ka-kī chin khiáu ê lâng!

Faic an caibideil

Bîn-sò͘-kì 25:2

Mô͘-ap ê lú-chú hiàn-chè hō͘ in ê sîn-bêng ê sî, chhiáⁿ Í-sek-lia̍t-lâng lâi chham-ka, chia̍h in ê chè-mi̍h, kūi-pài in ê sîn-bêng.

Faic an caibideil

使徒行傳 15:10

Kì-jiân sī án-ni, lín sī-án-chóaⁿ iáu-teh chhì-thàm Siōng-tè, chiong lán ê chó͘-sian kap lán taⁿ bōe khí ê tàⁿ khòa tī hiah-ê bûn-tô͘ ê keng-thâu téng?

Faic an caibideil

使徒行傳 15:29

Chiū-sī m̄-thang chia̍h pài ngó͘-siōng ê mi̍h; m̄-thang chia̍h huih kap ni̍h-sí ê cheng-siⁿ; mā m̄-thang îm-loān. Chiah-ê tāi-chì lín nā bô hoān--tio̍h chiū hó. Goān lín pêng-an!”

Faic an caibideil

使徒行傳 21:25

Put-kò tùi í-keng chòe sìn-tô͘ ê Gōa-pang-lâng, goán í-keng ū siá-phoe kā in kóng, goán ū chhâi-koat kiò in m̄-thang chia̍h chè ngó͘-siōng ê mi̍h, huih, kap ni̍h-sí ê cheng-siⁿ, mā m̄-thang ū îm-loān.”

Faic an caibideil

Lô-má-su 11:25

Hiaⁿ-tī chí-bē, góa ài lín chai chit-ê ò-biāu ê chin-lí, chiah bōe siūⁿ-kóng ka-kī sī chhong-bêng. Chit-ê ò-biāu chiū-sī chi̍t-pō͘-hūn ê Í-sek-lia̍t-lâng chiām-sî ngī-sim, kàu Gōa-pang-lâng kui Chú ê sò͘-bo̍k móa ûi-chí.

Faic an caibideil

Lô-má-su 12:16

Tio̍h tâng-sim-ha̍p-ì; m̄-thang kiau-ngō͘; tio̍h chòe pîn-chiān ê lâng ê tâng-phōaⁿ; m̄-thang chū-chok-chhong-bêng.

Faic an caibideil

Lô-má-su 14:10

Án-ni, sī-án-chóaⁿ lí teh phoe-phòaⁿ lí ê hiaⁿ-tī á-sī chí-bē? Sī-án-chóaⁿ teh khòaⁿ-khin lí ê hiaⁿ-tī á-sī chí-bē? In-ūi lán chèng-lâng lóng tio̍h khiā tī Siōng-tè ê sím-phòaⁿ-tâi chêng.

Faic an caibideil

Lô-má-su 14:14

Góa chai, koh Chú Iâ-so͘ hō͘ góa khak-sìn, ta̍k-hāng mi̍h pún-sin lóng chheng-khì; lâng nā siūⁿ-kóng bô chheng-khì, tùi hit-ê lâng lâi kóng hit-hāng mi̍h chiū bô chheng-khì.

Faic an caibideil

Lô-má-su 14:19

Só͘-í, lán tio̍h tui-kiû hô-bo̍k kap hō͘-siōng chō-chiū ê sū.

Faic an caibideil

Lô-má-su 14:22

Lí tùi chi̍t hāng sū ê sìn-liām sī lí kap Siōng-tè tiong-kan ê tāi-chì. Tùi ka-kī khòaⁿ-chòe tio̍h ê sū bô chū-chek ê lâng chin ū hok-khì.

Faic an caibideil

Lô-má-su 14:3

Ta̍k-hāng chia̍h ê lâng m̄-thang khòaⁿ-khin bô ta̍k-hāng chia̍h ê lâng; bô ta̍k-hāng chia̍h ê lâng mā m̄-thang phoe-phòaⁿ ta̍k-hāng chia̍h ê lâng, in-ūi Siōng-tè í-keng ū chiap-la̍p i.

Faic an caibideil

Lô-má-su 15:14

Góa ê hiaⁿ-tī chí-bē, góa ka-kī khak-sìn lín hui-siông liông-siān, chhiong-móa ta̍k-khoán ê tì-sek, koh ōe-hiáu hō͘-siōng khó͘-khǹg.

Faic an caibideil

哥林多前書 1:5

hō͘ lín thong-kè Ki-tok ta̍k-hāng tit-tio̍h hù-chiok, chhiong-móa ta̍k-khoán kháu-châi kap tì-sek.

Faic an caibideil

哥林多前書 10:15

Góa khòaⁿ lín chòe bêng-pe̍k sū-lí ê lâng kap lín kóng-ōe; góa só͘ kóng--ê lín ka-kī thang phòaⁿ-toàn.

Faic an caibideil

哥林多前書 10:28

M̄-kú nā ū lâng kā lín kóng “Chiah-ê chia̍h-mi̍h ū chè-kè ngó͘-siōng”, lín chiū ūi-tio̍h hit-ê kā lín kóng ê lâng kap liông-sim ê iân-kò͘, mài chia̍h hit-ê chia̍h-mi̍h.

Faic an caibideil

哥林多前書 14:20

Hiaⁿ-tī chí-bē, lín siūⁿ tāi-chì m̄-thang chhin-chhiūⁿ gín-á; tùi pháiⁿ tāi-chì tio̍h chhin-chhiūⁿ eⁿ-á, siūⁿ tāi-chì tio̍h chhin-chhiūⁿ tōa-lâng.

Faic an caibideil

哥林多前書 15:34

Tio̍h kak-chhíⁿ, siūⁿ hō͘ chheng-chhó, m̄-thang koh hoān-chōe, in-ūi ū chi̍t-kóa lâng iáu m̄ bat Siōng-tè, góa kóng chiah-ê sī beh hō͘ lín chai thang kiàn-siàu.

Faic an caibideil

哥林多前書 4:10

Goán ūi-tio̍h Ki-tok ê iân-kò͘ chòe gōng-lâng, lín khiok kap Ki-tok kiat-liân chòe khiáu-lâng; goán loán-jio̍k, lín ióng-chòng; lín siū chun-tiōng, goán siū khòaⁿ-khin.

Faic an caibideil

哥林多前書 4:18

Lín tiong-kan ū lâng siūⁿ-kóng góa bōe khì lín hia, chiū chū-ko chū-tāi.

Faic an caibideil

哥林多前書 4:6

Hiaⁿ-tī chí-bē, ūi-tio̍h lín ê iân-kò͘, góa chiong chiah-ê sū chòe lē ēng tī góa pún-sin kap A-pho-lô ê sin-chiūⁿ, hō͘ lín thang tùi goán ha̍k-si̍p “m̄-thang chhiau-kè Sèng-keng só͘ kì-chài” chit-kù ōe ê ì-sù. Lín tiong-kan bô-lūn sím-mi̍h-lâng to m̄-thang phô͘-tháⁿ chit-ê, khòaⁿ-khin hit-ê.

Faic an caibideil

哥林多前書 5:2

Án-ni, lín iáu ū sím-mi̍h thang phòng-hong! Lín kiám m̄ eng-kai kám-kak siong-sim, kā chòe chit-khoán tāi-chì ê lâng tùi lín tiong-kan khai-tû?

Faic an caibideil

哥林多前書 5:6

Lín teh khoa-kháu bô eng-kai! Lín kiám m̄ chai “Chi̍t-sut-á kàⁿ-bú ōe hō͘ kui-oân ê mī-oân hoat--khí-lâi”?

Faic an caibideil

哥林多前書 8:2

Ka-kī siūⁿ-kóng ū tì-sek--ê, si̍t-chè-siōng eng-kai chai--ê, i iáu m̄ chai.

Faic an caibideil

哥林多前書 8:4

Só͘-í, koan-hē chia̍h chè ngó͘-siōng ê mi̍h, lán chai, sè-kan ê ngó͘-siōng lóng m̄-sī chin--ê, lán mā chai chí-ū chi̍t ūi Siōng-tè, í-gōa bô pa̍t-ê.

Faic an caibideil

哥林多前書 8:7

M̄-kú, m̄-sī ta̍k-ê lâng lóng ū chit-khoán tì-sek. Ū lâng pài ngó͘-siōng koàn-sì, kàu kin-á-ji̍t chia̍h mi̍h ê sî iáu siūⁿ-kóng sī teh chia̍h chè ngó͘-siōng ê mi̍h; in ê liông-sim loán-jio̍k, siūⁿ-kóng ōe hō͘ hit-khoán chia̍h-mi̍h bak lâ-sâm.

Faic an caibideil

Í-hut-só͘-su 4:16

Tùi I, sin-thé ê ta̍k kun-chat hō͘-siōng liân-chiap, saⁿ chi-chhî, ta̍k-ê chi-thé hoat-hui eng-kai ū ê kong-lêng, hō͘ kui-ê sin-thé tióng-tōa, ēng thiàⁿ kiàn-li̍p--khí-lâi.

Faic an caibideil

Ko-lô-se-su 2:18

M̄-thang siū hiah-ê ké khiam-pi, pài thiⁿ-sài ê lâng éng-hióng, hō͘ lín sit-khì èng-tit ê pò-siúⁿ. Hiah-ê lâng óa-khò hoàn-sióng, chiàu lâng ê siūⁿ-hoat, bô-kun-bô-kù chū-khoa chū-tāi,

Faic an caibideil

Khé-sī-lio̍k 2:14

M̄-kú góa ū kúi-nā hāng tāi-chì beh kā lí chek-pī: In-ūi tī lí hia ū lâng chip-siú Pa-lân ê kà-sī, chit-ê Pa-lân ū kà Pa-le̍k khì ín-iú Í-sek-lia̍t ê kiáⁿ-sun, hō͘ in chia̍h chè ngó͘-siōng ê mi̍h, koh kiâⁿ kan-îm.

Faic an caibideil

Khé-sī-lio̍k 2:20

M̄-kú, ū chi̍t hāng tāi-chì góa beh kā lí chek-pī, chiū-sī lí iông-ún chū-chheng choh sian-ti ê hū-jîn-lâng Iâ-sé-phek; i kà-sī koh bê-he̍k góa ê po̍k-jîn khì hoān kan-îm koh chia̍h chè ngó͘-siōng ê mi̍h.

Faic an caibideil

Lean sinn:

Ceanglaichean taic

Sanasan

Sanasan