Bìoball air-loidhne

出埃及記 6:6 - 現代台語譯本羅馬字版

⁶ Só͘-í lí tio̍h kā Í-sek-lia̍t-lâng kóng, ‘Góa sī Siōng Chú. Góa beh kiù lín thoat-lī Ai-ki̍p-lâng ê ap-pek, hō͘ lín m̄-bián koh chòe in ê lô͘-lē, góa koh beh chhut-chhiú giâm-giâm hêng-hoa̍t in lâi kiù-sio̍k lín.

Faic an caibideil Dèan lethbhreac

現代台語譯本漢字版

⁶ 所以你著給以色列人講：『我是上主。我欲救恁脫離埃及人的壓迫，互恁毋免閣做𪜶的奴隸，我閣欲出手嚴嚴刑罰𪜶來救贖恁。

Faic an caibideil Dèan lethbhreac

dol air ais ⬆

出埃及記 6:6
46 Iomraidhean Croise

列王紀下卷 17:36

Chí-ū hit-ūi chhun-chhut tōa koân-lêng ê chhiú chhōa lín chhut Ai-ki̍p ê Siōng Chú, lín tio̍h kèng-ùi I, kūi-pài I, tùi I hiàn-chè.

Faic an caibideil

歷代志上卷 17:21

Sè-kan kiám ū chi̍t ê kok chhin-chhiūⁿ lí ê chú-bîn Í-sek-lia̍t? Siōng-tè lí ū kiù-sio̍k in, hō͘ in chiâⁿ-chòe lí ê chú-bîn. Lí chòe ke̍k-tōa koh thang-kiaⁿ ê sū, hō͘ lí ka-kī tit-tio̍h êng-iāu, in-ūi lí ū kóaⁿ-tio̍k lia̍t-pang lī-khui lí tùi Ai-ki̍p kái-kiù--chhut-lâi ê chú-bîn.

Faic an caibideil

Nî-hi-bí-kì 1:10

“In sī lí ê po̍k-jîn, lí ê chú-bîn, sī lí ēng tōa khùi-la̍t, tōa koân-lêng ê chhiú kiù-sio̍k--ê.

Faic an caibideil

Si-phian 77:16

Siōng-tè ah, tōa-chúi kìⁿ-tio̍h lí, tōa-chúi kìⁿ-tio̍h lí lóng kiaⁿ-hiâⁿ; chhim-ian mā ngia̍uh-ngia̍uh-chhoah.

Faic an caibideil

Si-phian 81:11

“M̄-kú góa ê chú-bîn m̄ thiaⁿ góa ê ōe; Í-sek-lia̍t lóng m̄ chhap góa.

Faic an caibideil

Si-phian 81:6

Siōng-tè kóng, “Góa chiong in keng-thâu téng ê tāng-tàⁿ sóa-khui, hō͘ in pàng-lo̍h chhiú só͘ kōaⁿ tāng ê nâ-á.

Faic an caibideil

Si-phian 81:7

Lín tī hoān-lān tiong kiû-kiò, góa ū kái-kiù lín; góa tùi lûi teh tân ê ba̍t-hûn tiong ìn-tap lín, tī Bí-lī-pa ê chúi-chôaⁿ piⁿ chhì-giām lín.

Faic an caibideil

出埃及記 1:11

Ai-ki̍p-lâng chiū phài tok-kang koán-hat in, kiông-pek in chòe khó͘-kang ap-pek in, hō͘ in tī Pí-tong kap Lân-sài ūi Ai-ki̍p-ông khí tún-chek bu̍t-chu ê siâⁿ.

Faic an caibideil

出埃及記 12:41

Sì-pah saⁿ-cha̍p nî chi̍t-ē móa, tú-tú hit-ji̍t, Siōng Chú chhōa I ê kun-tūi tùi Ai-ki̍p-tōe chhut--lâi.

Faic an caibideil

出埃及記 12:51

Chiū tī hit-ji̍t, Siōng Chú chhōa Í-sek-lia̍t-lâng, chi̍t-tūi chi̍t-tūi chhut Ai-ki̍p.

Faic an caibideil

出埃及記 13:14

Í-āu lín ê kiáⁿ nā mn̄g lín kóng, ‘Sī-án-chóaⁿ beh án-ni chòe?’ Lín tio̍h kā in kóng, ‘Siōng Chú ēng tōa koân-lêng ê chhiú chhōa goán tùi Ai-ki̍p chòe lô͘-châi ê ke chhut--lâi.

Faic an caibideil

出埃及記 13:16

Lí tio̍h tī lí ê chhiú kap thâu-hia̍h chòe kì-hō, kì-liām Siōng Chú ēng tōa koân-lêng ê chhiú chhōa goán chhut Ai-ki̍p.’”

Faic an caibideil

出埃及記 13:3

Mô͘-se tùi Í-sek-lia̍t-lâng kóng, “Lín tio̍h ōe-kì-tit chit-ji̍t, in-ūi Siōng Chú tī chit-ji̍t ēng tōa koân-lêng ê chhiú kā lín tùi Ai-ki̍p chòe lô͘-châi ê ke chhōa--chhut-lâi; ū-kàⁿ ê piáⁿ lóng m̄-thang chia̍h.

Faic an caibideil

出埃及記 15:13

Lí ēng chû-ài chhōa lí kiù-sio̍k ê chú-bîn; lí ēng koân-lêng chhōa in chìn-ji̍p lí sèng ê só͘-chāi.

Faic an caibideil

出埃及記 16:6

Mô͘-se, A-lûn tùi Í-sek-lia̍t chèng-lâng kóng, “Kim-mî lín chiū ōe chai, chhōa lín chhut Ai-ki̍p-tōe--ê sī Siōng Chú.

Faic an caibideil

出埃及記 18:1

Mô͘-se ê tiūⁿ-lâng Bí-tiân ê chè-si Ia̍p-te̍k-lô, thiaⁿ-kìⁿ Siōng-tè ūi-tio̍h Mô͘-se kap I ê chú-bîn Í-sek-lia̍t só͘ chòe ê sū, chiū-sī Siōng Chú chhōa Í-sek-lia̍t-lâng chhut Ai-ki̍p ê sū.

Faic an caibideil

出埃及記 2:11

Āu-lâi, Mô͘-se tōa-hàn; i chhut-khì i ê tông-pau Hi-pek-lâi-lâng hia, khòaⁿ-tio̍h in teh chòe khó͘-kang; koh khòaⁿ-tio̍h chi̍t ê Ai-ki̍p-lâng teh phah Hi-pek-lâi-lâng.

Faic an caibideil

出埃及記 3:17

Góa it-tēng beh kiù lín thoat-chhut tī Ai-ki̍p siū ê kan-khó͘, chhōa lín khì kàu Ka-lâm, Hek, A-mô͘-lī, Pí-lī-sé, Hi-bī, Iâ-pò͘-su hiah-ê cho̍k khiā-khí ê só͘-chāi, chiū-sī lâu lin kap bi̍t ê tōe.’

Faic an caibideil

出埃及記 3:8

Taⁿ góa beh lo̍h-lâi kái-kiù in thoat-lī Ai-ki̍p-lâng ê chhiú, chhōa in lī-khui hit-ê tōe, khì pûi-súi koh khoan-khoah, lâu lin kap bi̍t ê tōe, chiū-sī Ka-lâm-lâng, Hek-lâng, A-mô͘-lī-lâng, Pí-lī-sé-lâng, Hi-bī-lâng, Iâ-pò͘-su-lâng hiah-ê cho̍k ê só͘-chāi.

Faic an caibideil

出埃及記 32:11

Mô͘-se chiū tùi Siōng Chú — i ê Siōng-tè kiû-chêng, kóng, “Siōng Chú ah, lí sī-án-chóaⁿ beh tùi lí ê chú-bîn hoat tōa siū-khì? In kiám m̄-sī lí ēng tōa khùi-la̍t tōa koân-lêng ê chhiú, tùi Ai-ki̍p chhōa--chhut-lâi--ê?

Faic an caibideil

出埃及記 6:2

Siōng-tè koh tùi Mô͘-se kóng, “Góa sī Siōng Chú.

Faic an caibideil

出埃及記 6:29

Siōng Chú tùi Mô͘-se kóng, “Góa sī Siōng Chú. Góa tùi lí kóng ê ōe, lí lóng tio̍h kā Ai-ki̍p-ông Hoat-ló kóng.”

Faic an caibideil

出埃及記 6:8

Góa só͘ li̍p-sè èng-ún beh hō͘ A-pek-la-hán, Í-sat, Ngá-kok hit-tè tōe, góa beh chhōa lín ji̍p--khì, chiong hit-ê tōe siúⁿ-sù lín chòe sán-gia̍p. Góa sī Siōng Chú.’”

Faic an caibideil

出埃及記 7:4

M̄-kú Ai-ki̍p-ông bô beh thiaⁿ lín, góa chiū beh kong-kek Ai-ki̍p, giâm-giâm hêng-hoa̍t in, chhōa góa ê chú-bîn Í-sek-lia̍t chi̍t-tūi chi̍t-tūi chhut Ai-ki̍p-tōe.

Faic an caibideil

出埃及記 7:5

Góa chhun-chhiú kong-kek Ai-ki̍p, chhōa Í-sek-lia̍t-lâng tùi in tiong-kan chhut--lâi ê sî, Ai-ki̍p-lâng chiū ōe chai góa sī Siōng Chú.”

Faic an caibideil

Í-sài-a-su 9:12

Tang ū Sū-lī-a-lâng, sai ū Hui-lī-sū-lâng, in lóng khui tōa-chhùi beh thun-chia̍h Í-sek-lia̍t. Sui-jiân sī án-ni, Siōng Chú ê siū-khì iáu-bē soah; I ê chhiú iáu chhun-tn̂g-tn̂g beh chhú-hoa̍t in.

Faic an caibideil

Í-sài-a-su 9:17

Só͘-í, Chú bô beh lîn-bín in ê siàu-liân-lâng, mā bô beh thiàⁿ-sioh in ê ko͘-jî kóaⁿ-hū; in-ūi só͘-ū ê lâng lóng bû-hoat-bû-thian, ta̍k-ê chhùi kóng ê ōe lóng sī siâ-ok. Sui-jiân sī án-ni, Siōng Chú ê siū-khì iáu-bē soah; I ê chhiú iáu chhun-tn̂g-tn̂g beh chhú-hoa̍t in.

Faic an caibideil

Í-sài-a-su 9:21

Má-ná-se thun Í-hoat-liân, Í-hoat-liân chia̍h Má-ná-se; in liân-ha̍p kong-kek Iû-tāi. Sui-jiân sī án-ni, Siōng Chú ê siū-khì iáu-bē soah; I ê chhiú iáu chhun-tn̂g-tn̂g beh chhú-hoa̍t in.

Faic an caibideil

Iâ-lī-bí-su 21:5

Góa beh tī tōa siū-khì tiong ēng só͘-ū ê khùi-la̍t kong-kek lín.

Faic an caibideil

Iâ-lī-bí-su 27:5

Góa ēng tōa koân-lêng, ēng tōa khùi-la̍t chhòng-chō tāi-tōe í-ki̍p tōe-chiūⁿ ê lâng kap tōng-bu̍t; góa khòaⁿ sím-mi̍h-lâng khah sek-ha̍p chiū chiong tāi-tōe kau hō͘ i.

Faic an caibideil

Iâ-lī-bí-su 32:21

Lí kiâⁿ sîn-jiah kî-sū, ēng koân-lêng ê chhiú, ū khùi-la̍t ê chhiú-kut, kap tōa koh thang-kiaⁿ ê sū, chhōa lí ê chú-bîn Í-sek-lia̍t chhut Ai-ki̍p,

Faic an caibideil

Í-se-kiat-su 20:33

Chì-koân ê Siōng Chú kóng, “Góa kí góa éng-oán ê oa̍h-miā li̍p-sè, góa beh choh-ông, chhun-chhut tōa koân-lêng ê chhiú tī-lí lín, beh chiong góa ê tōa siū-khì piàⁿ tī lín sin-chiūⁿ.

Faic an caibideil

使徒行傳 13:17

Í-sek-lia̍t-lâng ê Siōng-tè ū kéng-soán lán ê chó͘-sian, tī in kià-ku Ai-ki̍p ê sî hō͘ in chiâⁿ-chòe tōa ê bîn-cho̍k, ēng I tōa koân-lêng ê chhiú chhōa in chhut Ai-ki̍p,

Faic an caibideil

Sin-bēng-kì 11:2

Lín tio̍h chai, góa kin-á-ji̍t sī tùi lín, m̄-sī tùi lín ê kiáⁿ-jî kóng-ōe, in m̄ chai, mā bô khòaⁿ-tio̍h Siōng Chú — lín ê Siōng-tè ê koán-kàu, úi-tāi, I tōa khùi-la̍t ê chhiú kap chhun--chhut-lâi ê chhiú-kut,

Faic an caibideil

Sin-bēng-kì 15:15

Tio̍h ōe-kì-tit lín bat tī Ai-ki̍p-tōe chòe lô͘-châi, Siōng Chú — lín ê Siōng-tè ū kiù-sio̍k lín, só͘-í, góa kin-á-ji̍t chiong chit-ê sū bēng-lēng lín.

Faic an caibideil

Sin-bēng-kì 26:8

Siōng Chú chiū chhun-chhut tōa khùi-la̍t ê chhiú, ēng tōa koh thang-kiaⁿ ê sū kap sîn-jiah kî-sū, chhōa goán chhut Ai-ki̍p;

Faic an caibideil

Sin-bēng-kì 4:23

Lín tio̍h kín-sīn, chiah bián lín bōe-kì-tit Siōng Chú — lín ê Siōng-tè kap lín li̍p ê iok, ûi-pōe Siōng Chú — lín ê Siōng-tè ê kài-bēng, ūi ka-kī tiau-khek jīm-hô hêng-chōng ê ngó͘-siōng.

Faic an caibideil

Sin-bēng-kì 4:34

Kiám ū tó chi̍t ê sîn-bêng chhin-chhiūⁿ Siōng Chú — lín ê Siōng-tè, tùi bān-cho̍k ê tiong-kan kéng-soán chi̍t cho̍k chòe ka-kī ê chú-bîn, koh chhun-chhut tōa khùi-la̍t ê chhiú, ēng chai-lān, sîn-jiah, kî-sū, chiàn-cheng, tī Ai-ki̍p ūi-tio̍h lín chòe tōa koh thang-kiaⁿ ê sū?

Faic an caibideil

Sin-bēng-kì 5:15

Tio̍h ōe-kì--tit, lín í-chêng bat tī Ai-ki̍p-tōe chòe lô͘-châi, Siōng Chú — lín ê Siōng-tè chhun-chhut tōa khùi-la̍t ê chhiú, chhōa lín tùi hia chhut--lâi; in-ūi án-ni, Siōng Chú — lín ê Siōng-tè bēng-lēng lín tio̍h siú An-hioh-ji̍t.

Faic an caibideil

Sin-bēng-kì 6:12

tio̍h kín-sīn, chiah bián lín bōe-kì-tit chhōa lín tùi Ai-ki̍p-tōe, tùi chòe lô͘-châi ê ke chhut--lâi ê Siōng Chú.

Faic an caibideil

Sin-bēng-kì 7:19

chiū-sī lín ū chhin-ba̍k khòaⁿ--tio̍h ê tōa chai-lān, sîn-jiah, kî-sū, koh Siōng Chú — lín ê Siōng-tè chhun-chhut tōa khùi-la̍t ê chhiú chhōa lín chhut--lâi; I mā ōe án-ni tùi-thāi lín só͘ kiaⁿ ê bîn-cho̍k.

Faic an caibideil

Sin-bēng-kì 7:8

sī in-ūi Siōng Chú thiàⁿ lín, koh beh si̍t-hiān I tùi lín lia̍t-chó͘ li̍p-sè ê èng-ún, I chiah ēng tōa koân-lêng ê chhiú chhōa lín chhut--lâi, kiù-sio̍k lín thoat-lī Ai-ki̍p-ông Hoat-ló ê chhiú, thoat-lī chòe lô͘-châi ê ke.

Faic an caibideil

Sin-bēng-kì 9:29

M̄-kú in sī lí ê chú-bîn, lí ê sán-gia̍p; lí ū ēng tōa koân-lêng, koh chhun-chhut tōa khùi-la̍t ê chhiú kā in chhōa--chhut-lâi.”

Faic an caibideil

Lean sinn:

Ceanglaichean taic

Sanasan

Sanasan