Bìoball air-loidhne

加拉太書 4:8 - 現代台語譯本羅馬字版

⁸ Í-chêng, lín m̄ bat Siōng-tè ê sî, chòe hiah-ê pún-chit m̄-sī chin Sîn ê sîn-bêng ê lô͘-lē, siū in chi-phòe.

Faic an caibideil Dèan lethbhreac

現代台語譯本漢字版

⁸ 以前，恁毋識上帝的時，做許個本質毋是真神的神明的奴隸，受𪜶支配。

Faic an caibideil Dèan lethbhreac

dol air ais ⬆

加拉太書 4:8
31 Iomraidhean Croise

歷代志下卷 13:9

Lín kiám m̄-sī chiong Siōng Chú ê chè-si, A-lûn ê kiáⁿ-sun, kap Lī-bī-lâng kóaⁿ-cháu, chiàu gōa-kok-lâng ê choh-hoat ka-kī siat-li̍p chè-si? Sīm-chì bô-lūn sím-mi̍h-lâng khan chi̍t chiah gû-káng-á kap chhit chiah mî-iûⁿ-káng lâi, lín chiū kā i siat-li̍p chòe só͘-ūi sîn-bêng ê chè-si.

Faic an caibideil

出埃及記 5:2

Ai-ki̍p-ông kóng, “Siōng Chú sī siáⁿ-lâng? Góa ná tio̍h thiaⁿ I ê ōe, hō͘ Í-sek-lia̍t-lâng lī-khui? Góa m̄ bat I, mā put-chún Í-sek-lia̍t-lâng lī-khui.”

Faic an caibideil

Í-sài-a-su 37:19

kā in ê sîn-bêng lóng hiat hō͘ hé sio-bia̍t, kî-si̍t hiah-ê m̄-sī sîn, put-kò sī lâng ê chhiú ēng chhâ ēng chio̍h chō--ê.

Faic an caibideil

Iâ-lī-bí-su 10:25

Kiû lí chiong tōa siū-khì piàⁿ tī bô kèng-ùi lí ê kok-ka, í-ki̍p bô beh kiû-kiò lí ê miâ ê bîn-cho̍k; in thun-chia̍h Ngá-kok, kā i oân-choân siau-bia̍t, hō͘ i khiā-khí ê só͘-chāi pha-hng.

Faic an caibideil

Iâ-lī-bí-su 16:20

Lâng kiám ōe-tàng ūi ka-kī chō sîn? Chiah-ê ngó͘-siōng lóng m̄-sī chin Sîn.”

Faic an caibideil

Iâ-lī-bí-su 2:11

Ū tó chi̍t kok bat ōaⁿ-kè in ê sîn-bêng? Kî-si̍t hiah-ê lóng m̄-sī sîn. M̄-kú góa ê chú-bîn chiong in êng-kng ê Siōng-tè ōaⁿ chòe bô lō͘-ēng ê sîn-bêng.

Faic an caibideil

Iâ-lī-bí-su 5:7

Siōng Chú kóng, “Góa ná tio̍h sià-bián lín? Lín ê kiáⁿ-jî pàng-sak góa, koh kí ké-sîn chiù-chōa. Góa hō͘ in pá-chiok, in soah khì kiâⁿ-îm, kui-tīn khì khoeh tī ki-lú ê chhù.

Faic an caibideil

Iok-hān Hok-im 1:10

I tī sè-kan; sè-kan thong-kè I lâi chhòng-chō, m̄-kú sè-kan m̄ bat I.

Faic an caibideil

使徒行傳 14:12

In chheng-ho͘ Pa-ná-pa chòe Tiū-su, chheng Pó-lô chòe Hi-ní-bí, in-ūi i sī chú-káng-chiá.

Faic an caibideil

使徒行傳 17:23

Góa tī siâⁿ-lāi teh kiâⁿ, koan-chhat lín kèng-pài ê só͘-chāi, mā ū khòaⁿ-tio̍h chi̍t chō tôaⁿ, téng-bīn siá: ‘Hiàn hō͘ m̄-bat ê sîn’. Lín só͘ teh kèng-pài m̄-bat ê sîn, hiān-chāi góa pò lín chai.

Faic an caibideil

Lô-má-su 1:23

In bô chiong êng-kng kui hō͘ bōe-sí-bia̍t ê Siōng-tè, hoán-tńg khì pài ōe-sí-bia̍t ê lâng, pe-chiáu, khîm-siù, thâng-thōa téng ê siōng.

Faic an caibideil

Lô-má-su 1:28

Kì-jiân in bô beh chin-chiàⁿ jīn-bat Siōng-tè, Siōng-tè chiū chhut-chāi in ê sim-su pāi-hoāi, khì chòe bô eng-kai chòe ê tāi-chì.

Faic an caibideil

哥林多前書 1:21

Kì-jiân sè-kan-lâng bōe-tàng khò ka-kī ê tì-hūi jīn-bat Siōng-tè, Siōng-tè chiū tùi I ê tì-hūi hoaⁿ-hí ēng goán só͘ thoân gû-gōng ê sìn-sit lâi chín-kiù sìn I ê lâng.

Faic an caibideil

哥林多前書 12:2

Lín chai, lín iáu-sī īⁿ-kàu-tô͘ ê sî chhut-chāi lâng chhōa-khì pài bōe kóng-ōe ê ngó͘-siōng.

Faic an caibideil

哥林多前書 8:4

Só͘-í, koan-hē chia̍h chè ngó͘-siōng ê mi̍h, lán chai, sè-kan ê ngó͘-siōng lóng m̄-sī chin--ê, lán mā chai chí-ū chi̍t ūi Siōng-tè, í-gōa bô pa̍t-ê.

Faic an caibideil

加拉太書 4:3

Lán mā chhin-chhiūⁿ án-ni, tī lêng-sèng bī-sêng-liân ê sî siū ú-tiū kan ê sîn-lêng chi-phòe chòe lô͘-lē.

Faic an caibideil

帖撒羅尼迦前書 1:9

In ka-kī ū kóng-khí, goán tī lín hia ê sî jōa-ni̍h siū lín hoan-gêng, lín án-chóaⁿ lī-khui ngó͘-siōng kui-ǹg Siōng-tè, lâi sū-hōng oa̍h koh chin ê Siōng-tè,

Faic an caibideil

帖撒羅尼迦前書 4:5

bô chhin-chhiūⁿ m̄ bat Siōng-tè ê Gōa-pang-lâng teh hòng-chhiòng chêng-io̍k.

Faic an caibideil

Iok-su-a-kì 24:15

Nā-sī lín bô ài ho̍k-sāi Siōng Chú, kin-á-ji̍t lín tio̍h kéng lín ài-beh ho̍k-sāi--ê; khòaⁿ sī lín lia̍t-chó͘ tī Iù-hoat-la-tí-hô hit-pêng só͘ ho̍k-sāi ê sîn-bêng, á-sī lín khiā-khí chit-ê tōe ê A-mô͘-lī-lâng ê sîn-bêng. Lūn-kàu góa kap góa ê ke, goán koat-toàn beh ho̍k-sāi Siōng Chú.”

Faic an caibideil

Iok-su-a-kì 24:2

Iok-su-a tùi só͘-ū ê jîn-bîn kóng, “Siōng Chú — Í-sek-lia̍t ê Siōng-tè án-ni kóng, ‘Kó͘-chá, lín ê chó͘-sian Tha-la, chiū-sī A-pek-la-hán kap Ná-ho̍k ê lāu-pē tòa tī Iù-hoat-la-tí-hô hit-pêng, ho̍k-sāi pa̍t-ê sîn-bêng.

Faic an caibideil

彼得前書 4:3

Lín ū lōng-hùi kong-im chòe bī-sìn-chiá só͘ ài chòe ê sū, îm-loān, sek-io̍k, chiú-chùi, iàn-lo̍k, tōa-chia̍h tōa-lim, kap khó-ò͘ⁿ ê ngó͘-siōng chông-pài téng, í-keng kàu-gia̍h lah.

Faic an caibideil

Iok-hān It-su 3:1

Lín siūⁿ-khòaⁿ leh, Pē jōa-á-ni̍h thiàⁿ lán, hō͘ lán thang chheng-chòe I ê kiáⁿ-jî; sū-si̍t lán chiū-sī. Sè-kan-lâng m̄ bat lán, in-ūi in m̄ bat Siōng-tè.

Faic an caibideil

Lean sinn:

Ceanglaichean taic

Sanasan

Sanasan