Bìoball air-loidhne

出埃及記 19:9 - 現代台語譯本羅馬字版

⁹ Siōng Chú kā Mô͘-se kóng, “Góa beh tī ba̍t-hûn ê tiong-kan lâi lí chia, hō͘ jîn-bîn thiaⁿ-kìⁿ góa kap lí kóng-ōe, thang éng-oán sìn-jīm lí.” Mô͘-se chiong jîn-bîn ê ōe tùi Siōng Chú kóng,

Faic an caibideil Dèan lethbhreac

現代台語譯本漢字版

⁹ 上主給摩西講：「我欲佇密雲的中間來你遮，互人民聽見我及你講話，通永遠信任你。」摩西將人民的話對上主講，

Faic an caibideil Dèan lethbhreac

dol air ais ⬆

出埃及記 19:9
25 Iomraidhean Croise

列王紀上卷 8:12

Hit-sî Só͘-lô-bûn kóng, “Siōng Chú bat kóng, I beh tiàm tī ba̍t-hûn ê só͘-chāi.

Faic an caibideil

歷代志下卷 20:20

Keh-ji̍t in chá-chá khí--lâi, chhut-khì Thê-ko-a ê khòng-iá; chhut-khì ê sî, Iok-sa-hoat khiā--teh, kóng, “Iû-tāi-lâng kap Iâ-lō͘-sat-léng ê chū-bîn, thiaⁿ góa kóng, lín tio̍h sìn Siōng Chú — lín ê Siōng-tè, chiū ōe khiā-chāi; sìn I ê sian-ti chiū ōe tek-sèng.”

Faic an caibideil

歷代志下卷 6:1

Hit-sî Só͘-lô-bûn kóng, “Siōng Chú bat kóng, I beh tiàm tī ba̍t-hûn ê só͘-chāi.

Faic an caibideil

Si-phian 97:2

Ba̍t-hûn kap o͘-àm tī I ê sì-ûi; kong-gī kap chèng-ti̍t sī I pó-chō ê tōe-ki.

Faic an caibideil

Si-phian 99:7

I tī hûn-thiāu tiong tùi in kóng-ōe; in chun-siú I pan-pò͘ ê kài-bēng kap kui-lē.

Faic an caibideil

出埃及記 14:31

Í-sek-lia̍t-lâng khòaⁿ-tio̍h Siōng Chú ēng tōa khùi-la̍t tùi-hù Ai-ki̍p-lâng só͘ chòe ê sū, chiū kèng-ùi Siōng Chú, koh sìn-ho̍k Siōng Chú kap I ê po̍k-jîn Mô͘-se.

Faic an caibideil

出埃及記 19:16

Kàu tē-saⁿ ji̍t chheng-chá, soaⁿ-téng lûi-kong sih-nà, o͘-hûn-bi̍t-pò͘, hō-kak ê siaⁿ tōa tân; iâⁿ-lāi ê jîn-bîn lóng ngia̍uh-ngia̍uh-chhoah.

Faic an caibideil

出埃及記 20:21

Jîn-bîn hn̄g-hn̄g khiā--teh; Mô͘-se kiâⁿ-óa ba̍t-hûn, khì Siōng-tè hia.

Faic an caibideil

出埃及記 34:5

Siōng Chú tī hûn-tiong kàng-lîm, kap Mô͘-se khiā chòe-hé, soan-pò͘ Siōng Chú ê miâ.

Faic an caibideil

出埃及記 4:31

Jîn-bîn chiū siong-sìn; in thiaⁿ-kìⁿ Siōng Chú koàn-kò͘ Í-sek-lia̍t-lâng, koh chai-iáⁿ in ê khùn-khó͘, chiū kūi lo̍h-khì kèng-pài Siōng Chú.

Faic an caibideil

出埃及記 4:5

Siōng Chú koh kóng, “Góa hō͘ lí ū chit-khoán lêng-le̍k, sī beh hō͘ Í-sek-lia̍t-lâng sìn Siōng Chú — in lia̍t-chó͘ ê Siōng-tè, A-pek-la-hán ê Siōng-tè, Í-sat ê Siōng-tè, Ngá-kok ê Siōng-tè, ū tùi lí hián-hiān.”

Faic an caibideil

Í-sài-a-su 19:1

Che sī iú-koan Ai-ki̍p ê sìn-sit. Khòaⁿ leh, Siōng Chú chē khoài-sok ê hûn, pe-lâi Ai-ki̍p. Ai-ki̍p ê ngó͘-siōng ōe tī I bīn-chêng phi̍h-phi̍h-chhoah; Ai-ki̍p-lâng ê sim ōe siau-iûⁿ sit-táⁿ.

Faic an caibideil

Bîn-sò͘-kì 12:5

Siōng Chú tī hûn-thiāu tiong kàng-lîm, khiā tī hōe-bō͘ mn̂g-kháu, kiò A-lûn kap Bí-lī-an; in nn̄g ê chiū kiâⁿ chìn-chêng.

Faic an caibideil

馬太福音 17:5

I iáu-teh kóng ê sî, hut-jiân ū chi̍t phìⁿ chhàn-lān ê hûn kā in tà--leh, ū siaⁿ tùi hûn chhut--lâi, kóng, “Chit-ê sī góa só͘ thiàⁿ ê Kiáⁿ, I, góa chin ì-ài, lín tio̍h thiaⁿ-thàn I.”

Faic an caibideil

Má-khó Hok-im 9:7

Hit-sî, ū chi̍t phìⁿ hûn kā in tà--teh, koh ū siaⁿ tùi hûn chhut--lâi, kóng, “Chit-ê sī góa só͘ thiàⁿ ê Kiáⁿ, lín tio̍h thiaⁿ-thàn I.”

Faic an caibideil

Lō͘-ka Hok-im 10:16

“Thiaⁿ-thàn lín--ê chiū-sī thiaⁿ-thàn góa, kū-choa̍t lín--ê chiū-sī kū-choa̍t góa; kū-choa̍t góa--ê chiū-sī kū-choa̍t chhe góa lâi Hit-ūi.”

Faic an caibideil

Sin-bēng-kì 4:10

Lín tī Hô-lia̍t-soaⁿ khiā tī Siōng Chú — lín ê Siōng-tè bīn-chêng hit-ji̍t, Siōng Chú tùi góa kóng, “Lí kā góa chio-chi̍p jîn-bîn, góa beh hō͘ in thiaⁿ-kìⁿ góa ê ōe, hō͘ in oa̍h tī sè-kan ê ji̍t, thang ha̍k-si̍p kèng-ùi góa, koh kà-sī in ê hō͘-tāi.”

Faic an caibideil

Sin-bēng-kì 4:36

I tùi thiⁿ hō͘ lín thiaⁿ-kìⁿ I ê siaⁿ, ūi-tio̍h beh kà-sī lín; koh tī tōe-chiūⁿ hō͘ lín khòaⁿ-tio̍h I ê tōa-hé, thiaⁿ-tio̍h I tùi hé-tiong kā lín kóng ê ōe.

Faic an caibideil

Khé-sī-lio̍k 1:7

Lí khòaⁿ, I chē-hûn teh lâi, chèng-lâng ōe khòaⁿ-kìⁿ I, liân ēng chhiuⁿ chha̍k I ê lâng mā ōe khòaⁿ--kìⁿ. Tōe-chiūⁿ bān-cho̍k lóng ōe in-ūi I thî-khàu. Chit-ê sū it-tēng ōe hoat-seng. Amen!

Faic an caibideil

Lean sinn:

Ceanglaichean taic

Sanasan

Sanasan