Biblia Todo Logo
Bìoball air-loidhne

- Sanasan -




列王紀上卷 8:1 - 現代台語譯本羅馬字版

1 Hit-sî, Só͘-lô-bûn tiàu-chi̍p Í-sek-lia̍t ê tiúⁿ-ló, ta̍k chi-cho̍k ê siú-léng, í-ki̍p ta̍k chong-cho̍k ê cho̍k-tiúⁿ lâi Iâ-lō͘-sat-léng, beh gêng-chiap Siōng Chú ê iok-kūi, tùi Sek-an ê Tāi-pi̍t-siâⁿ ūn khí-lâi sèng-tiān.

Faic an caibideil Dèan lethbhreac

現代台語譯本漢字版

1 彼時,所羅門召集以色列的長老、逐支族的首領,以及逐宗族的族長來耶路撒冷,欲迎接上主的約櫃,對錫安的大闢城運起來聖殿。

Faic an caibideil Dèan lethbhreac




列王紀上卷 8:1
25 Iomraidhean Croise  

In kàu Ná-khong ê ngó͘-kok-tiûⁿ, gû tio̍h-tak, O͘-sat chhun-chhiú hû Siōng-tè ê iok-kūi.


Tāi-pi̍t tńg-khì i ê lia̍t-chó͘ hia liáu-āu, an-chòng tī Tāi-pi̍t-siâⁿ.


Só͘-lô-bûn khùn-chhíⁿ, chai sī Siōng Chú tī bîn-bāng tiong tùi i kóng-ōe, chiū khì Iâ-lō͘-sat-léng khiā tī Siōng Chú ê iok-kūi chêng, hiàn sio-hòa-chè kap pêng-an-chè; koh pān iàn-se̍k chhiáⁿ i ê jîn-sîn.


Tāi-pi̍t tòa tī pó-lúi, só͘-í hit-ê pó-lúi kiò-chòe Tāi-pi̍t-siâⁿ.


Tùi án-ni, Tāi-pi̍t kap Í-sek-lia̍t ê tiúⁿ-ló, chí-hui-koaⁿ, lóng khì Gô-pia̍t Í-tong ê chhù, hoaⁿ-hoaⁿ-hí-hí chiong Siōng Chú ê iok-kūi tùi hia chiap--lâi.


Siōng Chú ê iok-kūi ji̍p Tāi-pi̍t-siâⁿ ê sî, Sò-lô ê cha-bó͘-kiáⁿ Bí-kah tùi thang-á khòaⁿ--chhut-khì, khòaⁿ-tio̍h Tāi-pi̍t-ông ia̍h-thiàu-ia̍h-tiô, chiū khòaⁿ-khin i.


Tāi-pi̍t tiàu-chi̍p Í-sek-lia̍t chèng-lâng lâi Iâ-lō͘-sat-léng, beh chiong Siōng Chú ê iok-kūi kng-lâi i chún-pī ê só͘-chāi.


Tāi-pi̍t tiàu-chi̍p Í-sek-lia̍t ê léng-siù, kok chi-cho̍k ê siú-léng, kap lûn-pan ho̍k-sāi ông ê koaⁿ-tiúⁿ, koán-lí chi̍t-chheng lâng kap koán-lí chi̍t-pah lâng ê kun-koaⁿ, koán-lí ông kap ông kiáⁿ-jî ê sán-gia̍p kap cheng-siⁿ ê koaⁿ-oân, thài-kàm, ióng-sū, í-ki̍p tiōng-iàu jîn-sîn, lóng lâi Iâ-lō͘-sat-léng.


Hi-se-ka phài lâng khì Í-sek-lia̍t kap Iû-tāi ta̍k só͘-chāi, koh siá-phoe hō͘ Í-hoat-liân kap Má-ná-se ê lâng, iau-chhiáⁿ in lâi Iâ-lō͘-sat-léng Siōng Chú ê sèng-tiān siú Pôaⁿ-kè-choeh, ho̍k-sāi Siōng Chú — Í-sek-lia̍t ê Siōng-tè.


Í-sek-lia̍t-lâng tī ka-kī ê kò͘-hiong lóng an-tùn hó-sè. Chhit--ge̍h, jîn-bîn tâng-sim chi̍t-ì chū-chi̍p tī Iâ-lō͘-sat-léng.


hō͘ lâng thang tī Sek-an thoân-iông Siōng Chú ê miâ, tī Iâ-lō͘-sat-léng thoân-pò͘ chheng-chàn I ê ōe;


Tio̍h chheng-chàn tī Sek-an choh-ông ê Siōng Chú, chiong I ê chok-ûi pò-iông tī bān-bîn ê tiong-kan.


Só͘-í, Chì-koân ê Siōng Chú án-ni kóng, “Lí khòaⁿ, góa beh tī Sek-an hē chi̍t tè chio̍h, sī chhì-giām--kè ê chio̍h, pó-kùi ê ki-chio̍h, thang chòe kian-kò͘ ê kun-ki; óa-khò I ê lâng choa̍t-tùi bōe kiaⁿ-hiâⁿ tio̍h-kip.


Góa beh hō͘ sèng-lī pek-kūn, liâm-piⁿ kàu; góa ê chín-kiù bōe iân-tî. Góa beh kái-kiù Iâ-lō͘-sat-léng, beh hō͘ Í-sek-lia̍t tit-tio̍h êng-kng.


Ta̍k-ê chi-cho̍k tio̍h ū chi̍t ê lâng, chiū-sī in ê cho̍k-tiúⁿ hia̍p-chō͘ lín.


i tiàu-chi̍p choân Í-sek-lia̍t ê tiúⁿ-ló, cho̍k-tiúⁿ, sím-phòaⁿ-koaⁿ, kap koaⁿ-tiúⁿ, tùi in kóng, “Góa í-keng nî-lāu lah.


Iok-su-a chū-chi̍p Í-sek-lia̍t chèng chi-cho̍k kàu Sī-kiàm. I tiàu Í-sek-lia̍t ê tiúⁿ-ló, cho̍k-tiúⁿ, sím-phòaⁿ-koaⁿ, í-ki̍p koaⁿ-tiúⁿ lâi; in chiū khiā tī Siōng-tè ê bīn-chêng.


In-ūi Sèng-keng ū kì-chài: Khòaⁿ leh, góa beh tī Sek-an hē chi̍t tè chio̍h, sī siū-kéng pó-kùi ê chhù-kak-chio̍h; sìn I ê lâng choa̍t-tùi bōe sit-bāng.


Lean sinn:

Sanasan


Sanasan