Bìoball air-loidhne

列王紀下卷 20:3 - 現代台語譯本羅馬字版

³ “Siōng Chú ah, kiû lí tài-liām góa án-chóaⁿ tiong-sêng chīn-sim ho̍k-sāi lí, chòe lí khòaⁿ-chòe hó ê sū.” Hi-se-ka chiū tōa-siaⁿ thî-khàu.

Faic an caibideil Dèan lethbhreac

現代台語譯本漢字版

³ 「上主啊，求你帶念我按怎忠誠盡心服事你，做你看做好的事。」希西家就大聲啼哭。

Faic an caibideil Dèan lethbhreac

dol air ais ⬆

列王紀下卷 20:3
47 Iomraidhean Croise

Chhòng-sè-kì 17:1

A-pek-lân káu-cha̍p-káu hè ê sî, Siōng Chú tùi i hián-hiān, kā i kóng, “Góa sī Choân-lêng ê Siōng-tè, lí tī góa ê bīn-chêng kiâⁿ-chòe tio̍h oân-choân.

Faic an caibideil

Chhòng-sè-kì 5:22

Í-lo̍k siⁿ Má-thó͘-sat-la liáu-āu, kap Siōng-tè tâng-kiâⁿ saⁿ-pah nî; hit tiong-kan ū koh siⁿ hāu-siⁿ cha-bó͘-kiáⁿ.

Faic an caibideil

Chhòng-sè-kì 5:24

Í-lo̍k kap Siōng-tè tâng-kiâⁿ; Siōng-tè chiap i khì, lâng chiū bōe-tàng koh khòaⁿ-tio̍h i.

Faic an caibideil

Chhòng-sè-kì 8:1

Siōng-tè bô bōe-kì-tit Ná-a, í-ki̍p kap Ná-a tī tōa-chûn lāi-bīn ê cheng-siⁿ kap iá-siù; Siōng-tè hō͘ hong chhe tāi-tōe, chúi chiū chiām-chiām siau-thè.

Faic an caibideil

列王紀上卷 11:4

Só͘-lô-bûn nî-lāu ê sî, chiah-ê bó͘ iú-he̍k i khì tè pa̍t-ê sîn-bêng; i ê sim bô chhin-chhiūⁿ i ê lāu-pē Tāi-pi̍t ê sim oân-choân sūn-ho̍k Siōng Chú — i ê Siōng-tè.

Faic an caibideil

列王紀上卷 15:14

Sui-jiân hiah-ê soaⁿ-thâu-tôaⁿ iáu-bē tû--khì, m̄-kú A-sat it-seng oân-choân sūn-ho̍k Siōng Chú.

Faic an caibideil

列王紀上卷 2:4

Siōng Chú mā ōe si̍t-hiān I tùi góa ê èng-ún, ‘Lí ê kiáⁿ-sun nā kín-sīn seng-oa̍h, chīn-sim chīn-ì chin-sêng tī góa ê bīn-chêng kiâⁿ-chòe, lí ê hō͘-tāi chiū ōe chē Í-sek-lia̍t ê ông-ūi éng bô tn̄g.’

Faic an caibideil

列王紀上卷 3:6

Só͘-lô-bûn ìn kóng, “Lí bat si tōa-un hō͘ lí ê po̍k-jîn, góa ê lāu-pē Tāi-pi̍t, in-ūi i ēng sêng-si̍t, kong-gī, chèng-ti̍t ê sim tī lí ê bīn-chêng seng-oa̍h. Lí koh siúⁿ-sù i put-piàn ê thiàⁿ, chiū-sī siúⁿ-sù i chi̍t ê kiáⁿ chē i ê ūi, tú chhin-chhiūⁿ kin-á-ji̍t án-ni.

Faic an caibideil

列王紀上卷 8:23

“Siōng Chú — Í-sek-lia̍t ê Siōng-tè, thiⁿ-téng tōe-ē bô chi̍t ê sîn-bêng chhin-chhiūⁿ lí; lí tùi hiah-ê it-sim-it-ì sūn-ho̍k lí ê po̍k-jîn siú-iok si chû-ài.

Faic an caibideil

列王紀上卷 8:61

Só͘-í lín tio̍h tùi Siōng Chú — lán ê Siōng-tè chûn sûn-choân ê sim, chun-thàn I ê kui-lē, siú I ê kài-bēng, kap kin-á-ji̍t kâng-khoán.”

Faic an caibideil

列王紀上卷 9:4

Lí nā chhin-chhiūⁿ lí ê lāu-pē Tāi-pi̍t, tī góa ê bīn-chêng sim sûn-choân, só͘-kiâⁿ-só͘-chòe chèng-ti̍t, chun-thàn góa ê kài-bēng, chip-siú góa ê kui-lē kap bēng-lēng,

Faic an caibideil

列王紀下卷 20:2

Hi-se-ka chiū oa̍t-tńg-sin ǹg piah, tùi Siōng Chú kî-tó kóng,

Faic an caibideil

列王紀下卷 20:4

Í-sài-a chhut--khì, iáu-bē kàu tiong-tiâⁿ, Siōng Chú ê ōe lîm-kàu i, kóng,

Faic an caibideil

歷代志下卷 16:9

Siōng Chú ê ba̍k-chiu teh sûn-sī choân-tōe; só͘-ū choan-sim kui-ǹg I--ê, I ōe siúⁿ-sù in khùi-la̍t. Tī kap Sū-lī-a kiat-bêng chit-ê tāi-chì, lí chòe-liáu chin gōng; in-ūi án-ni, lí í-āu put-sî ōe ū chiàn-cheng.”

Faic an caibideil

Nî-hi-bí-kì 13:14

Góa ê Siōng-tè ah, kiû lí kì-liām góa só͘ chòe chiah-ê sū, m̄-thang chhat-siau góa ūi-tio̍h Siōng-tè ê tiān kap ho̍k-sāi I só͘ chòe ê hó-sū.

Faic an caibideil

Nî-hi-bí-kì 13:22

Góa bēng-lēng Lī-bī-lâng kiat-chēng ka-kī lâi kò͘-siú siâⁿ-mn̂g, hō͘ An-hioh-ji̍t hun-pia̍t-choh-sèng. Góa ê Siōng-tè ah, kiû lí kì-liām góa só͘ chòe chiah-ê sū, chiàu lí hong-sēng ê chû-ài lîn-bín góa.

Faic an caibideil

Nî-hi-bí-kì 13:31

tēng-kî hōng-hiàn chhâ-liāu kap chho͘-se̍k ê ké-chí. Góa ê Siōng-tè ah, kiû lí kì-liām góa, si-un hō͘ góa.

Faic an caibideil

Nî-hi-bí-kì 5:19

Góa ê Siōng-tè ah, kiû lí ōe-kì-tit góa ūi-tio̍h jîn-bîn só͘ chòe it-chhè ê sū, sù-hok góa.

Faic an caibideil

Iok-pek-kì 1:1

O͘-su tōe-khu bat ū chi̍t ê lâng kiò-chòe Iok-pek, i sûn-choân chèng-ti̍t, kèng-ùi Siōng-tè, bô chòe pháiⁿ-tāi.

Faic an caibideil

Iok-pek-kì 1:8

Siōng Chú tùi Sat-tàn kóng, “Lí ū chù-ì tio̍h góa ê po̍k-jîn Iok-pek--bô? Sè-kan bô lâng chhin-chhiūⁿ i hiah-ni̍h sûn-choân chèng-ti̍t, kèng-ùi Siōng-tè, bô chòe pháiⁿ-tāi.”

Faic an caibideil

Iok-pek-kì 16:20

Góa ê pêng-iú thí-chhiò góa; góa ǹg Siōng-tè ba̍k-sái lâu bōe thêng.

Faic an caibideil

Iok-pek-kì 4:6

Lí kiám m̄-sī tùi kèng-ùi Siōng-tè tit-tio̍h khak-sìn? Kiám m̄-sī tùi sûn-choân ê hêng-ûi tit-tio̍h ǹg-bāng?

Faic an caibideil

Si-phian 102:9

Góa ēng hé-hu chún pn̄g chia̍h, só͘ lim--ê lóng chham ba̍k-sái.

Faic an caibideil

Si-phian 119:26

Góa tùi lí kóng-khí só͘ chòe ê tāi-chì, lí ū ìn góa; kiû lí kà góa bat lí ê kui-lē.

Faic an caibideil

Si-phian 119:49

Kiû lí ōe-kì-tit tùi lí po̍k-jîn ê èng-ún, in-ūi lí hō͘ góa ū ǹg-bāng.

Faic an caibideil

Si-phian 145:18

Só͘-ū kiû-kiò Siōng Chú ê lâng, I kap in chhin-kūn; I chhin-kūn sêng-si̍t kiû-kiò I ê lâng.

Faic an caibideil

Si-phian 25:7

Kiû lí m̄-thang kì-tiâu góa siàu-liân ê sî ê chōe-kò kap kè-sit; Siōng Chú ah, kiû lí chiàu lí ê chû-ài, in-ūi lí ê un-hūi ōe-kì-tit góa.

Faic an caibideil

Si-phian 26:1

Siōng Chú ah, kiû lí phòaⁿ góa bô chōe, in-ūi góa ū chiàu chèng-ti̍t teh kiâⁿ. Góa óa-khò Siōng Chú bô tōng-iâu.

Faic an caibideil

Si-phian 26:3

In-ūi lí ê chû-ài tī góa ê ba̍k-chiu chêng; góa ū chiàu lí ê chin-lí teh kiâⁿ.

Faic an caibideil

Si-phian 32:2

Sim bô kan-chà, Siōng Chú bô sǹg i ū-chōe, chit-khoán lâng chin ū hok-khì!

Faic an caibideil

Si-phian 39:13

Kiû lí khoan-iông góa, hō͘ góa iáu-bē sí í-chêng tit-tio̍h hoaⁿ-hí khoài-lo̍k.”

Faic an caibideil

Si-phian 6:6

Góa in-ūi haiⁿ-haiⁿ-chhan ià-siān; góa ta̍k-mî lâu ba̍k-sái im góa ê bîn-chhn̂g, sip-tâm góa ê chhn̂g-pho͘.

Faic an caibideil

Si-phian 6:7

Góa in-ūi iu-būn ba̍k-chiu phah-pháiⁿ, in-ūi tùi-te̍k chōe, ba̍k-chiu hoe.

Faic an caibideil

Si-phian 89:47

Kiû lí tài-liām góa ê sìⁿ-miā hiah-ni̍h té, lí chhòng-chō ê sè-kan-lâng hiah-ni̍h khang-hu!

Faic an caibideil

Si-phian 89:50

Chú ah, kiû lí ōe-kì-tit lí ê po̍k-jîn só͘ siū ê lêng-jio̍k, ōe-kì-tit góa ê sim án-chóaⁿ sêng-siū lia̍t-kok ê bú-jio̍k.

Faic an caibideil

Í-sài-a-su 38:14

Góa chhin-chhiūⁿ ìⁿ-á chiu̍h-chiu̍h-kiò, chhin-chhiūⁿ hún-chiáu kū-kū-háu. Góa gia̍h-thâu ǹg thiⁿ, ba̍k-chiu ian-n̄g ià-siān. Góa siū khi-ap, Chú ah, kiû lí kái-kiù góa.

Faic an caibideil

Í-sài-a-su 63:11

Hit-sî, in chiah siūⁿ-khí kó͘-chá I ê po̍k-jîn Mô͘-se ê ji̍t-chí. In mn̄g, “Taⁿ, hit-ūi chiong I ê chú-bîn kap in ê léng-siù tùi hái-tiong kiù--chhut-lâi ê Siōng Chú tī tó-ūi? Hit-ūi chiong sèng ê sîn sù hō͘ in ê Siōng Chú tī tó-ūi?

Faic an caibideil

Iâ-lī-bí-su 4:2

lí nā chiàu chin-sêng, kong-pêng, chèng-ti̍t kí éng-oa̍h ê Siōng Chú chiù-chōa, lia̍t-kok chiū beh tit-tio̍h góa ê chiok-hok, koh khoa-iāu góa.”

Faic an caibideil

A-mô͘-sū-su 5:4

Siōng Chú tùi Í-sek-lia̍t-lâng kóng: Tio̍h chhē-kiû góa, lín chiū ōe oa̍h.

Faic an caibideil

Lō͘-ka Hok-im 1:6

In nn̄g lâng oân-choân chun-siú Chú it-chhè ê kài-bēng kap kui-lē, hō͘ Siōng-tè khòaⁿ-chòe gī-lâng.

Faic an caibideil

Iok-hān Hok-im 1:47

Iâ-so͘ khòaⁿ-tio̍h Ná-tàn-gia̍p kiâⁿ óa--lâi, chiū kóng, “Lín khòaⁿ, i sī chin-chiàⁿ ê Í-sek-lia̍t-lâng, lóng bô hu-ké!”

Faic an caibideil

哥林多後書 1:12

Goán só͘ khoa-kháu--ê sī án-ni: Goán ê liông-sim chèng-bêng, goán tī chit sè-kan ê seng-oa̍h lóng sī chiàu Siōng-tè só͘ sù ê sûn-kiat kap sêng-si̍t, m̄-sī khò sio̍k-sè ê tì-hūi, sī khò Siōng-tè ê un-tián; goán tùi-thāi lín koh-khah sī án-ni.

Faic an caibideil

Hi-pek-lâi-su 5:7

Iâ-so͘ chāi-sè ê sî bat tōa-siaⁿ âu-kiò koh lâu ba̍k-sái, ǹg hit-ūi ōe-tàng kiù I thoat-lī sí-bông ê Siōng-tè kî-tó khún-kiû. In-ūi I ê khiân-sêng, Siōng-tè ū thiaⁿ I ê kî-kiû.

Faic an caibideil

Lean sinn:

Ceanglaichean taic

Sanasan

Sanasan