Bìoball air-loidhne

列王紀上卷 9:8 - 現代台語譯本羅馬字版

⁸ Chit-keng sèng-tiān hiān-chāi sui-jiân tông-hông, kàu hit-sî, keng-kè ê lâng ōe tio̍h-kiaⁿ thí-chhiò, kóng, ‘Siōng Chú ná ōe án-ni tùi-thāi chit-ê tōe kap chit-keng tiān?’

Faic an caibideil Dèan lethbhreac

現代台語譯本漢字版

⁸ 此間聖殿現在雖然堂皇，到彼時，經過的人會著驚恥笑，講：『上主哪會按呢對待此個地及此間殿？』

Faic an caibideil Dèan lethbhreac

dol air ais ⬆

列王紀上卷 9:8
22 Iomraidhean Croise

列王紀下卷 22:17

In-ūi in khì-sak góa, kā pa̍t-ê sîn-bêng sio-hiuⁿ, ēng in ê só͘-chòe kek góa siū-khì, só͘-í góa tùi chit-ê só͘-chāi hoat tōa siū-khì bô-soah.’

Faic an caibideil

列王紀下卷 25:9

ēng hé sio Siōng Chú ê sèng-tiān, ông-kiong, kap Iâ-lō͘-sat-léng só͘-ū ê chhù, í-ki̍p só͘-ū kùi-cho̍k ê chhù.

Faic an caibideil

歷代志下卷 29:8

Só͘-í Siōng Chú ê tōa siū-khì lîm-kàu Iû-tāi kap Iâ-lō͘-sat-léng, hō͘ in siū lâng thí-chhiò, hō͘ lâng kiaⁿ-hiâⁿ, kám-kak khióng-pò͘, chhin-chhiūⁿ lín chhin-ba̍k khòaⁿ--tio̍h-ê án-ni.

Faic an caibideil

歷代志下卷 36:19

In koh sio Siōng-tè ê sèng-tiān, thiah-húi Iâ-lō͘-sat-léng ê siâⁿ-chhiûⁿ, ēng hé sio siâⁿ-lāi só͘-ū ê kiong-tiān, húi-hoāi pó-pòe ê khì-khū.

Faic an caibideil

歷代志下卷 7:21

“Chit-keng sèng-tiān sui-jiân siū lâng chun-chông, kàu hit-sî, keng-kè ê lâng ōe tio̍h-kiaⁿ, kóng, ‘Siōng Chú ná ōe án-ni tùi-thāi chit-ê tōe kap chit-keng tiān?’

Faic an caibideil

Í-sài-a-su 64:11

Goán sîn-sèng koh súi ê tiān, goán ê chó͘-sian chheng-chàn lí ê só͘-chāi, lóng hō͘ hé sio-liáu-liáu; goán him-bō͘ ê hó só͘-chāi lóng húi-hoāi lah.

Faic an caibideil

Iâ-lī-bí-su 16:10

“Lí kā chiah-ê jîn-bîn kóng chiah-ê it-chhè ê ōe ê sî, in ōe mn̄g lí, ‘Sī-án-chóaⁿ Siōng Chú beh kàng chiah tōa ê chai-hō kong-kek goán? Goán sī hoān-tio̍h sím-mi̍h chōe? Tī sím-mi̍h só͘-chāi tek-chōe Siōng Chú — goán ê Siōng-tè?’

Faic an caibideil

Iâ-lī-bí-su 18:16

In ê thó͘-tōe pìⁿ-chòe pha-hng ê só͘-chāi, éng-oán hō͘ lâng thí-chhiò; kè-lō͘ ê lâng lóng kiaⁿ-hiâⁿ hàiⁿ-thâu.

Faic an caibideil

Iâ-lī-bí-su 19:8

Góa beh hō͘ chit-ê siâⁿ chiâⁿ-chòe thang kiaⁿ-hiâⁿ, hō͘ lâng thí-chhiò ê tùi-siōng; tùi chia keng-kè ê lâng ōe in-ūi in só͘ tú--tio̍h ê chai-hō tio̍h-kiaⁿ, kā in thí-chhiò.

Faic an caibideil

Iâ-lī-bí-su 22:28

Siōng Chú koh kóng, “Iok-ngá-kun kiám m̄-sī chhin-chhiūⁿ chi̍t tè phò-chhùi, bô lâng beh ti̍h ê pôaⁿ-á? Sī-án-chóaⁿ i kap i ê kiáⁿ-jî, cha-bó͘-kiáⁿ lóng siū hiat-ka̍k, liû-bông tī gōa-tōe?

Faic an caibideil

Iâ-lī-bí-su 25:9

góa beh tiàu pak-hng ê bîn-cho̍k kap góa ê po̍k-jîn Pa-pí-lûn-ông Nî-pò͘-kah-nî-sat, lâi kong-kek chit-ê thó͘-tōe kap hiah-ê chū-bîn, í-ki̍p chiu-ûi ê bîn-cho̍k. Góa beh kā in thiat-tóe siau-bia̍t, hō͘ chit-ê tōe éng-oán pha-hng, hō͘ lâng tio̍h-kiaⁿ thí-chhiò. Siōng Chú án-ni soan-kò.

Faic an caibideil

Iâ-lī-bí-su 44:8

Lín sī-án-chóaⁿ tô-lān lâi Ai-ki̍p, koh chō ngó͘-siōng, kā pa̍t-ê sîn-bêng sio-hiuⁿ, kek góa siū-khì, tì-kàu lín siū siau-bia̍t, tī sè-kài ta̍k-kok chiâⁿ-chòe lâng chiù-chó͘, bú-jio̍k ê tùi-siōng?

Faic an caibideil

Iâ-lī-bí-su 49:17

Siōng Chú kóng, “Í-tong ōe hō͘ lâng gông-ngia̍h, tùi hia keng-kè ê lâng lóng ōe tio̍h-kiaⁿ, koh in-ūi i tú--tio̍h ê chai-hō kā i thí-chhiò. Chhin-chhiūⁿ Só͘-to-má, Gô-mô͘-la kap hù-kūn ê siâⁿ-tìn tó-hoāi, Í-tong mā ōe án-ni siū húi-bia̍t, bōe koh ū lâng tòa, mā bōe koh ū lâng tī hia kià-ku.

Faic an caibideil

Iâ-lī-bí-su 5:19

In nā mn̄g, ‘Siōng Chú — goán ê Siōng-tè sī-án-chóaⁿ kā goán chòe chiah-ê tāi-chì?’ Lí tio̍h kā in kóng, ‘Kì-jiân lín pàng-sak góa, tī lín ka-kī ê thó͘-tōe ho̍k-sāi pa̍t-ê sîn-bêng, lín mā beh chhin-chhiūⁿ án-ni, tī m̄-sī sio̍k lín ê tōe ho̍k-sāi gōa-cho̍k-lâng.’”

Faic an caibideil

Iâ-lī-bí-su 50:13

In-ūi Siōng Chú hoat tōa siū-khì, Pa-pí-lûn it-tēng bô lâng khiā-khí, beh oân-choân pha-hng; tùi hia keng-kè--ê lóng ōe tio̍h-kiaⁿ, koh in-ūi in só͘ tú--tio̍h ê chai-hō kā in thí-chhiò.

Faic an caibideil

Iâ-lī-bí-su 52:13

ēng hé sio Siōng Chú ê sèng-tiān, ông-kiong, kap Iâ-lō͘-sat-léng só͘-ū ê chhù, í-ki̍p só͘-ū kùi-cho̍k ê chhù.

Faic an caibideil

Ai-ko 2:15

Só͘-ū ê kè-lō͘-lâng lóng phah-pho̍k-á, hàiⁿ-thâu thí-chhiò Iâ-lō͘-sat-léng, kóng: Che kiám sī lâng teh kóng hit-ê si̍p-choân-si̍p-bí ê siâⁿ? Che kiám sī choân sè-kài ê lâng lóng teh o-ló ê siâⁿ?

Faic an caibideil

Tān-í-lí-su 9:12

Lí ū si̍t-hiān lí tùi goán kap thóng-tī goán ê koaⁿ-tiúⁿ só͘ kóng kéng-kài ê ōe, hō͘ tōa chai-hō lîm-kàu goán; Iâ-lō͘-sat-léng siū--tio̍h-ê, sī thiⁿ-ē bô chi̍t ê siâⁿ-chhī bat tú--tio̍h ê chai-lān.

Faic an caibideil

Sin-bēng-kì 28:37

Lín tī Siōng Chú kóaⁿ lín khì ê lia̍t-kok tiong, lâng ōe chiong lín tòng-chòe chhiàu-tâm, kā lín thí-chhiò, koh in-ūi lín tú--tio̍h ê chêng-hêng tio̍h-kiaⁿ.

Faic an caibideil

Sin-bēng-kì 29:23

chiū-sī chit-ê tōe ta̍k só͘-chāi ū liû-hông, ū iâm, hō͘ hé sio--kè, bōe-tàng chèng-choh, bô chhut-sán, bōe hoat-chháu, chhin-chhiūⁿ Siōng Chú tī tōa siū-khì tiong húi-hoāi Só͘-to-má, Gô-mô͘-la, Ap-má, Sé-pián án-ni;

Faic an caibideil

Lean sinn:

Ceanglaichean taic

Sanasan

Sanasan