Bìoball air-loidhne

出埃及記 14:4 - 現代台語譯本羅馬字版

⁴ Góa beh hō͘ Ai-ki̍p-ông ê sim ngī, tui-jip lín; m̄-kú góa beh phah-pāi Ai-ki̍p-ông kap i ê choân-kun, hián-chhut góa ê êng-kng. Án-ni, Ai-ki̍p-lâng chiū chai góa sī Siōng Chú.” Í-sek-lia̍t-lâng chiū chiàu án-ni chòe.

Faic an caibideil Dèan lethbhreac

現代台語譯本漢字版

⁴ 我欲互埃及王的心硬，追趇恁；毋拘我欲拍敗埃及王及伊的全軍，顯出我的榮光。按呢，埃及人就知我是上主。」以色列人就照按呢做。

Faic an caibideil Dèan lethbhreac

dol air ais ⬆

出埃及記 14:4
36 Iomraidhean Croise

Nî-hi-bí-kì 9:10

lí chai Ai-ki̍p-lâng ap-pek goán ê lia̍t-chó͘; lí kiâⁿ sîn-jiah kî-sū, kong-kek Hoat-ló, i ê jîn-sîn, kap i kok-lāi ê jîn-bîn; lí chiū tit-tio̍h miâ-siaⁿ, chhin-chhiūⁿ kin-á-ji̍t án-ni.

Faic an caibideil

出埃及記 10:2

mā beh hō͘ lí tùi lín ê kiáⁿ, lín ê sun kóng-khí góa án-chóaⁿ hì-lāng Ai-ki̍p-lâng, í-ki̍p góa tī in tiong-kan kiâⁿ ê sîn-jiah, hō͘ lín chai góa sī Siōng Chú.”

Faic an caibideil

出埃及記 10:27

M̄-kú Siōng Chú hō͘ Ai-ki̍p-ông ê sim ngī, m̄-khéng pàng in lī-khui.

Faic an caibideil

出埃及記 12:28

Jiân-āu, Í-sek-lia̍t-lâng lī-khui, chiàu Siōng Chú tùi Mô͘-se kap A-lûn ê bēng-lēng khì chòe.

Faic an caibideil

出埃及記 14:23

Ai-ki̍p-lâng tui-jip in; Ai-ki̍p-ông só͘-ū ê chiàn-bé, chiàn-chhia, kap bé-peng lóng tè in lo̍h-khì hái-tiong.

Faic an caibideil

出埃及記 14:25

hō͘ in ê chiàn-chhia ê lián-á kā-tiâu--teh, kiâⁿ bōe khì; Ai-ki̍p-lâng chiū kóng, “Lán tio̍h kóaⁿ-kín cháu, lī-khui Í-sek-lia̍t-lâng, Siōng Chú ūi-tio̍h in lâi phah lán.”

Faic an caibideil

出埃及記 14:3

Ai-ki̍p-ông ōe siūⁿ-kóng Í-sek-lia̍t-lâng bê-lō͘, kiâⁿ bōe chhut khòng-iá.

Faic an caibideil

出埃及記 14:5

Ū lâng lâi kā Ai-ki̍p-ông pò-kò, “Í-sek-lia̍t-lâng tô-cháu lah!” Ai-ki̍p-ông kap i ê jîn-sîn chiū kái-piàn sim-ì, kóng, “Lán ná ōe chòe chit-khoán tāi-chì? Sī-án-chóaⁿ beh pàng hit-ê bîn-cho̍k lī-khui bô koh ho̍k-sāi lán?”

Faic an caibideil

出埃及記 14:8

Siōng Chú hō͘ Ai-ki̍p-ông ê sim ngī, tui-jip Í-sek-lia̍t-lâng. Í-sek-lia̍t-lâng ióng-kám tōa-táⁿ lī-khui ê sî,

Faic an caibideil

出埃及記 18:11

Taⁿ, in-ūi Siōng Chú ū kái-kiù Í-sek-lia̍t-lâng thoat-lī Ai-ki̍p-lâng ê ap-pek, góa chai Siōng Chú pí só͘-ū ê sîn-bêng koh-khah tōa.”

Faic an caibideil

出埃及記 6:7

Góa beh chiap-la̍p lín chòe góa ê chú-bîn, góa beh chòe lín ê Siōng-tè. Góa kiù lín thoat-lī Ai-ki̍p-lâng ê ap-pek ê sî, lín ōe jīn-bat góa sī Siōng Chú — lín ê Siōng-tè.

Faic an caibideil

出埃及記 7:17

Siōng Chú án-ni kóng: Góa beh ēng góa ê koáiⁿ-á phah Nî-lô-hô ê hô-chúi, chúi ōe pìⁿ-chòe huih; án-ni, lí chiū ōe chai góa sī Siōng Chú.

Faic an caibideil

出埃及記 7:3

Góa beh hō͘ Ai-ki̍p-ông ê sim ngī, koh beh tī Ai-ki̍p-tōe kiâⁿ chin chōe sîn-jiah kî-sū.

Faic an caibideil

出埃及記 7:5

Góa chhun-chhiú kong-kek Ai-ki̍p, chhōa Í-sek-lia̍t-lâng tùi in tiong-kan chhut--lâi ê sî, Ai-ki̍p-lâng chiū ōe chai góa sī Siōng Chú.”

Faic an caibideil

出埃及記 9:16

chóng-sī ūi-tio̍h beh hō͘ lí khòaⁿ-kìⁿ góa ê koân-lêng, hō͘ góa ê miâ tī choân sè-kài siū soan-iông, góa chiah lâu lí ê sìⁿ-miā.

Faic an caibideil

Í-se-kiat-su 20:9

Chóng-sī góa bô án-ni chòe. Góa bô beh hō͘ góa ê miâ tī in khiā-khí ê lia̍t-kok tiong siū siat-to̍k; in-ūi góa bat tī in khiā-khí ê lia̍t-kok jîn-bîn ê bīn-chêng tùi in kóng, góa beh chhōa in chhut Ai-ki̍p.’

Faic an caibideil

Í-se-kiat-su 28:22

Tio̍h kā in kóng Chì-koân ê Siōng Chú án-ni kóng, ‘Se-tùn, góa beh kap lí choh-tùi! Góa beh tī lín tiong-kan hián-chhut góa ê êng-kng. Góa hián-bêng góa ê sîn-sèng, si-hêng sím-phòaⁿ ê sî, lâng chiū chai góa sī Siōng Chú.

Faic an caibideil

Í-se-kiat-su 32:15

Góa hō͘ Ai-ki̍p pha-hng, thó͘-tōe bô chhun pòaⁿ-hāng, kā i ê chū-bîn lóng thâi-sí ê sî, in chiū chai góa sī Siōng Chú.

Faic an caibideil

Í-se-kiat-su 38:16

Ko-kek ah, lí lâi kong-táⁿ góa ê chú-bîn Í-sek-lia̍t; lí ê kun-tūi chhin-chhiūⁿ o͘-hûn khàm-ba̍t tōe-bīn. Kè chi̍t tōaⁿ sî-kan, góa beh chhōa lí khì chhim-lio̍k góa ê thó͘-tōe, thang hō͘ lia̍t-kok jīn-bat góa; góa mā beh thong-kè lí, tùi in chèng-si̍t góa sī sîn-sèng.

Faic an caibideil

Í-se-kiat-su 38:23

thong-kè chiah-ê, tùi lia̍t-kok hián-bêng góa ka-kī, í-ki̍p góa ê úi-tāi kap sîn-sèng. Hit-sî, in chiū chai góa sī Siōng Chú.’”

Faic an caibideil

Í-se-kiat-su 39:13

Hit só͘-chāi ê lâng lóng chhut-lâi chham-ú, tùi án-ni, in tit-tio̍h o-ló. Che sī góa hián-sī êng-kng ê ji̍t. Góa — Chì-koân ê Siōng Chú án-ni soan-pò͘.

Faic an caibideil

Lī-bī-kì 10:3

Mô͘-se tùi A-lûn kóng, “Siōng Chú bat án-ni kóng, ‘Chhin-kūn góa ê lâng tio̍h chun góa chòe sèng; tī choân-thé jîn-bîn ê bīn-chêng, góa beh tit-tio̍h êng-kng.’” A-lûn tiām-tiām bô kóng-ōe.

Faic an caibideil

Lô-má-su 11:8

chiàu Sèng-keng só͘ kì-chài: Siōng-tè hō͘ in ê sim-lêng bâ-pì, ba̍k-chiu khòaⁿ bōe kìⁿ, hī-khang thiaⁿ bōe tio̍h, ti̍t-kàu kin-á-ji̍t.

Faic an caibideil

Lô-má-su 9:17

Sèng-keng kì-chài Siōng-tè ū tùi Hoat-ló kóng, “Góa siat-li̍p lí choh-ông, bo̍k-te̍k sī beh ēng lí lâi hián-bêng góa ê koân-lêng, hō͘ góa ê miâ thoân kàu choân sè-kài.”

Faic an caibideil

Lô-má-su 9:18

Só͘-í, Siōng-tè beh lîn-bín sím-mi̍h-lâng chiū kā i lîn-bín, beh hō͘ sím-mi̍h-lâng sim ngī chiū hō͘ i sim ngī.

Faic an caibideil

Iok-su-a-kì 11:20

In-ūi Siōng Chú hō͘ hiah-ê siâⁿ ê lâng sim ngī, kap Í-sek-lia̍t-lâng kau-chiàn, hō͘ in siū châu-bia̍t, bô siū lîn-bín; chiàu Siōng Chú bēng-lēng Mô͘-se ê ōe, in lóng oân-choân siū siau-bia̍t.

Faic an caibideil

Sū-su-kì 4:7

Góa beh hō͘ Iâ-pin ê goân-sòe Se-se-la kap i ê chiàn-chhia, i ê choân-kun lâi kàu Ki-sūn-hô lí chia; góa beh chiong in kau tī lí ê chhiú.’”

Faic an caibideil

Lean sinn:

Ceanglaichean taic

Sanasan

Sanasan