Bìoball air-loidhne

出埃及記 8:15 - 現代台語譯本羅馬字版

¹⁵ Ai-ki̍p-ông khòaⁿ-tio̍h tāi-chì ū kái-koat, chiū ngī i ê sim, m̄ thiaⁿ Mô͘-se kap A-lûn ê ōe; tú-tú chiàu Siōng Chú só͘ kóng--ê.

Faic an caibideil Dèan lethbhreac

現代台語譯本漢字版

¹⁵ 埃及王看著代誌有解決，就硬伊的心，毋聽摩西及亞倫的話；抵抵照上主所講的。

Faic an caibideil Dèan lethbhreac

dol air ais ⬆

出埃及記 8:15
24 Iomraidhean Croise

出埃及記 14:5

Ū lâng lâi kā Ai-ki̍p-ông pò-kò, “Í-sek-lia̍t-lâng tô-cháu lah!” Ai-ki̍p-ông kap i ê jîn-sîn chiū kái-piàn sim-ì, kóng, “Lán ná ōe chòe chit-khoán tāi-chì? Sī-án-chóaⁿ beh pàng hit-ê bîn-cho̍k lī-khui bô koh ho̍k-sāi lán?”

Faic an caibideil

出埃及記 4:21

Siōng Chú tùi Mô͘-se kóng, “Lí tò-khì Ai-ki̍p ê sî, it-tēng tio̍h ēng góa sù hō͘ lí ê lêng-le̍k, tī Ai-ki̍p-ông ê bīn-chêng kiâⁿ kî-sū; m̄-kú góa beh hō͘ i ê sim ngī, m̄-khéng pàng chit-ê bîn-cho̍k lī-khui.

Faic an caibideil

出埃及記 7:4

M̄-kú Ai-ki̍p-ông bô beh thiaⁿ lín, góa chiū beh kong-kek Ai-ki̍p, giâm-giâm hêng-hoa̍t in, chhōa góa ê chú-bîn Í-sek-lia̍t chi̍t-tūi chi̍t-tūi chhut Ai-ki̍p-tōe.

Faic an caibideil

出埃及記 8:14

Lâng kā in khioh chi̍t-tui chi̍t-tui; Ai-ki̍p choân-tōe lóng sī chhàu-bī.

Faic an caibideil

出埃及記 8:16

Siōng Chú tùi Mô͘-se kóng, “Lí tio̍h kā A-lûn kóng, ‘Gia̍h lí ê koáiⁿ-á phah thô͘-hún, hō͘ Ai-ki̍p choân-tōe ê thô͘-hún pìⁿ-chòe sat-bú.’”

Faic an caibideil

出埃及記 8:28

Ai-ki̍p-ông kóng, “Góa ún-chún lín lī-khui, hō͘ lín tī khòng-iá ǹg Siōng Chú — lín ê Siōng-tè hiàn-chè, m̄-kú bōe-ēng-tit khì siuⁿ hn̄g. Koh lín tio̍h thòe góa kî-tó.”

Faic an caibideil

出埃及記 8:29

Mô͘-se kóng, “Góa beh tùi lí chia chhut--khì, ǹg Siōng Chú kî-tó, kiû I hō͘ kui-tīn hô͘-sîn bîn-á-chài lī-khui Ai-ki̍p-ông kap lí ê jîn-sîn, í-ki̍p jîn-bîn. M̄-kú Ai-ki̍p-ông m̄-thang koh phiàn goán, m̄-chún chit-ê bîn-cho̍k lī-khui khì hiàn-chè hō͘ Siōng Chú.”

Faic an caibideil

出埃及記 8:32

Chit-piàn Ai-ki̍p-ông koh ngī i ê sim, m̄ pàng chit-ê bîn-cho̍k lī-khui.

Faic an caibideil

出埃及記 8:8

Ai-ki̍p-ông kiò Mô͘-se kap A-lûn lâi, kóng, “Chhiáⁿ lín kiû Siōng Chú hō͘ chiah-ê chúi-koe lī-khui góa kap góa ê jîn-bîn; góa chiū beh hō͘ chit-ê bîn-cho̍k lī-khui, khì ǹg Siōng Chú hiàn-chè.”

Faic an caibideil

Chim-giân 26:11

Gōng-lâng it-chài chòe gû-gōng ê sū, chhin-chhiūⁿ káu oa̍t tńg-lâi chia̍h ka-kī thò͘--chhut-lâi ê mi̍h.

Faic an caibideil

Chim-giân 29:1

Lâng siū chek-hoa̍t iáu m̄-khéng hóe-kái, ōe hut-jiân sit-pāi bia̍t-bông, bōe hù kā kiù.

Faic an caibideil

Thoân-tō-su 8:11

Chōe tēng-liáu bô sûi-sî chip-hêng, sè-kan-lâng chiah ōe tōa-táⁿ chòe pháiⁿ.

Faic an caibideil

Í-sài-a-su 26:10

Siâ-ok ê lâng chiū-sī tit-tio̍h jîn-chû, mā o̍h bōe tio̍h kong-gī. Tī chèng-ti̍t-lâng ê tōe, in iû-goân chòe pháiⁿ, in khòaⁿ bōe tio̍h Siōng Chú ê ui-giâm.

Faic an caibideil

Hô-se-a-su 6:4

Í-hoat-liân ah, góa tio̍h án-chóaⁿ tùi-thāi lí? Iû-tāi ah, góa tio̍h án-chóaⁿ tùi-hù lí? Lín tùi góa ê thiàⁿ chhin-chhiūⁿ chá-khí-sî ê hûn-bū, chhin-chhiūⁿ lō͘-chúi chin kín ta--khì.

Faic an caibideil

Hi-pek-lâi-su 3:15

Sèng-keng án-ni kóng: Kin-á-ji̍t lín nā thiaⁿ Siōng-tè ê siaⁿ, m̄-thang ngī-sim, chhin-chhiūⁿ lín ê chó͘-sian tī pōe-ge̍k ê sî án-ni.

Faic an caibideil

Hi-pek-lâi-su 3:8

m̄-thang ngī-sim, chhin-chhiūⁿ lín ê chó͘-sian tī pōe-ge̍k ê sî, tī khòng-iá chhì-thàm I ê ji̍t.

Faic an caibideil

Khé-sī-lio̍k 16:9

Lâng hō͘ tōa iām-hé sio chiū siat-to̍k ū koân chiáng-koán chiah-ê chai-hō ê Siōng-tè ê miâ; in iáu-kú bô hóe-kái, bô kui êng-kng hō͘ Siōng-tè.

Faic an caibideil

撒母耳記上卷 6:12

Gû-bú ǹg Pek Sī-be̍k ê tōa-lō͘ ti̍t-ti̍t kiâⁿ--lo̍h-khì, ná kiâⁿ ná háu, bô phian chó-iū. Hui-lī-sū-lâng ê siú-léng tè tī āu-bīn, it-ti̍t kàu Pek Sī-be̍k ê pian-kài.

Faic an caibideil

撒母耳記上卷 6:3

In kóng, “Lín nā beh sàng Í-sek-lia̍t Siōng-tè ê iok-kūi tò--khì, m̄-thang hō͘ i khang-chhiú khì, it-tēng tio̍h tòa pê-chōe ê lé-mi̍h; lín ê pīⁿ chiah ōe tit-tio̍h i-hó, lín chiah ōe chai sī-án-chóaⁿ Siōng-tè kè-sio̍k teh hêng-hoa̍t lín.”

Faic an caibideil

撒母耳記上卷 6:6

Lín sī-án-chóaⁿ beh chhin-chhiūⁿ Ai-ki̍p-lâng kap Ai-ki̍p-ông hiah-ni̍h ngī-sim? Siōng-tè kiám m̄-sī giâm-giâm tùi-hù in, in chiah pàng Í-sek-lia̍t-lâng lī-khui?

Faic an caibideil

撒母耳記上卷 6:9

Lín tio̍h chù-ì khòaⁿ, hit-tâi chhia nā tùi kau-kài ê lō͘ chiūⁿ kàu Pek Sī-be̍k, chiū chai kàng chit-ê tōa chai-hō hō͘ lán--ê si̍t-chāi sī Siōng Chú. Chhia nā m̄-sī ǹg hit-ê hong-hiòng khì, chiū chai phah lán--ê m̄-sī I, sī lán ngó͘-jiân tú--tio̍h-ê.”

Faic an caibideil

Lean sinn:

Ceanglaichean taic

Sanasan

Sanasan