Bìoball air-loidhne

出埃及記 23:8 - 現代台語譯本羅馬字版

⁸ M̄-thang siu hóe-lō͘, in-ūi hóe-lō͘ ōe hō͘ ba̍k-kim ê lâng pìⁿ-chòe chhiⁿ-mî, koh ōe oai-khiok chèng-ti̍t ê lâng ê chèng-sû.

Faic an caibideil Dèan lethbhreac

現代台語譯本漢字版

⁸ 毋通收賄賂，因為賄賂會互目金的人變做睛瞑，閣會歪曲正直的人的證詞。

Faic an caibideil Dèan lethbhreac

dol air ais ⬆

出埃及記 23:8
20 Iomraidhean Croise

Si-phian 15:5

I chîⁿ chioh--lâng m̄-sī ūi-tio̍h lī-sek; i bô siu hóe-lō͘ hām-hāi bû-ko͘ ê lâng. Chòe chit-khoán tāi-chì ê lâng ōe éng-oán khiā-chāi.

Faic an caibideil

Si-phian 26:10

In ê chhiú put-sî chòe pháiⁿ; in ê chiàⁿ-chhiú ta̍k só͘-chāi siu hóe-lō͘.

Faic an caibideil

Chim-giân 15:27

Tham put-gī-chi-châi, hām-hāi ka-kī ê ke; kū-choa̍t hóe-lō͘, ōe tn̂g-hè-siū.

Faic an caibideil

Chim-giân 17:23

Pháiⁿ-lâng àm-tiong siu hóe-lō͘, ōe hō͘ phòaⁿ-koat sit-khì kong-chèng.

Faic an caibideil

Chim-giân 17:8

Hóe-lō͘, sàng ê lâng khòaⁿ-chòe pó-chio̍h, ta̍k-tiâu lō͘ lóng kiâⁿ ōe thong.

Faic an caibideil

Chim-giân 19:4

Hó-gia̍h, pêng-iú chiū ke chin chōe; sàn-chhiah, pêng-iú chiū lóng lī-khui.

Faic an caibideil

Thoân-tō-su 7:7

Khióng-hat chhú-châi ōe hō͘ tì-hūi ê lâng pìⁿ-chòe gōng; hóe-lō͘ ōe hō͘ lâng ê sim hú-pāi.

Faic an caibideil

Í-sài-a-su 1:13

M̄-thang koh the̍h bô lō͘-ēng ê chè-mi̍h lâi; hiuⁿ ê bī góa chin iàm-ò͘ⁿ. Chhoe-it, An-hioh-ji̍t, tiàu-chi̍p ê chū-hōe, góa lún bōe tiâu. Góa bōe-tàng iông-jím lín hoān-chōe koh siú giâm-siok-hōe.

Faic an caibideil

Í-sài-a-su 1:23

Lí ê koaⁿ-tiúⁿ pōe-poān, pìⁿ-chòe chha̍t ê tâng-phōaⁿ; in lóng ài siu hóe-lō͘, sì-kòe iau-kiû lâng sàng-lé. In bô ūi ko͘-jî chú-chhî kong-tō; kóaⁿ-hū ê khòng-sò͘, in m̄ chhap.

Faic an caibideil

Í-sài-a-su 33:15

Hiah-ê hêng-ûi kong-gī, kóng-ōe chèng-ti̍t, iàm-ò͘ⁿ khi-ap tit--lâi ê châi-lī, iô-chhiú kū-choa̍t hóe-lō͘, that hī-khang m̄ thiaⁿ hāi-lâng ê kè-bô͘, ng ba̍k-chiu bô khòaⁿ siâ-ok,

Faic an caibideil

Í-sài-a-su 5:22

Chhám ah, hiah-ê lim-chiú tián eng-hiông, tiâu-chiú piàⁿ thâu-miâ ê lâng!

Faic an caibideil

Í-sài-a-su 5:23

In siu hóe-lō͘ phòaⁿ ū-chōe--ê chòe bô-chōe, pak-siah bû-ko͘ ê lâng eng-kai ū ê koân-ek.

Faic an caibideil

Í-se-kiat-su 22:12

Lín ū lâng the̍h chîⁿ thâi-lâng; ū lâng m̄-nā chioh lâng chîⁿ the̍h lī-sek, koh pàng tāng-lī; ū lâng pak-siah chhù-piⁿ thàn put-gī-chi-châi. Lín í-keng kā góa bōe-kì--tit lah. Chì-koân ê Siōng Chú án-ni soan-kò.

Faic an caibideil

Hô-se-a-su 4:18

In lim kah chùi-bâng-bâng koh kè-sio̍k kiâⁿ-îm; in ài kiàn-siàu, bô ài êng-ū.

Faic an caibideil

A-mô͘-sū-su 5:12

Góa chai lín ê chōe-kò jōa-á-ni̍h tōa, lín ê chōe sǹg bōe liáu; lín ap-chè gī-lâng, siu hóe-lō͘, tī siâⁿ-mn̂g-kháu oan-óng sàn-chhiah-lâng.

Faic an caibideil

Bí-ka-su 7:3

In ê chhiú choan chòe pháiⁿ-tāi, tāi-sîn kap sím-phòaⁿ-koaⁿ thó hóe-lō͘, koaⁿ-oân kong-jiân iau-kiû in só͘ ài--ê; in hō͘-siōng kau-kiat, kè-bô͘ chòe pháiⁿ.

Faic an caibideil

Sin-bēng-kì 10:17

Siōng Chú — lín ê Siōng-tè sī bān-sîn ê Sîn, bān-chú ê Chú, sī chì-tōa, koân-lêng, thang kiaⁿ-ùi ê Siōng-tè. I bōe khòaⁿ lâng ê sin-hūn tùi-thāi lâng, mā bōe siu hóe-lō͘;

Faic an caibideil

Sin-bēng-kì 16:19

Lín sím-phòaⁿ m̄-thang tian-tò sī-hui, m̄-thang phian-thán, mā m̄-thang chiap-siū hóe-lō͘; in-ūi hóe-lō͘ ōe hō͘ tì-hūi ê lâng pìⁿ-chòe chhiⁿ-mî, koh ōe oai-khiok chèng-ti̍t ê lâng ê chèng-sû.

Faic an caibideil

撒母耳記上卷 12:3

Góa tī chia. Lín tio̍h tī Siōng Chú kap I só͘ soán-li̍p ê ông bīn-chêng choh-chèng. Góa kiám bat chhiúⁿ lâng ê gû, toa̍t lâng ê lû? Bat khi-hū siáⁿ-lâng, ap-chè siáⁿ-lâng? Bat kā lâng siu hóe-lō͘ chòe bô kong-pêng ê chhâi-koat? Nā ū, góa lóng beh hêng lín.”

Faic an caibideil

撒母耳記上卷 8:3

M̄-kú in bô o̍h in lāu-pē ê bô͘-iūⁿ; in tham put-gī-chi-châi, siu hóe-lō͘, bô chiàu kong-tō chhâi-koat.

Faic an caibideil

Lean sinn:

Ceanglaichean taic

Sanasan

Sanasan