Bìoball air-loidhne

出埃及記 13:5 - 現代台語譯本羅馬字版

⁵ Chiong-lâi Siōng Chú ōe chhōa lín chìn-ji̍p Ka-lâm-lâng, Hek-lâng, A-mô͘-lī-lâng, Hi-bī-lâng, Iâ-pò͘-su-lâng khiā-khí ê tōe, chit-ê tōe sī I tùi lín ê chó͘-sian li̍p-sè beh siúⁿ-sù hō͘ lín lâu lin kap bi̍t ê tōe, hit-sî lín tio̍h tī ta̍k-nî ê chit kò-ge̍h chun-siú ē-bīn chit-ê kui-lē:

Faic an caibideil Dèan lethbhreac

現代台語譯本漢字版

⁵ 將來上主會導恁進入迦南人、赫人、亞摩利人、希未人、耶布斯人徛起的地，此個地是伊對恁的祖先立誓欲賞賜互恁流奶及蜜的地，彼時恁著佇逐年的此個月遵守下面此個規例：

Faic an caibideil Dèan lethbhreac

dol air ais ⬆

出埃及記 13:5
31 Iomraidhean Croise

Chhòng-sè-kì 26:3

Lí tio̍h kià-ku tī chia, góa beh kap lí tông-chāi, sù-hok lí; in-ūi góa beh chiong chit-ê tōe lóng hō͘ lí kap lí ê hō͘-tāi; góa mā beh kian-li̍p góa li̍p-sè tùi lí ê lāu-pē A-pek-la-hán só͘ li̍p ê iok.

Faic an caibideil

Chhòng-sè-kì 50:24

Iok-sek tùi i ê hiaⁿ-tī kóng, “Góa koh chia̍h bô-jōa-kú lah; m̄-kú Siōng-tè it-tēng ōe chiàu-kò͘ lín, chhōa lín tùi chia chiūⁿ-khì kàu I li̍p-sè èng-ún beh hō͘ A-pek-la-hán, Í-sat, Ngá-kok ê tōe.”

Faic an caibideil

歷代志上卷 1:15

Hi-bī-lâng, A-ki-lâng, Se-nî-lâng,

Faic an caibideil

出埃及記 12:24

Lín tio̍h chun-siú chit-ê kui-tēng, chòe lín kap lín ê hō͘-tāi éng-oán ê kui-lē.

Faic an caibideil

出埃及記 13:10

Só͘-í, ta̍k-nî chit-ji̍t nā kàu, lín tio̍h siú chit-ê kui-lē.”

Faic an caibideil

出埃及記 13:11

“Siōng Chú chhōa lín chìn-ji̍p I tùi lín kap lín ê chó͘-sian li̍p-sè, beh siúⁿ-sù hō͘ lín ê Ka-lâm-tōe,

Faic an caibideil

出埃及記 3:17

Góa it-tēng beh kiù lín thoat-chhut tī Ai-ki̍p siū ê kan-khó͘, chhōa lín khì kàu Ka-lâm, Hek, A-mô͘-lī, Pí-lī-sé, Hi-bī, Iâ-pò͘-su hiah-ê cho̍k khiā-khí ê só͘-chāi, chiū-sī lâu lin kap bi̍t ê tōe.’

Faic an caibideil

出埃及記 3:8

Taⁿ góa beh lo̍h-lâi kái-kiù in thoat-lī Ai-ki̍p-lâng ê chhiú, chhōa in lī-khui hit-ê tōe, khì pûi-súi koh khoan-khoah, lâu lin kap bi̍t ê tōe, chiū-sī Ka-lâm-lâng, Hek-lâng, A-mô͘-lī-lâng, Pí-lī-sé-lâng, Hi-bī-lâng, Iâ-pò͘-su-lâng hiah-ê cho̍k ê só͘-chāi.

Faic an caibideil

出埃及記 32:13

Kiû lí ōe-kì-tit lí ê po̍k-jîn A-pek-la-hán, Í-sat, Ngá-kok; lí bat kí ka-kī tùi in li̍p-sè, kóng, ‘Góa beh hō͘ lín ê hō͘-tāi chhin-chhiūⁿ thiⁿ-téng ê chhiⁿ hiah chōe; koh chiong góa só͘ èng-ún hit-ê tōe, choân-pō͘ siúⁿ-sù hō͘ lín ê hō͘-tāi, chòe in éng-oán ê sán-gia̍p.’”

Faic an caibideil

出埃及記 33:1

Siōng Chú tùi Mô͘-se kóng, “Lí kap lí tùi Ai-ki̍p chhōa--chhut-lâi ê jîn-bîn, tio̍h tùi chia chhut-hoat khì hit-ê góa tùi A-pek-la-hán, Í-sat, Ngá-kok li̍p-sè, èng-ún beh siúⁿ-sù in ê hō͘-tāi ê thó͘-tōe.

Faic an caibideil

出埃及記 34:11

Góa kin-á-ji̍t só͘ bēng-lēng lí--ê, lí tio̍h chun-siú. Góa beh tùi lí ê bīn-chêng kóaⁿ-chhut A-mô͘-lī-lâng, Ka-lâm-lâng, Hek-lâng, Pí-lī-sé-lâng, Hi-bī-lâng, kap Iâ-pò͘-su-lâng.

Faic an caibideil

出埃及記 6:4

Góa bat kap in li̍p-iok, èng-ún beh chiong in kià-ku ê Ka-lâm-tōe siúⁿ-sù hō͘ in.

Faic an caibideil

出埃及記 6:8

Góa só͘ li̍p-sè èng-ún beh hō͘ A-pek-la-hán, Í-sat, Ngá-kok hit-tè tōe, góa beh chhōa lín ji̍p--khì, chiong hit-ê tōe siúⁿ-sù lín chòe sán-gia̍p. Góa sī Siōng Chú.’”

Faic an caibideil

Iâ-lī-bí-su 11:5

thang si̍t-hiān góa tùi lín ê chó͘-sian só͘ li̍p-sè--ê, chiong lín kin-á-ji̍t khiā-khí chit-tè lâu lin kap bi̍t ê tōe sù hō͘ in.’” Góa ìn kóng, “Siōng Chú, Amen!”

Faic an caibideil

Iâ-lī-bí-su 32:22

chiong lí tùi in lia̍t-chó͘ soan-sè èng-ún beh hō͘ in lâu lin kap bi̍t ê tōe sù hō͘ in.

Faic an caibideil

Í-se-kiat-su 20:6

Hit-sî, góa èng-ún beh chhōa in chhut Ai-ki̍p, kàu góa ūi-tio̍h in soán-tēng hit-tè lâu lin kap bi̍t ê tōe, sī bān-kok tiong siōng pûi koh súi ê tōe.

Faic an caibideil

Lī-bī-kì 20:24

Góa bat kā lín kóng, góa beh chiong chit-tè lâu lin kap bi̍t ê tōe sù hō͘ lín, hō͘ lín sêng-chiap chòe sán-gia̍p. Góa sī Siōng Chú — lín ê Siōng-tè, tùi bān-cho̍k ê tiong-kan kā lín hun-pia̍t--chhut-lâi.

Faic an caibideil

Bîn-sò͘-kì 11:12

Chit-ê jîn-bîn kiám sī góa hoâi-īn--ê? Kiám sī góa siⁿ--ê? Lí kèng-jiân kiò góa tio̍h kā in phō tī heng-chêng, chhin-chhiūⁿ lāu-pē teh io-chhī chia̍h-lin ê eⁿ-á, kàu in chìn-ji̍p lí soan-sè beh siúⁿ-sù in chó͘-sian ê tōe?

Faic an caibideil

Bîn-sò͘-kì 13:27

In tùi Mô͘-se kóng, “Lí phài goán khì thàm-cha hit-ê tōe-khu, kó-jiân sī lâu lin kap bi̍t ê tōe; chiah-ê chiū-sī hit-ê só͘-chāi ê ké-chí.

Faic an caibideil

Bîn-sò͘-kì 14:16

‘In-ūi Siōng Chú bōe-tàng chiong chit-ê jîn-bîn chhōa ji̍p-khì I tùi in li̍p-sè èng-ún ê tōe, chiū tī khòng-iá kā in châu-bia̍t.’

Faic an caibideil

Bîn-sò͘-kì 14:30

it-tēng bōe-tàng ji̍p-khì góa li̍p-sè èng-ún beh hō͘ lín khiā-khí ê tōe; chí-ū Iâ-hu-nî ê kiáⁿ Ka-le̍k kap Lūn ê kiáⁿ Iok-su-a chiah ōe-tàng ji̍p--khì.

Faic an caibideil

Bîn-sò͘-kì 32:11

‘Só͘-ū tùi Ai-ki̍p chhut--lâi, jī-cha̍p hè í-siōng ê lâng, it-tēng bōe-tàng khòaⁿ-tio̍h góa tùi A-pek-la-hán, Í-sat, Ngá-kok li̍p-sè beh sù hō͘ in ê tōe; in-ūi in bô it-sim-it-ì kun-tè góa;

Faic an caibideil

Sin-bēng-kì 12:29

Siōng Chú — lín ê Siōng-tè tī lín ê bīn-chêng chiong hiah-ê kok ê jîn-bîn kóaⁿ-cháu, siau-bia̍t, hō͘ lín chiàm-léng in ê tōe, tī hia khiā-khí;

Faic an caibideil

Sin-bēng-kì 19:1

Siōng Chú — lín ê Siōng-tè siau-bia̍t hiah-ê kok, chiong in ê tōe siúⁿ-sù lín, hō͘ lín khiā-khí tī in ê siâⁿ kap in ê chhù í-āu,

Faic an caibideil

Sin-bēng-kì 26:1

Lín sêng-chiap Siōng Chú — lín ê Siōng-tè siúⁿ-sù lín chòe sán-gia̍p ê tōe lâi khiā-khí ê sî,

Faic an caibideil

Sin-bēng-kì 7:1

Siōng Chú — lín ê Siōng-tè ōe chhōa lín ji̍p-khì lín beh chiàm-léng ê tōe, tùi lín ê bīn-chêng chiong chhit ê pí lín khah kiông-tāi ê bîn-cho̍k kóaⁿ-cháu, chiū-sī Hek-lâng, Kek-ka-sat-lâng, A-mô͘-lī-lâng, Ka-lâm-lâng, Pí-lī-sé-lâng, Hi-bī-lâng, Iâ-pò͘-su-lâng.

Faic an caibideil

Iok-su-a-kì 24:11

Lín kè Iok-tàn-hô, kàu Iâ-lī-ko; Iâ-lī-ko-lâng, A-mô͘-lī-lâng, Pí-lī-sé-lâng, Ka-lâm-lâng, Hek-lâng, Kek-ka-sat-lâng, Hi-bī-lâng, Iâ-pò͘-su-lâng, lóng kap lín kau-chiàn; góa chiong in kau tī lín ê chhiú.

Faic an caibideil

Lean sinn:

Ceanglaichean taic

Sanasan

Sanasan