Bìoball air-loidhne

哥林多前書 5:11 - 現代台語譯本羅馬字版

¹¹ Góa taⁿ án-ni siá, sī kóng m̄-thang kap hiah-ê chū-chheng Ki-tok-tô͘, khiok sī îm-loān, tham-loân, pài ngó͘-siōng, húi-pòng pa̍t-lâng, chiú-chùi, á-sī chà-khi ê lâng lâi-óng; liân kap chiah-ê lâng tâng-toh chia̍h-pn̄g to m̄-thang.

Faic an caibideil Dèan lethbhreac

現代台語譯本漢字版

¹¹ 我今按呢寫，是講毋通及許個自稱基督徒，卻是淫亂、貪戀、拜偶像、誹謗別人、酒醉，抑是詐欺的人來往；連及諸個人同桌食飯都毋通。

Faic an caibideil Dèan lethbhreac

dol air ais ⬆

哥林多前書 5:11
47 Iomraidhean Croise

Si-phian 10:3

Pháiⁿ-lâng khoa-kháu in sim-lāi ê io̍k-bōng; tham-sim ê lâng siat-to̍k Siōng Chú, biáu-sī I.

Faic an caibideil

Si-phian 101:5

Àm-tiong húi-pòng chhù-piⁿ ê lâng, góa beh kā i húi-bia̍t; ba̍k-thâu-koân, sim kiau-ngō͘ ê lâng, góa bōe iông-ún.

Faic an caibideil

Í-se-kiat-su 22:12

Lín ū lâng the̍h chîⁿ thâi-lâng; ū lâng m̄-nā chioh lâng chîⁿ the̍h lī-sek, koh pàng tāng-lī; ū lâng pak-siah chhù-piⁿ thàn put-gī-chi-châi. Lín í-keng kā góa bōe-kì--tit lah. Chì-koân ê Siōng Chú án-ni soan-kò.

Faic an caibideil

馬太福音 18:17

I nā iáu m̄ thiaⁿ, tio̍h kā kàu-hōe kóng; i nā liân kàu-hōe to m̄ thiaⁿ, chiū kā i khòaⁿ-chòe Gōa-pang-lâng á-sī ba̍uh-sè--ê.”

Faic an caibideil

馬太福音 23:25

“Ké-hó ê keng-ha̍k-kàu-su kap Hoat-lī-sài-lâng, lín chhám ah! In-ūi lín chiong poe kap pôaⁿ ê gōa-bīn sóe chheng-khì, lāi-bīn khiok tóe-móa tham-io̍k kap hòng-chhiòng.

Faic an caibideil

Lō͘-ka Hok-im 18:11

Hoat-lī-sài-lâng khiā-thêng-thêng ka-kī kî-tó kóng, ‘Siōng-tè ah, góa kám-siā lí, in-ūi góa bô chhin-chhiūⁿ kî-tha ê lâng khióng-hat chhú-châi, put-gī, îm-loān, mā bô chhin-chhiūⁿ chit-ê ba̍uh-sè--ê.

Faic an caibideil

Lō͘-ka Hok-im 21:34

“Lín ka-kī tio̍h kín-sīn, chiah bián in-ūi tham-chia̍h, chiú-chùi, kap seng-oa̍h ê khòa-lū hō͘ lín ê sim bâ-pì, tì-kàu hit-ji̍t chhin-chhiūⁿ lô-bāng hut-jiân lîm-kàu lín, in-ūi hit-ji̍t ōe lîm-kàu tòa tī choân sè-kài ta̍k só͘-chāi ê lâng.

Faic an caibideil

使徒行傳 1:15

Kúi-nā ji̍t āu, chha-put-to ū chi̍t-pah jī-cha̍p ê sìn-tô͘ chū-chi̍p. Pí-tek khiā--khí-lâi, kóng,

Faic an caibideil

使徒行傳 9:17

A-ná-nî-a chiū khì, ji̍p-khì hit-keng chhù, kā Sò-lô hōaⁿ-chhiú, kóng, “Sò-lô hiaⁿ-tī, lí lâi ê lō͘-tiong tùi lí hián-hiān ê Chú Iâ-so͘, chhe góa lâi beh hō͘ lí ōe-tàng koh khòaⁿ--kìⁿ, koh siū Sèng Sîn chhiong-móa.”

Faic an caibideil

Lô-má-su 13:13

Lán ê hêng-ûi tio̍h toan-chèng, chhin-chhiūⁿ tī ji̍t--sî teh seng-oa̍h. M̄-thang hòng-chhiòng, chiú-chùi; m̄-thang hò͘ⁿ-sek, hòng-tōng; m̄-thang saⁿ-chiⁿ, oàn-tò͘.

Faic an caibideil

Lô-má-su 16:17

Hiaⁿ-tī chí-bē, góa khó͘-khǹg lín, tio̍h sió-sim thê-hông hiah-ê chè-chō hun-lia̍t, hō͘ lín hoān-chōe, ûi-pōe lín só͘ niá-siū ê kà-sī hiah-ê lâng.

Faic an caibideil

哥林多前書 10:14

Só͘-í, chhin-ài ê hiaⁿ-tī chí-bē, pài ngó͘-siōng ê sū lóng m̄-thang chhap--tio̍h.

Faic an caibideil

哥林多前書 11:21

In-ūi lín ta̍k-ê lâng kóaⁿ-kín chia̍h ka-kī tòa--lâi ê mi̍h-kiāⁿ, kiat-kó ū-ê iau, ū-ê chiú-chùi.

Faic an caibideil

哥林多前書 6:10

chòe chha̍t--ê, tham-sim--ê, chiú-chùi--ê, húi-pòng--ê, chà-khi--ê, lóng bōe-tàng chòe Siōng-tè-kok ê chú-bîn.

Faic an caibideil

哥林多前書 6:6

Lín kèng-jiân ū sìn-tô͘ kò sìn-tô͘, sīm-chì kò kàu bô-sìn ê lâng bīn-chêng!

Faic an caibideil

哥林多前書 6:9

Kiám m̄ chai put-gī ê lâng bōe-tàng chòe Siōng-tè-kok ê chú-bîn? M̄-thang phiàn ka-kī; bô-lūn sī îm-loān--ê, pài ngó͘-siōng--ê, choh lâm-chhiong--ê, hò͘ⁿ lâm-sek--ê,

Faic an caibideil

哥林多前書 7:12

Tùi kî-tha ê lâng, góa kóng — m̄-sī Chú kóng--ê: Lâm ê sìn-tô͘ nā chhōa bô sìn Chú ê lâng chòe bó͘, bó͘ tông-ì kè-sio̍k kap i tòa, i chiū m̄-thang kā i pàng-sak.

Faic an caibideil

哥林多前書 7:15

M̄-kú, bô sìn Chú ê lâng nā beh lī-khui, chiū chhut-chāi i lī-khui. Tī chit-khoán ê chêng-hêng, sìn Chú ê tiōng-hu á-sī bó͘ chiū bô siū hun-in ê iok-sok. Siōng-tè ho͘-tiàu lín, sī ài lín hô-bo̍k khiā-khí.

Faic an caibideil

哥林多前書 8:11

Án-ni, chit-ê loán-jio̍k ê sìn-tô͘ mā-sī Ki-tok ūi-tio̍h i sí ê lâng, ōe in-ūi lín ê “tì-sek” lâi bia̍t-bông.

Faic an caibideil

加拉太書 2:12

Goân-lâi ū chi̍t-kóa tùi Ngá-kok hia lâi ê lâng iáu-bē kàu í-chêng, Pí-tek ū kap Gōa-pang-lâng ê hiaⁿ-tī chòe-hé chia̍h-pn̄g, m̄-kú hiah-ê lâng kàu í-āu, i soah siám-pī Gōa-pang-lâng sìn-tô͘, m̄-káⁿ koh kap in chòe-hé, in-ūi kiaⁿ hiah-ê chú-tiuⁿ Gōa-pang-lâng tio̍h siū kat-lé ê lâng.

Faic an caibideil

Í-hut-só͘-su 5:18

M̄-thang chiú-chùi; chiú-chùi ōe hō͘ lín pāi-hoāi; hoán-tńg tio̍h hō͘ Sèng Sîn chhiong-móa.

Faic an caibideil

Í-hut-só͘-su 5:5

Tio̍h khak-si̍t chai, îm-loān, ù-òe, tham-loân ê lâng — tham-loân sī chi̍t chióng ê pài ngó͘-siōng — Ki-tok kap Siōng-tè ê Kok choa̍t-tùi bô in ê hūn.

Faic an caibideil

Ko-lô-se-su 3:5

Só͘-í, tio̍h siau-bia̍t lín hiah-ê sio̍k-sè ê io̍k-bōng, chiū-sī îm-loān, ù-òe, siâ-chêng, siâ-io̍k, kap tham-loân — tham-loân sī pài ngó͘-siōng.

Faic an caibideil

帖撒羅尼迦後書 3:14

Nā ū lâng m̄-khéng ho̍k-chiông goán tī chit-tiuⁿ phoe só͘ hoan-hù ê ōe, tio̍h kā i kì--teh, m̄-thang kap i lâi-óng, hō͘ i kám-kak kiàn-siàu;

Faic an caibideil

帖撒羅尼迦後書 3:6

Hiaⁿ-tī chí-bē, goán hōng Chú Iâ-so͘ Ki-tok ê miâ bēng-lēng lín, nā ū sìn-tô͘ seng-oa̍h sàn-bān pîn-tōaⁿ, bô chun-siú goán thoân-siū hō͘ in ê kà-sī, lín tio̍h siám-khui.

Faic an caibideil

提摩太前書 3:3

bô chiú-chùi, bô hiong-pō, hoán-tńg ài un-hô, bô saⁿ-chiⁿ, bô tham-châi,

Faic an caibideil

提摩太前書 6:5

tì-kàu sim-su pāi-hoāi, sòng-sit chin-lí, hun-cheng bô-thêng; in siūⁿ-kóng chong-kàu sī thàn-chîⁿ ê chhiú-tōaⁿ.

Faic an caibideil

Iok-hān Jī-su 1:10

Nā ū lâng khì lín hia, só͘ thoân ûi-pōe chit-khoán ê kà-sī, m̄-thang chiap-la̍p i ji̍p lín ê chhù, mā m̄-thang kā i chhéng-an,

Faic an caibideil

Khé-sī-lio̍k 2:14

M̄-kú góa ū kúi-nā hāng tāi-chì beh kā lí chek-pī: In-ūi tī lí hia ū lâng chip-siú Pa-lân ê kà-sī, chit-ê Pa-lân ū kà Pa-le̍k khì ín-iú Í-sek-lia̍t ê kiáⁿ-sun, hō͘ in chia̍h chè ngó͘-siōng ê mi̍h, koh kiâⁿ kan-îm.

Faic an caibideil

Khé-sī-lio̍k 2:20

M̄-kú, ū chi̍t hāng tāi-chì góa beh kā lí chek-pī, chiū-sī lí iông-ún chū-chheng choh sian-ti ê hū-jîn-lâng Iâ-sé-phek; i kà-sī koh bê-he̍k góa ê po̍k-jîn khì hoān kan-îm koh chia̍h chè ngó͘-siōng ê mi̍h.

Faic an caibideil

Khé-sī-lio̍k 21:8

M̄-kú, hiah-ê bô-táⁿ--ê, pōe-sìn--ê, hú-pāi--ê, thâi-lâng--ê, îm-loān--ê, kiâⁿ siâ-su̍t--ê, pài ngó͘-siōng--ê, í-ki̍p só͘-ū kóng pe̍h-chha̍t--ê, in tio̍h khì ê só͘-chāi sī hit-ê ēng hé kap liû-hông teh sio ê ô͘, chit-ê chiū-sī tē-jī piàn ê sí.”

Faic an caibideil

Khé-sī-lio̍k 22:15

Hiah-ê káu-lūi, kiâⁿ siâ-su̍t--ê, îm-loān--ê, thâi-sí-lâng--ê, pài ngó͘-siōng--ê, kap it-chhè ài kóng pe̍h-chha̍t koh chòe sū kan-chà--ê, lóng tio̍h lâu tī siâⁿ-gōa.

Faic an caibideil

Lean sinn:

Ceanglaichean taic

Sanasan

Sanasan