Biblia Todo Logo
Bìoball air-loidhne

- Sanasan -




列王紀上卷 13:1 - 現代台語譯本羅馬字版

1 Hit-sî, ū chi̍t ê Siōng-tè tiōng-iōng ê lâng chiàu Siōng Chú ê ōe tùi Iû-tāi lâi kàu Pek-te̍k-lī; Iâ-lô-pho-an tú-á khiā tī chè-tôaⁿ piⁿ teh sio-hiuⁿ.

Faic an caibideil Dèan lethbhreac

現代台語譯本漢字版

1 彼時,有一個上帝重用的人照上主的話對猶大來到伯特利;耶羅波安抵仔徛佇祭壇邊啲燒香。

Faic an caibideil Dèan lethbhreac




列王紀上卷 13:1
23 Iomraidhean Croise  

M̄-kú Siōng-tè ê ōe lîm-kàu Siōng-tè tiōng-iōng ê lâng Sī-má-ngá, kóng,


Hit-ê chhōa Siōng-tè tiōng-iōng ê lâng tùi lō͘--ni̍h tò--lâi ê lāu sian-ti thiaⁿ--tio̍h chiū kóng, “Chit-ê Siōng-tè tiōng-iōng ê lâng ûi-pōe Siōng Chú ê bēng-lēng, só͘-í Siōng Chú kiò sai lâi kā i; sai kā i thiah-li̍h, kā i kā-sí, tú chiàu Siōng Chú tùi i kóng ê ōe.”


In-ūi i hōng Siōng Chú ê bēng-lēng, tùi Pek-te̍k-lī ê chè-tôaⁿ kap Sat-má-lī-a choân-siâⁿ só͘-ū ê soaⁿ-thâu-tôaⁿ soan-pò͘ ê ōe, it-tēng si̍t-hiān.”


tôaⁿ chiū phòa-li̍h, tôaⁿ-téng ê hé-hu mā iā kah kui thô͘-kha, tú chiàu Siōng-tè tiōng-iōng ê lâng hōng Siōng Chú ê ōe só͘ kóng ê tiāu-thâu si̍t-hiān.


In-ūi Siōng Chú ū kā góa hoan-hù kóng, ‘Lí m̄-thang chia̍h-pn̄g, m̄-thang lim-chúi, mā m̄-thang tùi goân-lō͘ tò--khì.’”


Ū chi̍t ê lâng, sī sian-ti ê ha̍k-seng, hōng Siōng Chú ê ōe kā i ê tâng-phōaⁿ kóng, “Phah góa!” Hit-ê lâng m̄-khéng kā i phah.


Iok-se-a húi-hoāi Pek-te̍k-lī ê chè-tôaⁿ, chiū-sī Nî-pat ê kiáⁿ Iâ-lô-pho-an só͘ khí, hō͘ Í-sek-lia̍t hoān-chōe ê soaⁿ-thâu-tôaⁿ, kā chè-tôaⁿ kap soaⁿ-thâu-tôaⁿ kòng kah chhùi-chhùi, koh sio A-sià-la thiāu-siōng.


Iok-se-a mn̄g, “Góa khòaⁿ--tio̍h-ê sī sím-mi̍h-lâng ê bōng-pâi?” Hit-ê siâⁿ ê lâng tùi i kóng, “Che sī Siōng-tè tiōng-iōng ê lâng ê bōng; i tùi Iû-tāi lâi, ū-giân ông tú-chiah kong-kek Pek-te̍k-lī ê tôaⁿ ê tāi-chì.”


O͘-se-a kiông-sēng liáu-āu sim chiū kiau-ngō͘, tì-kàu soe-pāi, tek-chōe Siōng Chú — i ê Siōng-tè. I ji̍p-khì Siōng Chú ê sèng-tiān, beh tī hiuⁿ-tôaⁿ sio-hiuⁿ.


chó͘-tòng ông, kā i kóng, “O͘-se-a, sio-hiuⁿ hō͘ Siōng Chú m̄-sī lí eng-kai chòe ê tāi-chì, sī chè-si A-lûn ê hō͘-tāi siū hun-pia̍t lâi chòe ê chit-bū. Lí tio̍h tùi sèng-tiān chhut--khì, in-ūi lí í-keng hoān-chōe, lí bōe-tàng tit-tio̍h Chú Siōng-tè hō͘ lí ê chun-êng.”


Só͘-lô-bûn kî-tha ê sū-chek, tùi thâu kàu bé lóng kì-chài tī Sian-ti Ná-tan-sú, Sī-lô-lâng A-hi-ngá ê Ū-giân-su, kap sian-kiàn E̍k-to lūn Nî-pat ê kiáⁿ Iâ-lô-pho-an ê Īⁿ-siōng-su.


Hit-sî, Iû-tāi ta̍k siâⁿ-tìn ê lâng kap Iâ-lō͘-sat-léng ê chū-bîn, ōe khì ai-kiû in sio-hiuⁿ ho̍k-sāi ê sîn-bêng. M̄-kú tī in tú-tio̍h chai-lān ê sî, chiah-ê sîn-bêng lóng bōe-tàng kā in kái-kiù.


“Tùi A-bûn-ông ê kiáⁿ Iok-se-a choh-ông tē-cha̍p-saⁿ nî kàu kin-á-ji̍t, chit jī-cha̍p-saⁿ nî lâi, Siōng Chú put-sî tùi góa kóng-ōe, góa mā kè-sio̍k chiong I ê ōe thoân hō͘ lín, m̄-kú lín lóng bô beh thiaⁿ-thàn.


Kong-chhú chit-ê siâⁿ ê Pa-pí-lûn kun-tūi ōe ji̍p-lâi pàng-hé sio siâⁿ, mā chiong tī chhù-téng kā Pa-le̍k sio-hiuⁿ, kā gōa-pang ê sîn-bêng hiàn tiān-chiú-chè, jiá góa siū-khì hiah-ê lâng ê chhù choân-pō͘ sio-liáu-liáu.


M̄-thang koh tī Pek-te̍k-lī kóng ū-giân; in-ūi chia ū ông ê sèng-só͘, ū ông-ka ê kiong-tiān.”


Án-ni, A-má-siā, lí tio̍h thiaⁿ Siōng Chú ê ōe. Lí kóng ‘M̄-thang thoân-ta̍t Siōng-tè ê ōe hoán-tùi Í-sek-lia̍t, m̄-thang kóng-ōe kong-kek Í-sat ê ke’,


Siōng Chú — Bān-kun ê Thóng-sòe koh kóng, “Choân sè-kài, tùi ji̍t chhut ê só͘-chāi kàu ji̍t lo̍h ê só͘-chāi, góa ê miâ tī bān-kok tiong siū kèng-tiōng, tī ta̍k só͘-chāi ū lâng tùi góa sio-hiuⁿ, hiàn kiat-chēng ê chè-mi̍h, in-ūi góa ê miâ tī bān-kok tiong siū kèng-tiōng.


hō͘ Í-sek-lia̍t-lâng chòe kàm-kài; chiah bián m̄-sī sio̍k A-lûn hō͘-tāi ê gōa-lâng tī Siōng Chú ê bīn-chêng sio-hiuⁿ, chhin-chhiūⁿ Khó-la kap in hit-tīn lâng siū siau-bia̍t; che sī chiàu Siōng Chú thong-kè Mô͘-se tùi Í-lī-a-sat ê bēng-lēng.


Goán chiàu Chú ê ōe kā lín kóng chit-ê sū, chiū-sī lán chiah-ê tī Chú lâi-lîm ê sî iáu oa̍h--teh ê lâng, bōe pí hiah-ê í-keng sí--khì ê lâng khah tāi-seng kìⁿ-tio̍h Chú.


Koh ū chi̍t ê thiⁿ-sài lâi, chhiú the̍h kim hiuⁿ-lô͘ khiā tī chè-tôaⁿ chêng, niá-siū chin chōe hiuⁿ, thang kap chèng sìn-tô͘ ê kî-tó chòe-hé hiàn tī pó-chō chêng ê kim chè-tôaⁿ téng.


Ū chi̍t ji̍t, ū chi̍t ê Siōng-tè tiōng-iōng ê lâng lâi kìⁿ Í-lī, tùi i kóng, “Siōng Chú án-ni kóng, ‘Lín chó͘-sian chòe Ai-ki̍p-ông ê lô͘-lē ê sî, góa ū tùi in hián-hiān.


Po̍k-jîn kóng, “Tán leh, chit-ê chng-siā ū chi̍t ê Siōng-tè tiōng-iōng ê lâng siū tāi-ke kèng-tiōng; i só͘ kóng--ê lóng ōe si̍t-hiān; lán lâi-khì chhē i; bô-tiāⁿ-tio̍h i ōe kā lán chí-sī khì tó-ūi chhē lû.”


Lean sinn:

Sanasan


Sanasan