使徒行傳 27:6 - 現代台語譯本羅馬字版

⁶ Tī hia, kun-koaⁿ Iû-liû chhē-tio̍h chi̍t chiah tùi A-le̍k-san-tāi lâi ê chûn beh khui-khì Ì-tāi-lī, chiū kiò goán chiūⁿ hit-chiah chûn.

現代台語譯本漢字版

⁶ 佇遐，軍官猶流尋著一隻對亞歷山大來的船欲開去意大利，就叫阮上彼隻船。

使徒行傳 27:6 Iomraidhean Croise

使徒行傳 18:2

I tī hia tú-tio̍h chi̍t ê tī Pún-to͘ chhut-sì ê Iû-thài-lâng, miâ kiò A-ku-la, chòe-kūn chiah kap i ê bó͘ Pek-ki-la tùi Ì-tāi-lī lâi, in-ūi hông-tè Khek-lô-tē ū bēng-lēng só͘-ū ê Iû-thài-lâng lóng lī-khui Lô-má. Pó-lô khì chhē in,

使徒行傳 18:24

Ū chi̍t ê tī A-le̍k-san-tāi chhut-sì ê Iû-thài-lâng, kiò-chòe A-pho-lô, lâi kàu Í-hut-só͘; i ū chin hó ê kháu-châi, tùi Sèng-keng mā cheng-thong.

使徒行傳 27:1

Hui-su-to͘ í-keng koat-tēng goán tio̍h chē-chûn khì Ì-tāi-lī, in chiū chiong Pó-lô kap kî-tha ê hoān-lâng kau hō͘ hông-ka kìm-ōe-kun chi̍t ê miâ kiò Iû-liû ê kun-koaⁿ.

使徒行傳 28:11

Saⁿ ge̍h-ji̍t āu, goán chē tùi A-le̍k-san-tāi lâi, miâ kiò-chòe “Siang-siⁿ-á-sîn” ê chûn chhut-hoat. Chit-chiah chûn tú tī chit-ê tó-sū kè tang-thiⁿ.

使徒行傳 6:9

Put-kò ū chi̍t-kóa lâng khí-lâi kap Sū-thê-hoán piān-lūn, in sī tùi Kó͘-lī-nāi kap A-le̍k-san-tāi lâi, sio̍k “Chū-iû-jîn” hōe-tn̂g ê hōe-oân, í-ki̍p tùi Ki-lī-ka kap A-sè-a lâi ê lâng.