Bìoball air-loidhne

出埃及記 3:15 - 現代台語譯本羅馬字版

¹⁵ Siōng-tè koh kā Mô͘-se kóng, “Lí tio̍h tùi Í-sek-lia̍t-lâng án-ni kóng, ‘Siōng Chú — lín lia̍t-chó͘ ê Siōng-tè, A-pek-la-hán ê Siōng-tè, Í-sat ê Siōng-tè, Ngá-kok ê Siōng-tè phài góa lâi lín chia.’ Chit-ê éng-oán sī góa ê miâ, sè-sè-tāi-tāi chòe góa ê chheng-ho͘.

Faic an caibideil Dèan lethbhreac

現代台語譯本漢字版

¹⁵ 上帝閣給摩西講：「你著對以色列人按呢講：『上主 — 恁列祖的上帝，亞伯拉罕的上帝、以撒的上帝、雅各的上帝派我來恁遮。』此個永遠是我的名，世世代代做我的稱呼。

Faic an caibideil Dèan lethbhreac

dol air ais ⬆

出埃及記 3:15
41 Iomraidhean Croise

Chhòng-sè-kì 24:12

I kóng, “Siōng Chú — góa ê chú-lâng A-pek-la-hán ê Siōng-tè, kiû lí si-un hō͘ góa ê chú-lâng A-pek-la-hán, hō͘ góa kin-á-ji̍t ū hó ki-hōe.

Faic an caibideil

歷代志上卷 16:16

Tio̍h ōe-kì-tit I kap A-pek-la-hán li̍p ê iok, tùi Í-sat só͘ li̍p ê sè.

Faic an caibideil

歷代志上卷 29:18

Siōng Chú — goán lia̍t-chó͘ A-pek-la-hán, Í-sat, Ngá-kok ê Siōng-tè, kiû lí hō͘ lí ê chú-bîn siông-siông chûn chit-khoán sim-su ì-liām, kian-koat kui-ǹg lí.

Faic an caibideil

歷代志下卷 28:9

Tī Sat-má-lī-a, ū chi̍t ê Siōng Chú ê sian-ti kiò-chòe Gô-tek. I chhut-khì gêng-chiap hiah-ê tńg-lâi Sat-má-lī-a ê kun-peng, kā in kóng, “Siōng Chú — lín lia̍t-chó͘ ê Siōng-tè tùi Iû-tāi siū-khì, só͘-í chiong in kau tī lín ê chhiú, lín kèng-jiân siū-khì tú-thiⁿ, thâi-sí in hiah chōe lâng.

Faic an caibideil

Si-phian 102:12

Chí-ū Siōng Chú lí éng-oán chûn-chāi, hō͘ lâng kì-liām kàu bān-tāi.

Faic an caibideil

Si-phian 102:13

Lí beh khí-lâi lîn-bín Sek-an; in-ūi hiān-chāi sī si-un ê sî, chí-tēng ê ji̍t í-keng kàu.

Faic an caibideil

Si-phian 135:13

Siōng Chú ah, lí ê miâ lâu kàu éng-oán; Siōng Chú ah, bān sè-tāi ê lâng lóng ōe kì-liām lí,

Faic an caibideil

Si-phian 30:4

Siōng Chú sèng ê chú-bîn ah, lín tio̍h chhiùⁿ-koa o-ló I, chheng-chàn I ê sèng-miâ.

Faic an caibideil

Si-phian 30:5

I ê siū-khì chí-ū chi̍t-sî-á-kú; I ê un-tián kàu chi̍t-sì-lâng. Sui-jiân kui-mî ū thî-khàu, thiⁿ chi̍t-ē kng chiū ū hoaⁿ-hí.

Faic an caibideil

Si-phian 68:5

Siōng-tè tī I sèng ê só͘-chāi chòe ko͘-jî ê pē, kóaⁿ-hū ê pó-hō͘-chiá.

Faic an caibideil

Si-phian 72:17

Goān i ê miâ lâu kàu éng-oán, chhin-chhiūⁿ ji̍t-thâu kú-tn̂g liû-thoân. Lâng ōe in-ūi i tit-tio̍h hok-khì; bān-kok ōe chheng i ū hok-khì.

Faic an caibideil

Si-phian 72:19

Goān I êng-iāu ê miâ éng-oán siū chheng-chàn; goān I ê êng-iāu chhiong-móa choân-tōe. Amen! Amen!

Faic an caibideil

出埃及記 15:2

Siōng Chú sī góa ê khùi-la̍t, góa beh chhiùⁿ-koa chheng-chàn, I kā góa kái-kiù. I sī góa ê Siōng-tè, góa beh chheng-chàn I; I sī góa lia̍t-chó͘ ê Siōng-tè, góa beh chun-chông I.

Faic an caibideil

出埃及記 15:3

Siōng Chú sī chiàn-sū; Siōng Chú sī I ê chheng-ho͘.

Faic an caibideil

出埃及記 3:13

Mô͘-se tùi Siōng-tè kóng, “Góa khì Í-sek-lia̍t-lâng hia, tùi in kóng ‘Lín lia̍t-chó͘ ê Siōng-tè ū phài góa lâi lín chia’, in nā mn̄g góa kóng ‘I kiò-chòe sím-mi̍h miâ’, góa beh án-chóaⁿ kā in ìn?”

Faic an caibideil

出埃及記 3:6

I koh kóng, “Góa sī lí ê chó͘-sian ê Siōng-tè, A-pek-la-hán ê Siōng-tè, Í-sat ê Siōng-tè, Ngá-kok ê Siōng-tè.” Mô͘-se chiū jia i ê bīn, m̄-káⁿ khòaⁿ Siōng-tè.

Faic an caibideil

出埃及記 4:1

Mô͘-se ìn kóng, “Í-sek-lia̍t-lâng bōe siong-sìn góa, mā bōe thiaⁿ góa ê ōe; in ōe kóng, ‘Siōng Chú m̄-bat tùi lí hián-hiān.’”

Faic an caibideil

出埃及記 4:5

Siōng Chú koh kóng, “Góa hō͘ lí ū chit-khoán lêng-le̍k, sī beh hō͘ Í-sek-lia̍t-lâng sìn Siōng Chú — in lia̍t-chó͘ ê Siōng-tè, A-pek-la-hán ê Siōng-tè, Í-sat ê Siōng-tè, Ngá-kok ê Siōng-tè, ū tùi lí hián-hiān.”

Faic an caibideil

出埃及記 6:2

Siōng-tè koh tùi Mô͘-se kóng, “Góa sī Siōng Chú.

Faic an caibideil

Chim-giân 18:10

Siōng Chú sī kian-kò͘ ê pó-lúi; gī-lâng cháu--ji̍p-khì chiū an-ún.

Faic an caibideil

Í-sài-a-su 26:8

Siōng Chú ah, tī lí sím-phòaⁿ ê lō͘, goán teh thèng-hāu lí; goán ê sim khat-bō͘ lí siū chun-chông ê miâ.

Faic an caibideil

Í-sài-a-su 42:8

Góa sī Siōng Chú, che sī góa ê chheng-ho͘. Góa bōe chiong góa ê êng-iāu niū hō͘ pa̍t-ê sîn-bêng, bōe chiong góa ê chheng-chàn kui hō͘ ngó͘-siōng.

Faic an caibideil

Í-sài-a-su 63:12

Hit-ūi kiâⁿ tī Mô͘-se ê chiàⁿ-pêng, ēng tōa khùi-la̍t ê chhiú-kut kā hái-chúi pun-chòe nn̄g pêng, ūi ka-kī kiàn-li̍p éng-oán ê miâ ê Siōng Chú tī tó-ūi?

Faic an caibideil

Í-sài-a-su 9:6

In-ūi ū chi̍t ê eⁿ-á í-keng ūi-tio̍h lán chhut-sì, ū chi̍t ê kiáⁿ sù hō͘ lán. I beh hū-tam kok-chèng; I ê miâ beh chheng-chòe: Hiân-bêng ê Tō-su, Choân-lêng ê Siōng-tè, Éng-chāi ê Thiⁿ-pē, Hô-pêng ê Kun-ông.

Faic an caibideil

Iâ-lī-bí-su 33:2

“Hit-ūi chhòng-chō tāi-tōe, hō͘ i chiâⁿ-hêng, hō͘ i kian-kò͘ ê Siōng Chú án-ni kóng,

Faic an caibideil

Tān-í-lí-su 2:23

Góa ê lia̍t-chó͘ ê Siōng-tè ah, góa kám-siā lí, chheng-chàn lí! In-ūi lí sù góa tì-hūi kap châi-lêng, goán kiû-mn̄g lí--ê, lí í-keng khé-sī góa, chiong ông ài-beh chai--ê chí-sī goán.

Faic an caibideil

Hô-se-a-su 12:5

Siōng Chú sī Bān-kun ê Thóng-sòe Siōng-tè; I ê chheng-ho͘ sī Siōng Chú.

Faic an caibideil

Hô-se-a-su 12:6

Só͘-í lí tio̍h kui-ǹg lí ê Siōng-tè, chhî-siú chû-ài kong-chèng, put-sî nāi-sim thèng-hāu lí ê Siōng-tè.

Faic an caibideil

Bí-ka-su 4:5

Sui-jiân bān-bîn lóng khò ka-kī sîn-bêng ê miâ seng-oa̍h, m̄-kú goán beh hōng Siōng Chú — goán ê Siōng-tè ê miâ kiâⁿ-ta̍h, ti̍t-kàu éng-éng-oán-oán.

Faic an caibideil

Má-la-ki-su 3:6

“In-ūi góa sī Siōng Chú, góa bōe kái-piàn, só͘-í lín chiah-ê Ngá-kok ê kiáⁿ-sun bōe bia̍t-bông.”

Faic an caibideil

馬太福音 22:32

‘Góa chiū-sī A-pek-la-hán ê Siōng-tè, Í-sat ê Siōng-tè, Ngá-kok ê Siōng-tè’? I m̄-sī sí-lâng ê Siōng-tè, sī oa̍h-lâng ê Siōng-tè.”

Faic an caibideil

使徒行傳 3:13

A-pek-la-hán, Í-sat, Ngá-kok ê Siōng-tè, chiū-sī lán chó͘-sian ê Siōng-tè, í-keng hō͘ I ê po̍k-jîn Iâ-so͘ tit-tio̍h êng-kng. Chit-ūi Iâ-so͘ lín kā I kau hō͘ koaⁿ-hú; Pí-lia̍p-to koat-tēng beh pàng I ê sî, lín tong-tiûⁿ kū-choa̍t.

Faic an caibideil

使徒行傳 7:32

‘Góa sī lín chó͘-sian ê Siōng-tè, sī A-pek-la-hán, Í-sat, Ngá-kok ê Siōng-tè.’ Mô͘-se kiaⁿ kah phi̍h-phi̍h-chhoah, m̄-káⁿ khòaⁿ.

Faic an caibideil

Sin-bēng-kì 1:11

Goān Siōng Chú — lín lia̍t-chó͘ ê Siōng-tè chiàu I tùi lín ê èng-ún sù-hok lín, hō͘ lín ê jîn-kháu ke-thiⁿ chheng pē.

Faic an caibideil

Sin-bēng-kì 1:35

“Chit-ê pháiⁿ sè-tāi ê lâng choa̍t-tùi bô chi̍t ê ōe-tàng khòaⁿ-tio̍h góa só͘ li̍p-sè èng-ún siúⁿ-sù lín lia̍t-chó͘ chit-tè súi ê tōe;

Faic an caibideil

Sin-bēng-kì 4:1

Í-sek-lia̍t-lâng, taⁿ góa kà-sī lín ê kui-lē kap bēng-lēng, lín tio̍h thiaⁿ-siū chun-thàn, lín chiah ōe oa̍h, chìn-ji̍p Siōng Chú — lín lia̍t-chó͘ ê Siōng-tè siúⁿ-sù hō͘ lín ê tōe, sêng-chiap chòe sán-gia̍p.

Faic an caibideil

Hi-pek-lâi-su 11:16

Put-kò, hiān-chāi in teh him-bō͘--ê sī thiⁿ-téng hit-ê koh-khah hó ê só͘-chāi. Só͘-í, Siōng-tè bô in-ūi in chheng I chòe Siōng-tè lâi kám-kak kiàn-siàu. I sīm-chì í-keng ūi-tio̍h in chún-pī chi̍t ê siâⁿ.

Faic an caibideil

Hi-pek-lâi-su 13:8

Iâ-so͘ Ki-tok chā-ji̍t, kim-ji̍t, ti̍t-kàu éng-oán lóng bōe kái-piàn.

Faic an caibideil

Lean sinn:

Ceanglaichean taic

Sanasan

Sanasan