Bìoball air-loidhne

出埃及記 16:3 - 現代台語譯本羅馬字版

³ Í-sek-lia̍t-lâng kā in kóng, “Goán lêng-khó tī Ai-ki̍p-tōe sí tī Siōng Chú ê chhiú-thâu. Hit-sî, goán ū kui-tiáⁿ ê bah, ū piáⁿ thang chia̍h kàu pá. Lín kā goán chhōa-lâi kàu chit-ê khòng-iá, sī beh hō͘ goán só͘-ū ê hōe-chiòng lóng gō-sí sī--bô!”

Faic an caibideil Dèan lethbhreac

現代台語譯本漢字版

³ 以色列人給𪜶講：「阮寧可佇埃及地死佇上主的手頭。彼時，阮有歸鼎的肉，有餅通食到飽。恁給阮導來到此個曠野，是欲互阮所有的會眾攏餓死是無！」

Faic an caibideil Dèan lethbhreac

dol air ais ⬆

出埃及記 16:3
32 Iomraidhean Croise

撒母耳記下卷 18:33

Ông chiū chin siong-sim. I chiūⁿ siâⁿ-mn̂g téng ê pâng-keng thî-khàu, ná kiâⁿ ná kóng, “Góa ê kiáⁿ Ap-sa-liông ah! Góa ê kiáⁿ, góa ê kiáⁿ, Ap-sa-liông ah! Góa khó͘-bōe-tit thòe lí sí. Ap-sa-liông ah, góa ê kiáⁿ, góa ê kiáⁿ!”

Faic an caibideil

Iok-pek-kì 3:1

Āu-lâi Iok-pek khui-chhùi, chiù-chó͘ i chhut-sì ê ji̍t.

Faic an caibideil

Iok-pek-kì 3:10

in-ūi i bô koaiⁿ-ba̍t góa ê lāu-bú ê chú-kiong, tì-kàu góa ê ba̍k-chiu khòaⁿ-tio̍h chin chōe hoān-lān.

Faic an caibideil

Iok-pek-kì 3:20

Siōng-tè sī-án-chóaⁿ sù kng-bêng hō͘ siū-khó͘ ê lâng, sī-án-chóaⁿ sù sìⁿ-miā hō͘ sim-sîn thòng-khó͘ ê lâng?

Faic an caibideil

Si-phian 107:5

In ia̍h iau ia̍h chhùi-ta; in ê sim-sîn hūn--khì.

Faic an caibideil

Si-phian 78:19

In lām-sám gī-lūn Siōng-tè, kóng, “Siōng-tè kiám ōe tī khòng-iá pān-toh?

Faic an caibideil

Si-phian 78:25

In ta̍k-ê lâng chia̍h thiⁿ-sài ê chia̍h-mi̍h; Siōng-tè sù bí-niû hō͘ in chia̍h kàu pá.

Faic an caibideil

出埃及記 14:11

In kā Mô͘-se kóng, “Sī Ai-ki̍p bô bōng-tōe, lí chiah chhōa goán chhut-lâi sí tī khòng-iá sī--bô? Lí sī-án-chóaⁿ án-ni tùi-thāi goán, chhōa goán chhut Ai-ki̍p?

Faic an caibideil

出埃及記 17:3

Jîn-bîn tī hia chin chhùi-ta, ài-beh lim-chúi, chiū bâi-oàn Mô͘-se, kóng, “Lí sī-án-chóaⁿ chhōa goán tùi Ai-ki̍p chhut--lâi, sī beh hō͘ goán kap goán ê kiáⁿ-jî, cheng-siⁿ lóng chhùi-ta--sí sī--bô?”

Faic an caibideil

出埃及記 2:23

Kúi-nā nî āu, Ai-ki̍p-ông sí. Í-sek-lia̍t-lâng in-ūi chòe khó͘-kang, thó͘-khùi ai-kiò. In chòe khó͘-kang ai-kiò ê siaⁿ thàu kàu Siōng-tè hia.

Faic an caibideil

出埃及記 5:21

“Goān Siōng Chú kàm-chhat, kā lín hêng-hoa̍t, in-ūi lín hāi goán hō͘ Ai-ki̍p-ông kap i ê jîn-sîn oàn-chhoeh, hō͘ in ū lí-iû thâi goán.”

Faic an caibideil

Iâ-lī-bí-su 2:6

In bô mn̄g: Hit-ê chhōa goán chhut Ai-ki̍p, chhōa goán keng-kè khòng-iá kap khi-khu ê soa-bô͘, keng-kè ta-sò kap o͘-àm ê só͘-chāi, bô lâng kiâⁿ--kè, bô lâng tòa ê tōe, hit-ūi Siōng Chú tī tó-ūi?

Faic an caibideil

Iâ-lī-bí-su 42:14

‘M̄, goán beh khì Ai-ki̍p; hia bô chiàn-cheng, bōe thiaⁿ-tio̍h sàu-kak ê siaⁿ, koh ū mi̍h-kiāⁿ thang chia̍h bōe iau-sí. Goán beh khì tòa hia.’

Faic an caibideil

Iâ-lī-bí-su 44:17

Goán it-tēng beh chiàu goán hē ê goān khì chòe, kā Thian-hō͘ sio-hiuⁿ, hiàn tiān-chiú-chè, kap goán, í-ki̍p goán ê chó͘-sian, kun-ông, koaⁿ-oân tī Iû-tāi ta̍k-ê siâⁿ-tìn kap Iâ-lō͘-sat-léng ê koe-lō͘ só͘ chòe--ê kâng-khoán, in-ūi hit-chūn goán ê niû-si̍t chhiong-chiok, pêng-an bô-sū.

Faic an caibideil

Ai-ko 4:9

Hō͘ lâng thâi--sí-ê pí gō--sí-ê khah hó; gō-sí sī bô chia̍h-mi̍h, bān-bān siau-sán lâi sí.

Faic an caibideil

Bîn-sò͘-kì 11:15

Lí nā án-ni tùi-thāi góa, góa nā tùi lí tit-tio̍h un-tián, kiû lí sûi-sî kā góa thâi-sí, hō͘ góa bián koh khòaⁿ-tio̍h ka-kī án-chóaⁿ siū-khó͘.”

Faic an caibideil

Bîn-sò͘-kì 11:20

I beh hō͘ lín chia̍h kui kò-ge̍h, chia̍h kàu bah tùi lín ê phīⁿ-khang phùn--chhut-lâi, chia̍h kah ùi; in-ūi lín khì-sak tòa tī lín tiong-kan ê Siōng Chú, kā I khàu-lōa kóng: Goán ná tio̍h chhut Ai-ki̍p?’”

Faic an caibideil

Bîn-sò͘-kì 14:2

Í-sek-lia̍t-lâng bâi-oàn Mô͘-se kap A-lûn, tùi in kóng, “Khó͘-bōe-tit goán sí tī Ai-ki̍p! Khó͘-bōe-tit sí tiàm chit-ê khòng-iá!

Faic an caibideil

Bîn-sò͘-kì 14:3

Siōng Chú ná beh chhōa goán lâi kàu chia, hāi goán hō͘ lâng thâi-sí, bó͘ kiáⁿ mā hō͘ lâng lia̍h--khì. Goán tò-khì Ai-ki̍p kiám bô khah hó?”

Faic an caibideil

Bîn-sò͘-kì 16:13

Lí kā goán tùi lâu lin kap bi̍t ê Ai-ki̍p-tōe chhōa--chhut-lâi, hāi goán sí tī khòng-iá, koh beh ka-kī choh-ông koán-hat goán sī--bô?

Faic an caibideil

Bîn-sò͘-kì 16:41

Keh-ji̍t, Í-sek-lia̍t-lâng choân-thé hōe-chiòng lóng bâi-oàn Mô͘-se kap A-lûn, kóng, “Lín hāi-sí Siōng Chú ê chú-bîn.”

Faic an caibideil

Bîn-sò͘-kì 21:5

chiū bâi-oàn Siōng-tè kap Mô͘-se, kóng, “Lín sī-án-chóaⁿ chhōa goán chhut Ai-ki̍p, hō͘ goán lâi sí tī chit-ê khòng-iá? Chia bô chia̍h-mi̍h, bô chúi, goán mā bô ài koh chia̍h chit-ê pe̍h-chiáⁿ-bô-bī ê mi̍h-kiāⁿ.”

Faic an caibideil

使徒行傳 26:29

Pó-lô ìn kóng, “Bô-lūn kúi-kù-á ōe á-sī chin chōe ōe, góa kî-kiû Siōng-tè, m̄-nā sī lí, liân kin-á-ji̍t tī chia só͘-ū thiaⁿ góa kóng-ōe ê lâng mā lóng ōe kap góa kâng-khoán, m̄-kú bô chhin-chhiūⁿ góa hō͘ lâng ēng thih-liān liān--teh.”

Faic an caibideil

哥林多前書 4:8

Lín í-keng ta̍k-hāng lóng ū! Lín í-keng hù-chiok! Lín kā goán sak tī piⁿ--á, ka-kī choh-ông. Lín nā chin-chiàⁿ choh-ông m̄-chai jōa-á-ni̍h hó leh, án-ni góa mā thang kap lín chòe-hé choh-ông!

Faic an caibideil

哥林多後書 11:1

Chhiáⁿ lín khoan-iông góa sió-khóa ê gû-gōng; chhiáⁿ khoan-iông góa!

Faic an caibideil

Sin-bēng-kì 28:67

Lín ōe in-ūi sim-lāi ê kiaⁿ-hiâⁿ, kap ba̍k-chiu khòaⁿ--tio̍h-ê, chá-khí-sî beh kóng, “Thiⁿ ná iáu-bē àm!” Àm-sî beh kóng, “Thiⁿ ná iáu-bē kng!”

Faic an caibideil

Sin-bēng-kì 8:3

I kā lín bôa-liān, hō͘ lín iau-gō, ēng lín kap lín ê lia̍t-chó͘ lóng m̄-bat ê má-ná iúⁿ-chhī lín, sī beh hō͘ lín chai, lâng teh oa̍h m̄-nā óa-khò piáⁿ, sī óa-khò tùi Siōng Chú ê chhùi só͘ chhut ê ta̍k-kù ōe.

Faic an caibideil

Iok-su-a-kì 7:7

Iok-su-a kóng, “Ài ah, Chì-koân ê Siōng Chú, lí sī-án-chóaⁿ chhōa chiah-ê jîn-bîn kè Iok-tàn-hô, chiong goán kau hō͘ A-mô͘-lī-lâng, hō͘ in kā goán siau-bia̍t? Goán lêng-khó lâu tiàm Iok-tàn-hô hit-pêng.

Faic an caibideil

Lean sinn:

Ceanglaichean taic

Sanasan

Sanasan