Bìoball air-loidhne

哥林多前書 4:5 - 現代台語譯本羅馬字版

⁵ Só͘-í, sî-ki iáu-bē kàu, lín m̄-thang phoe-phòaⁿ lâng. Tán kàu Chú lâi-lîm, hit-sî I ōe ēng kng chiò o͘-àm tiong ê pì-bi̍t, kā ún-chông tī lâng sim-lāi ê tōng-ki po̍k-lō͘--chhut-lâi. Hit-sî, ta̍k-ê lâng ōe tùi Siōng-tè tit-tio̍h chheng-chàn.

Faic an caibideil Dèan lethbhreac

現代台語譯本漢字版

⁵ 所以，時機猶未到，恁毋通批判人。等到主來臨，彼時伊會用光照烏暗中的祕密，給隱藏佇人心內的動機暴露出來。彼時，逐個人會對上帝得著稱讚。

Faic an caibideil Dèan lethbhreac

dol air ais ⬆

哥林多前書 4:5
48 Iomraidhean Croise

Iok-pek-kì 12:22

I tùi o͘-àm hián-sī ò-pì, tùi sí-ìm hoat-chhut kng-bêng.

Faic an caibideil

Chim-giân 12:8

Lâng in-ūi tì-hūi siū o-ló; sim oai-khiok sī-hui ōe siū biáu-sī.

Faic an caibideil

Thoân-tō-su 11:9

Siàu-liân-lâng ah, tio̍h tī nî-khin ê sî hoaⁿ-hí khoài-lo̍k; tī siàu-liân ê ji̍t, chiàu sim só͘ ì-ài, ba̍k-chiu só͘ khòaⁿ--kìⁿ-ê khì chòe; chóng-sī tio̍h chai, ūi-tio̍h che it-chhè, lí tio̍h tùi Siōng-tè hū-chek.

Faic an caibideil

Thoân-tō-su 12:14

Lâng só͘ chòe ê tāi-chì kap it-chhè pì-bi̍t ê sū, bô-lūn hó á-sī pháiⁿ, Siōng-tè lóng beh sím-phòaⁿ.

Faic an caibideil

Iâ-lī-bí-su 16:17

In it-chhè ê só͘-chòe góa lóng ū khòaⁿ--kìⁿ, in ê chōe-ok tī góa ê bīn-chêng lóng bōe-tàng ún-môa am-khàm.

Faic an caibideil

Iâ-lī-bí-su 23:25

Hiah-ê sian-ti ēng góa ê miâ kóng ké ê ū-giân, kóng, ‘Góa ū bāng-kìⁿ! Góa ū bāng-kìⁿ!’

Faic an caibideil

Hô-se-a-su 8:13

In hiàn-chè hō͘ góa, m̄-kú hiàn ê bah ka-kī chia̍h-liáu-liáu; góa Siōng Chú bô beh chiap-la̍p. Taⁿ, góa beh kā in ê chōe kì--teh, kā in hêng-hoa̍t; góa beh hō͘ in tò-tńg-khì Ai-ki̍p.

Faic an caibideil

Má-la-ki-su 3:18

Hit-sî, lín ōe koh chi̍t piàn khòaⁿ-chhut chèng-ti̍t ê lâng kap siâ-ok ê lâng, ho̍k-sāi Siōng-tè kap bô ho̍k-sāi I ê lâng ê chha-pia̍t.”

Faic an caibideil

馬太福音 10:26

“Só͘-í, m̄-bián kiaⁿ in; in-ūi bô chi̍t hāng am-khàm--ê bōe lō͘-hiān; mā bô chi̍t hāng pì-bi̍t--ê bōe hō͘ lâng chai.

Faic an caibideil

馬太福音 24:30

Hit-sî, Jîn-chú ê tiāu-thâu ōe tī thiⁿ-téng chhut-hiān. Tōe-chiūⁿ bān-cho̍k bān-bîn lóng ōe thî-khàu; in ōe khòaⁿ-kìⁿ Jîn-chú chhiong-móa koân-lêng kap tōa êng-kng chē thiⁿ-téng ê hûn lâi-lîm.

Faic an caibideil

馬太福音 24:46

Chú-lâng tńg--lâi ê sî khòaⁿ-tio̍h ū chiàu án-ni teh chòe hit-ê po̍k-jîn si̍t-chāi ū hok-khì!

Faic an caibideil

馬太福音 25:21

Chú-lâng kā i kóng, ‘Chin hó, hó koh tiong-si̍t ê po̍k-jîn, lí kì-jiân tī chió--ê ū tiong-si̍t, góa beh phài lí koán khah chōe--ê; ji̍p-lâi kap chú-lâng chòe-hé hoaⁿ-hí.’

Faic an caibideil

馬太福音 25:23

Chú-lâng kā i kóng, ‘Chin hó, hó koh tiong-si̍t ê po̍k-jîn, lí kì-jiân tī chió--ê ū tiong-si̍t, góa beh phài lí koán khah chōe--ê; ji̍p-lâi kap chú-lâng chòe-hé hoaⁿ-hí.’

Faic an caibideil

Lō͘-ka Hok-im 6:37

“M̄-thang phoe-phòaⁿ lâng, chiah bōe siū Siōng-tè sím-phòaⁿ; m̄-thang kā lâng tēng-chōe, chiah bōe siū Siōng-tè tēng-chōe. Tio̍h sià-bián lâng, chiah ōe siū Siōng-tè sià-bián.

Faic an caibideil

Iok-hān Hok-im 21:22

Iâ-so͘ ìn i kóng, “Góa nā ài i oa̍h kàu góa lâi, kap lí ū sím-mi̍h koan-hē. Lí lâi tè góa!”

Faic an caibideil

Iok-hān Hok-im 21:23

Tùi án-ni, chit-ê ōe tī bûn-tô͘ ê tiong-kan liû-thoân kóng chit-ê bûn-tô͘ bōe sí. Kî-si̍t, Iâ-so͘ m̄-sī kóng i bōe sí, sī kóng “Góa nā ài i oa̍h kàu góa lâi, kap lí ū sím-mi̍h koan-hē”.

Faic an caibideil

Iok-hān Hok-im 5:44

Lín hō͘-siōng chheng-chàn, chóng-sī bô tui-kiû tùi î-it ê Siōng-tè lâi ê chheng-chàn, án-ni lín ná ōe-tàng sìn góa?

Faic an caibideil

Lô-má-su 14:4

Lí sǹg siáⁿ, ná káⁿ phoe-phòaⁿ pa̍t-lâng ê po̍k-jîn? I chòe-liáu hó á-sī bô hó, i ê chú-lâng ōe kā i sím-phòaⁿ. I ōe chòe hó-sè, in-ūi Chú ōe kā i pang-chān.

Faic an caibideil

Lô-má-su 2:1

Só͘-í, lí chit-ê phoe-phòaⁿ lâng--ê, bô-lūn lí sī sím-mi̍h-lâng lóng bōe-tàng the chek-jīm; lí phoe-phòaⁿ pa̍t-lâng sī teh phoe-phòaⁿ ka-kī, in-ūi lí phoe-phòaⁿ pa̍t-lâng chòe ê tāi-chì, ka-kī mā ta̍k-hāng lóng khì chòe.

Faic an caibideil

Lô-má-su 2:16

Án-ni, tī hit-ji̍t, chiàu góa só͘ thoân ê hok-im, Siōng-tè ōe thong-kè Ki-tok Iâ-so͘ lâi sím-phòaⁿ lâng ún-ba̍t ê sū.

Faic an caibideil

Lô-má-su 2:29

Chin-chiàⁿ ê Iû-thài-lâng sī lōe-chāi--ê; chin-chiàⁿ ê kat-lé sī sim ê kat-lé, sī Sèng Sîn ê chok-ûi, m̄-sī khò Lu̍t-hoat ê tiâu-bûn. Chit-khoán lâng siū chheng-chàn m̄-sī tùi lâng, sī tùi Siōng-tè lâi.

Faic an caibideil

Lô-má-su 2:7

Hiah-ê kian-chhî chòe hó-sū, tui-kiû êng-kng, chun-kùi, kap bōe-pāi-hoāi ê sìⁿ-miā ê lâng, Siōng-tè ōe sù in éng-oán ê oa̍h-miā.

Faic an caibideil

哥林多前書 1:7

hō͘ lín lóng bô khiàm sím-mi̍h un-sù, thèng-hāu lán ê Chú Iâ-so͘ Ki-tok hián-hiān.

Faic an caibideil

哥林多前書 11:16

Nā ū lâng ài piān-pok, góa chí-ū ōe-tàng kóng, tī lán kap Siōng-tè ê kàu-hōe pèng bô kî-tha ê kui-kú.

Faic an caibideil

哥林多前書 11:26

Án-ni, lín ta̍k-pái chia̍h chit-ê piáⁿ, lim chit-ê poe, sī teh soan-kò Chú ê sí, ti̍t-kàu I lâi-lîm.

Faic an caibideil

哥林多前書 15:23

Put-kò ta̍k-ê lâng lóng tio̍h chiàu ka-kī ê sūn-sū koh-oa̍h: Thâu chi̍t ê sī Ki-tok, sòa--lo̍h-khì sī Ki-tok lâi-lîm ê sî sio̍k I ê lâng,

Faic an caibideil

哥林多前書 3:13

ta̍k-ê lâng kang-thêng ê hó-bái, tī Ki-tok lâi-lîm ê Ji̍t, ōe hō͘ hé kā i lō͘-hiān chhut--lâi, in-ūi hé ōe chhì-giām ta̍k-ê lâng kang-thêng ê phín-chit.

Faic an caibideil

哥林多前書 3:14

Lâng só͘ khí-chō--ê nā hō͘ hé sio bōe khì, i chiū ōe tit-tio̍h pò-siúⁿ.

Faic an caibideil

哥林多前書 3:8

Iā-chéng--ê kap ak-chúi--ê lóng kâng-khoán, Siōng-tè ōe chiàu ta̍k-lâng ê kang-chok kā in pò-siúⁿ.

Faic an caibideil

哥林多後書 10:18

In-ūi m̄-sī ka-kī chhui-chiàn, sī Chú só͘ chhui-chiàn--ê chiah sī kham-tit siū chiap-la̍p ê lâng.

Faic an caibideil

哥林多後書 10:9

Góa bô ài hō͘ lín siūⁿ-kóng góa siá-phoe teh kā lín khióng-hat.

Faic an caibideil

哥林多後書 4:2

Goán pàng-sak it-chhè bô ài lâng chai ê kiàn-siàu-tāi, bô chòe khi-phiàn lâng ê tāi-chì, bô oai-khiok Siōng-tè ê ōe, chí-ū tī Siōng-tè ê bīn-chêng kong-khai hián-bêng chin-lí, lâi kiò-chhíⁿ chèng-lâng ê liông-sim.

Faic an caibideil

哥林多後書 5:10

In-ūi lán lóng it-tēng tio̍h khiā tī Ki-tok ê bīn-chêng siū I sím-phòaⁿ. Ta̍k-ê lâng lóng tio̍h chiàu ka-kī tī tōe-chiūⁿ ê seng-khu só͘ chòe--ê, bô-lūn sī hó á-sī pháiⁿ, chiap-siū pò-èng.

Faic an caibideil

帖撒羅尼迦前書 5:2

in-ūi lín ka-kī chai Chú ê Ji̍t ōe chhin-chhiūⁿ chha̍t-á àm-sî thau-thau-á lâi.

Faic an caibideil

Hi-pek-lâi-su 4:13

Só͘-ū pī-chō-bu̍t bô chi̍t hāng ōe-tàng tùi Siōng-tè ún-ba̍t; it-chhè lóng oân-choân po̍k-lō͘ tī I ê ba̍k-chiu chêng. Lán khiàm I ê siàu lóng tio̍h sǹg chheng-chhó.

Faic an caibideil

Ngá-kok-su 4:11

Hiaⁿ-tī chí-bē, m̄-thang hō͘-siōng kóng pháiⁿ-ōe. Kóng hiaⁿ-tī chí-bē ê pháiⁿ-ōe, phoe-phòaⁿ hiaⁿ-tī á-sī chí-bē, chiū-sī kóng Lu̍t-hoat ê pháiⁿ-ōe, phoe-phòaⁿ Lu̍t-hoat. Lí nā phoe-phòaⁿ Lu̍t-hoat chiū m̄-sī Lu̍t-hoat ê chun-siú-chiá, sī Lu̍t-hoat ê phoe-phòaⁿ-chiá.

Faic an caibideil

Ngá-kok-su 5:7

Só͘-í, hiaⁿ-tī chí-bē, tio̍h jím-nāi kàu Chú lâi-lîm. Lín khòaⁿ, lông-hu án-chóaⁿ thèng-hāu chhân--ni̍h pó-kùi ê siu-sêng; i nāi-sim thèng-hāu chhun-lîm chhiu-ú.

Faic an caibideil

Ngá-kok-su 5:9

Hiaⁿ-tī chí-bē, m̄-thang hō͘-siōng bâi-oàn, chiah bián siū Siōng-tè sím-phòaⁿ. Lín khòaⁿ, Sím-phòaⁿ-chiá khiā tī mn̂g-kháu lah.

Faic an caibideil

彼得前書 1:7

Che sī beh chèng-bêng lín ê sìn-sim kham-tit siū khó-giām, pí hō͘ hé liān--kè iáu ōe pāi-hoāi ê kim koh-khah pó-kùi, thang hō͘ lín tī Iâ-so͘ Ki-tok hián-hiān ê sî tit-tio̍h chheng-chàn, êng-kng, kap chun-kùi.

Faic an caibideil

彼得前書 5:4

Án-ni, lín tī Tōa-bo̍k-chiá hián-hiān ê sî ōe tit-tio̍h éng-oán bōe sit-khì kong-chhái êng-kng ê hoa-koan.

Faic an caibideil

Pí-tek Hō͘-su 3:12

thèng-hāu koh chhui-pek Siōng-tè ê Ji̍t kóaⁿ-kín lâi-lîm. Tī hit-ji̍t, chiah-ê thiⁿ ōe hō͘ hé sio-bia̍t, thian-thé ōe hō͘ hé sio-iûⁿ.

Faic an caibideil

Pí-tek Hō͘-su 3:4

kóng, “Chú èng-ún beh lâi-lîm, taⁿ án-chóaⁿ? I tī tó-ūi? Lán ê chó͘-sian lóng sí--khì, m̄-kú tùi chhòng-sè í-lâi it-chhè lóng kâng-khoán.”

Faic an caibideil

Iû-tāi-su 1:14

A-tong ê tē-chhit tāi sun Í-lo̍k ū-giân chiah-ê lâng kóng, “Lín khòaⁿ! Chú ū chhōa chheng-chheng-bān-bān ê sèng thiⁿ-sài lâi,

Faic an caibideil

Khé-sī-lio̍k 1:7

Lí khòaⁿ, I chē-hûn teh lâi, chèng-lâng ōe khòaⁿ-kìⁿ I, liân ēng chhiuⁿ chha̍k I ê lâng mā ōe khòaⁿ--kìⁿ. Tōe-chiūⁿ bān-cho̍k lóng ōe in-ūi I thî-khàu. Chit-ê sū it-tēng ōe hoat-seng. Amen!

Faic an caibideil

Khé-sī-lio̍k 20:12

Góa koh ū khòaⁿ-kìⁿ sí--khì ê lâng, bô-lūn pi-chiān á-sī chun-kùi, lóng khiā tī pó-chō chêng. Kì-lio̍k ê chheh lóng thí-khui; lēng-gōa chi̍t pún oa̍h-miā-chheh mā thí-khui. Sí--khì ê lâng chiàu in ê hêng-ûi, kun-kù chiah-ê chheh só͘ kì-chài--ê siū sím-phòaⁿ.

Faic an caibideil

Lean sinn:

Ceanglaichean taic

Sanasan

Sanasan