Biblia Todo Logo
Bìoball air-loidhne

- Sanasan -




列王紀下卷 11:12 - 現代台語譯本羅馬字版

12 Chè-si chhōa Iok-a-si chhut--lâi, kā i tì ông-koan, chiong iú-koan ông-koân ê iok-su kau hō͘ i, kā i boah-iû, siat-li̍p i choh-ông; in chiū phah-pho̍k-á, hoah kóng, “Goān ông bān-sòe!”

Faic an caibideil Dèan lethbhreac

現代台語譯本漢字版

12 祭司導約阿施出來,給伊戴王冠,將有關王權的約書交互伊,給伊抹油,設立伊作王;𪜶就拍噗仔,喝講:「願王萬歲!」

Faic an caibideil Dèan lethbhreac




列王紀下卷 11:12
45 Iomraidhean Croise  

Góa chiū óa--khì, kā i thâi-sí, in-ūi góa chai i tó--lo̍h-khì, it-tēng bōe oa̍h; góa chiū the̍h i thâu-khak ê ông-koan kap i ê chhiú-khoân, tòa-lâi góa ê chú chia.”


I the̍h-tio̍h Bí-le̍k-kong thâu-khak téng ê ông-koan, sī ēng tāi-iok saⁿ-cha̍p-gō͘ kong-kun ê kim chō--ê, koh ū siuⁿ pó-chio̍h. Lâng chiong chit-téng ông-koan tì tī Tāi-pi̍t ê thâu-khak. Tāi-pi̍t tùi siâⁿ-lāi chhú chin chōe châi-bu̍t,


Tāi-pi̍t ê pêng-iú A-ki-lâng Hō͘-su lâi Ap-sa-liông hia, tùi Ap-sa-liông kóng, “Goān ông bān-sòe! Goān ông bān-sòe!”


Iû-tāi-lâng lâi hia, ēng iû boah Tāi-pi̍t chòe Iû-tāi-ke ê ông. Ū lâng kā Tāi-pi̍t kóng, bâi-chòng Sò-lô--ê sī Ki-lia̍t ê Ngá-pí-lâng.


Lín tio̍h kian-kiông ióng-kám, in-ūi lín ê chú Sò-lô í-keng sí. Taⁿ, Iû-tāi-ke mā í-keng ēng iû boah góa chòe in ê ông.”


Í-sek-lia̍t ê tiúⁿ-ló lóng lâi Hi-pek-lûn kìⁿ Tāi-pi̍t-ông, ông chiū tī Hi-pek-lûn, tī Siōng Chú ê bīn-chêng kap in li̍p-iok. In chiū ēng iû boah Tāi-pi̍t, siat-li̍p i chòe Í-sek-lia̍t ê ông.


I kin-á-ji̍t lo̍h--khì, thâi chin chōe gû, iûⁿ, kap pûi ê cheng-siⁿ hiàn-chè, koh chhiáⁿ ông ê chèng-kiáⁿ, kap chiah-ê kun-tiúⁿ, í-ki̍p chè-si A-pí-a-tha. In kap A-to-nî-ngá chòe-hé lim-chia̍h, kóng, ‘A-to-nî-ngá-ông bān-sòe!’


Tī hia, chè-si Sat-tok kap sian-ti Ná-tan tio̍h ēng iû boah i chòe Í-sek-lia̍t-ông. Lín mā tio̍h pûn sàu-kak soan-pò͘, ‘Só͘-lô-bûn-ông bān-sòe!’


Chè-si Sat-tok chiū tùi hōe-bō͘ the̍h tóe-iû ê kak, ēng iû boah Só͘-lô-bûn; in chiū pûn sàu-kak, jîn-bîn lóng hoah kóng, “Só͘-lô-bûn-ông bān-sòe!”


Ông koh kā Sī-múi kóng, “Lí chin chheng-chhó, lí tùi góa ê lāu-pē Tāi-pi̍t só͘ chòe it-chhè ê pháiⁿ, Siōng Chú beh in-ūi lí ê pháiⁿ kā lí hêng-hoa̍t.


Hō͘-ōe-peng chhiú gia̍h bú-khì, tī chè-tôaⁿ kap sèng-tiān hia, tùi tiān ê lâm-pêng kàu pak-pêng, khiā tī ông ê sì-ûi pó-hō͘.


M̄-kú Iok-lân-ông ê cha-bó͘-kiáⁿ, A-hap-siā ê sió-bē Iok-sī-pa, chiong A-hap-siā ê kiáⁿ Iok-a-si, tùi hiah-ê siū-thâi ê ông-chú tiong thau-phō-- chhut-lâi, chiong i kap i ê lin-bú chhàng tī sèng-tiān ê khùn-pâng, bô hō͘ A-tha-lī-ngá chai, hō͘ Iok-a-si bián siū sat-hāi.


Kàu tē-chhit nî, Iâ-hô-iâ-tāi phài lâng tiàu-chi̍p Ka-lī-lâng kap só͘-ū hō͘-ōe-peng ê koaⁿ-tiúⁿ, chhōa in ji̍p Siōng Chú ê sèng-tiān lâi kàu i hia; i kap in li̍p-iok, hō͘ in tī Siōng Chú ê tiān chiù-chōa, koh hō͘ in khòaⁿ ông ê kiáⁿ.


In ta̍k-ê lâng kóaⁿ-kín ēng ka-kī ê gōa-saⁿ pho͘ tī kiā-á ê téng-chàn, hō͘ Iâ-hō͘ khiā tī téng-bīn. In pûn sàu-kak soan-pò͘ kóng, “Iâ-hō͘ choh-ông lah!”


chiong pân-lāi ê iû tò tī i ê thâu-khak, kóng, ‘Siōng Chú án-ni kóng: Góa soán-li̍p lí chòe Í-sek-lia̍t ê ông.’ Liáu-āu lí tio̍h khui-mn̂g, kóaⁿ-kín tô-cháu.”


In chiū chhōa Iok-a-si chhut--lâi, kā i tì ông-koan, chiong iú-koan ông-koân ê iok-su kau hō͘ i; Iâ-hô-iâ-tāi kap i hiah-ê kiáⁿ kā i boah-iû, siat-li̍p i choh-ông; in hoah kóng, “Goān ông bān-sòe!”


Ông ài Í-su-thiap chhiau-kè kî-tha ê lú-chú; i pí kî-tha ê chāi-sek-lú koh-khah tit-tio̍h ông ê thiàⁿ-sioh kap un-hūi. Só͘-í, ông ēng hō͘-koan tì tī i ê thâu-khak, siat-li̍p i chòe ông-hō͘ tāi-thòe Hoa-si̍t-tì.


Ông tio̍h kiò lâng chiong ông só͘ chhēng ê phàu tòa--lâi, chiong só͘ khiâ tì hoa-koan ê bé khan--lâi;


Góa beh hō͘ i ê tùi-te̍k ēng kiàn-siàu chòe saⁿ chhēng; chóng-sī ông tì ê ông-koan ōe hoat-chhut kong-chhái.”


In-ūi lí ēng tōa hok-khì teh gêng-chiap i, ēng sûn-kim ê ông-koan tì tī i ê thâu-khak.


I tùi lí kiû oa̍h-miā, lí ū hō͘ i, hō͘ i ê hè-siū kú-kú-tn̂g-tn̂g.


Bān-bîn ah, lín lóng tio̍h phah-pho̍k-á; tio̍h ēng hoaⁿ-hí ê siaⁿ tōa-siaⁿ tùi Siōng-tè hoan-ho͘.


I tī Ngá-kok siat kài-bēng, tī Í-sek-lia̍t tēng Lu̍t-hoat, koh bēng-lēng lán ê chó͘-sian chiong chiah-ê thoân hō͘ in ê kiáⁿ-sun,


Lí hòe-tû kap lí ê po̍k-jîn só͘ li̍p ê iok, chiong i ê hoa-koan tàn tī thô͘-kha thún-ta̍h.


Goān kang-hô phah-pho̍k-á hoaⁿ-hí, chèng soaⁿ-niá tī Siōng Chú bīn-chêng chòe-hé khoài-lo̍k chhiùⁿ-koa;


Tio̍h chiong góa beh siúⁿ-sù lí chòe kiàn-chèng ê chio̍h-pán hē tī kūi ê lāi-bīn.


Siōng Chú tī Se-nāi-soaⁿ kap Mô͘-se kóng-ōe kóng soah, chiū chiong nn̄g tè chio̍h-pán kau hō͘ Mô͘-se; chit nn̄g tè chio̍h-pán téng-bīn ê kài-bēng sī Siōng-tè chhin-chhiú siá--ê.


“Lín ōe hoaⁿ-hoaⁿ-hí-hí lī-khui, siū ín-chhōa pêng-pêng-an-an tńg--khì. Tōa-soaⁿ sió-soaⁿ ōe tī lín bīn-chêng chhut-siaⁿ chhiùⁿ-koa; chhân-iá ê chhiū-ba̍k ōe phah-pho̍k-á hoaⁿ-hí.


Lín tio̍h kā lu̍t-hoat ê chheh kńg--khí-lâi, tī góa ha̍k-seng ê tiong-kan kā kà-sī hong--khí-lâi.


Bōe-ēng--tit! Tio̍h chhéng-sī lu̍t-hoat kap kà-sī! Hiah-ê kóng-ōe bô chiàu lu̍t-hoat kap kà-sī ê lâng, in bōe-tàng khòaⁿ-tio̍h thiⁿ-kng.


Siōng Chú boah-iû soán-li̍p ê kun-ông sī goán ê sìⁿ-miā; goán bat án-ni siūⁿ: Tī i ê pó-hō͘-ē, goán ōe-tàng tī lia̍t-kok tiong seng-chûn. M̄-kú i lo̍h tī hām-khiⁿ hō͘ lâng lia̍h--khì.


tùi Nî-pò͘-kah-nî-sat-ông kóng, “Goān ông bān-sòe!


Tān-í-lí kóng, “Hông-siōng bān-sòe!


Chêng-kiâⁿ-āu-tè ê kûn-chiòng hoah kóng: Tāi-pi̍t ê Kiáⁿ, hô-sàn-ná! Hōng Chú ê miâ lâi Hit-ūi eng-kai siū chheng-chàn! Chì-koân ê Siōng-tè, hô-sàn-ná!


koh ēng chhì-á pīⁿ chi̍t téng ông-koan kā tì tī thâu-khak téng, chiong chi̍t ki lô͘-tek-á hō͘ I gia̍h tī chiàⁿ-chhiú. In koh kūi tī I ê bīn-chêng hì-lāng, kóng, “Iû-thài-lâng ê Ông bān-sòe!”


Hi-lu̍t kap Pâng-siu Pí-lia̍p-to kó-jiân tī chit-ê siâⁿ-lāi kap Gōa-pang-lâng í-ki̍p Í-sek-lia̍t-lâng liân-ha̍p lâi kong-kek lí só͘ soán-li̍p sèng ê po̍k-jîn Iâ-so͘.


Hō͘ goán kap lín lâi kap Ki-tok kiat-liân, koh soán-phài goán--ê sī Siōng-tè.


Lí ì-ài kong-gī, oàn-hūn put-hoat. Só͘-í, Siōng-tè — lí ê Siōng-tè kéng-soán lí, ēng hoaⁿ-hí ê iû boah lí, chhiau-kè boah lí ê tâng-phōaⁿ.


Lán khòaⁿ-kìⁿ hit-ūi pí thiⁿ-sài sió-khóa khah kē ê Iâ-so͘ í-keng keng-kè sí ê thòng-khó͘, tit-tio̍h êng-kng chun-kùi ê hoa-koan; án-ni I khò Siōng-tè ê un-tián thang ūi-tio̍h chèng-lâng sí.


I ê ba̍k-chiu chhin-chhiūⁿ hé-iām; thâu-khak ū tì chin chōe ông-koan; seng-khu ū siá chi̍t ê miâ, chit-ê miâ i ka-kī í-gōa bô lâng bat.


Sat-bó-ní the̍h chi̍t koàn iû, tò tī Sò-lô ê thâu-khak, kā i chim, kóng, “Siōng Chú ēng iû kā lí boah, siat-li̍p lí chòe I chú-bîn ê thóng-tī-chiá.


Sat-bó-ní tùi bîn-chiòng kóng, “Lín ū khòaⁿ--tio̍h-bô? Siōng Chú só͘ kéng ê lâng, bô chi̍t ê ōe-tàng kap i pí.” Chèng-lâng chiū hoan-ho͘, “Ông bān-sòe!”


Sat-bó-ní chiū tī Tāi-pi̍t hiah-ê hiaⁿ-ko bīn-chêng ēng kak-lāi ê iû kā i boah. Tùi hit-ji̍t khí, Siōng Chú ê sîn oân-choân chi-phòe Tāi-pi̍t. Sat-bó-ní chiū chhut-hoat tò-khì La-má.


Lean sinn:

Sanasan


Sanasan