Bìoball air-loidhne

使徒行傳 2:17 - 現代台語譯本羅馬字版

¹⁷ Siōng-tè kóng: Tī chiong-boa̍t ê ji̍t-chí, Góa beh chiong góa ê Sîn piàⁿ lo̍h-khì hō͘ só͘-ū ê lâng. Lín ê kiáⁿ, cha-bó͘-kiáⁿ ōe kóng ū-giân; lín ê siàu-liân-lâng ōe khòaⁿ-kìⁿ īⁿ-siōng; lín ê lāu-lâng ōe choh-bāng.

Faic an caibideil Dèan lethbhreac

現代台語譯本漢字版

¹⁷ 上帝講：佇終末的日子，我欲將我的神摒落去互所有的人。恁的子，查某子會講預言；恁的少年人會看見異象；恁的老人會作夢。

Faic an caibideil Dèan lethbhreac

dol air ais ⬆

使徒行傳 2:17
38 Iomraidhean Croise

Chhòng-sè-kì 49:1

Ngá-kok kiò i só͘-ū ê kiáⁿ lâi, kóng, “Lín lóng chū-chi̍p óa--lâi, góa beh chiong lín í-āu ōe tú--tio̍h ê sū kā lín kóng:

Faic an caibideil

Chhòng-sè-kì 6:12

Siōng-tè khòaⁿ sè-kài lóng pāi-hoāi, in-ūi lâng tī sè-kan ê kiâⁿ-chòe siâ-ok.

Faic an caibideil

Si-phian 65:2

Thiaⁿ kî-tó ê Chú ah, choân jîn-lūi lóng beh chiū-kūn lí.

Faic an caibideil

Si-phian 72:6

Goān ông chhin-chhiūⁿ hō͘-chúi lo̍h tī chháu koah-liáu ê hn̂g, chhin-chhiūⁿ ki̍p-sî ê hō͘-chúi lūn-te̍k thó͘-tōe.

Faic an caibideil

Chim-giân 1:23

Góa chek-pī lín, lín nā thiaⁿ-thàn, góa beh tùi lín thò͘-lō͘ góa ê sim-ì, hō͘ lín bêng-pe̍k góa ê ōe.

Faic an caibideil

Í-sài-a-su 2:2

Tī chiong-lâi ê ji̍t-chí, Siōng Chú sèng-tiān ê soaⁿ ōe kian-li̍p tī chèng-soaⁿ ê téng-bīn, pí lóng-chóng ê soaⁿ-niá khah koân; bān-kok lóng ōe ek óa-lâi kui I.

Faic an caibideil

Í-sài-a-su 40:5

Hit-sî, Siōng Chú ê êng-iāu ōe chhut-hiān; choân jîn-lūi lóng ōe khòaⁿ--kìⁿ. Siōng Chú chhin-chhùi án-ni soan-pò͘.”

Faic an caibideil

Í-sài-a-su 44:3

Góa beh piàⁿ-lo̍h chúi hō͘ chhùi-ta ê tōe; góa beh hō͘ ta-sò ê tōe ū khoe-chúi teh lâu. Góa beh chiong góa ê sîn piàⁿ hō͘ lí ê hō͘-tāi, beh sù hok-khì hō͘ lí ê kiáⁿ-sun.

Faic an caibideil

Í-sài-a-su 49:26

Góa beh hō͘ ap-pek lí ê lâng chia̍h in ka-kī ê bah, lim ka-kī ê huih, chhin-chhiūⁿ lim sin-chiú lim kah chùi. Án-ni, choân jîn-lūi chiū ōe chai: Góa Siōng Chú sī lí ê Kiù-chú, lí ê Kiù-sio̍k-chú, sī Í-sek-lia̍t ê Tāi-lêng-chiá.

Faic an caibideil

Í-sài-a-su 66:23

Múi ge̍h ê chhoe-it kap ta̍k-ê An-hioh-ji̍t, só͘-ū ê lâng lóng ōe lâi góa bīn-chêng kèng-pài góa. Siōng Chú án-ni soan-pò͘.

Faic an caibideil

Í-se-kiat-su 11:19

Góa beh hō͘ in ha̍p-it ê sim, chiong sin ê sîn khǹg tī in lāi-bīn. Góa beh tùi in ê seng-khu tû-khì chhin-chhiūⁿ chio̍h-thâu hiah-ni̍h tēng ê sim, koh siúⁿ-sù in chhin-chhiūⁿ bah hiah-ni̍h nńg ê sim.

Faic an caibideil

Í-se-kiat-su 39:29

Góa beh chiong góa ê sîn piàⁿ-lo̍h hō͘ Í-sek-lia̍t-lâng, bōe koh oa̍t-tńg-sin bô khòaⁿ-kò͘ in.” Chì-koân ê Siōng Chú án-ni soan-pò͘.

Faic an caibideil

Tān-í-lí-su 10:14

Hiān-chāi góa lâi sī beh hō͘ lí bêng-pe̍k lí ê tông-pau í-āu ōe tú--tio̍h ê sū; che sī koan-hē beh lâi ê sî-kî ê īⁿ-siōng.”

Faic an caibideil

Hô-se-a-su 3:5

Āu-lâi Í-sek-lia̍t-lâng ōe koh tńg-lâi kui-sio̍k Siōng Chú — in ê Siōng-tè, hôe-ho̍k Tāi-pi̍t ê ông-tiâu; tī chiong-lâi ê ji̍t-chí, in ōe kèng-ùi Siōng Chú, niá-siū I hong-sēng ê un-hūi.

Faic an caibideil

Bí-ka-su 4:1

Tī chiong-lâi ê ji̍t-chí, Siōng Chú sèng-tiān ê soaⁿ ōe kian-li̍p tī chèng-soaⁿ ê téng-bīn, pí lóng-chóng ê soaⁿ-niá khah koân; bān-bîn lóng ōe ek óa-lâi kui I.

Faic an caibideil

Sat-ka-lī-a-su 12:10

“Góa beh chiong lîn-bín kap kî-kiû ê sîn piàⁿ-lo̍h hō͘ Tāi-pi̍t ê hō͘-tāi kap Iâ-lō͘-sat-léng ê chū-bîn; in beh gióng-bōng góa, chiū-sī in chha̍k--sí hit-ūi; koh beh ūi-tio̍h i ai-khàu, chhin-chhiūⁿ lâng ūi-tio̍h ko͘-kiáⁿ ai-khàu; koh ūi-tio̍h i iu-khó͘, chhin-chhiūⁿ lâng ūi-tio̍h sit-lo̍h tōa-kiáⁿ iu-khó͘.

Faic an caibideil

Sat-ka-lī-a-su 2:13

Só͘-ū ê lâng tī Siōng Chú bīn-chêng lóng tio̍h siok-chēng, in-ūi Siōng Chú tùi I ê sèng-só͘ khiā--chhut-lâi.

Faic an caibideil

Lō͘-ka Hok-im 3:6

Bān-bîn lóng ōe khòaⁿ-kìⁿ Siōng-tè ê chín-kiù.

Faic an caibideil

Iok-hān Hok-im 17:2

Lí ū chiong thóng-tī bān-bîn ê koân-pèng sù hō͘ Kiáⁿ, hō͘ I thang chiong éng-oán ê oa̍h-miā sù hō͘ it-chhè lí kau-tài I ê lâng.

Faic an caibideil

Iok-hān Hok-im 7:39

Iâ-so͘ án-ni kóng sī chí sìn I ê lâng teh-beh niá-siū ê Sèng Sîn. Hit-sî, Siōng-tè iáu-bē sù Sèng Sîn, in-ūi Iâ-so͘ iáu-bē tit-tio̍h êng-kng.

Faic an caibideil

使徒行傳 10:45

Kap Pí-tek tùi Iok-phà chòe-hé lâi hiah-ê siū kat-lé ê sìn-tô͘ lóng tōa tio̍h-kiaⁿ, in-ūi Sèng Sîn ê un-sù mā ū piàⁿ-lo̍h tī Gōa-pang-lâng ê sin-chiūⁿ;

Faic an caibideil

使徒行傳 11:27

Hit-sî, ū kúi-nā ê sian-ti tùi Iâ-lō͘-sat-léng lo̍h-khì An-thê-o.

Faic an caibideil

使徒行傳 11:28

Kî-tiong chi̍t ê miâ kiò-chòe A-ka-pò͘; i tit-tio̍h Sèng Sîn ê chí-sī, khiā khí-lâi ū-giân kóng choân sè-kài teh-beh ū tōa ki-hng. Chit-ê tāi-chì tī Khek-lô-tē thóng-tī ê nî-kan kó-jiân hoat-seng.

Faic an caibideil

使徒行傳 2:16

Kî-si̍t che chiū-sī sian-ti Iok-ní só͘ kóng--ê.

Faic an caibideil

使徒行傳 2:18

Koh tī hiah-ê ji̍t, góa mā beh chiong góa ê Sîn piàⁿ lo̍h-khì hō͘ góa ê po̍k-jîn kap lú-pī; in ōe kóng ū-giân.

Faic an caibideil

使徒行傳 2:33

I í-keng siū ko-seng kàu Siōng-tè ê chiàⁿ-pêng, koh tùi Pē niá-siū só͘ èng-ún ê Sèng Sîn, I hiān-chāi chiong chit-ūi Sèng Sîn piàⁿ lo̍h-lâi hō͘ goán, chiū-sī lín hiān-chāi só͘ khòaⁿ--kìⁿ koh thiaⁿ--kìⁿ-ê.

Faic an caibideil

使徒行傳 21:9

I ū sì ê iáu-bē kiat-hun ê cha-bó͘-kiáⁿ, lóng chòe sian-ti ōe kóng ū-giân.

Faic an caibideil

Lô-má-su 5:5

ǹg-bāng bōe tì-kàu kiàn-siàu, in-ūi Siōng-tè thong-kè sù hō͘ lán ê Sèng Sîn chiong I ê thiàⁿ koàn-ji̍p lán ê sim.

Faic an caibideil

哥林多前書 12:10

ū lâng tit-tio̍h kiâⁿ sîn-jiah ê un-sù; ū lâng tit-tio̍h thoân Siōng-tè sìn-sit ê un-sù; ū lâng tit-tio̍h hun-piān Siōng-tè ê Sîn kap pa̍t-ê sîn ê un-sù; ū lâng tit-tio̍h kóng lêng-gú ê un-sù; ū lâng tit-tio̍h kóe-seh lêng-gú ê un-sù.

Faic an caibideil

哥林多前書 12:28

Siōng-tè tī kàu-hōe só͘ an-tì--ê, tē-it sī sù-tô͘, tē-jī sī sian-ti, tē-saⁿ sī kàu-su, koh ū kiâⁿ sîn-jiah--ê, koh ū i-pīⁿ un-sù--ê, pang-chān lâng--ê, koán-lí sū-bū--ê, kóng ta̍k-khoán lêng-gú--ê.

Faic an caibideil

Hi-pek-lâi-su 1:2

m̄-kú tī chiong-boa̍t ê ji̍t-chí, thong-kè I ê Kiáⁿ tùi lán kóng-ōe. Siōng-tè ū chí-tēng I choh bān-iú ê kè-sêng-jîn, koh ū thong-kè I chhòng-chō ú-tiū.

Faic an caibideil

Ngá-kok-su 5:3

Lín ê kim, gûn siⁿ-sian, chiah-ê sian ōe chiâⁿ-chòe khòng-kò lín ê chèng-kù, koh ōe chhin-chhiūⁿ hé sio-bia̍t lín ê seng-khu. Lín ūi-tio̍h chiong-boa̍t ê ji̍t-chí chek-chū chîⁿ-châi.

Faic an caibideil

Pí-tek Hō͘-su 3:3

Siōng iàu-kín--ê, lín tio̍h chai, tī chiong-boa̍t ê ji̍t-chí ū chi̍t-kóa thàn su-io̍k seng-oa̍h ê lâng ōe chhut-hiān, kā lín thí-chhiò

Faic an caibideil

Lean sinn:

Ceanglaichean taic

Sanasan

Sanasan