Bìoball air-loidhne

« Roimhe

Air adhart »

哥林多前書 1:5 - 現代台語譯本羅馬字版

⁵ hō͘ lín thong-kè Ki-tok ta̍k-hāng tit-tio̍h hù-chiok, chhiong-móa ta̍k-khoán kháu-châi kap tì-sek.

Faic an caibideil Dèan lethbhreac

現代台語譯本漢字版

⁵ 互恁通過基督逐項得著富足，充滿逐款口才及智識。

Faic an caibideil Dèan lethbhreac

« Roimhe

dol air ais ⬆

Air adhart »

哥林多前書 1:5
27 Iomraidhean Croise

使徒行傳 2:4

In lóng siū Sèng Sîn chhiong-móa, chiàu Sèng Sîn hō͘ in ê châi-lêng khai-sí kóng pa̍t-chióng gú-giân.

Faic an caibideil

Kì-jiân Í-sek-lia̍t-lâng ê kè-sit ōe hō͘ sè-kan-lâng tit-tio̍h hong-hù ê chiok-hok, in ê sit-pāi ōe hō͘ Gōa-pang-lâng tit-tio̍h hong-hù ê chiok-hok, hô-hòng Í-sek-lia̍t-lâng nā choân-sò͘ tit-tio̍h kiù, hit-ê chiok-hok kiám bōe koh-khah hong-hù?

Faic an caibideil

Lô-má-su 15:14

Góa ê hiaⁿ-tī chí-bē, góa ka-kī khak-sìn lín hui-siông liông-siān, chhiong-móa ta̍k-khoán ê tì-sek, koh ōe-hiáu hō͘-siōng khó͘-khǹg.

Faic an caibideil

Lô-má-su 15:4

Chá-chêng só͘ siá--ê lóng sī ūi-tio̍h beh kà-sī lán lâi siá--ê, hō͘ lán tùi jím-nāi kap Sèng-keng ê an-ùi tit-tio̍h ǹg-bāng.

Faic an caibideil

哥林多前書 12:10

ū lâng tit-tio̍h kiâⁿ sîn-jiah ê un-sù; ū lâng tit-tio̍h thoân Siōng-tè sìn-sit ê un-sù; ū lâng tit-tio̍h hun-piān Siōng-tè ê Sîn kap pa̍t-ê sîn ê un-sù; ū lâng tit-tio̍h kóng lêng-gú ê un-sù; ū lâng tit-tio̍h kóe-seh lêng-gú ê un-sù.

Faic an caibideil

哥林多前書 12:8

Ū lâng thong-kè Sèng Sîn tit-tio̍h thoân sìn-sit ê tì-hūi; ū lâng kun-kù kâng chi̍t ūi Sèng Sîn tit-tio̍h thoân sìn-sit ê tì-sek;

Faic an caibideil

哥林多前書 13:2

Góa nā ū thoân-ta̍t Siōng-tè sìn-sit ê un-sù, ōe liáu-kái ta̍k-khoán ê ò-pì kap ta̍k-khoán ê tì-sek; góa nā ū kàu-gia̍h ê sìn-sim thang î-san-tó-hái, nā bô jîn-ài, góa chiū bô lō͘-ēng.

Faic an caibideil

哥林多前書 13:8

Jîn-ài éng-oán chûn-chāi. Thoân-ta̍t Siōng-tè sìn-sit ê un-sù ōe kiat-sok; kóng lêng-gú ê un-sù ōe thêng-chí; tì-sek mā ōe siau-sit.

Faic an caibideil

哥林多前書 14:26

Hiaⁿ-tī chí-bē, án-ni beh án-chóaⁿ? Lín chū-hōe ê sî, ū lâng chhiùⁿ sèng-si, ū lâng kà-sī, ū lâng soan-káng Siōng-tè ê khé-sī, ū lâng kóng lêng-gú, mā ū lâng kóe-seh lêng-gú. Ta̍k-hāng tāi-chì lóng tio̍h ūi-tio̍h chō-chiū kàu-hōe lâi chòe.

Faic an caibideil

哥林多前書 8:11

Án-ni, chit-ê loán-jio̍k ê sìn-tô͘ mā-sī Ki-tok ūi-tio̍h i sí ê lâng, ōe in-ūi lín ê “tì-sek” lâi bia̍t-bông.

Faic an caibideil

哥林多後書 4:6

Hit-ūi bēng-lēng kng tùi o͘-àm chiò--chhut-lâi ê Siōng-tè, chiū-sī ēng kng chiò lán lāi-sim ê Siōng-tè, hō͘ lán jīn-bat I chiò tī Iâ-so͘ Ki-tok ê bīn hit-ê êng-kng.

Faic an caibideil

哥林多後書 6:10

sui-jiân iu-siong, m̄-kú put-sî hoaⁿ-hí; sui-jiân sàn-chhiah, m̄-kú hō͘ chin chōe lâng hó-gia̍h; chhin-chhiūⁿ bô-pòaⁿ-hāng, m̄-kú ta̍k-hāng lóng ū.

Faic an caibideil

哥林多後書 8:7

Lín ê sìn-sim, kháu-châi, tì-sek, pang-chān lâng ê jia̍t-sêng, í-ki̍p tùi goán ê thiàⁿ-sim lóng hiah-ni̍h hong-hù, goán ài lín tùi chit-hāng chû-siān ê kang-chok mā tio̍h hiah-ni̍h khóng-khài.

Faic an caibideil

哥林多後書 9:11

I ōe hō͘ lín sū-sū hù-chiok, thang sûi-sî khóng-khài si-sià, hō͘ chin chōe lâng thong-kè goán chiap-tio̍h lín ê lé-mi̍h lâi kám-siā Siōng-tè.

Faic an caibideil

Í-hut-só͘-su 1:17

kî-kiû lán ê Chú Iâ-so͘ Ki-tok ê Siōng-tè, êng-iāu ê Thiⁿ Pē, sù Sèng Sîn hō͘ lín ū tì-hūi kap khé-sī thang jīn-bat I.

Faic an caibideil

Í-hut-só͘-su 2:7

I án-ni chòe sī beh thong-kè Ki-tok Iâ-so͘ tùi lán hián-sī chû-ài, thang tùi āu sè-tāi piáu-bêng I bû-hān hong-hù ê un-tián.

Faic an caibideil

Í-hut-só͘-su 3:8

Góa tī Siōng-tè só͘-ū ê chú-bîn tiong sī tē-it bî-sòe--ê, I kèng-jiân sù góa un-tián thang chiong Ki-tok sǹg bōe liáu hong-hù ê hok-im thoân hō͘ Gōa-pang-lâng,

Faic an caibideil

Í-hut-só͘-su 6:19

mā ūi-tio̍h góa kî-tó, kiû Siōng-tè sù góa sìn-sit, thang hó-táⁿ khui-chhùi soan-iông hok-im ê ò-pì.

Faic an caibideil

Hui-li̍p-pí-su 1:9

Góa só͘ kî-kiû--ê sī án-ni: Lín ê thiàⁿ ōe ná ke-thiⁿ, lín ê tì-sek kap tùi ta̍k-hāng ê phòaⁿ-toàn-le̍k mā ná chìn-pō͘,

Faic an caibideil

Ko-lô-se-su 2:3

Siōng-tè ê tì-hūi kap tì-sek ê it-chhè pó-pòe lóng ún-chông tī I lāi-bīn.

Faic an caibideil

Ko-lô-se-su 3:10

chiong sin ê lâng chhēng--lo̍h-khì; chit-ê sin ê lâng, Chhòng-chō-chú chiàu ka-kī ê hêng-siōng kè-sio̍k teh kā i keng-sin, hō͘ lín thang chin-chiàⁿ bat I.

Faic an caibideil

Ngá-kok-su 3:13

Lín tiong-kan sím-mi̍h-lâng ū tì-hūi, ū kiàn-sek? Nā ū, tio̍h ēng khiam-pi kap tì-hūi, thong-kè ka-kī ê hó phín-hēng piáu-hiān--chhut-lâi.

Faic an caibideil

Pí-tek Hō͘-su 3:18

Tio̍h tī lán ê Chú — Kiù-chú Iâ-so͘ Ki-tok ê un-tián-ē kap tùi I ê jīm-sek kè-sio̍k chìn-pō͘. Goān êng-kng kui hō͘ I, tùi hiān-chāi ti̍t-kàu éng-oán. Amen!

Faic an caibideil

Lean sinn:

Ceanglaichean taic

Sanasan

哥林多前書 1:5 - 現代台語譯本羅馬字版

哥林多前書 1:527 Iomraidhean Croise

哥林多前書 1:5
27 Iomraidhean Croise