Bìoball air-loidhne

列王紀下卷 1:3 - 現代台語譯本羅馬字版

³ Siōng Chú ê sù-chiá kā Thê-su-pí-lâng Í-lī-a kóng, “Lí khí--lâi, khì kìⁿ Sat-má-lī-a-ông ê sù-chiá, mn̄g in kóng, ‘Lín khì mn̄g Í-kek-lûn ê sîn-bêng Pa-le̍k Se-pok, sī in-ūi Í-sek-lia̍t tiong bô Siōng-tè sī--bô?

Faic an caibideil Dèan lethbhreac

現代台語譯本漢字版

³ 上主的使者給提斯比人以利亞講：「你起來，去見撒馬利亞王的使者，問𪜶講：『恁去問以革倫的神明巴力‧西卜，是因為以色列中無上帝是無？

Faic an caibideil Dèan lethbhreac

dol air ais ⬆

列王紀下卷 1:3
21 Iomraidhean Croise

列王紀上卷 11:33

In-ūi in khì-sak góa, khì pài Se-tùn-lâng ê sîn-bêng A-su-tha-lio̍k, Mô͘-ap ê sîn-bêng Ki-boat, kap A-bûn-lâng ê sîn-bêng Mô͘-lo̍k, bô chhin-chhiūⁿ i ê lāu-pē Tāi-pi̍t kiâⁿ góa ê tō-lō͘, chòe góa khòaⁿ-chòe chèng-ti̍t ê sū, siú góa ê kui-lē kap bēng-lēng.

Faic an caibideil

列王紀上卷 17:1

Tòa tī Ki-lia̍t ê Thê-su-pí-lâng Í-lī-a tùi A-hap kóng, “Góa kí góa só͘ ho̍k-sāi éng-oa̍h Siōng Chú — Í-sek-lia̍t ê Siōng-tè chiù-chōa, ‘Chit kúi nî, góa nā bô kî-kiû, chiū bô lō͘-chúi, mā bōe lo̍h-hō͘.’”

Faic an caibideil

列王紀上卷 18:1

Keng-kè chi̍t tōaⁿ sî-kan, kàu tē-saⁿ nî, Siōng Chú ê ōe lîm-kàu Í-lī-a kóng, “Lí khì kìⁿ A-hap; góa beh lo̍h-hō͘ tī tōe-bīn-chiūⁿ.”

Faic an caibideil

列王紀上卷 18:36

Kàu hiàn ē-hng-chè ê sî, sian-ti Í-lī-a kiâⁿ-óa chè-tôaⁿ, kóng, “Siōng Chú — A-pek-la-hán, Í-sat, Ngá-kok ê Siōng-tè, kiû lí kin-á-ji̍t hō͘ lâng chai lí sī Í-sek-lia̍t ê Siōng-tè, mā chai góa sī lí ê po̍k-jîn, koh chiàu lí ê ōe chòe chiah-ê it-chhè ê tāi-chì.

Faic an caibideil

列王紀上卷 19:5

I chiū tó tī lô-têng-chhiū kha, khùn--khì; ū thiⁿ-sài lâi tah i, kóng, “Khí-lâi chia̍h.”

Faic an caibideil

列王紀上卷 19:7

Siōng Chú ê sù-chiá tē-jī piàn koh lâi kā tah, kóng, “Khí-lâi chia̍h, in-ūi lō͘ iáu chin hn̄g.”

Faic an caibideil

列王紀上卷 21:17

Siōng Chú ê ōe lîm-kàu Thê-su-pí-lâng Í-lī-a, kóng,

Faic an caibideil

列王紀下卷 1:2

Í-sek-lia̍t-ông A-hap-siā tī Sat-má-lī-a tùi ông-kiong lâu-téng ê lân-kan poa̍h--lo̍h-lâi, siū-siong; chiū chhe sù-chiá, tùi in kóng, “Lín khì mn̄g Í-kek-lûn ê sîn-bêng Pa-le̍k Se-pok, góa chit-ê siong ōe hó bōe?”

Faic an caibideil

列王紀下卷 1:6

Sù-chiá ìn i kóng, “Goán tú-tio̍h chi̍t ê lâng, i kā goán kóng, ‘Lín tò-khì kìⁿ chhe lín ê ông, tùi i kóng, Siōng Chú án-ni kóng: Lí chhe lâng khì mn̄g Í-kek-lûn ê sîn-bêng Pa-le̍k Se-pok, sī in-ūi Í-sek-lia̍t tiong bô Siōng-tè sī--bô? Só͘-í lí bōe-tàng koh tùi hiān-chāi teh tó ê bîn-chhn̂g khí--lâi; lí it-tēng ōe sí.’”

Faic an caibideil

列王紀下卷 1:8

In ìn kóng, “I chhēng ū-mn̂g ê saⁿ, io hâ phê-tòa.” Ông kóng, “I it-tēng sī Thê-su-pí-lâng Í-lī-a.”

Faic an caibideil

列王紀下卷 5:15

I kap só͘-ū tè i ê lâng tńg-lâi Siōng-tè tiōng-iōng ê lâng hia, khiā tī i ê bīn-chêng kóng, “Taⁿ góa chai, choân sè-kài Í-sek-lia̍t í-gōa, bô Siōng-tè. Hiān-chāi chhiáⁿ lí siu lí ê po̍k-jîn ê lé-mi̍h.”

Faic an caibideil

列王紀下卷 5:8

Siōng-tè tiōng-iōng ê lâng Í-lī-sa thiaⁿ-kìⁿ Í-sek-lia̍t-ông thiah-li̍h i ê saⁿ, chiū chhe lâng khì kìⁿ ông kóng, “Lí sī-án-chóaⁿ thiah-li̍h saⁿ? Hō͘ hit-ê lâng lâi góa chia, i chiū chai Í-sek-lia̍t tiong ū sian-ti.”

Faic an caibideil

Si-phian 76:1

Tī Iû-tāi, Siōng-tè lâng-lâng lóng bat; tī Í-sek-lia̍t, I ê miâ siū chun chòe tōa.

Faic an caibideil

Í-sài-a-su 8:19

Nā ū lâng kā lín kóng, “Lín tio̍h khì mn̄g khan-bông--ê kap tâng-ki toh-thâu; in ki-ki-kiu̍h-kiu̍h, ēng lâng thiaⁿ-bô ê ōe liām-tang-liām-sai. Jîn-bîn kiám bōe-ēng-tit kiû-mn̄g in ê sîn-bêng, á-sī thòe oa̍h-lâng khì mn̄g sí--khì ê lâng?”

Faic an caibideil

Iok-ná-su 2:8

Só͘-ū khîⁿ-tiâu bô lō͘-ēng ê ngó͘-siōng ê lâng, khì-sak in tùi lí ê tiong-sêng.

Faic an caibideil

Má-khó Hok-im 3:22

Tùi Iâ-lō͘-sat-léng lo̍h--lâi ê keng-ha̍k-kàu-su kóng, “I sī hō͘ Pia̍t-se-pok hū-sin, khò kúi-ông teh kóaⁿ-kúi.”

Faic an caibideil

使徒行傳 8:26

Chú ê thiⁿ-sài kā Hui-le̍k kóng, “Khí--lâi, ǹg lâm-pêng khì, kiâⁿ tùi Iâ-lō͘-sat-léng lo̍h-khì Ka-sat hit-tiâu lō͘.” Hit-tiâu lō͘ í-keng hong-hòe.

Faic an caibideil

撒母耳記上卷 17:46

Kin-á-ji̍t Siōng Chú beh chiong lí kau tī góa ê chhiú; góa beh kā lí thâi-sí, kā lí chām-thâu. Kin-á-ji̍t góa beh ēng Hui-lī-sū kun-peng ê sin-si chhī chiáu-á kap iá-siù, hō͘ choân sè-kài ê lâng lóng chai Í-sek-lia̍t ū Siōng-tè;

Faic an caibideil

Lean sinn:

Ceanglaichean taic

Sanasan

Sanasan