Bìoball air-loidhne

出埃及記 18:21 - 現代台語譯本羅馬字版

²¹ Put-kò, lí mā tio̍h tùi jîn-bîn tiong-kan kéng ū châi-lêng, kèng-ùi Siōng-tè, tiong-si̍t khó-khò, oàn-hūn put-gī-chi-châi ê lâng, siat-li̍p in chòe koaⁿ-tiúⁿ, ū-ê koán chi̍t-chheng lâng, ū-ê koán chi̍t-pah lâng, ū-ê koán gō͘-cha̍p lâng, ū-ê koán cha̍p ê lâng;

Faic an caibideil Dèan lethbhreac

現代台語譯本漢字版

²¹ 不過，你嘛著對人民中間揀有才能，敬畏上帝，忠實可靠，怨恨不義之財的人，設立𪜶做官長，有的管一千人，有的管一百人，有的管五十人，有的管十個人；

Faic an caibideil Dèan lethbhreac

dol air ais ⬆

出埃及記 18:21
49 Iomraidhean Croise

Chhòng-sè-kì 22:12

Sù-chiá kóng, “M̄-thang hē-chhiú, m̄-thang siong-hāi chit-ê gín-á. Taⁿ góa chai lí kèng-ùi Siōng-tè, bōe chiong lí to̍k-it ê kiáⁿ lâu--teh, m̄ hō͘ góa.”

Faic an caibideil

Chhòng-sè-kì 42:18

Kàu tē-saⁿ ji̍t, Iok-sek tùi in kóng, “Góa sī kiaⁿ-ùi Siōng-tè ê lâng; lín nā chiàu góa ê ōe chòe, chiū bián sí.

Faic an caibideil

Chhòng-sè-kì 47:6

Ai-ki̍p-tōe lóng sī lí teh koán-lí, lí thang hō͘ lí ê lāu-pē kap lí ê hiaⁿ-tī tòa tī siōng-hó ê tōe-khu; in thang tòa tī Ko-san tōe-khu. Lí nā chai in tiong-kan sím-mi̍h-lâng khah ū châi-tiāu, thang phài in koàn-kò͘ góa ê cheng-siⁿ.”

Faic an caibideil

撒母耳記下卷 18:1

Tāi-pi̍t tiàu-chi̍p tè i ê kun-peng, ēng chi̍t-chheng lâng kap chi̍t-pah lâng chòe tan-ūi, chiàu phian-chè siat-li̍p chí-hui-koaⁿ.

Faic an caibideil

撒母耳記下卷 23:3

Í-sek-lia̍t ê Siōng-tè ū kóng, Í-sek-lia̍t ê Chio̍h-pôaⁿ tùi góa kóng: Ēng kong-gī tī-lí, ēng kèng-ùi Siōng-tè lâi tī-lí ê lâng,

Faic an caibideil

列王紀上卷 18:12

Góa chi̍t-ē lī-khui, Siōng Chú ê sîn m̄-chai beh kā lí tòa-khì sím-mi̍h só͘-chāi. Góa nā khì kā A-hap kóng lí tī chia, i lâi nā chhē bô lí, chiū ōe kā góa thâi-sí. M̄-kú lí ê po̍k-jîn tùi siàu-liân chiū kèng-ùi Siōng Chú.

Faic an caibideil

列王紀上卷 18:3

A-hap chiū kiò i ê koán-ke Gô-pa-tí-a lâi. (Gô-pa-tí-a put-chí kèng-ùi Siōng Chú.

Faic an caibideil

Í-su-la-kì 7:25

Í-su-la, chiàu lí ê Siōng-tè siúⁿ-sù lí ê tì-hūi, chí-phài hiah-ê bat Siōng-tè lu̍t-hoat ê lâng chòe sím-phòaⁿ-koaⁿ kap koaⁿ-oân, tī-lí Hô-se-séng ê jîn-bîn, kàu-tō iáu m̄ bat lu̍t-hoat ê lâng.

Faic an caibideil

Nî-hi-bí-kì 5:9

Góa koh kóng, “Lín án-ni chòe m̄-tio̍h; lín chòe tāi-chì eng-kai tio̍h kèng-ùi lán ê Siōng-tè, chiah bián hō͘ lia̍t-kok lán ê tùi-te̍k thí-chhiò.

Faic an caibideil

Nî-hi-bí-kì 7:2

Góa phài góa ê hiaⁿ-tī Hap-ná-nî kap pó-lúi ê chí-hui-koaⁿ Hap-ná-nî-ngá, koán-lí Iâ-lō͘-sat-léng; Hap-ná-nî-ngá sī chi̍t ê tiong-sìn koh kèng-ùi Siōng-tè ê lâng, bô lâng ōe-tàng kap i pí.

Faic an caibideil

Iok-pek-kì 1:1

O͘-su tōe-khu bat ū chi̍t ê lâng kiò-chòe Iok-pek, i sûn-choân chèng-ti̍t, kèng-ùi Siōng-tè, bô chòe pháiⁿ-tāi.

Faic an caibideil

Iok-pek-kì 29:16

Góa chòe sàn-chhiah-lâng ê pē kā in chiàu-kò͘, ūi-tio̍h siⁿ-hūn-lâng piān-hō͘.

Faic an caibideil

Iok-pek-kì 31:13

Góa ê lâm-po̍k lú-pī ài góa ūi-tio̍h in chú-chhî kong-tō, góa nā m̄ chhap in,

Faic an caibideil

Si-phian 15:1

Siōng Chú ah, sím-mi̍h khoán lâng ōe-tàng tòa tī lí ê pò͘-pîⁿ? Sím-mi̍h khoán lâng ōe-tàng khiā-khí tī lí ê sèng-soaⁿ?

Faic an caibideil

Si-phian 15:5

I chîⁿ chioh--lâng m̄-sī ūi-tio̍h lī-sek; i bô siu hóe-lō͘ hām-hāi bû-ko͘ ê lâng. Chòe chit-khoán tāi-chì ê lâng ōe éng-oán khiā-chāi.

Faic an caibideil

出埃及記 17:9

Mô͘-se kā Iok-su-a kóng, “Lí tio̍h soán lâng khì kap A-má-le̍k-lâng kau-chiàn. Bîn-á-chài góa beh gia̍h Siōng-tè ê koáiⁿ-á, khiā tī soaⁿ-téng.”

Faic an caibideil

出埃及記 18:25

Mô͘-se tùi Í-sek-lia̍t-lâng ê tiong-kan kéng ū châi-lêng ê lâng, siat-li̍p in chòe koaⁿ-tiúⁿ, ū-ê koán chi̍t-chheng lâng, ū-ê koán chi̍t-pah lâng, ū-ê koán gō͘-cha̍p lâng, ū-ê koán cha̍p ê lâng.

Faic an caibideil

Chim-giân 28:2

Kok-ka tōng-loān, thóng-tī-chiá chiū chia̍p-chia̍p ōaⁿ; ū bêng-lí kap tì-sek ê léng-siù, kok-ka chiū kú-tn̂g an-tēng.

Faic an caibideil

Thoân-tō-su 12:13

Chiah-ê sū lí lóng í-keng thiaⁿ-liáu, kiat-bé lâi kóng, tio̍h kèng-ùi Siōng-tè, kín-sīn siú I ê kài-bēng; che sī choh-lâng èng chīn ê pún-hūn.

Faic an caibideil

Í-sài-a-su 16:5

Tāi-pi̍t-ke ū chi̍t ūi ông ōe ēng sìn-si̍t thóng-tī, i ê ông-ūi ōe ēng jîn-ài kian-li̍p; i sī chhē-kiû kong-pêng, si̍t-chián kong-gī ê sím-phòaⁿ-chiá.

Faic an caibideil

Í-sài-a-su 33:15

Hiah-ê hêng-ûi kong-gī, kóng-ōe chèng-ti̍t, iàm-ò͘ⁿ khi-ap tit--lâi ê châi-lī, iô-chhiú kū-choa̍t hóe-lō͘, that hī-khang m̄ thiaⁿ hāi-lâng ê kè-bô͘, ng ba̍k-chiu bô khòaⁿ siâ-ok,

Faic an caibideil

Í-sài-a-su 59:4

Bô lâng chiàu kong-gī kò-sò͘, mā bô lâng chiàu sêng-si̍t piān-hō͘; in lóng sìn-nāi hu-ké, kóng pe̍h-chha̍t, pū to̍k-hāi, siⁿ chōe-gia̍t.

Faic an caibideil

Iâ-lī-bí-su 5:1

Tio̍h kiâⁿ-thàu Iâ-lō͘-sat-léng ê koe-lō͘, sì-kòe thàm-thiaⁿ, tī siâⁿ-mn̂g-kháu chhē, khòaⁿ ōe-tàng chhē-tio̍h chi̍t ê kiâⁿ kong-gī, tui-kiû chin-sêng ê lâng á bô; nā ū, góa chiū beh sià-bián chit-ê siâⁿ.

Faic an caibideil

Í-se-kiat-su 18:8

chioh-chîⁿ hō͘ lâng bô the̍h lī-sek, bô pàng tāng-lī, bô chòe siâ-ok ê sū, chiàu kong-tō chhú-lí kiù-hun.

Faic an caibideil

Í-se-kiat-su 22:12

Lín ū lâng the̍h chîⁿ thâi-lâng; ū lâng m̄-nā chioh lâng chîⁿ the̍h lī-sek, koh pàng tāng-lī; ū lâng pak-siah chhù-piⁿ thàn put-gī-chi-châi. Lín í-keng kā góa bōe-kì--tit lah. Chì-koân ê Siōng Chú án-ni soan-kò.

Faic an caibideil

Sat-ka-lī-a-su 7:9

“Siōng Chú — Bān-kun ê Thóng-sòe ū án-ni kóng, ‘Lín sím-phòaⁿ tio̍h chiàu chin-si̍t kong-chèng; tio̍h ēng chû-ài lîn-bín saⁿ tùi-thāi.

Faic an caibideil

Sat-ka-lī-a-su 8:16

Lín eng-kai chòe--ê sī án-ni: Tio̍h hō͘-siōng kóng chin-si̍t-ōe; tī hoat-têng sím-phòaⁿ tio̍h chiàu chin-si̍t kong-chèng, chhiok-chìn hô-bo̍k.

Faic an caibideil

Bîn-sò͘-kì 1:16

Chiah-ê sī tùi hōe-chiòng soán-chhut ta̍k-ê chi-cho̍k ê cho̍k-tiúⁿ, lóng chòe Í-sek-lia̍t kun-tūi ê chí-hui-koaⁿ.”

Faic an caibideil

Bîn-sò͘-kì 1:4

Ta̍k-ê chi-cho̍k tio̍h ū chi̍t ê lâng, chiū-sī in ê cho̍k-tiúⁿ hia̍p-chō͘ lín.

Faic an caibideil

Bîn-sò͘-kì 10:4

Nā kan-ta pûn chi̍t ki, chèng siú-léng, chiū-sī Í-sek-lia̍t ê cho̍k-tiúⁿ, tio̍h khì lí hia chū-chi̍p.

Faic an caibideil

Lō͘-ka Hok-im 18:2

I kóng, “Bó͘ chi̍t ê siâⁿ ū chi̍t ê phòaⁿ-koaⁿ, i bô kèng-ùi Siōng-tè, mā bô chun-tiōng lâng.

Faic an caibideil

Lō͘-ka Hok-im 18:4

Chit-ê phòaⁿ-koaⁿ chin kú lóng m̄ tah-èng, āu-lâi i ka-kī siūⁿ-kóng, ‘Góa sui-jiân m̄ kiaⁿ Siōng-tè, mā bô chun-tiōng lâng,

Faic an caibideil

使徒行傳 20:33

Góa m̄-bat tham lâng ê kim, gûn, á-sī i-ho̍k.

Faic an caibideil

使徒行傳 6:3

Só͘-í, hiaⁿ-tī ah, tio̍h tùi lín tiong-kan soán chhit ê ū hó miâ-siaⁿ, siū Sèng Sîn chhiong-móa, koh ū tì-hūi ê lâng, goán thang jīm-bēng in pān-lí chit-ê tāi-chì.

Faic an caibideil

Sin-bēng-kì 22:18

Hit-ê siâⁿ ê tiúⁿ-ló tio̍h kā hit-ê lâng lia̍h-lâi chhú-hoa̍t;

Faic an caibideil

提摩太前書 3:3

bô chiú-chùi, bô hiong-pō, hoán-tńg ài un-hô, bô saⁿ-chiⁿ, bô tham-châi,

Faic an caibideil

Iok-su-a-kì 22:14

kap i chòe-hé khì--ê ū cha̍p ê chi-cho̍k ê léng-siù, in mā-sī Í-sek-lia̍t ta̍k chong-cho̍k ta̍k ka-cho̍k ê sī-tōa.

Faic an caibideil

撒母耳記上卷 8:12

I ōe phài lâng chòe koaⁿ-tiúⁿ, ū-ê koán chi̍t-chheng, ū-ê koán gō͘-cha̍p; mā ōe phài lâng kā i choh-hn̂g, siu-sêng ngó͘-kok, chō kun-khì kap chiàn-chhia ê chong-pī.

Faic an caibideil

撒母耳記上卷 8:3

M̄-kú in bô o̍h in lāu-pē ê bô͘-iūⁿ; in tham put-gī-chi-châi, siu hóe-lō͘, bô chiàu kong-tō chhâi-koat.

Faic an caibideil

Lean sinn:

Ceanglaichean taic

Sanasan

Sanasan