列王紀下卷 2:8 - 現代台語譯本羅馬字版

⁸ Í-lī-a chiong i ê gōa-saⁿ kńg--khí-lâi, phah hô-chúi, chúi chiū hun siang-pêng; in nn̄g lâng kiâⁿ ta-tōe kè--khì.

現代台語譯本漢字版

⁸ 以利亞將伊的外衫捲起來，拍河水，水就分雙旁；𪜶兩人行焦地過去。

列王紀下卷 2:8 Iomraidhean Croise

列王紀上卷 19:13

Í-lī-a thiaⁿ--kìⁿ, chiū ēng gōa-saⁿ ng-bīn, chhut-khì khiā tī tōng-kháu. Hut-jiân, ū siaⁿ lîm-kàu i kóng, “Í-lī-a, lí tī chia teh chhòng sím-mi̍h?”

列王紀上卷 19:19

Í-lī-a chiū lī-khui hia; āu-lâi, chhē-tio̍h Sa-hoat ê kiáⁿ Í-lī-sa. Í-lī-sa tú-teh lôe-chhân; tī i ê thâu-chêng ū cha̍p-jī tùi gû, i ka-kī kóaⁿ tē-cha̍p-jī tùi. Í-lī-a keng-kè hia, chiong ka-kī ê gōa-saⁿ phoa̍h tī Í-lī-sa ê sin-chiūⁿ.

列王紀下卷 2:14

ēng hit-niá gōa-saⁿ phah hô-chúi, kóng, “Siōng Chú — Í-lī-a ê Siōng-tè tī tó-ūi?” Phah chúi liáu-āu, chúi chiū pun-chòe nn̄g pêng, Í-lī-sa chiū kè--khì.

出埃及記 14:29

Chóng-sī Í-sek-lia̍t-lâng tī hái-tiong kiâⁿ ta-tōe, chúi tī in ê siang-pêng chiâⁿ-chòe chhiûⁿ-piah.

Í-sài-a-su 11:15

Siōng Chú ōe hō͘ Ai-ki̍p ê hái-oan ta-khok-khok; I ōe gia̍h-koân I ê chhiú tōa la̍t ia̍t sio-hong, hō͘ Iù-hoat-la-tí-hô pìⁿ-chòe chhit tiâu ta-khoe, lâng chhēng chháu-ôe mā ōe-tàng kiâⁿ--kè.

Hi-pek-lâi-su 11:29

Tùi sìn, Í-sek-lia̍t-lâng kè Âng-hái chhin-chhiūⁿ teh kiâⁿ ta-tōe; Ai-ki̍p-lâng mā siūⁿ-beh kè, soah hō͘ chúi im-sí.

Hi-pek-lâi-su 11:37

In hō͘ lâng ēng chio̍h-thâu tìm--sí, ēng kù-á kù--sí, ēng to thâi--sí. In chhēng mî-iûⁿ á-sī soaⁿ-iûⁿ ê phê, ta̍k só͘-chāi phun-pho, jím-siū khiàm-kheh, pek-hāi, ge̍k-thāi.

Khé-sī-lio̍k 16:12

Tē-la̍k ê thiⁿ-sài chiong i hit-óaⁿ piàⁿ-lo̍h Iù-hoat-la-tí tōa-hô, hô-chúi chiū ta--khì, ūi-tio̍h tùi tang-hng lâi hiah-ê kun-ông chún-pī chi̍t tiâu lō͘.

撒母耳記上卷 28:14

Sò-lô kóng, “I siⁿ-chòe siáⁿ-khoán?” Ang-î kóng, “Ū chi̍t ê lāu-lâng chhut--lâi, seng-khu moa tn̂g-saⁿ.” Sò-lô chai sī Sat-bó-ní, chiū phak tī thô͘-kha kā i pài.