Bìoball air-loidhne

出埃及記 20:2 - 現代台語譯本羅馬字版

² “Góa sī Siōng Chú — lí ê Siōng-tè, ū chiong lí tùi Ai-ki̍p-tōe, chòe lô͘-châi ê ke chhōa--chhut-lâi.

Faic an caibideil Dèan lethbhreac

現代台語譯本漢字版

² 「我是上主 — 你的上帝，有將你對埃及地，做奴才的家導出來。

Faic an caibideil Dèan lethbhreac

« Roimhe

dol air ais ⬆

Air adhart »

出埃及記 20:2
50 Iomraidhean Croise

列王紀上卷 18:39

Chèng-lâng khòaⁿ--tio̍h, chiū phak tī thô͘-kha kóng, “Siōng Chú, I sī Siōng-tè! Siōng Chú, I sī Siōng-tè.”

Faic an caibideil

列王紀下卷 17:12

koh pài Siōng Chú kìm-chí in pài ê ngó͘-siōng.

Faic an caibideil

列王紀下卷 17:7

Che sī in-ūi Í-sek-lia̍t-lâng tek-chōe Siōng Chú — in ê Siōng-tè; I ū chhōa in chhut Ai-ki̍p-tōe, thoat-lī Ai-ki̍p-ông Hoat-ló ê chhiú, in khiok khì pài pa̍t-ê sîn-bêng,

Faic an caibideil

A-hap-su hoān-chōe, Siōng Chú — i ê Siōng-tè chiū chiong i kau tī Sū-lī-a-ông ê chhiú. Sū-lī-a-ông kā i phah-pāi, lia̍h i chin chōe ê jîn-bîn khì Tāi-má-sū-kek. Siōng Chú koh kā i kau tī Í-sek-lia̍t-ông ê chhiú, thâi-sí chin chōe Iû-tāi-lâng.

Faic an caibideil

Si-phian 50:7

“Góa ê chú-bîn ah, tio̍h thiaⁿ, góa beh kóng; Í-sek-lia̍t ah, góa beh khòng-kò lí. Góa sī Siōng-tè, lí ê Siōng-tè.

Faic an caibideil

Si-phian 81:10

Góa sī Siōng Chú — lín ê Siōng-tè; góa bat chhōa lín tùi Ai-ki̍p-tōe chiūⁿ--lâi. Lín ê chhùi tio̍h tōa khui, góa chiū hō͘ lín pá-chiok.

Faic an caibideil

Si-phian 81:11

“M̄-kú góa ê chú-bîn m̄ thiaⁿ góa ê ōe; Í-sek-lia̍t lóng m̄ chhap góa.

Faic an caibideil

Si-phian 81:7

Lín tī hoān-lān tiong kiû-kiò, góa ū kái-kiù lín; góa tùi lûi teh tân ê ba̍t-hûn tiong ìn-tap lín, tī Bí-lī-pa ê chúi-chôaⁿ piⁿ chhì-giām lín.

Faic an caibideil

出埃及記 13:14

Í-āu lín ê kiáⁿ nā mn̄g lín kóng, ‘Sī-án-chóaⁿ beh án-ni chòe?’ Lín tio̍h kā in kóng, ‘Siōng Chú ēng tōa koân-lêng ê chhiú chhōa goán tùi Ai-ki̍p chòe lô͘-châi ê ke chhut--lâi.

Faic an caibideil

出埃及記 13:3

Mô͘-se tùi Í-sek-lia̍t-lâng kóng, “Lín tio̍h ōe-kì-tit chit-ji̍t, in-ūi Siōng Chú tī chit-ji̍t ēng tōa koân-lêng ê chhiú kā lín tùi Ai-ki̍p chòe lô͘-châi ê ke chhōa--chhut-lâi; ū-kàⁿ ê piáⁿ lóng m̄-thang chia̍h.

Faic an caibideil

出埃及記 15:13

Lí ēng chû-ài chhōa lí kiù-sio̍k ê chú-bîn; lí ēng koân-lêng chhōa in chìn-ji̍p lí sèng ê só͘-chāi.

Faic an caibideil

出埃及記 15:16

Gông-ngia̍h kiaⁿ-hiâⁿ pau-ûi in; Siōng Chú, in-ūi lí ê tōa koân-lêng, in chhin-chhiūⁿ chio̍h-thâu bōe tín-tāng, thèng-hāu lí ê chú-bîn keng-kè, thèng-hāu lí sio̍k-hôe ê chú-bîn kè--khì.

Faic an caibideil

出埃及記 15:26

Siōng Chú kóng, “Lín nā chù-ì thiaⁿ góa Siōng Chú — lín ê Siōng-tè ê ōe, chòe góa khòaⁿ-chòe chèng-ti̍t ê sū, chin-chiàⁿ thiaⁿ-thàn góa ê kài-bēng, chun-siú góa só͘-ū ê kui-lē, góa chiū bōe hō͘ Ai-ki̍p-lâng tì--tio̍h ê pīⁿ tī lín ê sin-chiūⁿ hoat-seng, in-ūi góa sī i-tī lín ê Siōng Chú.”

Faic an caibideil

出埃及記 20:1

Siōng-tè hoan-hù chiah-ê it-chhè ê ōe, kóng,

Faic an caibideil

出埃及記 29:46

In ōe chai, góa sī Siōng Chú — in ê Siōng-tè! Góa chhōa in chhut Ai-ki̍p, só͘-í góa beh tòa tī in tiong-kan. Góa sī Siōng Chú — in ê Siōng-tè.”

Faic an caibideil

出埃及記 6:6

Só͘-í lí tio̍h kā Í-sek-lia̍t-lâng kóng, ‘Góa sī Siōng Chú. Góa beh kiù lín thoat-lī Ai-ki̍p-lâng ê ap-pek, hō͘ lín m̄-bián koh chòe in ê lô͘-lē, góa koh beh chhut-chhiú giâm-giâm hêng-hoa̍t in lâi kiù-sio̍k lín.

Faic an caibideil

Í-sài-a-su 43:3

In-ūi góa sī Siōng Chú — lí ê Siōng-tè; góa sī Í-sek-lia̍t sîn-sèng ê Siōng-tè — lí ê Kiù-chú. Góa ēng Ai-ki̍p chòe tāi-kè kā lí sio̍k-hôe, ēng I-soh-phit-a kap Se-pa chòe lí ê thòe-sin.

Faic an caibideil

Iâ-lī-bí-su 16:14

Siōng Chú kóng, “Sî-ji̍t chi̍t-ē kàu, lâng chiù-chōa ê sî bōe kóng, ‘Góa kí hit-ūi chhōa Í-sek-lia̍t-lâng chhut Ai-ki̍p ê éng-oa̍h Siōng Chú chiù-chōa.’

Faic an caibideil

Iâ-lī-bí-su 2:6

In bô mn̄g: Hit-ê chhōa goán chhut Ai-ki̍p, chhōa goán keng-kè khòng-iá kap khi-khu ê soa-bô͘, keng-kè ta-sò kap o͘-àm ê só͘-chāi, bô lâng kiâⁿ--kè, bô lâng tòa ê tōe, hit-ūi Siōng Chú tī tó-ūi?

Faic an caibideil

Iâ-lī-bí-su 31:1

“Kàu hit-sî, góa beh chòe Í-sek-lia̍t ta̍k chong-cho̍k ê Siōng-tè, in beh chòe góa ê chú-bîn.” Siōng Chú án-ni soan-pò͘.

Faic an caibideil

Iâ-lī-bí-su 31:33

Hiah-ê ji̍t-chí í-āu, góa kap choân-thé Í-sek-lia̍t-lâng só͘ beh li̍p ê iok sī án-ni: Góa beh chiong góa ê lu̍t-hoat hē tī in ê sim-lāi, khek tī in ê sim-pán. Góa beh chòe in ê Siōng-tè, in beh chòe góa ê chú-bîn. Siōng Chú án-ni soan-pò͘.

Faic an caibideil

Iâ-lī-bí-su 34:13

“Siōng Chú — Í-sek-lia̍t ê Siōng-tè án-ni kóng: Góa kā lín ê chó͘-sian tùi Ai-ki̍p chòe lô͘-lē ê tōe chhōa--chhut-lâi ê sî, ū kap in li̍p-iok, hoan-hù in,

Faic an caibideil

Í-se-kiat-su 20:19

Góa sī Siōng Chú — lín ê Siōng-tè. Lín tio̍h sūn-thàn góa ê kui-lē, chun-hêng góa ê bēng-lēng;

Faic an caibideil

Í-se-kiat-su 20:5

Lí tio̍h kā in kóng, Chì-koân ê Siōng Chú án-ni kóng, ‘Góa kéng-soán Í-sek-lia̍t-lâng chòe góa chú-bîn ê sî, tī Ai-ki̍p-tōe hō͘ in bat góa; góa tùi Ngá-kok ê hō͘-tāi li̍p-sè kóng: Góa sī Siōng Chú — lín ê Siōng-tè.

Faic an caibideil

Í-se-kiat-su 20:7

Góa kā in kóng: Lín ta̍k-ê lâng tio̍h pàng-sak lín ê ba̍k-chiu só͘ kah-ì hiah-ê thang iàm-ò͘ⁿ ê ngó͘-siōng; m̄-thang pài Ai-ki̍p ê ké-sîn lâi phah lâ-sâm ka-kī, in-ūi góa sī Siōng Chú — lín ê Siōng-tè.

Faic an caibideil

Hô-se-a-su 12:10

Góa bat tùi sian-ti kóng-ōe, hō͘ in khòaⁿ-kìⁿ chin chōe īⁿ-siōng, thong-kè in kóng phì-jū.

Faic an caibideil

Hô-se-a-su 13:4

Tùi lí chhut Ai-ki̍p-tōe ê sî, góa chiū-sī Siōng Chú — lí ê Siōng-tè; góa í-gōa lí m̄-thang jīn pa̍t-ê chòe Siōng-tè; góa í-gōa bô Kiù-chú.

Faic an caibideil

Lī-bī-kì 11:45

Góa sī chhōa lín chhut Ai-ki̍p ê Siōng Chú, beh chòe lín ê Siōng-tè; lín tio̍h sèng-kiat, in-ūi góa sī sèng-kiat.

Faic an caibideil

Lī-bī-kì 19:36

Tio̍h ēng kong-tō ê chhìn-á, pōng-chí, kap táu. Góa sī chhōa lín chhut Ai-ki̍p ê Siōng Chú — lín ê Siōng-tè.

Faic an caibideil

Lī-bī-kì 23:43

thang hō͘ lín ta̍k sè-tāi ê lâng chai, góa chhōa Í-sek-lia̍t-lâng chhut Ai-ki̍p ê sî, ū hō͘ in tòa tī chháu-liâu-á. Góa sī Siōng Chú — lín ê Siōng-tè.

Faic an caibideil

Lī-bī-kì 25:38

Góa sī Siōng Chú — lín ê Siōng-tè, ū chhōa lín chhut Ai-ki̍p, chiong Ka-lâm-tōe siúⁿ-sù lín, koh beh chòe lín ê Siōng-tè.

Faic an caibideil

Lī-bī-kì 25:42

In-ūi in sī góa ê po̍k-jîn, sī góa tùi Ai-ki̍p-tōe chhōa--chhut-lâi--ê, m̄-thang kā i bōe chòe lô͘-lē.

Faic an caibideil

Lī-bī-kì 25:55

Í-sek-lia̍t-lâng sī góa ê po̍k-jîn, sī góa tùi Ai-ki̍p-tōe kā in chhōa--chhut-lâi--ê. Góa sī Siōng Chú — lín ê Siōng-tè.

Faic an caibideil

Lī-bī-kì 26:1

M̄-thang ūi ka-kī chō jīm-hô sîn-siōng, m̄-thang chhāi tiau-khek ê ngó͘-siōng á-sī thiāu-siōng, mā m̄-thang tī lín ê kéng-lāi an chio̍h-siōng kūi-pài. Góa sī Siōng Chú — lín ê Siōng-tè.

Faic an caibideil

Lī-bī-kì 26:13

Góa sī Siōng Chú — lín ê Siōng-tè, ū chhōa lín chhut Ai-ki̍p-tōe, hō͘ lín bô koh chòe Ai-ki̍p-lâng ê lô͘-lē. Góa bat kòng-tn̄g lín ê taⁿ, hō͘ lín gia̍h-thâu théng-sin hiòng-chêng kiâⁿ.

Faic an caibideil

A-mô͘-sū-su 2:10

Góa mā ū tòa lín tùi Ai-ki̍p-tōe chhut--lâi, sì-cha̍p nî kú chhōa lín keng-kè khòng-iá, hō͘ lín tit-tio̍h A-mô͘-lī-lâng ê tōe chòe sán-gia̍p.

Faic an caibideil

Lô-má-su 10:12

Iû-thài-lâng kap Gōa-pang-lâng lóng bô chha-pia̍t, in-ūi ū kâng chi̍t ūi Siōng-tè sī bān-bîn ê Chú, I ōe hong-hong-hù-hù sù-hok hō͘ só͘-ū kiû-kiò I ê lâng.

Faic an caibideil

Lô-má-su 3:29

Siōng-tè kiám chí-ū sī Iû-thài-lâng ê Siōng-tè? I kiám m̄-sī Gōa-pang-lâng ê Siōng-tè? Sī, I mā-sī Gōa-pang-lâng ê Siōng-tè.

Faic an caibideil

Sin-bēng-kì 13:10

Lín tio̍h ēng chio̍h-thâu kā tìm-sí, in-ūi i siūⁿ-beh ín-iú lín phian-lī chhōa lín chhut Ai-ki̍p, thoat-lī chòe lô͘-châi ê ke ê Siōng Chú — lín ê Siōng-tè.

Faic an caibideil

Sin-bēng-kì 15:15

Tio̍h ōe-kì-tit lín bat tī Ai-ki̍p-tōe chòe lô͘-châi, Siōng Chú — lín ê Siōng-tè ū kiù-sio̍k lín, só͘-í, góa kin-á-ji̍t chiong chit-ê sū bēng-lēng lín.

Faic an caibideil

Sin-bēng-kì 20:1

Lín chhut-khì kap tùi-te̍k kau-chiàn, khòaⁿ-tio̍h in ê chiàn-bé, chiàn-chhia, í-ki̍p kun-peng pí lín khah chōe, m̄-bián kiaⁿ in, in-ūi chhōa lín chhut Ai-ki̍p-tōe ê Siōng Chú — lín ê Siōng-tè kap lín tông-chāi.

Faic an caibideil

Sin-bēng-kì 5:15

Tio̍h ōe-kì--tit, lín í-chêng bat tī Ai-ki̍p-tōe chòe lô͘-châi, Siōng Chú — lín ê Siōng-tè chhun-chhut tōa khùi-la̍t ê chhiú, chhōa lín tùi hia chhut--lâi; in-ūi án-ni, Siōng Chú — lín ê Siōng-tè bēng-lēng lín tio̍h siú An-hioh-ji̍t.

Faic an caibideil

Sin-bēng-kì 5:6

“Góa sī Siōng Chú — lí ê Siōng-tè, ū chiong lí tùi Ai-ki̍p-tōe, chòe lô͘-châi ê ke chhōa--chhut-lâi.

Faic an caibideil

Sin-bēng-kì 7:8

sī in-ūi Siōng Chú thiàⁿ lín, koh beh si̍t-hiān I tùi lín lia̍t-chó͘ li̍p-sè ê èng-ún, I chiah ēng tōa koân-lêng ê chhiú chhōa lín chhut--lâi, kiù-sio̍k lín thoat-lī Ai-ki̍p-ông Hoat-ló ê chhiú, thoat-lī chòe lô͘-châi ê ke.

Faic an caibideil

Sū-su-kì 2:1

Siōng Chú ê sù-chiá tùi Kiat-kah lâi kàu Pho-kim, tùi Í-sek-lia̍t-lâng kóng, “Góa hō͘ lín tùi Ai-ki̍p chhut--lâi, chhōa lín lâi kàu góa tùi lín ê lia̍t-chó͘ li̍p-sè èng-ún ê tōe; góa bat kóng, ‘Góa kap lín li̍p ê iok, góa éng-oán bōe ûi-pōe;

Faic an caibideil

Sū-su-kì 6:10

Góa mā bat tùi lín kóng: Góa sī Siōng Chú — lín ê Siōng-tè, só͘-í lín sui-jiân tòa tī A-mô͘-lī-lâng ê tōe, m̄-kú m̄-thang pài in ê sîn-bêng; chóng-sī lín m̄-khéng thiaⁿ góa ê ōe.’”

Faic an caibideil

Lean sinn:

Ceanglaichean taic

Sanasan

出埃及記 20:2 - 現代台語譯本羅馬字版

出埃及記 20:250 Iomraidhean Croise

出埃及記 20:2
50 Iomraidhean Croise