Bìoball air-loidhne

使徒行傳 6:1 - 現代台語譯本羅馬字版

¹ Kè bô-jōa-kú, bûn-tô͘ ê jîn-sò͘ it-ti̍t ke-thiⁿ, kóng Hi-la̍h-gú ê Iû-thài-lâng bâi-oàn hiah-ê kóng Hi-pek-lâi-gú ê Iû-thài-lâng, in-ūi tī hun-phòe ji̍t-siông seng-oa̍h ê su-iàu ū hut-lio̍k in ê kóaⁿ-hū.

Faic an caibideil Dèan lethbhreac

現代台語譯本漢字版

¹ 過無偌久，門徒的人數一直加添，講希臘語的猶太人埋怨許個講希伯來語的猶太人，因為佇分配日常生活的需要有忽略𪜶的寡婦。

Faic an caibideil Dèan lethbhreac

dol air ais ⬆

使徒行傳 6:1
38 Iomraidhean Croise

Iok-pek-kì 29:13

Teh-beh sí ê lâng kā góa chiok-hok; góa hō͘ kóaⁿ-hū ê sim hoaⁿ-hí chhiùⁿ-koa.

Faic an caibideil

Iok-pek-kì 31:16

Góa nā bû-sī sàn-chhiah-lâng ê su-iàu, á-sī hō͘ kóaⁿ-hū khàu kah ba̍k-chiu hoe,

Faic an caibideil

Si-phian 110:3

Lí chhut-cheng ê ji̍t, jîn-bîn ōe kam-sim choh-peng; lí ê chòng-teng ōe chhin-chhiūⁿ chá-khí-sî ê lō͘-chúi kiat-ha̍p, lâi sèng-soaⁿ kun-tè lí.

Faic an caibideil

Si-phian 72:16

Goān chit-ê thó͘-tōe ngó͘-kok hong-siu, móa soaⁿ-phiâⁿ ū be̍h-sūi, chhin-chhiūⁿ Lê-pa-lūn ê chhiū-nâ hiah-ni̍h ōng. Goān siâⁿ-lāi, lâng chhin-chhiūⁿ tōe-chiūⁿ ê chháu bō͘-sēng heng-ōng.

Faic an caibideil

Í-sài-a-su 1:17

Tio̍h ha̍k-si̍p kiâⁿ-hó. Tio̍h tui-kiû chèng-gī, kái-kiù siū khi-ap--ê; tio̍h ūi ko͘-jî sin-oan, ūi kóaⁿ-hū piān-hō͘.”

Faic an caibideil

Í-sài-a-su 27:6

Chiong-lâi, Í-sek-lia̍t ōe tèng-kun, Ngá-kok ōe puh-gê khui-hoe, in ê ké-chí ōe piàn-móa choân sè-kài.

Faic an caibideil

Iâ-lī-bí-su 30:19

Hiah-ê chū-bîn beh hoat-chhut kám-siā hoaⁿ-hí ê siaⁿ; góa beh hō͘ in ê jîn-kháu ke-thiⁿ, bōe kiám-chió, hō͘ in ū chun-êng, bōe koh siū khòaⁿ-khin.

Faic an caibideil

Í-se-kiat-su 22:7

Lín ū lâng ngó͘-ge̍k pē-bú, khi-ap kià-ku--ê, pháiⁿ khoán-thāi ko͘-jî kóaⁿ-hū.

Faic an caibideil

Má-la-ki-su 3:5

Siōng Chú — Bān-kun ê Thóng-sòe kóng, “Góa beh khiā chhut-lâi tī lín bīn-chêng si-hêng sím-phòaⁿ; góa beh kóaⁿ-kín choh-chèng khòng-kò hiah-ê kiâⁿ siâ-su̍t--ê, hoān kan-îm--ê, lām-sám chiù-chōa--ê, pak-siah kang-lâng ê kang-chîⁿ--ê, khi-ap ko͘-jî kóaⁿ-hū--ê, óng-khut chhut-gōa-lâng--ê — chiū-sī só͘-ū bô kèng-ùi góa ê lâng.”

Faic an caibideil

馬太福音 23:13

“Ké-hó ê keng-ha̍k-kàu-su kap Hoat-lī-sài-lâng, lín chhám ah! Lín chiong Thian-kok ê mn̂g koaiⁿ--khí-lâi, m̄ hō͘ lâng ji̍p--khì; lín ka-kī m̄ ji̍p--khì, liân beh ji̍p--khì ê lâng mā m̄ hō͘ in ji̍p--khì.

Faic an caibideil

使徒行傳 11:20

M̄-kú kî-tiong ū chi̍t-kóa Sài-phó͘-lō͘-su kap Kó͘-lī-nāi ê sìn-tô͘ kàu An-thê-o, mā ǹg Hi-la̍h-lâng thoân, tùi in kóng-khí Chú Iâ-so͘ ê hok-im.

Faic an caibideil

使徒行傳 11:26

chhē--tio̍h chiū chhōa i khì An-thê-o. Chiok-chiok chi̍t nî kú, in nn̄g ê kap kàu-hōe ê lâng chū-hōe, kà-sī chin chōe lâng. Bûn-tô͘ kiò-chòe “Ki-tok-tô͘” sī tùi An-thê-o khai-sí.

Faic an caibideil

使徒行傳 11:29

Bûn-tô͘ chiū koat-tēng ta̍k-ê lâng chiàu ka-kī ê lêng-le̍k koan-hiàn, thang sàng-khì chín-chè tòa tī Iû-thài ê sìn-tô͘.

Faic an caibideil

使徒行傳 2:41

Tùi án-ni, niá-siū i ê sìn-sit ê lâng lóng siū sóe-lé; hit-ji̍t sìn-tô͘ tāi-iok ke-thiⁿ saⁿ-chheng lâng.

Faic an caibideil

使徒行傳 2:45

koh bōe ka-sán châi-bu̍t, chiàu ta̍k-ê lâng ê su-iàu pun hō͘ tāi-ke.

Faic an caibideil

使徒行傳 2:47

siōng-chàn Siōng-tè, koh tit-tio̍h chèng-lâng hoaⁿ-hí chiap-la̍p. Chú chiong tit-kiù ê lâng ji̍t-ji̍t ke-thiⁿ hō͘ in.

Faic an caibideil

使徒行傳 4:35

só͘ tit--tio̍h ê chîⁿ the̍h-lâi kau hō͘ sù-tô͘, chiàu ta̍k-ê lâng ê su-iàu hun-phòe.

Faic an caibideil

使徒行傳 4:4

Thiaⁿ-tio̍h sìn-sit--ê ū chin chōe lâng sìn, ta-po͘-lâng ê jîn-sò͘ chha-put-to ū gō͘-chheng.

Faic an caibideil

使徒行傳 5:14

Sìn Chú ê lâng it-ti̍t ke-thiⁿ, lâm--ê lú--ê lóng chin chōe.

Faic an caibideil

使徒行傳 5:28

kóng, “Goán ū giâm-giâm kìm-chí lín m̄-thang hōng chit-ê miâ kà-sī lâng, lín tian-tò chiong chit-ê tō-lí thoân-piàn Iâ-lō͘-sat-léng, siūⁿ-beh chiong lâu chit-ê lâng ê huih ê chek-jīm kui hō͘ goán.”

Faic an caibideil

使徒行傳 6:2

Cha̍p-jī sù-tô͘ chiū tiàu-chi̍p choân-thé bûn-tô͘, tùi in kóng, “Goán chiong soan-káng Siōng-tè sìn-sit ê kang-chok pàng-hē--teh, khì koán hun-phòe ji̍t-siông seng-oa̍h ê su-iàu bô ha̍h.

Faic an caibideil

使徒行傳 6:7

Siōng-tè ê sìn-sit kè-sio̍k thoân-khui; tī Iâ-lō͘-sat-léng bûn-tô͘ ê jîn-sò͘ ke-thiⁿ chin chōe, koh ū chin chōe chè-si mā thiaⁿ-thàn chit-ê sìn-gióng.

Faic an caibideil

使徒行傳 9:29

I mā ū kap kóng Hi-la̍h-gú ê Iû-thài-lâng kóng-ōe piān-lūn, in iáu-kú put-sî kè-bô͘ beh kā i thâi.

Faic an caibideil

使徒行傳 9:39

Pí-tek chiū khí--lâi, kap in chòe-hé khì. I chi̍t-ē kàu-ūi, ū lâng chhōa i khì lâu-téng ê pâng-keng. Só͘-ū ê kóaⁿ-hū lóng ûi tī Pí-tek ê sin-piⁿ thî-khàu, the̍h To-ka siⁿ-chêng chòe ê lāi-saⁿ gōa-saⁿ hō͘ i khòaⁿ.

Faic an caibideil

使徒行傳 9:41

Pí-tek chhun-chhiú kā i hû--khí-lâi, āu-lâi kiò hiah-ê sìn-tô͘ kap kóaⁿ-hū lóng ji̍p--lâi, hō͘ koh oa̍h--khí-lâi ê To-ka kap in kìⁿ-bīn.

Faic an caibideil

Lô-má-su 12:7

ho̍k-sāi ê lâng tio̍h choân-sim ho̍k-sāi; kàu-tō ê lâng tio̍h choân-sim kàu-tō;

Faic an caibideil

哥林多前書 10:10

M̄-thang chhin-chhiūⁿ in tiong-kan ū chi̍t-kóa lâng kóng oàn-giân, soah hō͘ Húi-bia̍t-chiá châu-bia̍t.

Faic an caibideil

哥林多後書 11:22

In sī Hi-pek-lâi-lâng sī--bô? Góa mā-sī. In sī Í-sek-lia̍t-lâng sī--bô? Góa mā-sī. In sī A-pek-la-hán ê kiáⁿ-sun sī--bô? Góa mā-sī.

Faic an caibideil

Sin-bēng-kì 26:12

Ta̍k-piàn kàu tē-saⁿ nî, chiū-sī hōng-hiàn cha̍p-hūn-chi̍t ê nî, tio̍h chiong it-chhè thó͘-sán ê cha̍p-hūn-chi̍t pun hō͘ Lī-bī-lâng, gōa-cho̍k-lâng, kap ko͘-jî kóaⁿ-hū, hō͘ in tī lí ê siâⁿ-tìn thang tit-tio̍h pá-chiok,

Faic an caibideil

Hui-li̍p-pí-su 3:5

Góa chhut-sì tē-poeh ji̍t chiū siū kat-lé, sī Í-sek-lia̍t-lâng, sio̍k Piān-ngá-bín chi-cho̍k, sī sûn-chhùi ê Hi-pek-lâi-lâng. Tùi siú Lu̍t-hoat lâi kóng, góa sio̍k Hoat-lī-sài-phài;

Faic an caibideil

提摩太前書 5:3

Tio̍h chun-tiōng chin-chiàⁿ bô i-óa ê kóaⁿ-hū.

Faic an caibideil

提摩太前書 5:9

Kóaⁿ-hū tio̍h chhiau-kè la̍k-cha̍p hè chiah thang teng-kì; i tio̍h chí-ū kiat-hun chi̍t piàn,

Faic an caibideil

Hi-pek-lâi-su 13:1

Tio̍h kè-sio̍k saⁿ-chhin saⁿ-thiàⁿ.

Faic an caibideil

Ngá-kok-su 1:27

Chiàu-kò͘ khó͘-lān tiong ê ko͘-jî kóaⁿ-hū, koh pó-siú ka-kī bô jiám-tio̍h sè-sio̍k ê hú-pāi, tùi Pē Siōng-tè khòaⁿ--khí-lâi, che chiah sī sûn-choân bô khoat-tiám ê kèng-khiân.

Faic an caibideil

Ngá-kok-su 4:5

Sèng-keng kóng, “Siōng-tè chhim-chhim ì-ài I khǹg tī lán lāi-bīn ê Sîn”, lín siūⁿ Sèng-keng só͘ siá chit-kù ōe bô ì-sù sī--bô?

Faic an caibideil

Ngá-kok-su 5:9

Hiaⁿ-tī chí-bē, m̄-thang hō͘-siōng bâi-oàn, chiah bián siū Siōng-tè sím-phòaⁿ. Lín khòaⁿ, Sím-phòaⁿ-chiá khiā tī mn̂g-kháu lah.

Faic an caibideil

Lean sinn:

Ceanglaichean taic

Sanasan

Sanasan