Bìoball air-loidhne

使徒行傳 24:26 - 現代台語譯本羅馬字版

²⁶ Siâng-sî i mā ū teh kî-thāi Pó-lô ōe sàng-chîⁿ hō͘ i, só͘-í siông-siông kiò Pó-lô chhut--lâi, kap i tâm-lūn.

Faic an caibideil Dèan lethbhreac

現代台語譯本漢字版

²⁶ 像時伊嘛有啲期待保羅會送錢互伊，所以常常叫保羅出來，及伊談論。

Faic an caibideil Dèan lethbhreac

dol air ais ⬆

使徒行傳 24:26
29 Iomraidhean Croise

歷代志下卷 19:7

Taⁿ lín tio̍h kiaⁿ-ùi Siōng Chú, kín-sīn pān-sū, in-ūi Siōng Chú — lán ê Siōng-tè bô iông-ún put-gī, bô phian-thán, bô siu hóe-lō͘.”

Faic an caibideil

Iok-pek-kì 15:34

Bô kèng-ùi Siōng-tè ê cho̍k-lūi it-tēng bô hō͘-tāi; khò hóe-lō͘ khí-chō ê chhù-the̍h ōe hō͘ hé sio--khì.

Faic an caibideil

出埃及記 23:8

M̄-thang siu hóe-lō͘, in-ūi hóe-lō͘ ōe hō͘ ba̍k-kim ê lâng pìⁿ-chòe chhiⁿ-mî, koh ōe oai-khiok chèng-ti̍t ê lâng ê chèng-sû.

Faic an caibideil

Chim-giân 17:23

Pháiⁿ-lâng àm-tiong siu hóe-lō͘, ōe hō͘ phòaⁿ-koat sit-khì kong-chèng.

Faic an caibideil

Chim-giân 17:8

Hóe-lō͘, sàng ê lâng khòaⁿ-chòe pó-chio̍h, ta̍k-tiâu lō͘ lóng kiâⁿ ōe thong.

Faic an caibideil

Chim-giân 19:6

Ū-koân--ê, lâng-lâng kā i phô͘-tháⁿ; khóng-khài--ê, lâng-lâng chòe i ê pêng-iú.

Faic an caibideil

Chim-giân 29:4

Ông si-hêng kong-gī, kok chiū ún-kò͘; kiông siu hóe-lō͘, kok chiū bia̍t-bông.

Faic an caibideil

Í-sài-a-su 1:23

Lí ê koaⁿ-tiúⁿ pōe-poān, pìⁿ-chòe chha̍t ê tâng-phōaⁿ; in lóng ài siu hóe-lō͘, sì-kòe iau-kiû lâng sàng-lé. In bô ūi ko͘-jî chú-chhî kong-tō; kóaⁿ-hū ê khòng-sò͘, in m̄ chhap.

Faic an caibideil

Í-sài-a-su 33:15

Hiah-ê hêng-ûi kong-gī, kóng-ōe chèng-ti̍t, iàm-ò͘ⁿ khi-ap tit--lâi ê châi-lī, iô-chhiú kū-choa̍t hóe-lō͘, that hī-khang m̄ thiaⁿ hāi-lâng ê kè-bô͘, ng ba̍k-chiu bô khòaⁿ siâ-ok,

Faic an caibideil

Í-sài-a-su 56:11

In lóng sī tham-chia̍h ê káu, kui-ji̍t chia̍h bōe pá. Chiah-ê bo̍k-chiá bô tì-sek; ta̍k-ê lâng kiâⁿ ka-kī ê lō͘, tui-kiû ka-kī ê lī-ek.

Faic an caibideil

Í-se-kiat-su 22:27

In ê léng-siù chhin-chhiūⁿ chhâi-lông lia̍h la̍h-bu̍t thiah-li̍h in; in ūi-tio̍h beh tit-tio̍h put-gī-chi-châi thâi-lâng chhú lâng ê sìⁿ-miā.

Faic an caibideil

Í-se-kiat-su 33:31

In kui-tīn chòe-hé lâi, chhin-chhiūⁿ beh lâi chū-hōe, chē tī lí ê bīn-chêng, ká-ná sī góa ê chú-bîn. In thiaⁿ sī thiaⁿ, m̄-kú bô khì kiâⁿ. In ê chhùi lóng teh kiông-tiau thiàⁿ, m̄-kú in ê sim teh siūⁿ put-gī-chi-châi.

Faic an caibideil

Hô-se-a-su 4:18

In lim kah chùi-bâng-bâng koh kè-sio̍k kiâⁿ-îm; in ài kiàn-siàu, bô ài êng-ū.

Faic an caibideil

Bí-ka-su 3:11

Lín ê siú-léng sím-phòaⁿ ê sî siu hóe-lō͘, chè-si ūi-tio̍h kang-chîⁿ kà-sī, sian-ti ūi-tio̍h chîⁿ kóe-seh Siōng-tè ê chí-sī; in kèng-jiân káⁿ hōng Siōng Chú ê miâ kóng, “Siōng Chú tī lán tiong-kan, chai-hō bōe lîm-kàu lán.”

Faic an caibideil

Bí-ka-su 7:3

In ê chhiú choan chòe pháiⁿ-tāi, tāi-sîn kap sím-phòaⁿ-koaⁿ thó hóe-lō͘, koaⁿ-oân kong-jiân iau-kiû in só͘ ài--ê; in hō͘-siōng kau-kiat, kè-bô͘ chòe pháiⁿ.

Faic an caibideil

馬太福音 17:3

Hut-jiân-kan, Mô͘-se kap Í-lī-a tùi in hián-hiān, kap Iâ-so͘ kóng-ōe.

Faic an caibideil

使徒行傳 24:17

“Góa lī-khui Iâ-lō͘-sat-léng kúi-nā nî āu koh tńg--khì, sī the̍h chi̍t-kóa chîⁿ beh khì kiù-chè tông-pau, koh hiàn chè-mi̍h.

Faic an caibideil

哥林多前書 6:9

Kiám m̄ chai put-gī ê lâng bōe-tàng chòe Siōng-tè-kok ê chú-bîn? M̄-thang phiàn ka-kī; bô-lūn sī îm-loān--ê, pài ngó͘-siōng--ê, choh lâm-chhiong--ê, hò͘ⁿ lâm-sek--ê,

Faic an caibideil

Sin-bēng-kì 16:19

Lín sím-phòaⁿ m̄-thang tian-tò sī-hui, m̄-thang phian-thán, mā m̄-thang chiap-siū hóe-lō͘; in-ūi hóe-lō͘ ōe hō͘ tì-hūi ê lâng pìⁿ-chòe chhiⁿ-mî, koh ōe oai-khiok chèng-ti̍t ê lâng ê chèng-sû.

Faic an caibideil

Pí-tek Hō͘-su 2:3

Chiah-ê ké kàu-su in-ūi tham-sim, ōe ēng liap-chō ê kò͘-sū pián lín ê châi-bu̍t. Tùi chit-khoán lâng ê tēng-chōe chá chiū koat-tēng; in chin kín chiū bia̍t-bông.

Faic an caibideil

撒母耳記上卷 12:3

Góa tī chia. Lín tio̍h tī Siōng Chú kap I só͘ soán-li̍p ê ông bīn-chêng choh-chèng. Góa kiám bat chhiúⁿ lâng ê gû, toa̍t lâng ê lû? Bat khi-hū siáⁿ-lâng, ap-chè siáⁿ-lâng? Bat kā lâng siu hóe-lō͘ chòe bô kong-pêng ê chhâi-koat? Nā ū, góa lóng beh hêng lín.”

Faic an caibideil

撒母耳記上卷 8:3

M̄-kú in bô o̍h in lāu-pē ê bô͘-iūⁿ; in tham put-gī-chi-châi, siu hóe-lō͘, bô chiàu kong-tō chhâi-koat.

Faic an caibideil

Lean sinn:

Ceanglaichean taic

Sanasan

Sanasan