Bìoball air-loidhne

列王紀上卷 21:3 - 現代台語譯本羅馬字版

³ Ná-pek kā A-hap kóng, “Siōng Chú bōe ún-chún góa chiong chó͘-sian lâu--lo̍h-lâi ê sán-gia̍p hō͘ lí.”

Faic an caibideil Dèan lethbhreac

現代台語譯本漢字版

³ 拿伯給亞哈講：「上主𣍐允准我將祖先留落來的產業互你。」

Faic an caibideil Dèan lethbhreac

dol air ais ⬆

列王紀上卷 21:3
22 Iomraidhean Croise

Chhòng-sè-kì 44:17

Iok-sek kóng, “Góa choa̍t-tùi bōe án-ni chòe; tī sím-mi̍h-lâng hia chhiau-tio̍h gûn-poe, hit-ê lâng chiū tio̍h chòe góa ê lô͘-lē. Lín kî-tha ê lâng lóng thang pêng-an tńg-khì lín lāu-pē hia.”

Faic an caibideil

Chhòng-sè-kì 44:7

In ìn kóng, “Sian-siⁿ, lí ná ōe án-ni kóng? Lí ê po̍k-jîn choa̍t-tùi bōe chòe chit-khoán tāi-chì.

Faic an caibideil

歷代志上卷 11:19

kóng, “Góa ê Siōng-tè ah, góa ná thang lim chit-ê chúi? Che kiám m̄-sī chiah-ê ēng sìⁿ-miā khì ōaⁿ--lâi ê lâng ê huih, góa ná káⁿ lim?” Só͘-í Tāi-pi̍t m̄ lim. Che sī chit saⁿ ê ióng-sū chòe ê tāi-chì.

Faic an caibideil

Iok-pek-kì 27:5

Góa choa̍t-tùi m̄ khòaⁿ lín chòe tio̍h; góa kàu sí mā kian-chhî ka-kī sûn-choân chèng-ti̍t.

Faic an caibideil

Í-se-kiat-su 46:18

Ông bōe-ēng-tit chhim-chiàm jîn-bîn ê thó͘-tōe, kā in kóaⁿ lī-khui in ê thó͘-tōe. I tio̍h chiong ka-kī ê thó͘-tōe pun hō͘ i ê kiáⁿ-jî, chiah bián góa ê chú-bîn lī-khui in ê thó͘-tōe, sì-sòaⁿ khì ta̍k só͘-chāi.”

Faic an caibideil

Lī-bī-kì 25:23

Thó͘-tōe m̄-thang éng-oán bōe-tn̄g, in-ūi tōe sī góa--ê; lín tī góa ê bīn-chêng sī chhut-gōa-lâng, sī kià-ku--ê.

Faic an caibideil

Bîn-sò͘-kì 36:7

Án-ni, Í-sek-lia̍t-lâng ê sán-gia̍p chiū bōe tùi chit-ê chi-cho̍k poah-khì hō͘ pa̍t-ê chi-cho̍k. Í-sek-lia̍t-lâng ta̍k-ê tio̍h siú-tiâu in ka-kī chó͘-sian chi-cho̍k ê sán-gia̍p.

Faic an caibideil

Bîn-sò͘-kì 36:9

Án-ni, sán-gia̍p chiah bōe tùi chit-cho̍k choán-khì pa̍t-ê chi-cho̍k; Í-sek-lia̍t ta̍k chi-cho̍k ê lâng tio̍h siú-tiâu in ka-kī ê sán-gia̍p.”

Faic an caibideil

Lô-má-su 3:31

Án-ni kóng, lán in-ūi chit-ê sìn soah hō͘ Lu̍t-hoat sit-khì hāu-le̍k sī--bô? Choa̍t-tùi m̄-sī! Lán tian-tò sī teh khak-li̍p Lu̍t-hoat.

Faic an caibideil

Lô-má-su 3:4

Choa̍t-tùi bōe! Sīm-chì só͘-ū ê lâng lóng pe̍h-chha̍t, Siōng-tè ia̍h it-tēng sī chin-si̍t. Chiàu Sèng-keng só͘ kì-chài: Lí chek-pī ê sî, hián-chhut kong-gī; lí siū khòng-kò ê sî, ōe sèng-sò͘.

Faic an caibideil

Lô-má-su 3:6

Choa̍t-tùi m̄-sī! Nā-sī, Siōng-tè ná ōe-tàng sím-phòaⁿ sè-kan?

Faic an caibideil

Lô-má-su 6:15

Nā án-ni, in-ūi lán m̄-sī tī Lu̍t-hoat-ē, sī tī un-tián-ē, lán chiū thang hoān-chōe sī--bô? Choa̍t-tùi m̄-thang!

Faic an caibideil

Lô-má-su 6:2

Choa̍t-tùi m̄-sī! Lán chiah-ê ǹg chōe í-keng sí ê lâng kiám thang kè-sio̍k tī chōe-ok tiong seng-oa̍h?

Faic an caibideil

Lô-má-su 7:13

Nā án-ni kóng, hit-ê liông-siān--ê hāi-sí góa sī--bô? Choa̍t-tùi m̄-sī! Sī chōe lī-iōng hit-ê liông-siān--ê hāi-sí góa, hō͘ chōe-ok ê pún-chit hián-lō͘; án-ni, chōe lī-iōng kài-bēng hō͘ i ke̍k-kî ok-to̍k ê pún-chit koh-khah hián-lō͘ chhut--lâi.

Faic an caibideil

Lô-má-su 7:7

Án-ni, lán beh kóng sím-mi̍h? Lu̍t-hoat sī chōe sī--bô? Choa̍t-tùi m̄-sī! Put-kò nā bô Lu̍t-hoat, góa chiū m̄ chai sím-mi̍h sī chōe. Lu̍t-hoat nā bô kóng “M̄-thang tham-sim”, góa chiū m̄ chai sím-mi̍h sī tham-sim.

Faic an caibideil

哥林多前書 6:15

Kiám m̄ chai lín ê seng-khu sī Ki-tok ê chi-thé? Án-ni, góa kiám thang chiong Ki-tok ê chi-thé hō͘ i pìⁿ-chòe ki-lú ê chi-thé? Choa̍t-tùi m̄-thang!

Faic an caibideil

加拉太書 6:14

Góa leh, góa chí-ū beh khoa-kháu lán ê Chú Iâ-so͘ Ki-tok ê si̍p-jī-kè, thong-kè chit-ê si̍p-jī-kè, tùi góa lâi kóng, sè-kài í-keng tèng-sí tī si̍p-jī-kè; tùi sè-kài lâi kóng, góa mā í-keng tèng-sí.

Faic an caibideil

Iok-su-a-kì 22:29

Kin-á-ji̍t, goán choa̍t-tùi bô chit-ê ì-sù, beh tī Siōng Chú — lán ê Siōng-tè hōe-bō͘ thâu-chêng ê chè-tôaⁿ í-gōa, koh lēng-gōa khí chi̍t chō chè-tôaⁿ hiàn sio-hòa-chè, sò͘-chè, kap kî-tha ê chè, lâi pōe-ge̍k Siōng Chú, oa̍t-thâu bô sūn-thàn I.”

Faic an caibideil

Iok-su-a-kì 24:16

Jîn-bîn hôe-tap kóng, “Goán it-tēng bô beh khì-sak Siōng Chú, khì ho̍k-sāi pa̍t-ê sîn-bêng.

Faic an caibideil

撒母耳記上卷 12:23

Góa leh, góa it-tēng put-toān thòe lín kî-tó; nā bô, góa chiū tek-chōe Siōng Chú. Góa beh chí-sī lín hó koh chèng-ti̍t ê lō͘.

Faic an caibideil

撒母耳記上卷 24:6

tùi kun-tè i ê lâng kóng, “I sī Siōng Chú só͘ boah-iû ê ông; góa choa̍t-tùi m̄-káⁿ tùi góa ê chú-lâng, chiū-sī Siōng Chú só͘ boah-iû--ê, chòe chit-khoán tāi-chì siong-hāi i.”

Faic an caibideil

Lean sinn:

Ceanglaichean taic

Sanasan

Sanasan